عقيقة بالقصيم: نزلنا بمطار الرياض الساعة تلاتة عصر، أربعة بياطرة، وتلاتة فنيين بياطرة واطناشر راعي قادمين من الخرطوم للعمل بشركة سليمان العبد العزيز الراجحي بالقصيم. إجراءات مطار الرياض سحلفائية وضباط المطار يتأففون منّا ونحن نتأفف سراً منهم. خلصنا اجراءات الدخول بمشقة، تأخرت الحافلة التي من المفترض أن تنقلنا لمكان العمل الجديد بالقصيم، بعد ساعة أو أكثر ظهر هندي يحمل لافتة مكتوب عليها: الراجحي سوداني فشينا مغصة ضباط المطار والتأفف في الهندي وسمعناهو ليك كيلة ولّ كيلتين ما عارف من الشتايم، بسري فكرت، قلت: الهندي دا لمان يرجع بلدو بفرغ المغص دا كلو في مرتو، وما لقيت لمرتو مخرج غير تدق الشفع، وديل بتفشوا ويفلقوا الكلاب الضالة.
الونسة دي داير أحكيها بطريقة الجمل الإعتراضية بتاعة عبد الله الطيب، مثلاً يبدأ موضوع وبعد جملتين يفتح قوس ويقفل القوس بعد حلقتين إذاعيتين ويرجع للموضوع الأساسي، ولو إتّا بديت الاستماع من الحلقة الثانية بتفتكر انو رجوعو للموضوع الأساسي فتح بيهو قوس جديد، وتظل منتظرو يرجع للموضوع الأساسي بتاع حكاية تأبط شراً ست القوس الأول!
03-26-2022, 05:21 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
في نص الطريق بين الرياض وبُريدة (عاصمة القصيم) قام اللمين ود الدود (من الاطناشر راعي) كورك للسواق يقيف جنب أقرب مطعم لانو الجوع داير يكتلو. تولى اللمين موضوع الطلبات للتسعطاشر نفر دون السواق، الأكل كلو كان نوع رز باللحمة ولحمة بالرز وتتنوع الأسماء من برياني لكبسة لتنور، لكنو كلو في النهاية رز باللحمة ومعاها روب! الجرسون مدّ لي الفاتورة (137 ريال) ناولتها للمين، وبحركة درامية شال الفاتورة ومشى للهندي القاعد بعيد، قبل أسمع جرسة الهندي فهمت انو اللمين خطط للخمسمائة ريال الأداني ليها سفيان ود أختي بمناسبة السفر وهو كان حاضر. أصلاً أنا الجبت الوظيفة دي للمين وهو من قرية اسمها الطندب جنب تمبول وكان شغال معاي راعي بمشروع البطانة لأبحاث الإبل واليوم داك كان مُبيت معاي في مدني؛ عشان نجي الخرطوم سوا (إنتهى قوس معرفتي باللمين ولو جات سيرة اللمين لقدام بحكي ليكم واحدة من قصص ابو مرتو القعد معانا بمحطة أبحاث البطانة درت كامل). جاني اللمين راجع وفي وجهه ابتسامة خبيثة، لقاني مديت الخمسمائة ريال للجرسون وقلت للدود: أنا ما مابي الدفع بُخل مني، لكن ما داير يبقى علي معكوس قصة السوداني الجا السعودية لأول مرة ومن نزل من الطيارة لقى ليهو ريال واقع، شالو ودخلو في جيبو وقال: بسم الله بدينا.
تشاءمت من الدفع ومن شكل الرقم بتاع 137.
03-26-2022, 05:24 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
رجعنا الحافلة والمرّة دي قعدت جنب دكتور آدم حقار، آدم دا، بالرغم من انو من دارفور إلا انو لم يصبه داء الغضب من الجلابة، وما زال حتى اليوم محتفظاً بسماحة أهل دارفور الكانت قبل المفاصلة! قلت ليهو: يبدو انو المشور لسع طويل، عليك الله، يا آدم، أحكي لي قصة ود السمهة (السمحة). قصة ود السمحة دي بالرغم من انها قصة قصيرة جداً، لكن آدم يستطيع أن يجعلها رواية . القصة: قال لي: ود أم درمان نقلوهو دارفور، وعندو مرتو وطفل عمرو خمس سنين، الشافع طبعاً هناك ما عندهم ليهو روضة، شالوهو ودوهو لخلوة جنب البيت، وكل يومين تلاتة بت أم درمان ترسل مع الشافع الملظلظ الأكل الما خمج للفكي، الأكل طبعا، لا الفكي لا أهلو سمعوا بيهو! الفكي بقى مركز مع الشافع وكل يومين تلاتة يقول للشافع: ود السمهة، أبوك ما سافر؟ الشافع بكل براءة يرد ليهو: ما سافر يوم، الأبو بلعب مع ولدو وسألو: الفكي عامل معاكم شنو؟ الود قال ليهو كويس يا بابا، إلا، كل يوم، كل يوم يسألني: ود السمحة، أبوك ما سافر؟
03-26-2022, 07:52 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
هووووي يا ابوذر نحن العنقالة نقرر علاقتنا بالابداع من خلال التشويق بكرينا ده عندي مثل الكاتب البريطاني Mark Billingham ... قال في لقاء اجرى معه مؤحرا : if a book hadn’t gripped you after 20 pages, then it was OK not just to give up on it but to “throw it across the room اها هسه قصة المستنير دي ( ح تطبع في كتاب طبعا ) شدتنا من قولة تيت .. ما احتاجت تصل لأول عشرين صفحة الحددها ببينغهام ده ذاتو - واصل يا مبدع
03-26-2022, 10:17 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
طبعاً يا أبا ذر، أنا بعد نجاحي الكبير في مجال الرواية والقصّة القصيرة؛ قررت في هذا النص الولوج لأدب الذكريات واحداث نقله في هذا الأدب وكسر طريقته المملة. قلتباركني الآلهة
03-26-2022, 10:39 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
