النزاع الروسى الاوكرانى والحقائق المغيبة .. continuous update

Quote: دينق ايها المسكين .. I have lived in America for 30 years of my adult life It is great country with good constitution that give their citizens rights and freedom of speech I LOVE this great country of the United States of America and I defend it from foreign domestic enemies انا فاهماك وقارياك صاح ويعلم الله كنت متوقعة حضورك فى هذا البوست بنفس اسلوبك بتاع الوصايا المعتاد وانا عارفاك انت بتعمل فى شنو !!!!!! وعارفة حقوقى كمواطنة امريكية زى زيك فما تحاول تزايد علينا فى حب امريكا وفهم قوانينها نجى لى قناة RT امريكا طبعا عارفة انو معناها روسيا اليوم وهى قناة تتبع للحكومة الروسية وعندها تصريح بالبث مثل باقى القنوات العالمية والكلام دا مكتوب بالانجليزى على اليوتوب عندما تفتح اى فديو لى RT تجد الاتى : RT is funded in whole or in part by the Russian government. فما تفترض فينا الغباء وتستعمل اسلوب الارهاب نحنا عارفين حقوقنا وفاهمين القوانين كويس .. امريكا بلد عدالة وحرية وحكم القانون وانا حأقيف مع امريكا ضد اى دولة فى العالم لكن خلينى أسألك سؤال : انا وضعت عدد من الفديوهات وكلهم لى امريكان او غربيين ما عدا فديو واحد لى RT اشمعنى يعنى ما علقت على الباقين ولا زى ما بقولوا الغرض مرض انت اى زول اتكلم عن المسيحية او امريكا او السياسة الامريكية بتحاول ترهبوا تتذكر الزميلة صباح الخلت المنبر بى سببك اختلف مع الناس بى احترام واعرض وجه نظرك المختلفة عشان الناس تحترمك لكن البتعمل فيهو دا ما نقاش دا تنمر Quote: أنت تفرضين ما تنشره الميديا الغربية المختلفة أنا ارفض اواقبل مشكلتك شنو انت !! وين انا خرقت القانون الامريكى برفضى ما تنشرة المين استريم ميديا ؟ انا لا ارفض او اقبل ما تنشرة الميديا الغربية per se انا استمع لكل الاراء من مختلف المصادر وبعدها بيكون عندى رأى كامل عن اى قضية ممكن تختلف معى وتقول لى كلامك كلوا غلط مافى مشكلة لكن تحدد لى اشاهد ياتو قناة او استمع لى زيد ولا عبيد دى اسمو ارهاب وتكميم افواه وما بينفع معاى انا انسانة حرة فى تفكيرى لا اتبع ......... Quote: الميديا الروسية التي تتبع للحكومة الروسية، عكس الميديا الغربية التي لا تملكها الحكومات الغربية. الميديا الغربية لا تتبع للحكومة ولكنها تتبع لل Big cooperation عشان كدا اسمها CORPORATE MEDIA وليس مستقلة تماما كما تعتقد و فى حالة الحرب بيكون خطاب الميديا موحد فى كل العالم وتابع لى وجه نظر الحكومة ودى شئ مفهوم بالطبع لكن فى السياسة الداخلية بيكون فى اختلاف فى الميديا كما فى حالة فوكس وال CNN مثلا Quote: بعدين قصة أن السعوديين رفضوا تلقي مكالمة من الرئيس الامريكي جو بادين، ده بيوضح لي مدى معرفتك الضعيفة بكيف تعمل الحكومة الامريكية في واشنطن وما هو مدى تاثيرها حول العالم. امشى اتكلم مع صحيفة الوول استريت جورنال وهى من الصحف الكبيرة وليها مكانتها وقول ليهم معرفتكم بكيف تعمل الحكومة ضعيفة ولو ردو ليك بعدين تعال نزل الرد هنا .. انحنا بننقل الكلام المنشور وانت ساعدنا بال fact chek ينوبك ثواب معلومة كدا لى وجه الله فى واحد امريكى اسموا Joe Rogan متابعينو فاقو CNN تفتكر السبب شنو ؟