يحي قباني تاريخ التسجيل: 08-20-2012 مجموع المشاركات: 17212 للتواصل معنا
FaceBook تويتر Twitter YouTube
20 عاما من العطاء و الصمود Re: حأطرح رقبتي كاتب .. (Re: يحي قباني)
لاحظت فوق اني كتبت القصة رقم (تنين) بدلا عن اتنين .. اخطاء الكتاب مغفوره ..
القصة رقم تلاتة .. و ساتوقف الى حين بعدها .. ثم اعود ..::
القصة بطلها اللاعب الحريف جدا ولد امدر .. (كَلـْـبـُـــــو ) .. كابتن فريق ( ود نوباوي ) ..
في اعتقادي ان كَلـْـبـُـــــو يعد من احرف من لمس المستديره .. وانا رايته عن قرب في ميدان صغير مجاور لمنزل صديقي جلال صالح في ابروف البحر ..
مقابل محل ازهري ( الميكانيكي ) اذكي مكانيكي في السودان .. ولي معه قصة محيره في اصلاح كاربريتر سيارتي الكريسيدا ..
كان كَلـْـبـُـــــو يلعب للتسلية مع اولاد الحي في ذلك المربع الصغير .. وكانت له سيطرة لم اراها الا عند طيب الذكر ( ميسي )
الفرق ان كلـــبـــو كان مشاكسا جدا ..
كانت كابتن ود نوباوي وكانت لهم مباراه مصيرية .. فاجتمع المدرب باللعيبة ووضعوا خطة اللعب ..
ووقف كلــبــو مخاطبا التيم قائلا ( شوفو .. انحنا لو استمرينا 11 لاعب لغاية نهاية المباراه الناس ديل ما بغلبونا ..
هدو النفس .. وابعدوا من المشاكسات عشان ما يطردوا مننا لاعب ) ..
كلام زي الورد !!!
بدأت المباراه ... وبعد خمسه دقايق فقط ...اشترك كلــبــو في قفزة ( عادية ) مع احد المهاجمين ...وكان هذا المهاجم قد قام ( بكسر ) كلــبــو في مباراه قديمة ...
واذا بكَلـْـبـُـــــو (يغمت ) المدافع في الارض .. وهنا صفر الحكم و اعطاه البطاقة الحمرا ..
لم نفهم لماذا بطاقة حمراء ( مرة واحده ) ..
الي ان اكتشفنا ان الكابتن الذى كان يوصي لاعبيه بالتحلي بالصبر .. كان يحمل ( طوبة ) داخل قميصه المحشي ..للإنتقام من ذلك المدافع .. _______________________________ هكذا كانت الكورة ..سألت مره الراحل سامي عزالدين ايام دورة سيكافا عن الفاولات الخشنة .. وهل بالفعل يقوم اللاعب بالإعتذار ؟؟ لاننا في المدرجات نجده ارتكب الفاول
ثم يذهب للاعب المضروب و يربت علي كتفه ..وهنا تهلل الجماهير علي الاخلاق الحميده ..
ضحك سامي وقال .. في معظم الاحوال ..يرتكب الفاول .. ثم بالفعل تذهب و تربت علي كتف المضروب .. ولكن ما لا تعرفوه ..
ان الضارب يربت علي كتف المضروب وهو يقول ..( انت لسه شفت حاجة .. المره الجاية بشيلوك بالنقالة ) ..
انا نقلوني .. لكن الزول الجابو ليكم ده اظنه ( شيطان ما بني آدم ) ..حلو ( قضيتكم ) معاهو بي طريقتكم ..!!!!
هههههههها نوع قصتك. ى يعملوا منها كتب عديل.. *كتاب الراحل خليل الياس "كوبنهاجن" ياها قصص زى دى (عن نضاله) أها يوم رحيله ، قعدوا يفكروا نكلمها كيف ، وأنا كنت عرفت وماشة على بيته وزعلانة من أهلى ،إستلفت جملة من كتابه "قلت ليهم - أنا كان ما بعرف أكتب ، جردل البوهية ما بعرف أشيله" #جملتك الفوق دى من كثرت ما عجبتنى حأستلفها منك😀
04-16-2022, 05:17 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
يا أخي، معقول قصصي بهذا الملل السردي التقليدي؟! عموماً هذا البوست ممكن يكون مرآة جيدة لي، ولو طلعت كتاباتي هي بنفس هذا الملل في الحكي، ورب الكعبة محتاج أدفع تعويض للناس لهذا الأذى
بعدين في مقدمة البوست لا تبني المخاطبة للمجهول، قول؛ أقصد الكاتب العبيط أبوبكر عباس لأنو البوست سوف يصبح في المكتبة ولو جاء زول بعد زمن طويل يقرأ البوست، سوف يفتقد سياق البوست
04-16-2022, 06:23 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
انا نقلوني .. لكن الزول الجابو ليكم ده اظنه ( شيطان ما بني آدم ) ..حلو ( قضيتكم ) معاهو بي طريقتكم ..!!!!
