|
Re: اللخو أردول الفيك بدربو وشوف عوجة رقبتك (Re: طلحة عبدالله)
|
الكلام المقتبس فوق دا كتبه اللخو أردول في تويتر طيب سيبك من تقييمك لابراهيم الشيخ فدي ظاهرة منتشرة أي زول يقيم أي زول أمسك مثلا الكائن الاسمو معمر موسى يقيم مثلا مفكرين وقامات أدبية زي الطيب صالح وطه حسين وطرابيشي ومشجع بكتب في ما يسمى بالصحافة الرياضة خريج إبتدائي يقيم بروف في قامة الخبير كمال شداد وحسين ملاسي يقيم الدكتور حمدوك وكمان يسخر منو متظارفا في سماجة يحسده عليها الكأئن الاسمو منو كدا هشام الشواني وصديقنا ضياء الدين بلال يقيم دولة مؤسسات زي امريكا ويضحك على الأخطاء الساذجة التى يرتكبها رئيسها ووزرائها ههههههه وقونة زي عشة الجبل تقيم فنان زي عصام محمد نور ومبدع مثل سيف الجامعة الخ الخ الخ وسيبك برضو من الأربع خمس شولات الرميتا ساي دي قبل ما تقول مبروووووك لابراهيم الشيخ سيك من كل دا وتعال نقول ليك البصلح البلد بالجد شنو البصلحها أن تتخلص أنت وأمثالك من عقدة الدونية الراكباك دي والبتخليك ترمى الآخرين بالعنصرية لمجرد أختلافهم معاك في الرأي وأحيانا ربما أن ضحكتهم لم تعجبك. البصلحها التجرد ونكران الذات والعمل للمصلحة العامة وليس لمناصب ومأكلات ومصالح خاصة . البصلحها صفاء النوايا والخوف من الله وأن يتذكر الناس ان الدنيا زائلة وهناك موت يتربص بهم وهو أقرب اليهم من حبل الوريد ويمكن أن ياتيهم في عفصة عربية أو لدغة عقرب أو توقف مفاجىء لنبضات القلب في عز النوم . البصلحها حاجات كتيرة تجسد القيم والمبادىء والأخلاق والصدق مع النفس قبل الآخرين . البصلحها أن ترى أنت وأمثالك أن الوطن للجميع وأنه اذا اختلف معك احد فلا يعنى أنه يتعنصر عليك كما تتوهم .. الفيك بدربو يا اللخو فلازم تتخلص من العندك وتتعافى من عقدك وتصفى النية وصدقني البلد ح تتصلح وتمشى الفجة العايزا اي سوداني مخلص وبحب بلدو. لكن طالما استمريت أنت تنعت الآخرين بالعنصرية وتتحامى بالقبلية والجهوية لمجرد أوهام معششة في رويسك الفاضي دا فصدقني الرماد ح يستمر يكيل حماد البلد إلى يوم يبعثون. بلاش قلاصة معاك .
| |
|
|
|
|
|
|
Re: اللخو أردول الفيك بدربو وشوف عوجة رقبتك (Re: طلحة عبدالله)
|
حبيبنا طلحة .. تحياتي يا جميل معليش الموضوع يخص اردول كيف يشعر بالدونية ترجمة اسمه بالنوبية (الملك العظيم) وخارج الموضوع أريد ان اشير الى شيء معين عن اردول ومولانا التاج الحبيب طلحة نحن من طبعا نبحث عن اشياء للتهكم والتعليق ... الخ الخرز المربوط في عنق أردول مثار للتعليق دائما بمجرد ظهوره في التلفزيون ونحن من الجيل القديم شوية وكذلك شعر مولانا التاج .. لو فنانين معليش بالنسبة لي عادي ما في شيء ولكن عامة الناس وأنا سمعت كثير في جلساتنا الشخصية السياسية في السودان لازم يضع في اعتباره اشياء معينة لأن مجتمعنا لا يرحم
تحياتي الحبيب طلحة بالنسبة لي حرية شخصية ولكن ملاحظات أهلنا الطيبين كمان مهمة
| |
|
|
|
|
|
|
Re: اللخو أردول الفيك بدربو وشوف عوجة رقبتك (Re: علي عبدالوهاب عثمان)
|
يا هلا حبيبنا الطيب على عبد الوهاب بالنسبة للخرز والشعر وما الي ذلك فدي حاجة بتخصه هو وشخصيا ما شايف فيها اية حاجة ولا يمكن أن اتناولها بالنقد الساخر والمتهكم سواء في أردول أو غيره بالنسبة للدونية التى يشعر بها اللخو أردول فدا استنتاج من عندي لأنو قاعد يلوك في مفردة العنصرية دي ويرميها في وش أي زول يختلف معاه وبالنسبة لي دي عنصرية منو هو لكن بس الكلمة القبيحة دي المفروص ما تتقال ساي كدا زيها وزي التكفير . تحياتي .
| |
|
|
|
|
|
|
Re: اللخو أردول الفيك بدربو وشوف عوجة رقبتك (Re: أيمن محمود)
|
يا مراحب أيمن بس دا ما مبرر يخليهو يرمى بيها الناس كضب وصاح كما ان جريان هذه الكملة البغيضة على الألسن سيجعلها شائعة وسط المجتمع وبالتالي سيتم تبادل الاتهامات بين أبناء الوطن الوحد وتسود الخلافات والانشقاقات جراء القلبية والجهوية وكل زول يتهم التاني بأنه عنصري .. يعنى مثلا أنا لو في زول شايفني عنصري وقاعد يجاهر لي بى كدا طوالي بشوفو هو العنصري .. شنو مثلا البخليني أنا عنصري وهو ما عنصري العنصرية دي ما شرط يقولوها ليك زول شايفك انت عنصري معناها هو عنصري في نفسو ما في تفسير تاني صحيح انو القلوب مليانة بالغبن والاحساس بالظلم كله يتهم كله وما لم يتم تحكيم العقل فالبلد كلها تصبح عنصريين كلو ضد بعضو وبعد شوية أي زول ينادي بالإنفصال ويتمزق البلد أكتر مما هو ممزق المشكلة في اللخو أردول دا انو شايل الكلمة دي فزاعة للإرهاب الفكري يا اما هو يا اما الآخر عنصري . ودا تقريبا الاكتشفوه الناس أخيرا .
| |
|
|
|
|
|
|
|