مصعب الشريف الان يقبع فى سجون القتلة الإرهابين مشتاقين ليك يا مصعب فى المواكب فاقدين وجهك الصبوح المليان أمل ترجع تكلمنا بكل تفاؤل وأمل إنه أحلامنا البسيطة فى وطن خير ستصبح حقيقة #الحرية للترس مصعب الشريف وكل الشرفاء #الحرية للوطن
04-16-2022, 04:40 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
الحال بلاك تب ما تسر ما بان صباح أو عسعست قدامنا ليلة تزيدنا ضر أوتارنا يا آخر الغنا حردان عشياتا النغم فرغت مجالسنا البلاك عنكب على أبوابا السأم أنزح كفانا .. كضب رياح وبكا رعود .. وضحك برق العشب مالي حشا الأراضي حواهو لما العش حرق الشعب حي .. بس كيف تصد يملابك المليون عرق
04-16-2022, 04:48 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
تنسيقية لجان أحياء البراري تصريح صحفي بخصوص المعتقل مصعب الشريف جماهير الشعب السوداني، كنتم قد تابعتم جريمة إختطاف عدد من الثوار في الولاية الشمالية في يوم 31 يناير أثناء مرورهم بأحد نقاط التفتيش في أحد المعابر ومن بينهم كان الثائر مصعب الشريف الذي تم التحفظ عليه في معتقلات جهاز الأمن بدنقلا وإطلاق سراح بقية رفاقه. في الثالث من فبراير، قام جهاز أمن الولاية الشمالية بترحيل مصعب الشريف إلى الخرطوم وتم التحفظ عليه في زنازين مباني التحقيقات الجنائية ببحري دون السماح للمحامين بمقابلته. بالأمس كان قد أكمل مصعب 21 يوماً في المعتقلات دون تحقيقات، وهي الفترة التي يُسمح بها التحفظ على المعتقلين بحسب قانون الطواريء الذي فرضته قوات الإنقلاب مع إمكانية تجديد فترة الاعتقال التحفظي وهو ما يُعد انتهاكا لحق المواطن السوداني. تفاجئنا اليوم بأخبار مفادها ترحيل مصعب من زنازين مبنى التحقيقات الجنائية ببحري إلى سجن كوبر بعد تقييد بلاغات جنائية كيدية بحقه وهو ما كنا نتوقعه من قوات الإنقلاب الاستعمارية وتم تأكيد هذا الخبر بواسطة عدد من المحامين. إننا نُحمّل كل القوات الأمنية وادارة السجون مسؤولية سلامة مصعب وكل الرفاق المحتجزين بالزنازين والمعتقلات ونطالب بالافراج الفوري عنهم وإلا سنأخذ التصعيد الثوري السلمي إلى مراحل أخرى حتى ذهاب السلطة الإنقلابية. تنسيقية لجان أحياء البراري المكتب الإعلامي ٢١ فبراير ٢٠٢٢ #تسقط_بس #الحرية_لمصعب_الشريف #الحريةللمعتقلين #لجان_احياء_البراري
04-16-2022, 05:16 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
يا مصعب..أهازيجكم حتى الصباح أيام إعتصام القيادة ، كنت انتظركم لما تخلصوا حتى أنوم شوية التغيير والتجميع بين كلمات القصائد والإضافات اجمل ما يكون:
ودانا لشالا وعزتنا ما شالا نحن البلد خيرها ومستقبل أجيالها ومن كلماتكم إنتوا تضيفوا: وخلاصها من غيرها ودانا شارع النيل قال لينا موتوا عديل ٠٠ يالماشي زالنجى نتلاقى نتلاقى ما كلكم باقة اتفتحت طاقة وإتحدت إذلالها الشاعر محجوب شريف
04-16-2022, 05:24 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
يا مصعب .. ثلاثة سنوات سابقات رمضان داك، كنا ننتظر لما تخلصوا أهازيجكم للصباح. الأيام دى - رمضان دا - منتظرين للصباح عشان نعرف أخبار عن وضعك الصحى. يا للظلم ..
