"أنا يخيفني الناس الواثقون من آرائهم"

كلا يا صديقي الحيدر، وأنت ضرغامٌ ،فلا خوفٌ عيلك
و لا تحزن، كلا والله, ما يخزيك الله أبداً, إنك لتُشمِّت العاطسَ وتصِلُ
الرَّحِمَ , وتحملُ الكلَّ, و تُكسِبُ المعدومَ, وتُقري الضيفَ, وتعُينُ على
نوائبَ الدَّهرِِ ولا تغمطُ الحقَّ و ولا تبخسُا لنَّاسَ أشياءَهم .
*وقبل أن نوغل برفق ، و عميقاً في مضابط و تفريعات
محاورك الموجزة عاليه ،نود التنويه بصفةٍ عامة ٍ إلى ظاهرةٍ
باتت تؤرقنا من قبل فئتين باغيتين على طرفَ] نقيضٍ. ألاوهي
أن كلاهما تتخذ من دين الله ملكاً خاصاً و حااكورةً موروثة لديها
حصرياًمن أبيها، و أبي أهلها كمان كابراً عن كابرٍ، كما يدَّعون.
© إذن ، دعونا لنستمع لهذا الجدال للبيزنطي الفارغ
العقيم و الشيق في ذات الوقت للمفارقة، ثم لنحكم بأنفسنا؛
بعنوان: ("الضربة_القاضية ضد الخصم" إذ يقول لي أحدُ السلفيين :
دخلت المسجد؛ و بعد الصلاة داير انصح . قام واحد من المتصوفة- خاصة
في ظل معمعة مبادرتهم المهببة الليام دي مع تيس الحلبة عاملين غلبة ، وهم
يمارسون نوعاً من" الإخصاء" الفكري لمن سواهم-عمومن ماعلينا، يقول الأخ
الصلفي- و شيخهم التَّفاف راكب نفس الموجة هو الآخر ولايقلُّ أسفافاً- قال قام:
المقدم و راح آخذاً بتلابيبي مقبقني و قاللي: داير تتكلم في شنو يازول؟ هههه
قلتلو و بكل برود جنس إنقليزي : في التوحيد طبعاً يا عمك فيها حاجة دي؟!.
*قال لي: هسع هنا أنت شايف ليك زولن مشركن هنا!؟ طبعن بي نهرة
و قومة نفَس، وشعور بنشوة الانتصار وكأنما طبظ عين الشيطان ففقأها!
*قلت الناخدو العبيط داعلى قدر مخو الرايب: طيب يا عمو بس لو سمحت
ظروفك داير تخليني اتكلم في شنو ياخ؟!ما عندي مانع اختار لي موضوع
طبعا دا سوأل مفخخ!؟قال لي: خلاس، اتكلم في الطهارة مسلن ! قلتلو: لكن
يا عمك شايف ليك زولن قاعد موهط" اجعابو" في الجامع دا وبي نجاستو!؟
لو في زول "خريان" هنا في لباسو بس توريني ياهو نجرو برة يغتسل و يجي!
صاحبنا"ظرط"لسانو مع ريقو ناشف، واتلخبت عليه اللختساسات لخبتة شديدي
خلاس لامن انا ضحكت براي بي صوت عالي و الجاعة زاتن قررر عليهو
‏و صاحبنا و الله حالتو بقت تحنن برا محلبية و لا سرتية ‏. المهم وكت حسيت بي
شوكتو أنكسرت قلت ليهو :خلاس يا عمو عشان خاطرك حا اتكلم في الطهارة
فسراع فسراع كدي و أخش في موضوعي والحمد لله كلنا طاهرين و موحدين
بس مذاكرة سريعة كدي و الموضوع ما خطير يا عمك. ‏يلا، وتوشك خشيت
لك في موضوع التوحيد. و أديت ليك المتصوفة بالحتة الفوقا الحديدة!!
*حاشية لا بد منها: بطبيعة الحال و اتگاءاً علي مبدأ أن
"كل حزبٍ بما ليديهم طربون". فقد رأينا كيف كان لگل محاور
(لَبِقٍ) جمهرة من رجرجةٍ و دهماءَ ، و قد هبوا خفافاً و ثِقَالاً، لنصرة
(أخيه مسواء، ظالماً ومظلوماً)، و في كل ما ذهب إليه من حقٍ أو باطل.ٍ
¶ هذا ، و گان الله في عون دينه الحق ، بألا إفراط َو لا تفريط .
نفس هذا الصنف من اللغط والكسورالدائرية شهدناها و نفس الفُرقة
حاصلة بين قسطاطين مصطرِعين حول حديث الذبابة لذك المهرطق
"هالك" زواحف بني كيزوان، ما بين مذبذِبين و غير مذبذبينَ،
كما كان يتندر بها هكذا ب" تهتُّكٍ" لايتليق ب"رجل دينٍ".