الاخت الصديقة القروية امتثال عبدالله وشلتها عندهم غرام خاص بجزيرة اللؤلوة والخطوط الجوية القطرية بس هناك برضو جزيرة البنانة عالم اخر من الجمال والروعة وبرضو توجد شلالات الصحراء مدينة مائية بالكامل
06-20-2022, 08:01 PM
Abureesh
Abureesh
تاريخ التسجيل: 09-22-2003
مجموع المشاركات: 30182
الصور النزلها ابو الريش ما ظهرت ... نزل لينا صور جزيرة البنانة عشان نقارنها مع اللؤلؤة لأننا ما شفنا غير اللؤلؤة لأنه وقتنا كان ضيق وما شفناها إلا بالليل وما بتعرف غير اللؤلؤة والمطار في الدوحة الفيحاء
06-20-2022, 11:40 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22961
امتثال عبدالله ماهو عشان تنزل صور اوفيديو في منبر بكرى لازم تلف كل عالم قوقل وممكن تنجح وممكن لا انت اكتبى في قوقل جزيرة البنانة بقطر سوف تاخذك الدهشة ولن تتحملى جمال الجزيرة ومنتجعاتها وفنادقها
06-21-2022, 00:17 AM
Abureesh
Abureesh
تاريخ التسجيل: 09-22-2003
مجموع المشاركات: 30182
جزيرة بنانا جميلة للغاية.. بس حسب تقديرى ليست للشباب يا بدر.. برضو مخرج الفيديوهات مرات يؤثر على قرار الواحد لكن بصورة عامة الشباب يبحثون عن الأكشن والزحمة والشوبنق..
06-21-2022, 05:59 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22961
يا ابو الريش جزيرة البنانة تبعد حوالى عشرين كيلو من السواحل في المياه القطرية بالخليج كنت ازورها ايام الصبا مع الاصدقاء القطرين ووقتها كانت صحراء في قلب الخليج والحين تحولت لمنتجع سياحى يقصده الجميع انوى زياراها في الايام القادمة
06-21-2022, 06:42 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
وفي عرب الجزيرة من حلة شكيرة الوادى ريفى المحيريبة ومنها الى خرونغين ..و ..ايدنهوفن في جنوب هولندا.. شايفو قبل كم يوم مع استاذنا الكبير عزيز خطاب... حايم جنب المحكمة الدولية قريب من مكتب عزيز
06-21-2022, 03:17 PM
Abureesh
Abureesh
تاريخ التسجيل: 09-22-2003
مجموع المشاركات: 30182
ملاحظة في محلها يا باشمهندس ابوالريش (المحيريبة دى موش ريفى الحصاحيصا؟ .. عملت ريفى براها) طلعت ريفي .. ريفي ..طبعا منها برضو الفنان عوض الكريم عبدالله. خال انور
06-21-2022, 05:17 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22961
ود الأمير حكاية اننا لينا غرام خاص بالخطوط القطرية ومنطقة اللؤلؤة ، دي صدقت فيها .. نحن لمن نجي نسافر السودان ونفتش التذاكر في الانترنت على موقع Cheapoair.com ونلقى تذكرة الخطوط المصرية أو التركية بي ١٢٠٠ دولار للخرطوم ونلقى تذكرة الخطوط القطرية بي ١٩٠٠ دولار ، ما بنتردد طوالي بنقطع بالقطرية ...لان السفر بالخطوط القطرية ممتع ولا تشعر بتعب السفر والمعاملة في قمة الاناقة والود والجمال ،،وعند وصولنا للدوحة واذا في ترانزيت ونبيت في فندق طوالي إلى اللؤلؤة ... .بس انا خايفة وانت مقيم في الدوحة بتكون بتسافر بالمصرية ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة