رواد الحقيبة كانوا عارفين أن الحقيبة زجل؟-نعم! - إذاً لماذا لم يقولو لنا؟! توجد إجابة!

Quote: سلام للجميعوالله ده من أغرب البوستات التابعتها في المكان ده ... و ممكن نستخلص منو سبب من أسباب عدم شددان حيل البلد و ليه مافي شي فيها ماشي لقدام !محمد جمال ده ليهو سنينا عددا شغال في القصة دي و أنا كنت و ما زلت متابع بل قبل سنتين أو أكتر فتحت ليه بوست في فيسبوك منتقدا و معارضا لخلاصات نقدو للحقيبة ... لكن ده ما بمنع إنو في شبهات تستحق البحث فيما أورد .. ولا بمنع الجهد الخرافي البذلو في الموضوع ... و غني عن القول إنو زي ما من حقو يكتب ما يشاء وفق قناعاتو ... من حق أي زول يعارضو و ينتقدو ... لكن قصة الشخصنة و تحويل الموضوع لمحمد جمال في عضمو و نقول إنو ساعي للشهرة ما للحقيقة و إنو جاهل و ما باحث و ما إليه من النعوت و من ثم الشتايم و المنابيذ، بفتكر انها حاجة ما بتليق بناس عاقلين ناهيك عن متعلمين و واضح إنو عندهم علم الناس المتابعة - بل محمد جمال نفسو - ممكن يستفيد منو و نمشي لقدام !!بقترح - لو كل الأطراف ما عندها مانع - نفتح صفحة جديدة و نخلي محمد جمال يصل لخلاصاتو في البوست، بعداك ممكن الناس تسأل بصورة محترمة و يرد عليهم بصورة محترمة ... و ما مطلوب الناس تتفق على رأي المطلوب النقاش يمشي لقدام و الناس تستفيد و أظن إنو دي غاية كل الأطراف.إقتراحي ده من باب العشم ليس إلا!

(عدل بواسطة محمد صديق عبد الله on 10-26-2022, 04:49 PM)