04-16-2022, 04:40 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
Quote: الحرية لمصعب وأعضاء لجان المقاومة الأبطال الشجعان وكل المعتقلين السياسيين والنصر للشعب السوداني والتحية لك يا هدى
تحياتى يا عبدالله~ مصعب الشريف الفرحان الثابت هو ومجموعته مشوا زيارة لأحد المصابين (الذى دهسته مليشيات المرتزقة بتاتشر] فى المستشفى من غير معرفة ان سابقة ووضحوا الحصل وأنشدوا وشاركهم المصاب الأناشيد والأبتسام| *معليش ما بعرف أنزل المقطع #الحرية المستحقة لكل المعتقلين - والنصر دائما حليف الشعوب
04-17-2022, 03:43 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
Quote: الحرية للبطل مصعب الشريف و لكل المعتقلين. التحية و التقدير الثائرة العزيزة هدى.
تحياتى والإحترام ، العزيزة دكتورة نعمات~
مصعب الشريف يا نعمات ومجموعته ، بعد مجزرة الإعتصام وقبل هدير الشوارع فى 30 يونيو. الشباب ديل فى أحد الأيام وحظر التجوال والمرتزقة فى الشوارع ، الساعة 2 صباحا ، نفس المجموعة ناقص الشهداء منهم تجمعوا من مختلف الأماكن أمام القيادة وأعادوا نفس هتافاتهم ما عندى طريقة أنزل المقطع لكن وقفتهم الشجاعة تلك شجاعة لا ولن تنهزم ، وتبقى تاريخا للأجيال القادمة.
04-17-2022, 02:51 AM
Amira Hussien Amira Hussien
تاريخ التسجيل: 11-26-2016
مجموع المشاركات: 1722
Quote: الحرية للمناضل البطل مصعب الشريف الحرية لكل المعتقلين الشرفاء المجد لكم ولا نامت أعين الجبناء
أخى المحترم Nasr # نعم الحرية للمناضل - صاحب الوجه الذى يشع نورا وأملا ودائما مبتسم- مصعب الشريف ولكل الشرفاء . #الحرية للوطن الشباب ديل كان بيتغنوا بواقع بلد زى "نيلين وعطشانة" وبرنامج إصلاح كامل طريقتهم اللطيفة ، رفع الأيادى مع عبارة " يا عبد الواحد ياخ ما تجينا"
04-17-2022, 06:22 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
ما طال فينا شهيد .. عصيان وإضرابات ما بنفع التشريد .. لا بجدي صالح خاص لا مسخك الشعبي .. لا دفاعك الحزبى و غنايك الرقاص .. يابوت : ولاد الناس أشراف وما بتنداس .. ما بمشي فيها وعيد و فيها الوعد متراس.. فيها العشق صنديد|.. يا ارذلا رعديد .. يا أبخس الأنجاس ***وسع مجاري الدم .. زيد السجن ترباس جاييك زمن كتاح .. جاياك رياح وغيوم جاياك مطور الصاح .. جاي الصح المعلوم *من كل فج في كفاح .. و مو وحدا الخرطوم دم كشه يوم ما رااااح و دم عظمه يوم ما راااح دم بابكر ما رااااح دم كل شهيد ما راااح دم كل جريح ما رااح
مصعب الشريف ذلك الصامد المتعالي على الجراح علم من اعلام الثورة بطل من ابطال الوطن عرفته من خلال المواكب تابعته وظللت اقف بالساعات استمع ويتلذذ فؤادي بقوي كلماته وخطاباته ما بين تجمعهم امام رويال كير او شارع الستين وغيرها شباب مؤمن برسالة ومقتنع برؤية ومتمسك بطريق سلكه لإعلاء الوطن وتحريره من دنس المنتفعين
الحرية للبطل مصعب الشريف
04-17-2022, 02:03 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
Quote: الحرية لمصعب الشريف ولكل سجناء الراي فى زنازين الانقلابيين