كلام الشافع وقع على الأبو زي الصاقعة، ووقف علي حيلو هائج، وكعادة أولاد أم درمان ومدني لمان يزعلوا، سبّ الدين للفكي وأبو الفكي ولوالي دارفور، ولعبد العال رئيسو في الخرطوم النقلو دارفور، وشلت الحيطة والأبواب. بعد الهستامين بتاعو نزل، قال لولدو لو الفكي بكرة سألك، قول ليهو أبوي سافر الخرطوم، ورتّب مع مرتو لو المعفن دا جا هنا تدخلو اللوضة وتبدي ليهو شوية حركات، حدث بالظبط ما تصوره صاحبنا، والفكي بعد صلى بالناس العشاء قال لمرتو: الليلة أنا معتكف بالخلوة للصباح ما داير ازعاج. بت أم درمان فتحت الباب لدابي الليل ولاقتو بابتسامة وبعد المطايبة والسؤال على الغائب وتمنيات السلامة، وزي ستين صلاة على الرسول والحمُد والمباركة، جا يقعد في سرير الحوش؛ المرة أصرت يدخل على الأوضة، تبسم الفكي وأطنب في سرو على سرعة بديهة بنات أم در. دخلتو الأوضة وقالت ليهو أخد راحتك يا مولانا، خليني أمشي أجيب العصاير والبخور
03-26-2022, 05:05 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
على قول الجاحظ " الكتابة تصوير للفظ بالخط " في القصة دي .. انت صورت (الاحاسيس) ذاتها وليس فقط ما (وقع تحت عينك) تصوير لا يضاهيه إلا ما قالته المصورة Sarahbeth Maney التي إلتقطت صورة لبنت القاضية Ketanji Brown Jackson مرشحة الرئيس الأميركي للمحكمة العليا اثتاء احدى جلسات المصادقة على الترشيح الصورة لاقت استحسان كبير في وسائل الاعلام الامريكية مثل إستحساني لقصتك دي (ليتني كنت اجيد رفع الصور) المصورة قالت : When I take photos, I try to capture what I feel and not just what I see. I look for the small, intimate moments during the hearings to give readers a sense of what it feels like being in that room. مبدع ورب المجرات
03-26-2022, 06:08 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5454
Quote: قلت ليهو: يبدو انو المشور لسع طويل، عليك الله، يا آدم، أحكي لي قصة ود السمهة (السمحة). قصة ود السمحة دي بالرغم من انها قصة قصيرة جداً، لكن آدم يستطيع أن يجعلها رواية
ما تتخيل يا احمد كنت مبسوط كيف من قراءة السيرة الذاتية بتاعة القاضية دي وزوجها (الابيض ابو نضارات) القاعد وراها ابوها كان رجل قانون وشقيقها ايضا خريج احدى الجامعات العريقة .. وبناتها ماشين في دربهم (أكاديميا) برضو تعجبني قصص نجاح الـ Black American (بالتعليم) أكثر من الفاقد التربوي اللي اتسلقوا الشهرة بالغناء (لويس فرخان قال عنهم كلام كتير موجع جدا) من شدة إعجابي اجلست بناتي الاتنين وطلبت منهن يطالعوا السيرة الذاتية المشرفة للقاضية دي وسيرة إبنتيها السمحات
03-26-2022, 09:50 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
طبعاً حيدر دا أنا منحتو نوط المثقف الشامل بالسودان، وأحمد يس الفنان الشامل ولطيف الكافر المفكر الشامل وياسر الشريف الباحث الشامل وأنا الأديب الشامل والخواض شاعر السودان الأول
Quote: طبعاً حيدر دا أنا منحتو نوط المثقف الشامل بالسودان، وأحمد يس الفنان الشامل ولطيف الكافر المفكر الشامل وياسر الشريف الباحث الشامل وأنا الأديب الشامل والخواض شاعر السودان الأول
سلموني أنا وآدم لواحد بدوي اسمو أبو إبراهيم مسؤول مشروع الراجحي لحليب الإبل، دخلنا ليهو في المكتب، سلم علينا ببرود لحدي ما كيفني، وقال لينا إنتطروا شوية مع السكرتير السوداني. السكرتير السوداني قال لينا همساً: وقعتوا وقعة سودا آدم حقار ألتفت لي بابتسامتو العذبة وقال للسكرتير: إتّا ما عارف حاجة ساكت؛ زولك أب حواجب مقرونة دا، هو الوقعتو سودا وشفطنا ليك الشاي والقهوة وحضرّنا ليك كل مجسات الحيطة والحذر لراعي البعارين الرئيس المرتقب. قلت لحقار الزول دا نسوي ليهو سوات أولاد الجريف شرق مع الصائم ديمة؟؟ طلع أبو إبراهيم من المكتب وجدع لحقار مفتاح عربية وقال لينا تعالوا معاي، في الطريق لموقف السيارات (تاني من هنا ولقدام كلمة عربية تشموها قدحة، نحن بالخليج) شرح لينا نمشي للعيادة البيطرية نلملم احتياجاتنا البيطرية للحاق بالإبل المتين المتحركة من البكيرية لكبد، وأدانا موجة بدوي اسمو أبوسلطان نكلموا بالراديو، عشان ح يمشي معانا متابعين البعارين، وبسرعة رِكب ليلي علواه وخلانا واقفين جنب السيارة التاتشر المرفوع فوقها موتر دباب، متمحنين للحظة. ألتفت لحقار وصحت؛ دا زول سريع جداً!! عشرة دقائق وجانا أبو سلطان مركب معاهو اللمين ود الدود، سلم علينا بودٍ شديد؛ أرخى معه مجسات الحذر التي رفعها لنا أبو إبراهيم. طلعنا من الوطنية متابعين أبو سلطان وأول قرية أو مدينة صغيرة لاقتنا، أبو سلطان قال لينا عنها بالراديو: دي عيون الجواء (ينطقها من غير همزة مد) بلد عبلة، وهاديك الصخرة الكانوا بتلاقوا فيها. أنشدت له بسرعة بالراديو قول عنترة: يا دار عبلة بالجواء تكلمي عمي صباحا دار عبلة وأسلمي أبو سلطان قال: كمان الدكتور شاعر!! قلت لأبي سلطان: اللمين المعاك دا، ليش إخترتو من دون الباقين قال لي: الزول اختار روحا.