هههههههها نوع قصتك. ى يعملوا منها كتب عديل.. *كتاب الراحل خليل الياس "كوبنهاجن" ياها قصص زى دى (عن نضاله) أها يوم رحيله ، قعدوا يفكروا نكلمها كيف ، وأنا كنت عرفت وماشة على بيته وزعلانة من أهلى ،إستلفت جملة من كتابه "قلت ليهم - أنا كان ما بعرف أكتب ، جردل البوهية ما بعرف أشيله" #جملتك الفوق دى من كثرت ما عجبتنى حأستلفها منك😀
اختنا الواعية هدوية..
اشكرك على الاطراء و التقريظ .. 🙂
استلفي طوااالي و لا يهمك من زول ..
سعيد بمرورك جدا والله ..
04-16-2022, 06:33 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ا أخي، معقول قصصي بهذا الملل السردي التقليدي؟! عموماً هذا البوست ممكن يكون مرآة جيدة لي، ولو طلعت كتاباتي هي بنفس هذا الملل في الحكي، ورب الكعبة محتاج أدفع تعويض للناس لهذا الأذى
بعدين في مقدمة البوست لا تبني المخاطبة للمجهول، قول؛ أقصد الكاتب العبيط أبوبكر عباس لأنو البوست سوف يصبح في المكتبة ولو جاء زول بعد زمن طويل يقرأ البوست، سوف يفتقد سياق البوست
يا (زميل) .. لماذا الغضب .. هل هي غيرة الادباء ؟
و هل لك رأي في ان الحكايات القديمة تصلح ان تكون نص ادبي ؟
فلتكتب .. و دع غيرك يكتب .. فالابداع لا سقف له .. و النص الادبي ليس (اسطمبه) ..
نقدك لا يعتد به .. لانه نابع من دوافع غيره ليس الا ..
اقرأ فقط .. لعلك تستفيد ..
ثم .. لماذا تصف نفسك بالكاتب العبيط ؟ حاشاك .. انا لم اقل ذلك ..
الكتابه لها اهلها ..
04-16-2022, 06:55 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
يا أستاذ قباني، موضوع الخلاف مع الخواض أفندي هو هل كتابات المستنير هي كتابات يوميات عادية زي كتاباتك دي ولّ كتابات فيها ابداع سردي مغاير ويمكن أن تصنف كتابات أدبية متميزة؟ يعني البوست دا تحصيل حاصل، كأنك تونست مع الخواض وحابي تردد وجهة نظره بايراد نماذج أخرى من كتاباتك غير نماذج عبد المنعم.
خلينا نكسب زمن ونركز على موضوع الهلال وما في زول بمنعك اكتب أنا فقط أقاتل لما في ظني أنني أديب متميز
04-16-2022, 06:51 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1721
Quote: يا أستاذ قباني، موضوع الخلاف مع الخواض أفندي هو هل كتابات المستنير هي كتابات يوميات عادية زي كتاباتك دي ولّ كتابات فيها ابداع سردي مغاير ويمكن أن تصنف كتابات أدبية متميزة؟ يعني البوست دا تحصيل حاصل، كأنك تونست مع الخواض وحابي تردد وجهة نظره بايراد نماذج أخرى من كتاباتك غير نماذج عبد المنعم.
خلينا نكسب زمن ونركز على موضوع الهلال وما في زول بمنعك اكتب أنا فقط أقاتل لما في ظني أنني أديب متميز
اولا استخدامك للقب المستنير اصلا يقلل من شأنك و يشكك في كل ما تكتب و انت تعلم انك (استلفت) الكثير من غيرك لتكملة كتاباتك المستنير الذي نعرف حيا يرزق .. فقط زهد الكتابه هنا و قد يكون قد انزلق في الفيس بوك كالكثيرين .. فاستلافك للقب غيرك يوضح انك لا تتردد في اخذ ما ليس لك و تنسبه الى نفسك ..
ما علينا ..
الخواض رجل اديب .. بيريود ..
04-16-2022, 11:11 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
سلام و احترام يا باشمنهدس و رمضان كريم و لضيفك الكرام التحية و التقدير
مرحب بيك كاتبا و كلنا تعلمنا الكتابة هنا و من هنا تخرج كثيرا من الكتاب و مشاهيري اللايفات و غير اللايفات... بعضهم اصبح كتابا مرموقين،واخرون اصحاب اعمدة،و كتاب ثوريين اصبحوا مع الانقلابيين وضد الثورة و الثوار ...تخيل...
04-17-2022, 00:19 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
Quote: سلام و احترام يا باشمنهدس و رمضان كريم و لضيفك الكرام التحية و التقدير
مرحب بيك كاتبا و كلنا تعلمنا الكتابة هنا و من هنا تخرج كثيرا من الكتاب و مشاهيري اللايفات و غير اللايفات... بعضهم اصبح كتابا مرموقين،واخرون اصحاب اعمدة،و كتاب ثوريين اصبحوا مع الانقلابيين وضد الثورة و الثوار ...تخيل...
زارتنا البركه يا هندسة ..
و مافي شك سودانيز اونلاين صاحبة افضال على الكثيرين ..
الله يديك الف عافية يا جميل ..
و حنستمر نكتب هنا .. و لن ننزلق الى مزالق السوشيال ميديا ..🙂
04-17-2022, 03:47 AM
adil amin adil amin
تاريخ التسجيل: 08-01-2002
مجموع المشاركات: 37012
الكتابات الجيدة يحددها عداد الزوار مش الشللية البغيضة في البورد او الاسافير وعالم الانترنت البهيج المثقف العربي هو الكائن الوحيد في العالم من يؤمن بنظرية الجوقة والهتيفة والرجرجة فقط عداد الزوار والترند هنا وفي الاسافير يحدد الكتابات الكبيرة فعلا https://www.0zz0.com
04-17-2022, 04:22 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
ومن هنا كمان رسالة صغيرونه لحبيبنا بكري ازيك يا حاج بكري
يمين بالله فضلك علينا وفينا
حده السماء
شاعرنا الجميل ..
كبفك يا صديقي ..
حقيقة .. لقيت كل حجّاي طرح نفسه كاتب .. فقلت حجيتكم ما بجيتكم .. خيرا جانا و جاكم .. ما كلنا بنعرف للحجى .. .و ما الف ليلة و ليلة الا حجوة كبيره .. فلكنتب اذاً .. 🙂
04-17-2022, 10:37 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
مداخلة بكري أبوبكر عجيبة! قال لقباني مرحب بيك كاتب، كلنا تعلمنا الكتابة هنا. يا سيد بكري، موضوع البوست عن الكتابة الأدبية، انت وين تعلمتها؟ بعدين قباني لا يمتلك موهبة خيال حتى تقوم بتشجيعه يخوض في هذا الكار.
أكرر موضوع البوست ليس حرية الكتابة، إنما الكتابة الأدبية الابداعية
04-17-2022, 10:47 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2725
شايف ابوبكر أشار ليك لي موضوع "خواض". الحقيقة "خواض" شغال بالحتة الفيها الحديدة مع أبوبكر:) وطلع كتاباتو شمار في مرقه ههههههههه.
بالمناسبة يا قبة انا شايف انك مشروع كاتب خطير- كسرة: خواض احبطني يا قبة - وقال لي اني محتاج لي سمكرة نصوصي ههههههه التحيات النواضر لك ول أبوبكر ولكل من مر من هنا.
04-17-2022, 11:06 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
يا شيخ، الأديب هو زول حجّاي ومشروع كتابتي أقرب للحجّاي؛ مشروع كتابة وسط جمهور اسفيري يختلف عن جمهور الحجّاي المحبين له والمستمعين فقط، في إنو دا جمهور يجمع بين المحبين والكارهين المشاركين في النص عشان كدا بيتولد نص قوي وحي.
04-17-2022, 10:50 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
مفروض تراجع و تتلمس ادواتك الكتابية بعد كتاباتي دي و تحاول تكتب ./ و يا ريت تكتب حاجاتك انت و ما تعتمد على مواد خارجية تدعم بيها كتابتك فشنو .. خلي عندك شوية ثقة في رقبتك 🙂
04-17-2022, 11:08 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
لا أبداً يا قبّة، أنا ما حاسد، أنا محب وعاشق للكتابة الساحرة وفي هذه اللحظة أعشق صلاح الزين الذي كتب لنا بالأمس الرتينة كتابة لم أقرأ مثلها ولن أقرأ وحتماً سأشركها في كتاباتي فهو عشق واحد الكتابة الساحرة كلها متصلة مع بعض.
04-17-2022, 11:25 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2725
Quote: يا شيخ، الأديب هو زول حجّاي ومشروع كتابتي أقرب للحجّاي؛ مشروع كتابة وسط جمهور اسفيري يختلف عن جمهور الحجّاي المحبين له والمستمعين فقط، في إنو دا جمهور يجمع بين المحبين والكارهين المشاركين في النص عشان كدا بيتولد نص قوي وحي.
تمام يا ابوبكر كدي خلينا نسحب إقتباسات الغير من كتباتك - خليها قاعده في السهلة - كويس وبعدين نشوف "خواض" ح يقول شنو. اقول "خواض" لأنو ناقد له وزنه - بالرغم من إحباطه لمحاولاتي الأدبية :)
جيب لينا نص هنا يا ابوبكر يكون مافيهو اي إقتباس أو إضافات لأي كاتب آخر وخلينا كلنا نقول رأينا. إتخيل لي رأي "خواض" أنه يبحث عن نص يقف بمفرده دون أي إتكاءة على نصوص "محشورة " في النص.
04-17-2022, 11:40 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
طيب أها فكرت في كلامك؛ النص كان قلت فيهو؛ كنا في راكوبة وقلت لست الشاي ح أحكي ليكم نص ليحيى فضل الله، حكيتو بتشويق شديد لو سمعتنا سلمى الشيخ كانت أصرت أجي أشتغل معاهم بالاذاعة، ست الشاي ركزت معاي تمنيت أن تحدث شكلة بالمنبر تحرف البوست.
أوكي بشيل يحيى فضل الله برّة النص وسلمى سلامة برضو يمكن تطالب تطلع من النص، وبكري أبوبكر بقول منى شكلة المنبر حقتو
أوكي النص الجديد ح يبقى؛ كنا في راكوبة
04-17-2022, 12:07 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2725
أديتني إحساس إنك ماعيز تورد نصك ورافض للفكرة. بعدين انت ليه متخيل انو اي زول ممكن يكون متابع ماتكتب. راكوبة شنو يا عمك - جيب لينا الشغل هنا كامل - عشان نحن زاتو نقرأ ونقول رأينا. لازم تعرف حاجة مهمة جدآ - انو عدد القراء أكثر من عدد النقاد- يبقى انت بتكتب لينا نحن النقاد بينظروا بي زاوية شوف مختلفة بغرض التقييم والتقويم. اما تجيب لينا النص هنا او قول لينا وين موجود عشان نقراهو ونقول راينا - جيب اللنك يا ابوبكر.
كسرة: اظنو "خواض" عمل ليك عقدة من النقاش حول كتاباتك ههههههههههه.
التحايا مرفقة بالجمبه.
04-17-2022, 12:24 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25092
إيراد المستنير لـ (خارجيات) وردت مرة او مرتين وما فيها عيب طاالما لم ينسبها إلى نفسه طالعوا نصوصه الاخرى لا تعمموا فتعموا عن النصوص الدرر المستنير كاتب مجيد
04-17-2022, 12:50 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: حأطرح رقبتي كاتب .. بما انه الكتابة هِملَت .. :)
قباني يا صديقي
اكتب اكتب اكتب ما فى زول ح يحجر عليك الكتابة وانت تملك ادواتها واهمها التعبير واللغة البسيطة المفهومة والعمق . بقي شئ مهم جداً وهو : عدم الخوف من النقد ومن الرقابة اكتب كل ما تؤمن به دون خوف او وجل من كائن من كان بخيال واسع وخصب .
صدقني يا قباني احياناً اشتري كتاب وابدأ اقرأ فيه ما اكمل صفحات بسيطة الا ووجدتني طرحته جانباً لافتقاده للروح والمشاعر الانسانية واللغة السهلة .
04-17-2022, 12:53 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
عرفت ليه محمد طه محمد احمد قال اعلام السودان زي اكل المستشفيات هسى يا قبة كتابتك الابداعية زي اكل المستشفيات وفضائية سودان بكره ونقد الخواض ده درب كلوريد صوديوم والغربية جلادونا كمان والله ذكرتونا البورد سنة 2001 قبل الميلاد
04-17-2022, 02:32 PM
adil amin adil amin
تاريخ التسجيل: 08-01-2002
مجموع المشاركات: 37012
Quote: والمعيشة الطفيلية تضاف الى راي حيدر التالي:
لا معيشة طفيلية لا يحزنون يا استاذ تضمين اشعار للغير في نصوص ابداعية ليس بجديد بل لايعيب النص في شيء اذا كان يخدمه ليس بالضرورة ايراد امثلة على ذلك وانت كناقد تعرف ذلك جيدا - الناقد عموما ليس وصياً على الكاتب، بل وصي على معايير الكتابة .
04-17-2022, 04:33 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
يا خواض أفندي، "الكتابة الابداعية مادة هاربة يصعب الإحاطة بها" يا لها من جملة عظيمة من كاتبة عاشقة للجمال! يصعب على الذين لديهم قلب مثلها أن يلمسوا مآلات الكلمات والخيال، فما بالك برجل متبلد معسم مثلك؟! أمس سألني صديق جديد باستاربكس، من أنت يا مستنير؟ قلت ليهو أنا نص متمرد يحاول أن يجد وحدة للجمال قال لي؛ موحد الجمال هو الله قلت له: وكيف أحيط به؟ قال لي أكتب وحاطالله هكذا كما ترسمها ماما دومة
04-17-2022, 04:43 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
Quote: ا معيشة طفيلية لا يحزنون يا استاذ تضمين اشعار للغير في نصوص ابداعية ليس بجديد بل لايعيب النص في شيء اذا كان يخدمه
اهلا حيدر راجع ملاحظاتي في البوست المغلق بالضبة والمفتاح. المعيشة الطفيلية هي وصف للنص المركزي للمكاواتي في تناصه مع نص غائب يحتل المساحة كلها ولا يخدم النص المركزي. وتبدو المعيشة الطفيلية واضحة تماما في العنوان.
عموما في حالتي المكاواة او الدياكة والابداع الفشل هو الثمرة: بثمارهم تعرفونهم.
بعدين انت يا حيدر خاتف لونين: ديّاكي على وزن ديامي وترتدي في احايين كثيرة قبعة الناقد من باب الدياكة اللطيفة.
04-17-2022, 04:47 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
هسّ يا أميرة في ذمتك، أنا متطفل؟ التطفل زي حياة الناقد القرادة وليس ما أفعله مع نصوص غيري. لو فتحتي سودانيزاونلاين ولاقنك تلاتة مداخلات واحدة لي والتانية للكاتب المعسم (في بوست أنا ليس طرف فيه) والثالثة لبكري أبوبكر صاحب المنبر وعندك خيار تفتحي مداخلة واحدة أي مداخلة سوف تختارين؟ إذاً من المتطفل أنا ولّ انتي ولّ بكري ولّ الخواض أفندي؟
04-17-2022, 04:54 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
أنتم تتطفلون على إبداعي ويعود ريع تتطفلكم لبكري، وهو بعين قوية يدخل لمناصرة خالي الموهبة دا، ويقول له أكتب كلنا تعلمنا الكتابة هنا كتابة شنو الاتعلمتوها؟ كدي أكتب اسمك صاح
04-17-2022, 05:06 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4453
طبعا يا با شمهندس قبانى عاجبانى قصصك دى والمفارقات الفيها خاصة بتاعت الشيطان داك، من أمس كل ما أحاول أحكيها أنا بكون من الضحك غلبنى أصل آخرها، الشخصية تشبه واحد من أقاربى! بس عندى سؤال : ليه إخترت لخيطك دا عنوان خطر كدا ؟ يعنى أو يشابه: "I would stick my neck out”😀
Quote: ترتدي في احايين كثيرة قبعة الناقد من باب الدياكة اللطيفة.
معقولة يا استاذ ارتدي القيعة الفخيمة دي في حضرة جلالك ولو من باب الدياكة اللطيفة انا - كـقارئ- بستمتع بسحرية االسرد وجمالياته في نصوص المستنير وبصدد عمل دراسة حولها كمان
04-17-2022, 05:34 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
حيدر أنا خليني، لكن أنت وهاشم الحسن من أعظم الناس ثقافة ومعرفة واحاطة وتمتلكون قلب محب، لي زمن بقول ليك أعمل برنامج ثقافي تلفزيوني وعرف الناس بمبدعين زي حسن موسى، بشرى الفاضل وعجب الفيا ومصطفى مدثر وآخرون أنت تستطيع بمعرفتك الثرّة وحبك للجمال أن تخرج برنامج عجيب.
أنسانا من خواض أفندي دا
04-17-2022, 05:41 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
Quote: معقولة يا استاذ ارتدي القيعة الفخيمة دي في حضرة جلالك ولو من باب الدياكة اللطيفة انا - كـقارئ- بستمتع بسحرية االسرد وجمالياته في نصوص المستنير وبصدد عمل دراسة حولها كمان
من حقك طبعا الاستمتاع بدورك الفخيم الجديد: ميم دال
مساعد ديّاكي هههه
للمستنير ان يستمتع بهجائيتنا الاسفيرية بينما هو يجمع أشلاءه المبعثرة: : التوأمة الثغرية الدبرية.
04-17-2022, 07:06 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
شايف ابوبكر أشار ليك لي موضوع "خواض". الحقيقة "خواض" شغال بالحتة الفيها الحديدة مع أبوبكر:) وطلع كتاباتو شمار في مرقه ههههههههه.
بالمناسبة يا قبة انا شايف انك مشروع كاتب خطير- كسرة: خواض احبطني يا قبة - وقال لي اني محتاج لي سمكرة نصوصي ههههههه التحيات النواضر لك ول أبوبكر ولكل من مر من هنا.
كتر خيرك يا شخشوخ ..
الخواض رجل اديب و متمكن .. فكيفما قال .. ننتصح ..
ابوبكر لو خلى استلاف ذاكرة الغير و نصوصهم .. حيفضل ليو سطرين لا معنى لهم ..
بعدين انا ما عارف نفسو قايم هنا كده ليه ؟ الاسافير دي واسعه .. يكتب .. يلطش .. ما في زول محاسبو ..
04-17-2022, 07:12 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
اكتب اكتب اكتب ما فى زول ح يحجر عليك الكتابة وانت تملك ادواتها واهمها التعبير واللغة البسيطة المفهومة والعمق . بقي شئ مهم جداً وهو : عدم الخوف من النقد ومن الرقابة اكتب كل ما تؤمن به دون خوف او وجل من كائن من كان بخيال واسع وخصب .
صدقني يا قباني احياناً اشتري كتاب وابدأ اقرأ فيه ما اكمل صفحات بسيطة الا ووجدتني طرحته جانباً لافتقاده للروح والمشاعر الانسانية واللغة السهلة .
علوبة يا جميل ..
النقد اساس النجاح .. ما لم تكون جاهلاً .. فقط هناك .. تفعل مثلما يفعلُ صاحبنا كما ابو الدقيق .. (يفتفت و يحت) ..
04-17-2022, 07:32 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: نتم تتطفلون على إبداعي ويعود ريع تتطفلكم لبكري، وهو بعين قوية يدخل لمناصرة خالي الموهبة دا، ويقول له أكتب كلنا تعلمنا الكتابة هنا كتابة شنو الاتعلمتوها؟ كدي أكتب اسمك صاح
عارفها حارة قصة بكري .. معليش شوف ليك كمادات ..
اكتب اسمك صاح و يا بتاع الاغاني .. افشل ناس في المنبر لامن ينزنقوا ديل فرمالاتهم .. هههههه
بالنسبة لاسمي .. امي الله يرحمها ( اجمل امرأة في الوجود في نظري) بدت تعلمني الكتابه و انا عمري ما جاب 4 سنين .. و علمتني ليها كده ز.. و هي لم تكمل اولى كتاب ..
ولم اتخلى عن كتابتها منذ ذلك الزمن بهذه الطريقه .. فهي وسيلة اتصال خاصه بيني و بينها .. و حتى حينما فارقتنا بجسدها .. اسمع اسمي على لسانها و اقرأ حروفه كما علمتني لها .. يحي ..
فهو شأن خاص .. اتمنى ان لا تدخل فيه ..
تخريمة: انا من دراويش الشاعر اسماعيل حسن .. و الذي كان يمهر قصائده باسمه هكذا ( سماعين حسن ) .. لم يتجرأ عليه احد في كتابة اسمه كيفما يحلو له ..
دعو الخلق للخالق ..
