|
Re: قوي إعلان الحرية والتغيير الموقف الرسمي (Re: Gafar Bashir)
|
Quote: تحياتي يا هدي
عارفة عندي سؤال ما لاقي ليهو اجابة كويس انت بديتيهو شنو مشكلة اي زول انو قوي الحرية يكون فيها واحد ولا اتنين ولا اربعة ولا مائة طالما هي قوي وضنية ارتضت تكون في منيثاق لحد الان ما شايف اي حاجة بتشبهو ولا قريبة منو خليها تكون احسن منو وحتي لو في احسن منو ،،، مش من حق اي قوي سياسية تحدد هي عايزة تقدم نفسها كيف وين مشكلة انو قوي سياسية تكون ضمن ميثاق الحرية والتغيير لي الاصرار علي تفكيك قوي الحرية اكثر من الاصرار علي تفكيك الانقلاب وتفكيك المليشيات لي مصلحة منو الكلام ده؟ |
سلام يا باشمهندس جعفر~ -حقيقة هم ياهم نفس الشئ اسماء لافين بيها للخداع لاغير ، ما فرق وحتى لو صاروا خمسة واحدات: -قحت 2 ، العسكر القتلة إحترموها شاوروها ودخلوها معاهم فى الإنقلاب الدموى. -أما قحت الإنت جايب سيرتها وتدافع عنها حتى العسكر القتلة طردوها، وهم الآن المشوا للعسكر القتلة وما نعاديهم وشنو وشنو وبونشيه قعد (الحقوق فى الإشارة لبينوشيه محفوظة لخالد سلك) المهم قصة طويلة حاواصل فى الكتابة عنها فى خيط آخر مفتوح عن خالد سلك… -قحت ٢ باعت دم الضحايا ؛ -قحت البتدافع عنها باعت دم الشهداء؛ -الأثنين ضاقوا قعاد كرسى التوزير غير المستحق ما بيخلوه ثانى… *البساوم ويبايع ويخون دم الشهداء الكرام ليس من بين "الجمااااهير" الجماااهير بهذه الجرة حقوقها محفوظة لخالد سلك يومه النكر وقال ما فى حاجة إسمها الجماهير فى "أفراد" الآن أصبحت الجماهير كلمته المفضلة. ***نرفع الأكف عالية وندعو الله مع أهل الضحايا والشهداء والمختفين والمظاليم فى كل انحاء السودان ، ندعو ربنا ينتقم من القتلة ومن بايعهم ومن ساومهم ومن سيجلس معهم ، ندعو ربنا ليلا ونهارا أن ينتقم منهم جميعا عاجلا وليس آجلا 🙏. - أخيرا يا باشمهندس جعفر إنت من فترة أصبحت عنيف فى ردودك على أى من يختلف مع فكرتك ،وليه شايل صوت وتزجر من بوست لبوست فى اى شخص يقول بغم عن قحت ، التى ساهمت فى هذا الدمار وأثبتت ذلك بما تفعل الآن| عليهم اللعنة الأبدية أجمعين
|
|
|
|
|
|
|
|
|