03-27-2022, 03:44 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
نزلنا من الأسفلت مشينا في دروب الرمل لمدة ساعة، سيارة أبو سلطان خابرا الدروب زي ما بقول القدال: خابرين الدّروبْ مَرَقوبنا في مُشْرَعْ مسارب الضّيْ لقينا الدُّنيا تترجّانَا بادية عظيمة لا أستطيع وصف جمالها، وكان ذلك اليوم أول يوم تقع فيهو عيني على مراح إبل سوداء ويطلقون عليها المجاهيم ، لقينا ربع (أهل) أبو سلطان مخيمين وكانوا ثلاثة من البدو وعامل سوري أعرج، ومصري نوبي (طباخ) يتحدث الحلفاوية أسمو عمر، وثلاثة سودانيين من حلفا الجديدة، ومعاهم تاتشرين وأربعة دبابات. وقفنا السيارات والجماعة نزلوا الدباب بتاع اللمين وبعد الضيافة والقهوة والشاي، أبو سلطان شرح لينا خطة التحرك وتقسيم مجموعات الإبل والعمال ومكان المبيت وضبط موجات الراديو. تحركت سيارتنا مع مراح الإبل المُداني وهي الإبل التي دنى موعد ولادتها (بالسوداني الأمدرماني: تقيلة) ومعانا اللمين ود الدود بالدباب وكان في حركة دائمة بين الإبل وسيارتنا، وما عارف، حركتو كانت بتشبه لي الدحش المباري أمو..
قوس الراعي: في واحدة من عودات اللمين للسيارة قال لينا: شايفين الخيمة ديييك، بكون فيها سوداني غنامي، قلنا ليهو أرفع الموتر وأركب، وصلنا جنب الخيمة، جا زول طالع شايل ليهو حاجة في يدو، نزل اللمين ومشى عليهو، الزول جدع الحاجة الكان شايلها وهجم ليك علي اللمين عمتو بالسلام والتجعر، جعّر جعير شديد وقعد في الواطة، ونحن شغالين؛ يا زول، إستغفر، يا زول، صلي علي النبي، يا زول، إستهدى، الرجل يجعّر جعير يشبه صوت الغنم ويتمخط، ربع ساعة كل ما نقول ليهة حاجة؛ يٌصدر صوت يشبه صوت يشبه صوت التيس المخنوق، بعد شوية وقف على حيلو ويخمش ليك حقار بالمقالدة والتجعر. إنسحبت لورا (جني وجن السلام الفيهو عمتي) وهمست للمين: الزول دا يكون نسى الكلام وبقى يتكلم غنمي؟ الزول قال لينا بعد زمن: وما زال يبكي؛ جيتوا فاقدني؟ أمي ماتت موش؟ قلنا ليهو يا زول، نحن جابنا الدرب وقلنا نسلم عليك. أخد ليهو تنهّدة وقعد، أثناء شراب الشاي بالحرجل معاهو قال لينا: وحات سيدي الحسن، لي ستة شهور قاعد في البر وما كلمت لي زول خالص، قلت ليهو: بداية القرن الجاي الموبايل بجي وتكوس البسكتو...
يقال ان عبدالناصر قال للقذافي بشوف فيك شبابي وركب في العالم خازوق الله يفكنا من حيدر الداير يخوزقنا بالزنديق ياخي القصص ده قريناها زمان وشكرناك ما عندك حاجة جديدة بدل الريسايكل الأدبي ده
03-27-2022, 07:24 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25060
انت شوفت شيء يا منتصر https://sudaneseonline.com/db/attention/010_Smile.gif الحمد لله لقينا من يتبنى درر هذا المبدع (نقديا) وبعدها دار الساقي .. طبع ونشر ... ثم انتشار فكرنا يشارك بعمل في جائزة الطيب صالح .. لكن لقينا الجائزة دون المستوى .. حدنا بوكر العربية ومن بعد نوبل طوالي - القذافي هسه الشعب الليبي يتمناه منى
03-27-2022, 11:11 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
منّا يا عادي، وين صاحبك العادي قسوم؟ وصلتني رسائل من قراء المنبر دا، قالوا لي؛ ورب المجرات بنفتح سودانيزاونلاين دي بس عشان نشوفك كتبت شنو؟ أها قلت أنقح كتاباتي القديمة هنا وأتمها وأنقلها لصفحتي بالفيسبوك. ناس الفيسبوك وتحديداً في بروفسور كبير بالامارات مصر أجمع كتاباتي الرائعة دي وأرسلها له عشان يقوم بتنقيحها ونشرها في كتب وبعدين نسختها في أمازون، المشروع دا ح يرى النور يوم اطناشر رمضان
خائف الخواض والمشرف تجيهم جلطة
عليك الله لو المشرف معاك في قروبات قطر بتاعت الواتساب؛ أحظرو تضامن معاي
03-27-2022, 11:12 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
التحية لابي بكر وشركاه لماذا نقرأ ..ونترقب ما يكتبه ابوبكر عباس؟ مع امتلاكه لادوات التشويق جيدا وبساطة المفردة المحببة والربط بين الاحداث بصورة مغايرة للمتبع .. هناك عنصر هام يمتلكه هذا المستنير العالمي .. وهو: Visual language
03-27-2022, 01:01 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
تعجبني شديد عملية (اللغة) - القراءة البصرية دي مرة راشد دياب عمل معرض تشكيلي للوحات في غاية الجمال استوحاها من أشعار كبار الشعراء اذكر منها قصيدة " سيرة" للشاعر الفحيم محمد المهدي المجذوب التي نقل لنا من خلالها صور الأعراس السودانية الشعبية الأصيلة القديمة بكل جمالها
03-27-2022, 02:25 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
ميم شنو يا خواض البتوصيني بيها؟! أعمالك دي ضعيفة، عليك التوقف، لا أحد يرى فيها عمل فني، شوف ليك زول قريب منك وأسأله عنها، أنت لا تمتلك حس سخرية، شوف صاحبك المشرف حينما حاول النيل مني استخدم ما يجيده؛ اللغة المقعرة وقد نال مني وأصبح خطابه لي مشهور، تستطيع تحقيق شهرة مثل المشرف لو استخدمت أدواتك التي تجيدها
03-27-2022, 03:18 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
الخواض قال ميماته تجمع بين اللغة البصرية والكتابة!!! يا أخي، عليك الله أمشي كدا، الواحد يجي يعضيك في راسك دا، صورة بنت القاضية لم تتأمل فيها؟! تصاويرك شينات بشبهن القراد وما فيهن حياة
03-27-2022, 03:50 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
Quote: الخواض قال ميماته تجمع بين اللغة البصرية والكتابة!!
لم اقل ميماتي وانما قلت الميم بشكل عام كجنس ابداعي. بعدين انت عارف انك بالنسبة لي منعدم المصداقية، على الاقل في ما يخص رايك في نصوصي.
وأنت هربت من مواجهة المشاكل الحقيقية التي يعاني منها سردك, والطريقة التي تسرد بها مبذولة لكل فرد يعرف الكتابة: سرد التفاصيل الخام.
