ووصف رئيس الشركة السودانية للموارد المعدنية الزراعي الفني لوزارة المعادن، مبارك أردول التحقيق الاستقصائي لكبيرة مراسلي التحقيقات الدولية في شبكة “سي إن إن”؛ نعمة نعمة الباقر بالفقير والضعيف.
أردول قال تحقيق نعمة الباقر#فقير #وضعيف 😂
مراسلة دولية ورافعة إسم السودان ومشرفاهو وحائزة على جوائز عالمية.
تجي تقول تقريرها فقير يا #أردول.!! بعدين الضرب ده للكبار فوق.. إنت أداة ساي قال نفسك بترضي اسيادك وناسي الشعب من لديه الحق في كل شئ…#يسقط_حكم_العسكر#جنجويد_رباطة pic.twitter.com/BbcPfq7DFK — — Eng / Abbas mohammed (@AbbasMo77873890) July 29, 2022
♦️♦️♦️♦️#تسقط_دولة_المليشيات♦️♦️♦️♦️
فلنقاي سيتي مبارك أردول يتحدث عن عدم مصداقية تقرير CNN بخصوص نهب ذهب السودان الذي تحدثت عنه معظم وكالات الأنباء العالمية والصحف الدولية كما هو موضح في بعض هذه القصاصات طيب يا فلنقاي الجنجويد جميع هذه الصحف ووكالات الأنباء العالمية تكذب أيضآ pic.twitter.com/JG3uFvMZOV
— Maha Mohamed (@AlmoftiMaha) July 29, 2022
وكان قد تحقيق استقصائي بثته شبكة (CCN) الأمريكية اليوم عن مخطط روسي مفصل لنهب ثروات السودان في محاولة لتحصين روسيا ضد العقوبات الغربية المتزايدة القوة ودعم جهود موسكو الحربية في أوكرانيا.
طيب مادام الأرقام فقط غير صحيحة بحسب ما تزعم، ليه انت ما طلعت الأرقام الحقيقية ولو تغريدا في تويتر؟ وماذا فعلت انت لوقف هذا التهريب؟
دا طبعا لو تجاهلنا أنها صحفية عالمية معروفة وتعمل في مؤسسة كبيرة، واغلب الظن انك انت ما عارف الأرقام الحقيقية كلها لأنك اردول ساي..
— Abuobakr Alamin (@Abuobakr5) July 29, 2022
وقال أردول في منشور مساء اليوم ، إن التحقيق غير دقيق في بعضه وأرقامه مضخمة بل خيالية، وأعتبره أنه يأتي في إطار محاولات إقحام السودان فيما يدور بين روسيا والغرب، و أضاف “هذه لن تجدي وفي التقرير لم ينجحوا في حبكها جيداً”.
معقوله هي قاطعة المسافة دي كلها و شقيانه في التقرير و والتحقق من المستندات و استخلاص النتائج عشان تجي تقعد معاك انت يا أردول‼
الشعب واعي و عارف منو الشغال نهب و دمار لثرواته ارخي جسمك راجيك بل شديد
— فليعش سوداننا (@fly3shsudanna) July 30, 2022
و أكد أردول أنه كان على استعداد للقاء نعمة الباقر وقال “كنت سألتقيها إن طلبت لقاءنا ومواجهتنا ببعض الفرضيات التي تحملها وكنت وضحت لها كثيرا مما يبدوا معقدا وكان ذلك سيفيدها” وأضاف “عموماً لا يبدوا الأمر كما يريدون تصويره ولايمكنهم لي عنق الحقيقة وتجيير الواقع مهما اجتهدوا”.
07-31-2022, 07:33 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9116
تعليقات : المراقب: 31 يوليو، 2022 الساعة 1:12 ص انتو الانقلاب البين الواضح سموتوه تصحيح مسار … انتو أي حاجة عندكم بالمعكوس…التقرير دا اوصفوه بالوصف البعجبكم ناس CNN ديل لو ماعندهم ما يؤكد ما بنشرو أيل خبر أو تقرير ولو نشرو أي تقرير اي خبر أو تقرير بدون تأكيد سمعتها تدق الدلجة دا غير الدعاوي القضائية والتعوضات التي يطلبه الطرف المتضرر انت لو التقرير دا فقير وضعيف وخيالي ارفعو دعوي قضائية طوالي ل CNN ودافعوا عن سمعتكم اذا عندكم سمعة ستونة: 29 يوليو، 2022 الساعة 11:55 م فعلا الحرامي في راسو ريشة الزول ده قام طوااالي بنمرة 5 عشان ينفي التقرير الصادم ده وشكرا الكنداكة نعمةالباقر طلعتي بت رجال وفضحتي الطغاة وخلي الباقي علينا في نهر النيل لو تاني نهبوا جرام دهب واحد
Freedom: 30 يوليو، 2022 الساعة 1:16 ص CNN كاذبة وحقوق الانسان ، هيومن رايتس كاذبة والمعارضين كذبة هكذا هو حال اللصوص والانقلابيين لا تسمعوا لاحد غير هل كذبت عليك في يوم من الايام (ما اريكم الا ما ارى وما اهديكم الا سبيل الرشاد)
عبدالوهاب البوب: 30 يوليو، 2022 الساعة 3:12 ص الحقيقة التي لا يمكن لي عنقها … انك انت ارزول…. ارزل زول… كل حركات النهب المصلح علي شاكلتك ولم تخدم الا رؤساء الأفاعي.. خربتوا السودان وكلكم رضعتم من ثدي الإنقاذ وبقيتوا اسواء منها الف مرة.. ولا غرابة انوا الشمال والوسط والشرق بداء يتململ منكم.