تحياتى يا علاء سيد أحمد ~ فى الڤيديو أول الخيط ، مصعب الشريف ومعاه مجموعة فى طريقهم للتضامن مع تروس خط الشمال يتحدث المناضل مصعب الشريف ويحكى المشاهد المصورة وعناء السودانين فى الشمال وخير مناطقهم يمشى لغيرهم. * أعتقلوه من رحلته تلك والآن يحاولوا تزوير بعض التهم وإلصاقها پإنسان سلاحه الكلمة
القتلة ديل كانت إنجازاتهم فى ايام حكومة الثورة بناء وإفتتاح السجون ! # الحرية لمصعب الشريف وكل المعتقلين فى سجون القتلة #الحرية لكل السودانى والحرية للوطن
04-17-2022, 02:16 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
Quote: تحياتي للجميع مصعب الشريف ذلك الصامد المتعالي على الجراح علم من اعلام الثورة بطل من ابطال الوطن عرفته من خلال المواكب تابعته وظللت اقف بالساعات استمع ويتلذذ فؤادي بقوي كلماته وخطاباته ما بين تجمعهم امام رويال كير او شارع الستين وغيرها شباب مؤمن برسالة ومقتنع برؤية ومتمسك بطريق سلكه لإعلاء الوطن وتحريره من دنس المنتفعين الحرية للبطل مصعب الشريف
تحياتى والسلام أستاذ Mohammed Abuzaid~ لقد وصفتَ المناضل مصعب الشريف تماما. مصعب الشريف ومجموعته ووجهه النور يبثون الحماس والأمل أينما ذهبوا وأينما كانوا. #الحرية للمناضل مصعب الشريف وكل المعتقلين #الحرية للشعب السودانى البطل، والحرية للوطن.
04-17-2022, 03:40 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
*ما ني الوليد العاق ... لا خنتّ لا سراق •••••• حجوب شريف
***************
رسالة الى مريم محمود : ياوالدة يا مريم
قصيده لكل الازمنه ياوالدة يا مريم ... يا عامرة حنية أنا عندي زيك كم ... يا طيبة النية بشتاق وما بندم ... اتصبري شوية يا والدة يا مريم ما ني الوليد العاق ... لا خنتّ لا سراق والعسكري الفراق ... بين قلبك الساساق وبيني هو البندم ... والدايرو ما بنتم يا والدة يا مريم عارف حنانك ليّ راجيك تلوليني دايماً تقيليني وفى العين تشيليني ألقاه عز الليل قلبك يدفيني ضلك عليَّ مشرور قيلت فى سنيني أنا لو تعرفيني لو تعرفي الفيني أنا كم بحبك كم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم طول النهار والليل فى عيني شايلك شيل لكني شادّي الحيل لا خوف عليَّ لا هم هاك قلبي ليك منديل الدمعة لما تسيل قشيها يا مريم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم *ما بركب السرجين وما ني زولاً شين *يا والدة دينك كم دين الوطن كمين ما شفتي ود الزين الكان وحيد أمه ماليلا كان العين قالولو ناسك كم ورينا ناسك وين .. ورينا شان تسلم *العودو خاتي الشق ما قال وحاتك طق *تب ما وقف بين بين لى موتو اتقدم *قال أنا ما بجيب الشين أنا ما بجيب الشين أنا لو سقوني الدم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم كم من حبيباً ليَّ كان مالي بينا دروب ما ودع الحبان ما وسدوه الطوب حي قولي ما حي ووب حي قولي ما حي ووب ما خلى ساعة الموت يمه السرج مقلوب اتشتت الرصاص فى جسمو واتقسم لاقاهو يتبسم والحولو حيله وكان ريحة صباه تتشم زي التقول يومداك يوم العرس يادوب قال أنا ما بجيب الشين أنا لو سقوني الدم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم *يمه السجن مليان رجالة ما بتنداس الختو قبلي الساس والشالو هم الناس والفات وليدن ليهو ما مسكو الكراس ما سمعو يتكلم ما نحن عود الفاس فرسان حمى وحراس فى الحارة نتحزم *عشم القدر ما كاس ما لاقى بيت يتلم *عشم الطواه الجوع المتعب المعدم *والعسكري الفراق بين قلبك الساساق *وبيني هو البندم ... والدايرو ما بنتم