وهنالك الكثيرون في هذا المنبر يكتبون عن حياتهم بنفس طريقتك ونالوا تقديرا هائلا. وهذا طبيعي فالحياة مليئة بالسرد، بل قل انها سردية طويلة جدا. والناس يحبون السرد، واشهر اشكاله "النميمة". الاخبار سرد، التاريخ سرد، حياتنا اليومية سرد إلخ.
واضح ان ملاحظاتي الثاقبة النافذة الناقدة قد أوجعتك. وما كان ذلك قصدي. كنت اود ان أنير لك الطريق في بدايته. وأقدم لنفس الآثمة، صدقة ابداعية خالصة.
فلا تسكرْ براحة البن العابقة. صدق اهلنا الحكماء حين قالوا: اسمع كلام الببكيك ...ألخ من حكمة جبارة.
03-27-2022, 03:58 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
صحيح كلامك المشرف متمكن من لغة فخيمة، وقد تصالحت معها وبقيت أشوفو من أحسن الكُتاب السياسيين في السودان، أقرب في حكمتو السياسية الصادق المهدي رسالتو لي رسالة سياسية والنصيحة كدا الرسالة عجبتني، لكن لا أنصح المشرف على الاطلاق الاقتراب من الأدب، ما تقولوا لي كتب رواية، أنا ما قريتها، لكن ما بتكون سمحة
الزول دا يركز على الكتابات السياسية والفكرية وبضمن ليهو مستقبل مشرق بس ما يتهجم على الأدب
03-27-2022, 09:14 PM
الباقر ابوبكر ابراهيم
الباقر ابوبكر ابراهيم
تاريخ التسجيل: 04-22-2013
مجموع المشاركات: 239
Quote: تعجبني شديد عملية (اللغة) - القراءة البصرية دي مرة راشد دياب عمل معرض تشكيلي للوحات في غاية الجمال استوحاها من أشعار كبار الشعراء اذكر منها قصيدة " سيرة" للشاعر الفحيم محمد المهدي المجذوب التي نقل لنا من خلالها صور الأعراس السودانية الشعبية الأصيلة القديمة بكل جمالها
حيدر حسن دا احرف زول في المنبر البقرأ بين السطور ويفاجئك بى رد كان نفسك تكتبه او كنت ناوي تكتبه اها .. دا زول براح واسع الافق وممتع لدرجة.
03-28-2022, 03:39 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
واضح يا بكور انك تتحاشى ما أثرته لك من مواجع نقدية ومواضيع "محرجة" ، ولذلك آثرت الصمت الطويل كشتاء ريتا.
صمتك يعني انك قد بُهتّ من ملاحظاتي وهي من جوهر قضية السرد كشأن كوني يسبغ الحياة كلها بما ذلك الاديان التي تعتمد كثيرا على القصص، الى ان نصل مراحل متقدمة في ما بعد الحداثة حين يتم الحديث عن "السرديات الكبرى"...
اخرجْ من صمتك وانا في انتظارك مع امنياتنا لك ولاسرتك الكريمة بالعافية والسعادة، فاختلافنا لا يلغي مشاعرنا الانسانية.
اخرجْ من صمتك ، أو لعلها طريقة ملتوية لإغلاق البوست .
03-28-2022, 04:12 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
الحقيقة يا خواض، ليس لي إجابة لأسئلتك النقدية؛ فأنا لا أصنع نصوصي، فهي تتنزل علي وليس لي فيها إلا طقطقات الكي بورد، يداهمني النص وأنا أقود العربة فأتوقف عند جذع شجرة وأطقطقه، أو يداهمني وأنا في البحر، فأخرج للرمل أحرك أصابعي فوق تلك الشاشة الصغيرة، وقد داهمني أحد النصوص في بيت عزاء، فكنت أثناء الفاتحة اتمتم بأسماء أبطالي وهكذا، النص في كتابته لا يأخذ مني أكثر من دقائق الانزال على لوحة المفاتيح
فشنو؟ ليس لي اجابة على تساؤلاتك التي تسميها نقدية، ولا أستطيع أن أفعل معه أي تغيير
03-28-2022, 04:42 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
كاد هذا النص أن يضيع في بوست سابق بسبب مطاردات الخواض.
النص؛ نمت حوالي دقيقة رأيت في منامي العميق صورة أنبياء معي عند مجمع الرهد بالأزرق عند مفازة أبحراز، كنت أتوسطهم وكأني زعيم الجلسة؛ كان في الصور بدون ترتيب محمد مُحي الدين، درويش، سميرة، العليش، عبد السيد، أب شرا، شايب، عزيزة بت الصومالي، أمي وشاطوط ظهر في الصور في مكاني فلاش نزلت أول سورة باسم عشر لوحات للهدهد وهو يخرج من الرهد كنت أملي على الشيخ العليش والكاشف يغني ما أمليه من فوق مسرح مهجور وكان يغني وهو حافي القدمين
هو ما بتشوفو عيون وما حاموا حولو ظنون أنشد درويش: يسأل العلماء عن معنى الحكاية والرحيل شال عبد السيد خلفه؛ من أسمائنا نأتي إلى أسمائنا ردد الحضور؛ يا عبد السيد يا عبد السيد
03-28-2022, 05:47 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
ثم وصلنا الثانوي العالي بالسني الثانوية ، وكنا بنجي بالعجلات من بانت شاقين السوق الجديد للمدرسة وبالعكس، لم يفارق برنامج التبش بالشطة والشاي الفرنساوي من محمد نور رحلة العودة من المدرسة طيلة الثلاث سنوات، برنامج المدرسة كان فيهو حاجتين رائعتين؛ واحدة يا ها قلتها ليكم برنامج التبش والشاي الفرنساوي والتانية كانت؛ كنا بنصل المدرسة ونبركن العجلات والمدرسة ما كان فيها سور، ونمشي نقعد في كرين مهجور جنب ترعة الدرجة بنستنى مرور الطالبة الجميلة جداً سكينة يوسف عبيد وهي سائقة دراجتها الحمراء ماشة مدرستها بشرق الدرجة، ما في زول كان بشاغلها، لمان تجي مارة كلنا كنا بنسكت زي الصابة فينا مطرة، لحدي ما تعدي الميدان، ثم نبدأ في الحركة والونسة ، البحصل لينا لحظة مرورها بشبه حركات التجميد بواسطة السحرة في المسلسلات الأمريكية الخيالية.