الحل في البل: 30 يوليو، 2022 الساعة 7:43 ص حصان الشفافية العجز في الميزانية تقديراً حايم بين ٤ لي ٨ مليار ( السودان و كده) عليه مبلغ ١٣ مليار دولار تهريب دا بيحتاج وقفة لآنه إذا أخدنا صحة الارقام بي ٥٠٪ فقط دا بيعني إنه في العشرة سنين الفاتت كان مش نعبر كان بنكون أسرع الاقتصادات نمواً في العالم و بي معدل ممكن يسجل في جينيس للأرقام القياسية زي ما كان مافي زول مصدق انه التهريب لخارج السودان في سلعة واحدة زي السكر ممكن يحصل ٩٠٠ الف طن تقديراً في الهام ( بتوازي علي الاقل ٥٤٠ مليون دولار) و كان الناس مكذبين انه الاستيراد حصل ١.٥ مليون طن في العام ( بتساوي حوالي ٩٠٠ مليون دولار) لحدي ما الأرقام اتختت رقم رقم ( و برضو مافي حاجه حصلت) نكران قصة الدهب دي من غير مرجعيات موثقة بتكون ما اكتر من خراب موت بالرفسي ساكت الدهب دا مؤشراته أصلاً ما صعبه أستيراد الزئبق براهو ممكن يوريك سوق بيع الطواحين بيوريك سوق الحفارات بيوريك سوق الجاز بيوريك قبضيات المطار بتوريك قهاوي الشيشة في الخليج بتوريك واردات البترول بتوريك واردات السكر بتوريك واردات الدقيق بتوريك و حاجات تانية كتيرة جداً الكلام عنها بيودي السجن بتوريك أقولكم حاجه 😂😂😂 النقطة في القونات ساكت بتوريك دا طبعاً غير إنه دي نعمة الباقر ما خبير أسطراطيجي و لا إعلام أي كلام المستوي دا ال credibility بتاعتهم فوق اي حاجه يعني بالعربي ما بتاعين فرقعات ولا ترندات و دي ال CNN ما قناة مؤجرة ليها بيت في حي سكني دي قناة بيشوفوها مليارات الناس ( بتصل الي ١.٥ مليار نسمة) في ٢١٢ دولة و شغالين فيها أكتر من ٤ الف شخص و تمتلك حوالي ٥٠ مكتب منها ٣٢ حول العالم دا دون مكاتب الوكلاء و الشبكات الاعلامية المشتركة فيها ختاماً تقرير زي دا يا تمتطي حصان الشفافية شاهراً سيف أرقامك الحقيقية محتمياً بدرع معلوماتك و تنازلهم أو تسكت سكات الموتي في القبور
باكاشوف: 30 يوليو، 2022 الساعة 8:33 ص يعني نكذب الزولة الخشت جووو عش الدبابير بتاع الجنجويد في تقرير استقصائي زى دا ايام الإبادة الجماعية لمان الزيك كان برجف ونصدقك انت يالضلالى!!! انت لو ملاحظ ماقلت التقرير صحيح ولا ما صحيح قلت ضعيف.
زول نصيحة: 30 يوليو، 2022 الساعة 8:41 ص اردول احد مهندسي اعتصام الموز والانقلاب ضد الثورة السودانيه والشعب السوداني وفي محاوله غبيه منه تغطيه الحقيقية يكذب. الكل يعلم تهريب الذهب بالمطارات والمواني والحدود.. راعي الغنم في الخلا يعلم هذه الفوضى والتخريب والنهب لموارد السودان. هل يتوقع اردول ان يصدق هو ويكذب تقرير اجهزه تعمل بمهنيه من تدقيق وتحري ثم إصدارها تقريرها
محمد الكامل عبد الحليم: 30 يوليو، 2022 الساعة 10:42 ص كل التعليقات اعلاه كافية على توصييفك بالمرتزق الفاسد يا اردول .. علاقتك بالكضباشي لن تنجيك من الحساب …مثلما سيذهب هو من خارطة المشهد.. هل أنت راجل بمستوي اصدار بيان ؟؟؟ وان اصدرتموه سيكون مدعاة للضحك فالحقائق دامغة ولن تستطيع اخفاء الشمس باصع واحد..
ابودانيه: 30 يوليو، 2022 الساعة 1:53 م ههههههههههههههههههههههههههه فاكر نعمه الباقر دي شغاله في تلفزيون البزعي وبعدين انت ليه مصرح اول واحد بتفضح نفسك وانت مصاب بانيميا في التفكير كدي رجع ال 86 كيلو اول حاجه
mohamed mustafa: 30 يوليو، 2022 الساعة 6:27 م دعك من ال سي ن ن كل المسؤليين والهبل بصرحو انو دهب السودان بهرب حتي من موظفي الدولة وليس بعيدعنك ضابط الشرطة الذي ضبط ب ١١ كيلو في مطار الخرطوم وموضوع طائرة بدر انا عاوز افهم العبرة في استخفافك بمثل هذه معلومات وهل روسيا تدعم الانقلاب لان ما قامو به لهم فكر شيوعي اودين اوعرق يجمعهم بروسيا
08-02-2022, 09:43 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9116
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hassan Farah
فيس بوك
تويتر
انستقرام
يوتيوب
بنتيريست