Quote:
يا سلام اديبنا الجميل الرائع .. تعجز حروفي عن التعبير
تعرب الاصيل ابن الاصيل أنا أكثر من اقرأ بوستاتك في المنبر
لديك لغة ساحرة ومزيج غير مسبوق من العامية والفصحى أحياناً ألجأ
الى زميلي في العمل القرشي من أبناء ودمدني لفهم بعض العبارات
فيكون موضوع ونسة وتعليق .. وأنا بقول ليهو (يا القرشي الدناقلة
اسسوا مدني وسكنوا ضواحي مدني)
انت مبدع ورائع وموهوب
|
لعَمرُك عمو أبو علوة لأنت لقمان حكيم هذا المنبر و خير مخمِّد
للصدامات (Shock Absorber) و "البنابر" المجاورة .صدقت فعلن
انتو حفدة مؤسس ود مدني الشيخ الزاهد الورع محمد ود المدني السُّني
الذي قدم إلينا من مهد الحضارات دنقلا العجوز كما قيل لنا , و القرية اللي
نحندرسنا فيها الثانوي العام قبال نمش حنتوب ، اسمها الدناقلة شرق مدني،
ومنها عمنا البروف الجزولي دفع الله وعابدين محمد علي صالح خبير
أممي عملاق في مجال هندسة المياه ومجاري الأنهار.
+ أما أنت فتذكرني عمنا الراحل حيدر عبد الحميد إمام برضو دنقلاوي حُر
كان زميل ترجمة و تدريس لغات للناطقين لا بها ولابغيرها. و رغم إنو زول
متمدن من أمدرمان العباسية ، لكنه كان تواضعاً يتوكأ على ساقين و موسوعة
في كل شيء و كريم لدرجة لامن يعزمنا في داره العامرة كان يخت لينا اللقمة
في خشمنا. لدرجة في واحدة جارتم لامن تكون مدبرسة تقول لأهلا أرحكاكُن
لناس حيدر ود نعمات يشكرنا في الفيناووالما فينا. ياخي ناس فهمت إن
التبسم في وجه أخيك صدقةٌ جارية و بالمجاني لاقرش لا تعريفة.
+ ما أطيل عليك عندي ليك رجاءً وليس أمراً : لأنو جارنا نوبي مصري
عاشق للسودان و داير مني ما تيسر من أسامي القرى والحضر في شمالنا
الحبيب المعربة من اللغة النوبية و كذلك الأدوات الزراعية مثلاً ويبدو
كمان كلمة منبر دي زاتا محرفة من "بمبر" وشكلها نوبية.
دفع الله ود الأصيل
فيس بوك
تويتر
انستقرام
يوتيوب
بنتيريست