03-28-2022, 05:49 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
تعجبت، لو لم يقتل جنود نميري الفتى طه يوسف عبيد بمدرسة السني في زمن مرور شقيقته سكينة بدراجتها الحمراء، لما كان أنشد محمد محي الدين قصيدته العجيبة؛ عشر لوحات للمدينة وهي تخرج من النهر في تأبين طه، أتخيل أن لسكينة ولد اسمه طه يجيد الرسم والنحت، لمان أشوفو سوف أحرر شهادة براءة لنميري من دم طه بتوقيع الشيخ عبد السيد ومختومُ عليها؛ من أسمائنا نأتي إلى أسمائنا
03-28-2022, 06:00 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
Quote: كنا بنصل المدرسة ونبركن العجلات والمدرسة ما كان فيها سور، ونمشي نقعد في كرين مهجور جنب ترعة الدرجة بنستنى مرور الطالبة الجميلة جداً سكينة يوسف عبيد وهي سائقة دراجتها الحمراء ماشة مدرستها بشرق الدرجة، ما في زول كان بشاغلها، لمان تجي مارة كلنا كنا بنسكت زي الصابة فينا مطرة، لحدي ما تعدي الميدان، ثم نبدأ في الحركة والونسة ، البحصل لينا لحظة مرورها بشبه حركات التجميد بواسطة السحرة في المسلسلات الأمريكية الخيالية.
الحتة دي عجبتني شديد
في رواية little women شاب بحب بت الجيران لكن لما يدخل
بيت البنت مابعرف يقول حاجة ويتجمد زيكم كدا ، ويسال :كديستكم وين !اظنها رهبة الحب
او حاجة قريبة او رهبة مرتبطة بصور في ذاكرة المحب ...
صاحبي شاعر برضو يقول ارح ماشي اقابل الله بتاعي (حبيبته)
ونقطع الفيافي ونركب كم مواصلات عشان نصل مكان اللقاء
ولما نصل مايلقي اي حاجة غير (طيب نتلاقي بكرة !)
للاسباب دي معظم الشباب في حكاويهم عن البنات كضابين
وبيحكوا عن رغبات اكثر مما هو الواقع الفعلي
03-30-2022, 09:30 PM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
منّا يا عادي، وين صاحبك العادي قسوم؟ وصلتني رسائل من قراء المنبر دا، قالوا لي؛ ورب المجرات بنفتح سودانيزاونلاين دي بس عشان نشوفك كتبت شنو؟ أها قلت أنقح كتاباتي القديمة هنا وأتمها وأنقلها لصفحتي بالفيسبوك. ناس الفيسبوك وتحديداً في بروفسور كبير بالامارات مصر أجمع كتاباتي الرائعة دي وأرسلها له عشان يقوم بتنقيحها ونشرها في كتب وبعدين نسختها في أمازون، المشروع دا ح يرى النور يوم اطناشر رمضان
خائف الخواض والمشرف تجيهم جلطة
عليك الله لو المشرف معاك في قروبات قطر بتاعت الواتساب؛ أحظرو تضامن معاي
. .. ...
. . يا مشاء .. الزول دا خليك لاعب معاه مان تو مان لغاية ما توصلوا مرحلة زين الدين زيدان مع اللاعب الايطالي المغمور داك .. .... .. . . .. المشاء Vs المستنير = توم and جيري كدز .. .. .
03-30-2022, 09:48 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5454
بالغت ياخ ، دي فرمالتي الوحيدة في كرة القدم قاشر كلما يجيبو سيرة كورة
ومعاها البلنت بتاع اكوادور ضد غانا وطارت غانا بسببه
الكلام قديم قبل عوارات تشفير المباريات
اهلا بقسوم ومداخلته اللطيفة الروح والنكهة. السياق مهم في فهم اي خطاب. هنا يشير قسوم الى فعل زيدان ونطحته الشهيرة التي اعتذر عنها لاحقا.
المهم يا قسوم الشردة والهروب من البوست وهو يغني صادحاً:
Quote: أخواتي البنات الجري دا ما حقي
حقي المشنقة والمدفع الثكلي
وهذا الفعل الاسفيري ، يطعن في "جعليته" وانتسابه المزعوم للعباس ههههه
من الحوادث الرياضية الماساوية ايضا، مدافع كولومبيا سكويار الذي قُتل بسبب الهدف المشهور . وظل احد حراس المرمى البرازيليين مختفيا لعقود لانه تسبب في خروج البرازيل من كاس العالم !!
النقاش في كرة القدم أمتع وأفيد من نقاش السير الذاتية عديمة المغزى ... هههه
03-31-2022, 01:22 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
يا سلام يا تيفا على العبارة الماتعة دي واحد صاحبي كان مُكسَر في واحدة من بنات الحلة جاني ذات ظهيرة وطلب مني اساعده في كتابة جواب غرامي يفصح فيه عن حبه لها المهم شالته بسالة وطبق الجواب وقصد بيت الجكسوية .. دقا الباب .. جاتو هي ذاتا من الرهبة قال ليها " أدي الجواب ده لاخوك عماد" (عماد اخوها ده ضابط شرطة) كانت رهبة مكلفة جدا على الصعيد البدني والعاطفي
03-31-2022, 05:46 AM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
في التمانينات كان في مدرب برازيلي اسمه ناغويرا بيدرب المريخ .. ناغويرا دا كان ما بعرف كلمة بالانجليزي غير مان تو مان .. في لقطة شهيرة وهو مساك استوبر المريخ في ذلك الزمن ابراهيم عطا .. ابراهيم عطا كان ناس الهلال الحساد مسمنو الكبكابة لانه بقرِّش الكورة لحامد بريمة حارس المريخ من نص الملعب .. وهو كان معاه حق لانه الخواف ربى عياله .. في ذلك الزمن كان ثيردباك المريخ هو كمال عبد الغني .. فيليب غبوش قال الجلابة حقارين حتى في الكورة لانهم موقفين حارس بريمة وراء اللاعبين .... ناغويرا دا لفا الزمن وبقى مدرب منتخب البرازيل ثم منتخب السعودية عل ما اعتقد.. ويجي المستنير يقول ليك كنا بنقابل (سنطة) في السوق الكبير .. الزمن داك كانت الخرطوم اجمل من دبي وحيدر الشين والمستنير لما اهلهم يقولوا ليهم مودينكم الخرطوم ، شهر ما بيجيهم نوم وبيستحموا .... . .. + العبد لله كان مراسل مجلة ماجد بالخرطوم وكان بياخد بالدولار ..الكلام دا ونحن في المرحلة المتوسطة .. و تقولي منو ؟؟ وتقولي شنو ؟ .. . .. .