يا والدة يا مريم ما تقولي شن سويت ما تبكي شن سويت غير البطمن ناس بى همهم ساويت فارس مع الفرسان حارس بلدنا البيت أخواني علو السور أنا طوبة ما ختيت ديل من زمن تاتيت لامن كتبتَّ قريت عرقنا ياما يدر يمه اللبن والزيت الكسرة والكراس لى قشة الكبريت تقولي جيداً جيت راجع مع الفرسان فايت الحدود واسيت وتغني يا مريم لينا وتجري النم والعسكري الفراق بين قلبك الساساق وبيني هو البندم ... والدايرو ما بنتم
يا والدة يا مريم
04-17-2022, 05:33 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
Quote: الحرية للصنديد مصعب وكل الشرفاء في زنازين الخونة والمرنزقة
شكرا والتحايا أخى حيدر حسن ميرغنى~ *محمود درويش قال: "ما أشد براءتنا حين نظن أن القانون وعاء للعدل والحق. القانون هنا وعاء لرغبة الحاكم، أو بدلة يفصلها على قياسه."
*الإنقلابيون يلفقون التهم، على شباب السودان المناضلين بكلمتهم وشجاعتهم السلمية فقط. ويتركون القتلة يواصلون القتل. #الحرية المستحقة للمناضل مصعب الشريف وكل المعتقلين فى سجون القتلة #الحرية للشعب السودانى العظيم #الحرية والتحرر الكامل للوطن
04-17-2022, 11:32 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
كرباجك الـ قطرانو حزب السارقين .. نازل علي ضهر القوي .. و الجسمو ضللاتو اليقين .. ما بستكين .. لو روحو فاضت بتقت في كل ربوع وطنو الحزين.. لو انتو شلة مسخرة و عبدة كراسي و مفترين.. نحنا البلد .. درقة و سيوفا صانعة و شلال يقين.. بنقولكم يا مفترين .. بنقولكم يا مفترين .. العندو دين .. ما بسرق البلد العبادو موحدين.. العندو دين .. ما بنبي قصرو العالي فوق جوع الغلابة المسلمين .. العندو دين .. ما بسمي أعداء الوطن جند الوطن و الحادبين.. العندو دين .. ما بسمي من قالوا الحقيقة المرة خونة و مارقين.. بنقولكم يا مفترين .. حالفين يمين .. .....
04-30-2022, 03:03 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
أطلقوا سراح المناضل مصعب الشريف أيها القتلة المجرمون ... وأطلقوا سراح جميع الذين يناضلون من أجل وطن حر ديمقراطي فإن يوم حسابكم ترونه أنتم بعيدا ونراه نحن قريبا .... والمجد والعزة للسودان ..
06-12-2022, 03:34 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4495
العزيزة إمتثال تحياتى~ الجلسة المهزلة الأولى جابوا هؤلاء الشباب النور الأبرياء مكبلين بالأصفاد. نردد مع حميد: "بنقولكم يا مفترين .. بنقولكم يا مفترين .. العندو دين .. ما بسرق البلد العبادو موحدين.. العندو دين .. ما بيبنى قصرو العالي فوق جوع الغلابة المسلمين .. العندو دين .. ما بسمي أعداء الوطن جند الوطن و الحادبين.. العندو دين .. ما بسمي من قالوا الحقيقة المرة خونة و مارقين.."
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هدى ميرغنى
نعمات عماد
Amira Hussien
Nasr
علاء سيداحمد
Mohammed Abuzaid
حيدر حسن ميرغني
فيس بوك
تويتر
انستقرام
يوتيوب
بنتيريست