|
Re: بدون اي مناسبة زوجتى اهدتنى موبايل يكون ق� (Re: بدر الدين الأمير)
|
الاخ الغالي بدرالدين الامير تحيه طيبه قصه انوالمدام اهدت اليك موبيل دي ذكرتني وواحد صاحبنا وعمنا كان معانا فى مصراته ربنا يطراه بالخير كان بجي من الشغل يلقي المدام والبنات والعيال والاولاد كل زول فى غرفته وشغال شي فيس واتس ايمو ماسنجر المهم عمك كل يوم عامل معاهم مشكله وكلام كتير وشمطه المهم بعد كم شهر كان عيد ميلاد عمك قاموا العيال وامهم جابوا ليه موبيل جلاكسي اخرموديل كان جلاكسي ماسك الجو والله عمك شده مابقي مدمن فى الغدا بقي يقول ليهم اعملوا لي سندوتشات دي العموله التى ضيعت الدنيا والله
| |
|
|
|
|
|
|
Re: بدون اي مناسبة زوجتى اهدتنى موبايل يكون ق� (Re: مصطفى نور)
|
مصطفى ياود نور عندى صديقى وهو عضو منبر معنا هنا حكى لى وهو كان مغترب في السعودية وعاد للسودان بعد زوال نظام نميرى لقى زوجته كل يوم بتمش تشترى جريدة الراية بتاعت الكيزان وبرضو بتشترى الميدان جريدة الحزب الشيوعى قام مشى اشتكى لصديقه وحكى له قصة ان زوجته بتقرا الراية جريدة الكيزان والميدان جريدة الحزب الشيوعى قام صاحبو انتفض وكورك فيهو طلقها هسى تطلقها قام قاليهو يافلان استهدى طيب اطلقها اقول للناس السبب شنو تانى صاحبو كورك فيهو انت داير ليك سبب موضعى اكتر من كدا دى زولة عندها انفصام في الشخصية بتقرا ميدان الحزب الشيوعى وراية الكيزان هههه
| |
|
|
|
|
|
|
Re: بدون اي مناسبة زوجتى اهدتنى موبايل يكون ق� (Re: بدر الدين الأمير)
|
ياخي تكون معذبه ومكرها ... كمان فيها كأس العالم واول امبارح الأمير تميم قال في اكتر من ٦٠٠ الف ألماني جايين الدوحه ... دا غير ناس التانجو والمكارينا والصلصه ... وعييييك ... علي اي حال انا بحب الناس الفالتين زيك وقنا نساعدك وامشي أقرب دكان لخدمات الموبايل يطلعو ليك البتاعه السودا* دي تلقاها جوا الموبايل ... الدكتوره دي حريفه وما عندها هديه لله ساكت كدا ... * اسمها personal tracking device
| |
|
|
|
|
|
|
Re: بدون اي مناسبة زوجتى اهدتنى موبايل يكون ق� (Re: بدر الدين الأمير)
|
بصراحة الواحد عايز يعترف لكن خجلان بس سببين جابوني هنا اولا.. كلام صلاح زبير..... بالذي اصبح ( حاكملها في الاخير) ثانيا... غلاوة بدر التمام من نواحي اربجي . حتى لا يقع وقعتي المهببة في ذات مساء ما ... المدام وهي داخلة وداسة يدها خلفها قالت جيب ايدك . انا قلت . "في نفسي طبعا" دي مالة دي . عاوزة بي يدي شنو .. تسلم مثلا ! اتولكت ومديت يدي اليمين .. قالت.لا لا ... الثانية...على قدر الشوق ما يمد .. مديت طلعت ساعتي وختت مكانها ساعة جديدة... رايك شنو؟ ما رهيبة عليك الله ؟ يا سلااام شكرا والله...بى كم ؟ انت مالك ومال كم؟ دا سؤال شنو ؟؟؟!!! ساعة مستطيلة سوداء ....مضلمة.. المهم ... دي ما ساعة .. دي عبارة عن مصيبة واتختت في يدي .. كما اتضح لاحقا....وانا الاهبل كنت فرحان بيها
| |
|
|
|
|
|
|
Re: بدون اي مناسبة زوجتى اهدتنى موبايل يكون ق� (Re: Ahmed Yassin)
|
ههههه يا احمد عندى صديقتى زميلة معنا في المنبر قالت جرس الشقة ضرب الشغالة مشت فتحت الباب بعد شوى اسمع صوت مراة مصرية بتردح في الشغالة جيت قلت ليها مالك في شنو قالت ليها الشغالة بتاعاك عندها علاقة مع زوجي قامت سالتها وانت كيف عرفتى قالت ليها ما انا مهكرة وتساب زوجى قالت كدى خلينى من موضع الشغالة تعالى ورينى والوتساب بهكرو كيف
| |
|
|
|
|
|
|
Re: بدون اي مناسبة زوجتى اهدتنى موبايل يكون ق� (Re: بدر الدين الأمير)
|
من مصادري الخاصة.
تلفون ود الامير الجديد مبرمج على الاتي:
1- المكالمة تقتصر على 20 دقيقة فقط، من بعدها يقطع الاتصال، ولا يمكن الاتصال بنفس الرقم إلا بعد 24 ساعة. 2- يتعرف على الاصوات النسائية ويقطع عنها المكالمة فورا، ولكنه يتعرف على أصوات الاهل والاقارب من النساء ويسمح لها بالاتصال. 3- يقطع المكالمة فورا عندما تتحول المكالمة الى شمارات. 4- بعد منتصف الليل يستقبل المكالمات الطارئة فقط ومن عدد معين من أرقام تلفونات العائلة والاقارب فقط.
هاش تاك ود الامير في فتيل ويحتاج الى تلفون خاص
| |
|
|
|
|
|
|
Re: بدون اي مناسبة زوجتى اهدتنى موبايل يكون ق� (Re: Abureesh)
|
Quote: هاش تاك ود الامير في فتيل ويحتاج الى تلفون خاص |
أمشي كدا يالعبار .. تلفون د. نجمة هو التلفون بس ..!
التلفون دا ح يكون أذكي مما تتصور .. دا ممكن يعمل call forwarding أثناء ود الأمير يتناضم .. ويوما يكون في زرة حاج إبراهيم شرق القاش لو المكالمة طلعت عن المألوف ..
عجبنى للعريبي .. عصر ذي العصر.
بريمة
| |
|
|
|
|
|
|
|