03-31-2022, 06:27 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
Quote: ابراهيم عطا كان ناس الهلال الحساد مسمنو الكبكابة لانه بقرِّش الكورة لحامد بريمة حارس المريخ من نص الملعب ..
ابوداوود "سليمان" هو المشهور بالتقريش من النص . وناس الهلال الحساد كانوا يسمونه "الراكوبة"...
وأظنه أي الراكوبة ، أقصد أبوداوود فانا كنت مريخابي وشاهدت تقريشاته المشهورة من النص، هو أوّل من ابتكر هذا التكتيك الذي أصبح شبه فاشل حينما تم تعديل التقريش ليكون بالرأس مثلا . راجعوا قوانين الفيفا الخاصة بشروط التقريش المقبول.
03-31-2022, 07:19 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25060
Quote: لما اهلهم يقولوا ليهم مودينكم الخرطوم ، شهر ما بيجيهم نوم وبيستحموا ....
تصدق يا قسوم الخرطوم دي جيتها اول مرة وانا طالب جامعي .. مكثت شهور قليلة وشتت إلى مصر للدراسة لأني ما قدرت أتحمل النقلة الحضارية دي :) :) الغريبة تكيفت سريع مع أجواء مصر لأني كنت متأثر بها وأقرأ عنها كثيرا من صحفها ومجلاتها التي كانت تصل سوقنا الكبير في عطبرة.. (ما حصل تابعت مسلسل مصري) - اليوم عرفت حاجة جميلة من مداخلة استاذ أسامة .. انه كان بحب الكورة وربما لا يزال يحبها في إعتقادي ، المثقفاتية عموما لا يهتمون بالرياضة ولذلك قلما تجد رياضي مثقف :)
03-31-2022, 09:58 AM
الزبير بشير
الزبير بشير
تاريخ التسجيل: 08-11-2009
مجموع المشاركات: 1770
خلونا نستمتع بازهار رياض المستنبر التي من نسيمها نشتم عبق ايام مدني و ( مدرسة فريني التجارية للبنات ) ياخي ده نحن كنا عايشين في الجنه في سبعنيات القرن الماضي و طلعونا من جنة مدني ام حور العين و جينا الدنيا
من افلام الخيال العاطفي وقتها الحوامه في ام بارونه و يصادفك سرب من الغيد الحسان من ظبى مضارب جدي السني
الزبير الختمي
03-31-2022, 02:01 PM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
الحبيب حيدر حسن مرغني .. لك العتبى حتى ترضى .. المقصود ب حيدر الشين ما انت ... ولكن انا بكاوي في بلدياتك حيدر الزين فقد تم تسميته من عادل امين (الحو ثي) وشخصي بهذا الاسم في فترة غيابك عن المنبر .. اكرر اعتذاري الشديد والله ..
03-31-2022, 03:36 PM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25060
Quote: اليوم عرفت حاجة جميلة من مداخلة استاذ أسامة .. انه كان بحب الكورة وربما لا يزال يحبها في إعتقادي ، المثقفاتية عموما لا يهتمون بالرياضة ولذلك قلما تجد رياضي مثقف :)
عليك يا حيدر بعد السلام والمطايبة الاسفيرية قراءة الكتاب التالي لادواردو قاليانو* ، وهو واحد من افضل من كتبوا سردا في العالم ، وله طريقته المميزة في السرد :
*المستنير كان يعتقد انه "ايطالي"، وهذا يعني انه لم يقرأ له، فامريكا اللاتينية واضحة جدا في كتاباته، وانما سمع عنه في ونسات ناس معاوية الزبير هههههه
وكتبت هدى يحى التالي عن كتاب غاليانو:
Quote: أنني أنا التي لم أتابع سوى بضع مبارايات كاملة في حياتي كلها أن أقع في حبِّ كتابٍ يدور كله حول كرة القدم؟
هذا هو ما يقدر جاليانو المميز على فعله
يتتبع جاليانو تاريخ اللعبة بسرده الذي لا يضاهى ترى المعاناة والفرحة و لحظات التمرد والغضب ونوادر كرة القدم الطريفة قادمةٌ من أرض عباقرة الكرة أولاد أمريكا اللاتينية الذين لا مثيل لهم
ما يخطه إدواردو جاليانو يتسم بسحر عجيب فأنت ترى قطراتِ العرقِ على جبين اللاعب وتشعر بحركات أقدامه الساحرة
أنت هنا تطرق باب كوكبٍ خاص جدا يمتلئ بتشنجات الوجع والنشوة كوكب رسم على أرضه بأكملها الساحرة المستديرة التي أغوت ملايين البشر والتي أعطت وأفنت ودمّرت وبَنَت
فأنت تشاهد الإنسان هنا قبل أي شيء
تشاهدها بطريقة إدواردو عبقري السرد والحكي العظيم
04-01-2022, 12:36 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
نصي عن لاعب الهلال حداثة لا يقل ابداعاً وعبقرية عن كتابة ادواردو قاليانو معاوية الزبير شهد بذلك وقال لي بالحرف الواحد؛ نوع كتابتك دي عن حداثة نحن بنجيب ناس تدرسها لينا في قناة الجزيرة كيف نكتب بيها بروفايل، أنا أمتلك عبقرية فطرية وأنت تمتلك معرفة أكاديمية
حداثة: لاعب صغير في سنو كل البنات حابنو
حكى لي المناضل أيمن الدش ونحن قاعدين قدام بيتم هو وحداثة في برندتم الفاتحة على شارع Summit بغرينسبورو نورث كارولاينا، إنو القطر المذيع الكروي بمدني وهو راكب العربية في نهاية التمانينات وبعلن عن مباراة أهلي إتحاد كان بقول: يقود الاتحاد اللاعب المشاكس كابتن حداثة ويضيف عنو: لاعب صغير في سنو كل البنات حابنو
مبدع كان في كرة السلة والطائرة ولم يكن يهتم بكرة القدم كثيراً وإن كان يجيدها بمهارة عالية، قال لي مشينا الخرطوم نمثل مدني في كرة الطائرة ونزلنا في فندق أرض المعسكرات وكانوا نازلين معانا ناس منتخب الناشئين المثل السودان في ايطاليا، وواصل؛ أنا طبعاً بحب المشاكل زي عيوني، اشتبكت مع ابراهومة وخالد أحمد المصطفى وعملنا شكلة محترمة وحسيت انو الناس ديل بعاينوا لي بتقليل كونو هم في منتخب البلد بتاع كرة القدم وأنا حي الله لاعب منتخب مدينة بتاع كرة طائرة قلت ليهو بزمبغة هي ذاتها الكرة الطائرة بتاعت بنات فكاني بكيس صعود قدامو وحلف بأنو الكرة الطائرة دي أرقى رياضة عرفها الإنسان للآن وقال لي؛ يا حيوان عاين لأجسام لعيبة كرة الطائرة بنات ورجال شوف القوام والرشاقة دي كيف؟!!
