رواد الحقيبة كانوا عارفين أن الحقيبة زجل؟-نعم! - إذاً لماذا لم يقولو لنا؟! توجد إجابة!

Quote: يا أخونا محمد صديق.. كلامك كتير وكلو برا الموضوع.. وتقييم ذاتي. لا أزكي نفسي ولن أرد على إتهامات شخصية.. من المحتمل أنني نرجسي وفي النفس عيوب كتيرة كلو وارد.. ربنا يشفيني أدعو معاي في صلاتك.. وانت رجل صوفي متواضع همك الحقيقة والوطن والله.. انا لا أعرفك كي أحكم عليك إلا من عكك الكتير في البوست دا.. واللي ما عندو علاقة بموضوع البوست. لم أستفد شيء من عكك.. بس ضيعت زمني وزمن الناس.. المادة المقارنة المنشورة هنا عمرها أكتر من خمس سنوات ما عدا عنوان البوست وموضوعه.. عكك ضياع للزمن ليس إلا وحرف للبوست وشخصنة غير مفيدة.. أتمنى أن تتوقف.. أو تفتح بوست خاص بيك تحت أي عنوان شايفو أنا موافق.. مثلاً: النرجسي محب الشهرة والإشتهار مخرب التراث الكلب الحمار .. دا عنوان مقترح .. انا موافق.. أو الشخص الجاهل بالبحوس يبحث ويكوس ونحن له بالفؤوس.. برضو عنوان زابط. بس كفاك هنا. ملاحظة عامة (لست في جدل معاكل) الأخ دا بقول علي متنمِّر.. كيف يعني.. وهو جاء برجليه يهاجمني ويحرف بوستاتي.. وأنا لم أتداخل معه و لا مرة واحد في بوست له ولم أطارده يوماً ولا أعرفه ابداً ولم أسمع به (وهو كذلك) منذ المهد حتى تاريخ هذا البوست.. يعني عرفته في شهر 9 الفات "شهرين".. وهو مدة الشهرين أستطاع أن يقيم الأشخاص والبحوث "كدا" بس .. وانا ما زعلان منه ولن أزعل منه لانه لا يهمني في شئ غير أنه مضيع زمني وزمن القراء. التنمر هو أن تلاحق الناس الما عندهم معاك شغلة في بوستاتهم وتخربها ليهم. سايب الموضوع ومهتم بشخصه الجليل وشخصي المليل. مرة قال في زول ساب ليه البورد دا.. أفتكر دا زول عاقل وود حلال وشايف زمنه.. تحيه له في غيابه الأزلي. أخ محمد صديق.. لن أرد عليك وأعتبرك مخرب من تجربة هذا البوست وبوست القواعد.. حاول افتح بوست حقك بالموضوع.. وتسهيلاً لمهمتك أفتح البوست وجيب رابطه هنا عشرة مرات عشان الناس الراغبة تتابعك هناك.. دا بوستي وعندي ليه خطة وجدول زمني وما عايزك فيه بعد إذنك.. كفاك.. أرجو أن تحترم هذه الرغبة البسيطة أو تعال راجع بعد ما أنتهي من خطة البوست بالكامل "أظنه أيضاً إقتراح معقول"!

(عدل بواسطة محمد جمال الدين on 12-05-2022, 06:16 AM)