04-17-2022, 08:50 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2725
Quote: ولم اتخلى عن كتابتها منذ ذلك الزمن بهذه الطريقه .. فهي وسيلة اتصال خاصه بيني و بينها .. و حتى حينما فارقتنا بجسدها .. اسمع اسمي على لسانها و اقرأ حروفه كما علمتني لها .. يحي ..
يا قبة مهما حاولت ما اظن انك ح تكتب كلام اجمل من ده. مقتبس فيهو كمية صدق تفوق الوصف - تسلم على هذه النفحة المليئة بالعاطفة.
04-17-2022, 10:39 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25092
Quote: ولم اتخلى عن كتابتها منذ ذلك الزمن بهذه الطريقه .. فهي وسيلة اتصال خاصه بيني و بينها .. و حتى حينما فارقتنا بجسدها .. اسمع اسمي على لسانها و اقرأ حروفه كما علمتني لها .. يحي ..
يا سلام يا قباني على هذا الوفاء .. ربنا يتغمدها بواسع رحمته ويتقبلها قبولا حسنا بالطبع الاسماء يمكن أن تكون ممثلة لثقافة الفرد وتراثه وعرقه وهويته العامة ، بل وكل ما يرتبط بها من دلالات وذكريات حميمة . حسنا فعلت بهذه الإبانة التي كانت فائتة على الكثيرين أمثالي في هذا البورد وخارجه (بتذكرها لما ود البشرى يزعل من كتابة اسمه هكذا (البشري) )
04-17-2022, 11:23 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
جك الفول لست بالاديب ولا ااممتلك لناصية النقد لكن كتابة مزاج و معاها حراق روح الكتابة الواقعية لها عمقها و اثرها الواضح في الادب و لها ساطينها و لم تبدّ بالمدعو ابوبكر احمد عباس وميل الاستاذ الطيب صالح و لن تنتهي بأبراهيم يحيي .... يالمناسبة هو برضو كاتب اسمو غلت ... الزميل المرتقب للكيب صالح برضو فالكتابة الواقعية في ابسط تعريف ليها هي مزج الواقع بخيال الكاتب و الناتج ابداعية النص في جك الفول و الواقع فيها الصيدلية و ابوروف و البوكسي و السينما و صيوان الفرح و الجك و الدكان و سيدو و الزمان زمن ناس كانو طلبة جامعيين و حياتهم التكافلية التي تصل حد زيارة البيوت و تواصلت حتي بعد التخروج و ولوج الحياة العملية و الراوي في سرده هو البطل الحقيقي للنص الى حين ظهور بطل آجر هو حسين ابن اخت نادر و مفردته المفصلثة ,,, جنّكم .... ز ساقنا بيها جنّكم تشفطوا الشاي باللبن جنّكم تضربوا الفتة بالزيت! جنّكم تتونسوا بالدويات إلي الوصول للحظة الربط برحاب البطلة الثالثة للنص بحضور اراد ان يكون غير معتادا فهي بطلة طاغية الحضور فى القصة برغم انها لم تشارك الا بمشهدين ابتدءأ من جنّكم تشتروا الفول فوق الجكاكة! و هي اخر جنّات حسين ثم جنّة اخري عاد بها الراوي لسدة البطولة جنّهن يعرسن بدون يكلمننا! بمعيار الكتابة الابداعية الواقعية فجك الفول يعتبر عمل ابداعي مكتمل العناصر
04-18-2022, 01:25 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
العفو يا باشمهندس كلنا طلاب علم وليس "طالبان "....ههههه
السرد والحكي يغمر العالم . تعرف الايام دي في القنوات التلفزيونية العربية بدأوا يتحدثون وخاصة في الجزيرة عن الرواية الاسرائيلية والرواية الفلسطينية حول تاريخ فلسطين الحالية. يعني يترجمون الكلمة الانجليزية : narrative
هنالك باحث اسرائيلي معروف نسيت اسمه تحدّث عن دور "النميمة" في تطور المجتمعات القديمة. والنميمة هي عبارة عن قصص تحكى عن اناس غائبين. وحجوة ام ضبيبينة قصة ههههه
تبقى القصة كلها في التصنيف اي النوع الذي ينتمي اليه السرد.
الخبر الصحفي هو قصة مكتملة الاركان في معظم الأحيان. وهكذا "دواليبك" أو كما قال احدهم ههههه
04-18-2022, 05:31 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
لم أتصالح مع تصنيف نصوصي بأنها عبارة عن يوميات عادية كالتي يكتبها قباني وعبد المنعم. هذا التصنيف يزعجني ويحبطني إحباط شديد، إلى هذا الحد كانت كتاباتي بائسة؟! شكراً لهذه البوستات وفعلاً المؤمن مرآة أخيه لو ام تنبهوني كنت سأستمر في إيذاء مشاعر القراء
04-18-2022, 06:07 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
كل آمالي الآن معقودة على رسالة الناقد الحقيقي الأستاذ الكبير؛ عبد المنعم عجب الفيا، لو جاءت الرسالة تصنفني مع الأدباء والمبدعين، سوف آت بها هنا، وإن أختفيت عن المنبر، فأعلموا انه قد قضي الأمر
يا بكري عباس .. والت ديزني قبل ما يشتهر تم طرده من صحيفة كان بيعمل بها بحجة انه رسام فاشل .. فااا ما تخلي كلام المرجفين في المنبر يحبطك حتى لو اداك عجب الفيا زيرو .. بعدين عجب الفيا دا بيكون من نفس مدرسة الخواض ، المدرسة الممعنة في الكلاسيكية .. وانت كزول حداثي مفروض ما تعترف بنقدهم لاعمالك للاختلاف الجذري بين المدرستين .. . . . برضو ملاحظ انه نقد بنات حواء قاعد يؤثر فيك سلبا .. ياخ قول ليهم انا تكفيني شهادة دينا خالد وبس .. :) ..
.
.
04-18-2022, 08:13 AM
Amira Hussien Amira Hussien
تاريخ التسجيل: 11-26-2016
مجموع المشاركات: 1721
عليك الله قول بسم الله انا بقرا ليك وبعجب بى كتاباتك ، من الاول قلت ليكم اكتبو جميعا ونحن بنقرا ابدا ما انتقدت اى نص ليك اما بالنسبة للعبارة الانا اقتبستها …… انا قريتا وعجبتني كتعبير ليس الا …….الابداع لا يقتل ولا يموت
04-18-2022, 09:54 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
يا منتصر، يا عادي، انت عرفت عجب الفيا عشان عجب دا قاعد يطقطق الخواض أفندي، هسّ أنا ما كلمتو بكراهيتي للخواض أفندي، نظام دايرو يكون محايد مع نصوص يكرها خواض أفندي.
04-18-2022, 12:19 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
بالعكس يا مستنير ، لقد صالحتك مرتين ، لكنك لاتنسى أو قل حتى نكون دقيقين: عقلك الباطن لا ينسى نزعة المكاواة والعبط والمزاح الجارح، فتكرّ السبحة مرة أخرى.
انت مع شخص آخر ، الوحيدان اللذان "تشرّفا" بهجائي الاسفيري .
ومع ذلك أشعر بسعادة أن ملاحظتي النقدية وجدت قبولاً ورواجاً وأثارت نقاشاً. وأثبت قباني عملياً صحّتها.
04-18-2022, 06:19 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3481
قباني شنو البثبت حاجةيا أخ؟! اسمو بكتبو غلط؟ عندي ليك مفاجأة مدمرة من كبير النقاد السودانيين حول ثلاثة من نصوصي، لو عندك وصية أكتبها، لأنو ممكن تجيك هارد أتاك
04-18-2022, 06:22 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
ده ردي على موضوع الاسم الكنت بعتبره شي شخصي لكن لي عباطتك اضطريت اشرح الامر :
Quote: بالنسبة لاسمي .. امي الله يرحمها ( اجمل امرأة في الوجود في نظري) بدت تعلمني الكتابه و انا عمري ما جاب 4 سنين .. و علمتني ليها كده ز.. و هي لم تكمل اولى كتاب ..
ولم اتخلى عن كتابتها منذ ذلك الزمن بهذه الطريقه .. فهي وسيلة اتصال خاصه بيني و بينها .. و حتى حينما فارقتنا بجسدها .. اسمع اسمي على لسانها و اقرأ حروفه كما علمتني لها .. يحي ..
فهو شأن خاص .. اتمنى ان لا تدخل فيه ..
الظاهر ما في اي انسانية ولا من يحزنون .. شكلك ياهو المتخلف المعاكس المحب للظهور جوه المنبر و براهو ..
جني جن الزول العبيط ..
04-18-2022, 06:41 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
كل ما يثار عن تصرفات الاستاذ ابا بكر لا يلغي النفحة الادبية الابداعية فى كتاباتو السردية يا ريت الناس تحاكم المنتج لا صاحب المنتج عشان نصل لى نقاش مفيد ...... ابو الحاجة ديك القالا الزول داك .....
هههها ده كلامك !!! اقرار من زميل الطيب صالح و صاحب الاشادة الموثقة من الاستاذ محسن خالد و شايف تباشير شهادة من الاستاذ عجب الفيا كمان شايفو استفاد منّك في بوست مجاور و دى لا يلقاها الا الذين اقر لهم يالمعرفة حطّك طلعت من المشمولين بالرعاية
04-19-2022, 03:05 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25092
Quote: مداخلة بكري أبوبكر عجيبة! قال لقباني مرحب بيك كاتب، كلنا تعلمنا الكتابة هنا. يا سيد بكري، موضوع البوست عن الكتابة الأدبية، انت وين تعلمتها؟ بعدين قباني لا يمتلك موهبة خيال حتى تقوم بتشجيعه يخوض في هذا الكار.
أكرر موضوع البوست ليس حرية الكتابة، إنما الكتابة الأدبية الابداعية
حبيبنا بكور ود عباس انت ذاتك سبت موضوع البوست و قبلت علي..... يا حبيب ما في فرق في نظري بين الكتابة الادبية و السياسية فكلها كتابة ...... عندما تقرا لصنع الله ابراهيم او ابراهيم عيسي او علا الاسواني روائيا او سياسيا لا تجد فرق بين الكتابة السياسية او الادبية فكلها مراة للواقع المعاش.........
04-19-2022, 04:25 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
Quote: تلأملوا (بعين الرضا) ما قاله الاستاذ المثقف جلالدونا
هلا بالموسوعة الشاملة حيدر ما تأمل بعين الرضا بس ... ضيف عليها الغوض فى اعماق السرد لاستشفاف معانيه و مراميه المستنير لو ترك المكاواة الغليطة و السعي في طلب استحسان ما يكتب بيكون غلب هوى النفس بذرة الابداع موجودة و دايرة الصبر على ألم المخاض و الرعاية و مشكورين على شهادة المثقف المستحقة و يا ريت تخلوها المثقف الفيلسوف و بيها الواحد يكون زميل سقراط حولااااااا نفسي قام
04-19-2022, 05:25 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25092
Quote: حبيبنا بكور ود عباس انت ذاتك سبت موضوع البوست و قبلت علي..... يا حبيب ما في فرق في نظري بين الكتابة الادبية و السياسية فكلها كتابة ...... عندما تقرا لصنع الله ابراهيم او ابراهيم عيسي او علا الاسواني روائيا او سياسيا لا تجد فرق بين الكتابة السياسية او الادبية فكلها مراة للواقع المعاش.........
إبداع يا سيد الحوش ليه دافن التجليات دي الزمن ده كله وحاصر نفسك في خانة الفة الفصل - دي من بركات المستنير - طلَع منك بكري المبدع - مثقف وفيلسوف وقاص كمان يا جلالدونا
04-19-2022, 07:03 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
Quote: إبداع يا سيد الحوش ليه دافن التجليات دي الزمن ده كله وحاصر نفسك في خانة الفة الفصل - دي من بركات المستنير - طلَع منك بكري المبدع - مثقف وفيلسوف وقاص كمان يا جلالدونا
ونضيف الى إبداع سيد الحوش و"تجليّاته" المشار إليها أعلاه، "تجْلياّت " البعض للكورة، وهذا ما يمكن ان يندرج ضمن اهتمامات المستنير الرياضية التي ربطت "حداثة" بما بعد الحداثة، بحبل غسيل جاره المكسيكي في المنطقة التي يقيم بها. وهذا يزيد من السمت الموسوعي للمستنير ، مع إضافة اهتمامه بنقد الأديان وخاصة الأديان الإبراهيمية. كما لديه اهتمام معمّق ودقيق بأبحاث الإسلام المبكر ,وخاصة باتريشيا كرون ومجموعة إنارة الألمانية التي ينتمي اليها الباحثان المشهوران: كريستوفر لوكسنبرج ومحمد المسيِّح"
كما يضاف الى ذلك أن المستنير يصوم رمضان" رغم زندقته التي يشير اليها الكثير من المختصين في الخطاب السردي للمستنير، وخاصة مدرسة "سن الفيل" النقدية التي ورثت إنجازات مدرسة فرانكفورت وبراغ الالسنية وجامعة ييل الامريكية.
وقد كتب المستنير بوستا اسطوريا دخل موسوعة جينيس من حيث عدد القراءات عن رمضان والصيف.
وستقوم مجموعة من افضل كتاب السيناريو المصريين بإعداد مسلسل تلفزيوني من وحي البوست المشار اليه سابقا، وسيعرض في رمضان القادم.
وستقوم شركة روتانا بإنتاج المسلسل والإشراف على توزيعه. وسيعرض في جميع القنوات التلفزيونية العربية. ومن المقرر "دبلجته" الى الانجليزية والفرنسية والالمانية والصينية والاسبانية والايطالية والتركية والبرتغالية ، وكل اللغات الحية والميتة أيضاً.
04-20-2022, 01:26 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
صعب جدا وضع (نمذج معياري) للحكم او لنقد اي عمل حقيقة ان بكري عباس له نسق متفرد وقدرة على استنباط وعي كبير ويتجاوز فيه الزمن والمكان لتبقى قصصه راسخة على مر الازمان في الوعي الانساني. باسلوب سلس جذاب بسيط ممتع ... بعيدا عن تقليد النمط الغربي
04-20-2022, 05:17 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20491
عموما هي عامية سودانية قد تكون كما اشرت "مخلوطة" واحيانا تساهم الميديا في ذلك الخليط.
المستنير وجد للأسف الشديد اهتماما يستحقه كتّاب آخرون في هذا المنبر مثل ابوجهينة وطه جعفر والبرنس ومصطفى مدثر على سبيل المثال لا الحصر.
فقط خلطه غوغائية "الدياكة" و"العبط " و"المزاح" جعل صوته أعلى ممن يستحق، بالإضافة إلى سببين: الرغبة في سرقة الاضواء ولفت الانتباه باي ثمن وبأي طريقة. والاقتداء بسيرة البراميل الفارغة كثيرة الضجيج.
*التعديل للفت الانتباه الى ان مداخلاتي الأخيرة حول سيرة المستنير الادبية المتخيلة، كما يراها الحصيف المتابع، هي لمحاكاة "الدياكة" وإثبات لا جدواها وسهولتها وعبثيتها، وضررها المتمثّل في إضاعة وقت القرّاء الجادين.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
هدى ميرغنى
أبوبكر عباس
Amira Hussien
أبوذر بابكر
adil amin
الشيخ سيد أحمد
osama elkhawad
حيدر حسن ميرغني
علاء سيداحمد
Ahmed Yassin
جلالدونا
قسم الفضيل مضوي محمد
فيس بوك
تويتر
انستقرام
يوتيوب
بنتيريست