في نفس السنة ديك وهو كان ضمن أشبال الإتحاد تم تصعيده للفريق الأول، وأصبح نجم الموسم وشارك مع الإتحاد أفريقياً والقطر مبسوط منو والقطر هو من يحدد نجم الموسم والمواسم بمدني، غنى ليك بصوتو العجيب داك؛ أنت نجم. سفهك؛ تتطلب الله. أصبح يغني في شوارع مدني نغمة صارت أغنية: حداثة لاعب صغير في سنو كل البنات حابينو كل الشباب حابنو. في السنة ديك مجالس المدينة كلها ما عندها غير حداثة نجم المباراة، حداثة شاكل فلان حداثة سبّ الحكم حداثة، حداثة، .... العشاء والمشاوي والكوارع مع حداثة في البيت قدامى النجوم يزينون مجلس حداثة القعدات الفنانين يعشقوا حداثة موش دائماً العكس اللعيبة يعشقوا الفنانيين؟ أعاد للمدينة ألقها، السودان كلو بعشق الفنان محمود حودة ومحمود صديقه الأول بالسودان حداثة ممكن تكون عندو حفلة بالقضارف بعد الحفلة يقول للبعام والرعيّة النوم مع حداثة بمدني
محبّة عجيبة بينهم الاتنين محمود بتمرده العنيف على الدنيا وعلى نفسو شيخه في الدنيا حداثه وقدام حداثه فوق للصداقة علاقة حوار بشيخو!!
شالو ناس الهلال ضجة عجيبة الجرايد ما عندها كلام غير موهبة حداثة اللعيبة يعملوا معاهم لقاء يقول ليهو لاعب لا تحبه؟ حداثة لاعب تعمد اصابتك؟ حداثة لاعب قصد يطلعك من المباراة؟ حداثة الطيب عبد الله، أبو حراز وعبد المجيد ما عندهم شغلة غير حداثة عمل وحداثة فعل خصم من راتب حداثة لأنه أثناء التمرين طلع برّة النادي وطلع في التربيزة بتاعت بتاع الخضار وقعد ياكل في التبش بالشطة!!
يوم جاء يستلم الراتب المحاسب قال ليهو عليك خصم بسبب التبش بالشطة برّة النادي؛ طلع للمحاسب في التربيزة وقال ليهو لو رئيسك جاء هنا خيرني بين التبش والهلال؟ بختار التبش طلع القروش بلا خصم بلا كلام فارغ.
قال لي جاني محمود يوم في البيت زي تلاتة صباحاً، صحاني وقال لي داير لقيمات، قلت ليهو ما بصحي ليك أمي،لكن أرح، ركبنا العربية مشينا الميناء البري، لقينا عشوشة يا دوب بتهب في الكانون ظبطت لينا لقيمات عجيب. قلت ليهو لازم تظبط الشاي واللقيمات وفي حضرتها أشهر لاعب وأشهر فنان. قال لي سيب دجلك وأسمع القصّة من القصّة دي، لسّ الزبدة في الدرب؛ ونحن راجعين بشارع التلفزيون والناس يادوب خلصت الصلاة لقينا عمك كبير سايق عجلة ماشي عكسنا محمود قال أرجع بالعربية أرجع وقفنا عمك ومحمود طلع من جيبه رزمة قروش كبيرة جداً سلمها لعمك قلت لمحمود عندك غير القروش دي قال لي لا عمك شال العجلة قلب اتجاهها ورجع ورانا في نفس الاتجاه أنا طوالي قمت ركبت عربيتي ولم أسأله بقية القصة وخرجت من شارع summit ووليت وجهي شطر الريف الكارولايني سارح مع غنم إبليس.
لو قدرت برجع أكتب عن فترة البحرين، بورتسودا، وكريمة وعلاقته مع محمد النصري وشقفه بشعر محمد أحمد الحبيب وأقول كما قال شاعر عابرة؛ نحنا غلبنا نوفي جمايلك وبرضو غلبنا معاك نتماشى
04-01-2022, 02:05 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
الاورجواي وليس الاكوادور .. لويس سواريز هو الاخرج الكرة بيده من خط المرمى وفي نفس المباراة اس العالم ٢٠١٠ بجنوب افريقيا تحصل على الكرة واحرز هدف غير شرعي في غانا سماه مواطنه"ادوارو غاليانو" المهاجم الشيطاني ..واثنى على سواريز( تصرف الجنون الوطني) الشكر للشاعر اسامة الخواض الفتح لنا نافذة قصصية عن هذا (الشاعر) غاليانو
Quote: ظل احد حراس المرمى البرازيليين مختفيا لتسببه في خروج البرازيل من كاس العالم
الحارس: (مواسير) باربوزا .. او المنبوذ الذي كرهته البرازي واعتبروه الكوج او الشؤم المستطير وهو حملوه هدف الاورجياني(جيجا) في نهائي كاس العالم ١٩٥٠ بملعب ماركانا امام ٢٠٠ الف متفرج كان صياحهم يصم الاءان وبعد الهدف صن الملعب واختفى اي صوت تماما من الصدمة وبغد صافرة النهاية رئيس الاتحاد الدولي (جول ىيميه) ظل ممسكا افترة طويلة بالكاس ولا يدري ماذا يفعل به الا ان اتى جيجا واختطفه منه... وسمي الحدث .. صدمة ماركانا ظل باربوسا لاكثر من خمسين عام مختفيا عن الانظار حتى مات
04-01-2022, 04:26 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
الفرق بيني وبينك يا خواض؛ أنا مبدع فطري وأنت موظف ثقافي قد لا أعرف ماركيز ولا غاليانو ، لكن ممكن أكتب نص تشيلوهو انتو الموظفين الثقافيين تنقوا فيهو وتقارنو بكتابات الجماعة ديل وممكن تتهموني بالسرقة منهم وأكون أنا ما سمعت بيهم.
مشكلتك التانية؛ انت بتفتكر كونو أنا حايم في دائرتك المعرفية، المفروض أكون زول عادي، العباقرة ديل برضو عايشين في الدنيا وعندهم أصحاب عاديين زيك وبركبوا البصات وبقعدوا في القهاوي وكدا
04-01-2022, 07:07 PM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25060
Quote: ثم كتبت بعض القصص حتى لم أعبأ بنشرها، وفى أواخر الخمسينات كتبت قصة "دومة ود حامد" ونشرت القصة أظن عام 1960 في مجلة "أصوات" التي كان يصدرها في لندن باللغة العربية صديق إنكليزي أصبح فيما بعد المترجم لكل أعمالي هو المستشرق المعروف "جونز ديفز".
ترجم ديفز هذه القصة إلى الإنكليزية وأرسلها إلى مجلة أدبية كبيرة تصدر في لندن ولدهشته الشديدة قبلوها فوراً ونشروها.
بعد ذلك بقليل ذهبت إلى أكسفورد لزيارة أصدقائي وقابلت بعض الأساتذة الإنكليز فقال لي أحدهم: قصتك أحلى من قصة نورمان ميلر التي نُشرت في العدد نفسه. وإن ميلر يمكنه أن يتعلم منك!. قلت: سبحان الله! نورمان ميلر كان آنذاك كاتباً كبيراً بينما لا يعرفني أحد! قلت لنفسي: "والله يبدو أنني أستطيع أن أصبح كاتباً".
شوفت كيف
04-01-2022, 09:36 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
يا استاذ علي، يا أخي، أنا أسوي شنو مع أفندي الثقافة المدعو الخواض دا؟! الزول دا قاعد يخرب لي مزاجي الابداعي وبالتالي يقلل من انتاجي الأدبي والفكري اليومي. مرات أقول أمشي لي لفكي أربطو.
الخواض دهين ميلي
04-03-2022, 02:38 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12480
الأخ أبوبكر سلام ورمضان كريم عليك وعلى ضيوفك الكرام . ياخ بدور أسألك عن عقيقة. أصلها وفصلها في الجغرافيا . موقعها ومعناها وشنو السر العجيب في طعم تمرها . وهل للاسم علاقة بلغة يهود المدينة في الزمانات القديمة ؟ حدثنا عنها لو سمحت .
04-04-2022, 11:39 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
لأخ عثمان موسى رمضان كريم لو أنت صائم. أحول اسئلتك للخواض أفندي فهو مثقف كبير ويمتلك حصيلة أكاديمية كبيرة من منابع مختلفة، أنا أديب وراوي ومفكر ولست مثقف موسوعي بنيوي مثل الخواض أفندي، علاقتي بالأدب والفكر علاقة موهبة فطرية، وليس لي يد في منتوج كتاباتي الأدبية والفكرية؛ هي تتنزل عليّ مثل الوحي وأنا فقط اصابعي فوق هذه الشاشة الصغيرة، في بعض الأحيان يقوم هذا الجهاز الصغير بتغيير بعض الكلمات التي أرسمها، وأرجع لتصحيحها وأتضايق من هدا التدخل من قبل الجهاز.
لو الخواض أفندي ما جاوبك، شوف غوغل بتاع المعلومات دا، بتلقاهو عندو صفحة جنب صفحة سودانيزاونلاين دي.
خليني اختم البوست للمرة الثالثة بالنصيحة التالية للمستنير:
نصيحة لوجه الله: لا تخدمك تعليقاتك على نصوصك بقدر ما تحط بها باعتبار انها قيلت لاثارة الضحك لا اكثر.
طبعا هنالك من ادرك مغزى ما تقوم به فجاروك في اخذك على سبيل الدعابة، لكن المؤسف ان هنالك من صدق ما تقوم به من "دياكات" حسب تعبيرك، فقمت انت بحسب التعبير الدارج "شيّلتهم القفة" ههه
كان بإمكانك، ولا زال بامكانك ، فانت بكل المقاييس الجادة والهزلية معا "كاتب مبتدئ". كان يمكنك ان تخلق اقنعة مثل "ابولمبات" او الكهربجي او ابوفانوس الحداثي" الذين يقومون برواية تلك الحكايات "المباشرة" كما سماه لطيف بحق.
طبعا دي الفكرة بشكل عام، لكن يلزمها كثير من السمكرة ولا تقبل التطبيق الحرفي. عليك خلق شخصية او شخصية مثل دون كيخوته في مأساويتها وطرافتها . وبذلك ينفصل الجد من الهزل، وابوبكر القاص من ابوبكر الشخصية الحقيقية ، وتنتفي عنك تهمة الابتذال.
تخيل لو انهيت نصيحتي الجادة بعبارات مثل "وبعد ما تكون مشهور تدفع لي حقي". أو وبعد ما تستلم جائزة نوبل للادب ما تنسانا يا ابولمبات ، أو لو هاجمك النقاد فاثبت وما تهرب زي ما هربت من الخواد كما تكتب اسمي في حالات غضبك ههههه أو تقول " الله يجازي اللكان السبب؟ دا كلو من الخواد ههههه
04-05-2022, 06:20 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20473
أنا ما معترف بحاجة اسمها النقد الأدبي، دي عطالة أفندية ثقافة ساكت، ما ح نشتغل بيكم ولا بقوالبكم المصدّية دي ولا تصنيفاتكم ولا تقسيماتكم للأدب، الأدب عندنا مقياسو؛
04-05-2022, 08:26 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25060
ولو ما قادر عليها يمكن نباصيها لكاتب يمتلك الخيال الخلاق.
بعدين كلامك التالي:
Quote: يا أخي، في الخليج كمان في نقاد من نوع تاني؛اسمهم النقاد الحكوميين،المسرع حكوميالنص مؤلفو موظف حكوميالممثليين موظفين حكومةالناقد حكومينحن الجمهور جايين للعشا البعد النقد
كلامك التالي "دياكة" أم "نقاش علمي"؟؟
أي ثوب ترتدي ؟
هل انت "الكاتب الحقيقي" أم الكاتب الضمني: "ابو فانوس الحداثي"؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة