معظمكم قد تابع السيناريوا الذي حدث في يوم السبت /الموافق ٣٠ /٥/٢٠٢٠م في ولاية نهر النيل محلية (الدامر) عاصمة الولاية وهى من المدن الآمنة في السودان يقطنها كل مكونات المجتمع السوداني تقريبا" من الغرب والشمال وجنوب كردفان وشمالها والشرق وحتي هناك عدد مقدر من شعب جنوب السودان مقيمين في المحلية ولم يتأثرو بانفصال دولة الجنوب وكذلك جزء كبير من قبيلة (القرعان) تحديدا" تسكن حي دار السلام مربع ٣٧ مختلطين مع بعض قبائل النوبة واغلبية النوبة يقطنون حي دار السلام مربع ٣٨ كل من المجتمعين (النوبة) و(القرعان) يعيشون في سلام وأمان وتداخل وعلاقات طيبة تسودها المحبة والإلفة السودانية المعهودة لكن حدثت حادثة غريبة غير معهودة بأن تعدى شباب من القرعان على الأطفال (يوسف مايكل) عمره ١٦ و(نوادر عثمان )عمرها ١٧ سنة بالضرب المبرح الغير مبرر وصلت مرحلة جرح الطفل يوسف مايكل بسكين مصحوبة بإساءته إساءات بذيئة وصلت مرحلة أن قالوا له امشي كلم اهلك على حسب رواية الطفل مايكل فالواضح أن هناك مخطط معد له مسبقا" فعلا" تحرك مجموعة من إخوان مايكل وبعض الشباب وحصل صدام ما بينهم لكن خطورة المسألة وبكل أسف أن مجموعة شباب (القرعان) كانت مجهزة لكمين جاهز ومخطط له مسبقا" فوقع ضحيته هؤلاء الشباب العزل من بينهم أطفال وهم الاتي أسمائهم.
١/عبدالعزيز حامد مزة .العمر ٣٠ سنة
٢/اذريان عبدالرحمن .العمر١٨
٣/منتى إسماعيل .العمر ١٩سنة
٤/على عمر .العمر ١٨سنة
٥/عوض إبراهيم حبيب .العمر ١٧ سنة
٦/الطيب عبدالله حماد .العمر ١٩
٧/ محسن على عبدالله .العمر ٢٠ سنة
٨/عامر حامد .العمر ٣١سنة
٩/محمد بلال .العمر١٩
١٠/رزق الله تاور. العمر ٢٠ سنة
١١/مروان مكى تية.العمر ٢٢
١٢/دكين ابشر عبد الرسول.العمر ١٩ سنة
بالإضافة لإصابة الاطفال يوسف مايكل والطفلة نوادر يصبح عدد المصابين ١٤ فرد من جبال النوبة.
جماهير الشعب السوداني.
إتضح بعد سماع شهادة رئيس لجنة المقاومة في الحي ومجموعة من المواطنين والناشطين إن من وراء هذه الاحداث المواطن يوسف ابكر رئيس اللجنة الشعبية السابق ورئيس حزب المؤتمر الوطني في الحي وعمدة قبيلة القرعان وكذلك المواطن (عبدالرحمن على عبدوي ) وهو أمين الطلاب في الولاية ابان النظام السابق ومسؤول المراسم والاحتفالات في أمانة الحكومة في زمن النظام البائد ومازال محتفظ بوظيفته مسؤول المراسيم بأمانة الولاية إلي الان.
جماهير الشعب السوداني.
تحركت حكومة الولاية في اليوم الثاني لحساسية وخطورة المسألة لمكان الحادث برئاسة الوالي بالإنابة قائد ثاني المدفعية عطبرة واللجنة الأمنية بالولاية والمدير التنفيذي لشرطة الولاية في يوم الاحد الموافق ٣١ /٥/٢٠٢٠ مساء" للوقوف على الاحداث والسيطرة على التوتر والمشاحنات والصدام المتوقع بين الطرفين تم تكوين لجنة من الجانبين النوبة والقرعان مهمتها توقيع صلح بين الطرفين وفعلا" تم تكوين لجنة لعقد الصلح وكادت أن تصل اللجنة إلي الصلح ولكن تفاجأة الحضور بالتحريض المباشر لأبناء قرعان من المواطن (عبدالرحمن علي عبدوي وهي قبيلته التي ينتمي أمام اللجنة الأمنية لرفض الصلح حتى فشل الصلح مما أدى إلي القبض عليه من قبل الشرطة وحبسه في الحراسة وتم إطلاق سراحه صباح اليوم .
جماهير شعبنا السوداني.
ألقت السلطات الأمنية بولاية نهر النيل القبض على ثلاثة لواري قادمة من محلية شندي مشحونة ومحشودة بشباب من قبيلة القرعان يحملون الأسلحة النارية الخفيفة والأسلحة البيضاء على حسب المعلومات المتوفرة بالولاية للفذع وتم التحفظ عليهم وحجزهم في قسم شرطة الدامر.
جماهير شعبنا الصامدة.
نحن في إتحاد محامي جبال النوبة نؤكد الاتي.
١/تأكد بما لا يدع مجالا" للشك إن هناك مؤامرة ضخمة وكبيرة جدا" تحاك ضد شعب النوبة بعد أحداث بورتسودان وكسلا وكادقلي والآن الدامر سنكشف عن تفاصيلها لاحقا".
٢/نتوقع أحداث مماثلة ومشابهة في ولايات اخري الغرض منها إستفزاز النوبة ودفعهم إلي الوقوع في دائرة العنف ومن ثم تنفيذ مخططاتهم.
٣/ننبه شباب النوبة والإدارات الأهلية والمثقفين ان ينتبهوا لهذه المخططات التي تستهدفهم إستهداف مباشر وأن يستخدموا الحكمة وصوت العقل.
٢/ علي الشعوب السودانية الأخرى أن لا تقف متفرجة تشاهد هذا العبث لابد أن يكون لها موقف واضح إتجاه هذه الأحداث المتكررة المستديمة بكتابة البيانات او التعبير عن ذلك بالخروج في مسيرات سليمة رافضة ومنددة وإلا يكون لنا موقف اخر من هذا الصمت.
٣/على الحكومة المتمثلة في مجلس السيادة ومجلس الوزراء ان تتحمل المسؤولية كاملة في حماية المواطنين ومحاكمة المتورطين وتقديمهم للعدالة بدلا"من شماعة النظام البائد وما حدث في كادقلي هو وصمة عار في جبين حكومة الثورة نتحدث عن هذا لاحقا".
سيظل إتحاد محامي جبال النوبة خنجرا"مسموما" في قلب الأعداء.
بالطبع أوردنا بيان من طرف وأحد ونتمني ان يتثني لنا الحصول علي معلومات من الطرف الاخر في الصراع بين النوبة والقرعان كما نتمني ان نري بيان رسمي من وزارة الداخلية حول احداث مدينة الدامر وفِي الخاطر ان السودان في الاوانة الاخيرة شهد صراعات قبلية في مناطق متفرقة ظلت طوال تاريخيها تعيش في تعايش السؤال ما حدث من صراعات قبلية ان النظام الهالك يأجج الصراع بين المكونات القبلية في المجتمع اما ان هناك امر اخر يحتاج لدراسة
06-04-2020, 05:22 AM
adil amin adil amin
تاريخ التسجيل: 08-01-2002
مجموع المشاركات: 37022
يا العالم التداعايات الامنية في ولابات السودان المختلفة مخطط اقليمي دولي مفضوح وماشي باستمرار كدي خلينا نعرف عندنا 17 ولاية غبية فيها والي عسكري مش كده ماذا قال الاعلان الدستوري عن مسؤلية الامن في الولايات هل مسؤلية القوات النظامية الجيش الامن الشرطة ولي الحكومة المدنية في المركز وفي الولايات يعني هل مسؤلية حكومة حمدوك ولي ق ح ت ولي تجمع المهنيين ولي مسؤلة اللجنة الامنية الجنرالات الخمسة في المركز وال17 وجنرال في الولاية طبعا الكلام عن الحل وهيكلة السودان واسقاط الانقاذ دي كلها في الاقاليم بي خارطة طريق دستورية ديمقراطية كتبنا هنا لامن فترنا العمل المنظم والمجرم ضد ابناء النوبة حصل في اكثر من ولاية ومن جهات محددة وقبائل محددة ايضا اتمشيخو في زمن البشير والمؤتمر اوطني لا عمد ولا اطيان ولا قبب ولا كجور والنوبة اعرق واقدم منهم في السودان والاقليم الشمالي وزارة الداخلية ما راجعت رقم وطني مفتوح للجميع الا السودانيين والجواز الالكتروني ايضا وده كلو متراكم لحدي الان ودي سياسة الانقاذ ومستمرة حدي الليلة ونهب كبير لاراضي الاقليم الشمالي ايضا بواسطة الدول دي مصر والسعودية والامارات وقطر وتركيا والبحرين وكيزان اليمن ايضا والولاة اجنرالات ديل وظيفتم شنو في الاقليم الشمالي ؟؟؟ حراسة مصالح الدول الخارجية دي ولي حماية الموطنيين السودانيين ومنع التهريب والتفلتات الامنية https://top4top.io/ ال17 ولاية دي ما تلزمنا ترجع الاقاليم الخمسة عشان ينضبط التواجد القبلي في كل السودان وتراجع النظارة والعمودية وفقا للثقل الطبيعي للمكونات الاجتماعية في كل اقليم الولايات دي اس البلاء والجنرلات الفيها ديل مبتزلين وعديمي المسؤلية اطلاقا
حبيبنا عادل امين اتفق معك ان المشهد السياسي مأزوم وان العسكر يتمددون وان الخارج صار جزء من صراع الداخلي المطلوب اعادة الثورة السودانية لمنصة البدايات وإجراء عملية إصلاح شاملة تبدا بالحاضنة السياسية للثورة وتنتهي بشعار الثورة حرية سلام وعدالة
06-05-2020, 07:13 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27593
ول أبا حسن العالم، سلام .. النوبة يتم استهدافهم بسبب مواقف الحركة الشعبية شمال المتعنتة .. التي تصر علي عدم السلام .. والنوبة المساكين أصبحوا يدفعون الثمن كما كانوا يدفعونه في زمن الأنقاذ.
علي الشعب السوداني أن يعي ما يمارس ضد النوبة من حروب قبلية يعتبر جريمة.
حبيبنا بريمة كل سنة وانت طيب مشكور علي الطله السؤال من الذي يستهدف النوبة ولمصلحة من اولا ثانيا لماذا عقلية البرئ بجرم المذنب عن صحة الرواية الحركة الشعبية كيان سياسي والنوبة مكون اجتماعي وبالمقابل هل الحركة الشعبية تنظيم خالص لاهلنا النوبة اما انه مفتوح للجميع علي العموم نظرية الاستهداف وموضوع الخطاب العنصري والصراعات التي تنشب هنا وهناك تجعلنا نطرح سؤال موضوعي حول ثورة سبتمبر المجيدة ومفهوم التغير وإدارة التنوع في ظل الثورة وهل فعلا نحن مقبلين علي تغير حقيقي ام ان الثورة هي استبدال نظام بنظام وستظل العقلية باقية ومعها البؤس
06-05-2020, 11:15 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27593
صدق، يبدو لي أن عقلية جديدة لنج هي تحت طور التشكّل .. وهى مسألة ليي الزراع .. وهذه العقلية الجديدة لا تفرق بين النوبة كمكون اجتماعي ضمن مكونات شعبنا .. وبين أبناء النوبة في الحركة الشعبية .. في نظر هؤلاء، الذين يعتدون علي المكونات الاجتماعية للنوبة، يعتبر لديهم كل نوباوي متمرد ولو سكن في المنشية. وأظن في نظرهم هذا يعتبر نضال ضد تخريب الثورة ..! في نظرهم بدل كان النوبة ثورجية الأن صاروا مخربين!
الحركة الشعبية شمال يجب أن تلاحظ مالات مواقفها علي أو في الشارع السوداني .. أخشي أن يكون الشارع أولي ظهره لمواقف الحركة.
أهم ما في الأمر، علي مثقفي النوبة في المدن والحضر .. أن يفوتوا الفرصة علي دعاة الفتنة .. المسألة ليس مسألة خوف أو جبن .. مفروض الحقوق تأخذ بالقانون .. وليس برد الصاع صاعين .. هذه لغة بائدة.
بريمة
06-05-2020, 11:23 AM
adil amin adil amin
تاريخ التسجيل: 08-01-2002
مجموع المشاركات: 37022
اخونا العالم والله المليس البسوي فه حمدوك والاستهانة بالتداعيات ذى دي بدون تشخيصا حضيع السودان قريب\ اول حاجة شوف النوبة قبيلة سودانية ولها وجود قديم وعريق في الاقليم الشمالي وما عانت الا في زمن الانقاذ ومن زمن المنبت المازوم اترابي في بدايات الانقاذ القرعان قبيلة تشادية وافدة علي السودان وعلي الاقليم الشمالي يعني ما اقدم من النوبة باي حال من الاحوال شوف الامتيازات اللقوها في زمن الساقط البشير والترابي
Quote: إتضح بعد سماع شهادة رئيس لجنة المقاومة في الحي ومجموعة من المواطنين والناشطين إن من وراء هذه الاحداث المواطن يوسف ابكر رئيس اللجنة الشعبية السابق ورئيس حزب المؤتمر الوطني في الحي وعمدة قبيلة القرعان وكذلك المواطن (عبدالرحمن على عبدوي ) وهو أمين الطلاب في الولاية ابان النظام السابق ومسؤول المراسم والاحتفالات في أمانة الحكومة في زمن النظام البائد ومازال محتفظ بوظيفته مسؤول المراسيم بأمانة الولاية إلي الان.
شوف الوافدين ديل وصلو وين في الولاية الخقيرا نايم دي عشان كده من بنود التغيير واستعادة الديمقراطية في السودان عنددي بند اساسي مراجعة قانون الجنسية وكل الاوارق التي اصدرها النظام الوسخ من 30 يونيو 1989 ولحدي الليلة يونيو 2020 داخل وخارج السودان من الرقم الوطني والجواز الالكتروني ايضا هل يعمل حمدوك المختسك ده ووزير الداخلية بتاعو في هذه الاتجاه وبعدين الوافدين ديل منظمين ومسلحين خارح القوات النظامية بصورة مقرفة ومشينة في كل السودان واولاد النوبة المساكين قاشرين لينا بي البعث والنصارية والاخوان المسلمين وذى المشبوه الكباشي ايضا والدفاع الشعبي ف كردفان ودارفور عشان كده الثورة يجب ان تعيد شعار السودان للسودانيين اولا واعتماد قانون الجنسية بتاع 1957 السوداني الجنسية الخضراء الوافد الجنسية البنية لحدي ما كل قبيلة تحترم نفسا وتقعد بادبا في الاقليم الستة وتنقل الاسلحة للقوات النظامية فقط في كل السودان
06-05-2020, 11:32 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27593
Quote: القرعان قبيلة تشادية وافدة علي السودان وعلي الاقليم الشمالي
أنت لا تتعظ .. أنا قاتلتك في نقطة وافد دي .. لما أنت هربت من بوستك .. تاني جاء تشعلل فيها! يا أخي أهتدي .. هذه ليس فلاحة ولا شطارة .. هذه فتنة .. وأنت ضمن من يزجون بالنوبة البسطاء في المحارق.
بريمة
06-05-2020, 11:58 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: يا أخي أهتدي .. هذه ليس فلاحة ولا شطارة .. هذه فتنة .. وأنت ضمن من يزجون بالنوبة البسطاء في المحارق.
بريمة
Quote: ألقت السلطات الأمنية بولاية نهر النيل القبض على ثلاثة لواري قادمة من محلية شندي مشحونة ومحشودة بشباب من قبيلة القرعان يحملون الأسلحة النارية الخفيفة والأسلحة البيضاء على حسب المعلومات المتوفرة بالولاية للفذع وتم التحفظ عليهم وحجزهم في قسم شرطة الدامر.
شوف الفتنة طرفا منو دائما في كل السودان ضد منو في السودان يا دباب الدفاع الشعبي الواقد انا متعاطف مع النوبة والجنوبيين والحركة الشعبية فقط في البورد ده من 2001 لحدي 2020 ما عندي قضية بي المؤتمر الوطني القذر واعضاءه لا في الدنيا ولا في الاخرة ولي الكيزان بتاعين الساقط الترابي وده رائي وؤيتي وحددت مسؤلية الدولة تكون كيف ومشروحة كويس اي قبيلة تقعد في محلها وتحترم ونفسها
06-06-2020, 05:44 AM
adil amin adil amin
تاريخ التسجيل: 08-01-2002
مجموع المشاركات: 37022
السودان مخطوف والخطر الماحق قدام وتمكين الوافدين علي حساب القبائل السودانية مستمر وباساليب رخيصة اقليمية ايضا وهسة حزب المؤتمر الوطني القبيح ده قاعد لحدي هسة لي شنو في الولايات؟؟؟ عشان كده قلنا اسقاط ال17 ولاية وهو اسقاط عملي للمؤتمر الوطني والاجندة الاقليمية والدولية القذرة عودة الاقاليم ودستور 1974 عودة الدولة السودانية الحقيقية وشعار السودان للسودانيين ويا غريب خليك اديب عصابات المؤتمر الوطني يجب طردها ومعاقبتها بالقانون في الاقليم الشمالي قبل الفاس يقع في الراس يوجوكم انتو ذاتكم يا ناس الشمال من الرويان لي حلفا وين اولادكم في الجيش والامن والشرطة ويخلو التراهات دي ؟؟ https://top4top.io/
06-06-2020, 08:26 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: الحركة الشعبية شمال يجب أن تلاحظ مالات مواقفها علي أو في الشارع السوداني .. أخشي أن يكون الشارع أولي ظهره لمواقف الحركة.
ده يا د د ت دباب الدفاع الشعبي ما عنده علاقة بالحركة الشعبية ده عنده علاقة بفلول المؤتمر الوطني في الولايات وواضح ومفضوح وفي البوست السابق في رمضان لمن وقف شباب الفلاتة في دترفور ضد الناظر بتاعم المؤتمر الوطني الوسخ وضد الكيزان سجلو موقف شجاع جدا ومشرف للفلاتة في دارفور اليوتيوب موجود حامد ادان ناظر قبيلة الفلاتة السطنو حزب المؤتمر الوطني وهنا في نهر النيل اولاد القرعان شغالين مع ناظرهم الوسخ حيدفعو الثمن قريب وانا كلمتك يا بريمة الكوز والمؤتمر الوطني والشعبي ما بنفع معاي اسقاط الولايات والنظارة المزيفة هو اسقاط حقيقي للكيزان والمؤتمر الوطني في كل السودان انا مع النوبة والفور والجنوبيين بس
06-06-2020, 04:21 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27593
Quote: وفي البوست السابق في رمضان لمن وقف شباب الفلاتة في دترفور ضد الناظر بتاعم المؤتمر الوطني الوسخ وضد الكيزان سجلو موقف شجاع جدا ومشرف للفلاتة في دارفور اليوتيوب موجود حامد ادان ناظر قبيلة الفلاتة السطنو حزب المؤتمر الوطني
الفيديو يا عادل جبته أنا وأرفقته في بوستي .. وحجتي أن ملامح سودان الخرطوم لا تعبر عن الصورة الحقيقية لتطلعات شعوب الهامش .. وأنت يا عادل تصر أن الفلاته ليس سودانيين، أنظر للمرحومة د. نجوي قدح الدم .. ماتت وهى تحمل هموم وطن يسع الجميع .. وأنت ما زلت لا تري في أمثال العصامي حامد يعقوب أو د. نجوي قدح الدم التي نعاها الجمهوريين .. بأنهم أبناء وافدين ويلا يحملون هموم السودان ... بل أكثر من ذلك الأبناء أنفسهم وافدين، بروز، ونجلت ..
ببساطة يا عادل الشعوب السودانية التي تهمشونها وتبكون علي لبن الوطن المسكوب .. هي تبحث عن كرامتها .. وما لم ترد لها كرامتها سوف تظل تبحث عنها بشتي السبل.
بريمة
06-06-2020, 04:32 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27593
Quote: وهنا في نهر النيل اولاد القرعان شغالين مع ناظرهم الوسخ حيدفعو الثمن قريب
هذه فتنة يا عادل .. ولا يليق بك أن تحاول إشعالها .. طبعاً أنت ما عندك أي معرفة بالقبائل السودانية في غرب السودان .. يا أخي القرعان أثروا الحياة الكردفانية ثراء رهيب .. ويكفي أنهم منتجون مثل الفلاتة .. ورعاة بقر .. ويتمتعون بصفات حميدة ..
بدل نظرتك الشائحة هذه .. دعنا نتبني مشروع التعدد الإثني .. نقبل بكل أثنيات السودان بأنهم مواطنون من الدرجة الأولي وليس بروز أو نجلت أو كعوك أو منبتين .. هذا هو المخرج ..
Quote: هذه فتنة يا عادل .. ولا يليق بك أن تحاول إشعالها ..
الفتنة قدامك السكات ما بنفع انا ضد اي زول من اي قبيلة ينفذ اجندة الانقاذ المجرمة في الاقاليم الستة والمركز وبعري لحدي اخر ورقة توت القرعان الفي المؤتمر الوطني ديل ما يلزموني لا في دارفور ولي في نهر النيل بعدين اسطوانة المشروخة بتاعة تحوير كلامي ده ما بفيدك اول حاجة تركيبة السودان قبائل مليون مرة قلنا ليك اي قبيلة عندها اسم وعندها مكان دي حقيقة ما راي عشان تغالط في قبائل سودانية وفي قبائل وافدة ودي حقيقة تارخية برضو ما عايزة غلاط امركز ده اقليات ما قبائل تسيطر علي السودان بعد الاستقلال بالانقلابات والمشاريع امصرية وتخدم الخارج وهم 5% فقط في السودان الدولة المركزية ما بتنفع معاي مشاريع مصر السياسية والدينية ما بتنفع معاي ده الاطار الشاذ الما بنفع وسبب الابادة ونهب الموارد في الهامش والحل بتاعي واااااضح ما قلت زول يطلعو من السودان ولكن يلتزم بالمواطنة والجوار في كل الاقاليم والمركز ومشروحة مليون مرة ما تقعد تلف وتدور ما عايز مؤتمر وطني في عطبرة ولا كوز تاني انت عايز تدافع عن الكيزان والمؤتمر الوطني ده شيء يخصك هسة القرعان غاطانيين وشغالين شغل عدواني منظم وليس مشكلة عادية ولازم الاجهزة العدلية تدين العمل ده انا متعاطف مع النوبة والفور والجنوبيين وواعي بي موقفي ده كويس وما بغيرو ابدا
06-07-2020, 10:53 AM
adil amin adil amin
تاريخ التسجيل: 08-01-2002
مجموع المشاركات: 37022
ناسي في السودان في المشهد السياسي الختمية الاتحادي الاصل الحركة الشعبية الحلو دينكا نقوك ابيي الحركة الشعبية الاصل عبدالواحد نور موسي هلال الصحوة جبهة الشرق ديل فقط ادعمهم في الاقاليم الستة في المركز قوى سودانية محترمة ونظيفة وخلط الاوراق ما بنفع معاي ما عندي قضية بي ق ح ت ولا تجمع المهنيين
الزعماء عادل امين وبريمة تحياتي مشكورين علي اثراء النقاش ومحاولة ايجاد حلول للازمة السودانية عبر تفكيك عناصر الازمة في الصراع بين النوبة والقرعان وتداعياته علي مجمل المشهد في بلادنا
06-08-2020, 03:46 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: ببساطة يا عادل الشعوب السودانية التي تهمشونها وتبكون علي لبن الوطن المسكوب .. هي تبحث عن كرامتها .. وما لم ترد لها كرامتها سوف تظل تبحث عنها بشتي السبل.
بريمة
https://top4top.io/ حل مشاكل عطبرة والسودام كلو يا بريمة برؤية ومشروع الذكي ده مش تراهات الترابي والنظارة والمضروبة و الابادة ونهب الموارد في الاقاليم انت كوز مع المؤتمر الوطني والشغبي والوافدين وانا ختمي مركب مكنة حركة شعبية هسة جيتو في عطبرة تنشرو الفتن يا ناس المؤتمر الوطني والنظارة الفالصو انا عندي رؤيتي لقانون الجنسية في السودان دستورية واااضحة وكل زول يحترم وضعو في السودان حتي امريكا فيها قبائل محترمة وكعوك مضر https://top4top.io/
اوعك ترفس دينكا نقوك والنوبة في الجبال او في اي اقليم نسكت ليك عايزين وزير داخلية من القبائل دي بس في السودان الفور او النوبة او البجة او المحس الاصليين عشان نشوف التدعيات الامنية دي نقيف ولي لا وزير الداخلية الهسة ده ما يلزمنا ما عنده اي استراتيجية لمراجعة الجنسية في السودان فيما بعد 30 يونيو 1989 الادوها لي اليسوى وما يسواش وعايز يتسلطن بيها علي ابناء السودان الاصليين ذى ترامب ده
06-08-2020, 03:53 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: الزعماء عادل امين وبريمة تحياتي مشكورين علي اثراء النقاش ومحاولة ايجاد حلول للازمة السودانية عبر تفكيك عناصر الازمة في الصراع بين النوبة والقرعان وتداعياته علي مجمل المشهد في بلادنا
يا العالم حياك الله بريمة ده انا ختيتو في فتيل وكيسو فاضي ذى دونالد ترامب يهضرب ساكت ومحلوج وشرير دباب دفاع شعبي ووافد ليه 100 سنة في السودان ذى ترامب برضو ليه 100 سنة ويرفس في الامريكيين السود والللاتينو المهاجرين زيو و عايز يتطول غلي شعوب امريكا الاصلية زينا كده نحن ناس جقود ودينق تعملو زعيم ليه زول دائما ظهير للمجرمين قالو زمان لو شكرت السيد عبدالرحمن بس معناها نبذت السيد علي هسة كان شكرت بريمة ترمب ده معناها نبذت جقود بس يقعد في الفتيل لحدي يبقى انصاري او حركة شعبية الاصل غير كده يتمعط بس
06-08-2020, 06:01 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27593
Quote: لو شكرت السيد عبدالرحمن بس معناها نبذت السيد علي هسة كان شكرت بريمة ترمب ده معناها نبذت جقود
هههاي .. قصص .. أنا ح أدرشك حتى ياأخذ الهامش حقوقهم .. بعد تطبيق الحكم الفيدرالي .. ح نبحث الموارد المنهوبة بواسطة الأقاليم بأثر رجعي .. تعريفه ما نخلوها ليكم.
بريمة
06-08-2020, 07:06 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3484
يا عالم، ما في موت في الأحداث دي. في البداية سمعت بموت اثنين من القرعان، لكن بعد سؤالي لصديقين يسكنان الدامر، قالوا لي ما في زول مات. المؤكد ما في موت من جانب النوبة.
06-08-2020, 07:11 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: هههاي .. قصص .. أنا ح أدرشك حتى ياأخذ الهامش حقوقهم .. بعد تطبيق الحكم الفيدرالي .. ح نبحث الموارد المنهوبة بواسطة الأقاليم بأثر رجعي .. تعريفه ما نخلوها ليكم.
بريمة
امرق من الفتيل اول حاجة ليك مية سنة في السودان وترفس خلاس امشي جاور بي لبس خمسة بتاعك ده السعودية قريبة والسنة دي الله اعلم يكون في حج وليد بقارة حلاتو بي النضارة
06-08-2020, 07:15 AM
adil amin adil amin
تاريخ التسجيل: 08-01-2002
مجموع المشاركات: 37022
الحبيب ابوبكر عباس تحياتي مشكور علي المرور والمعلومة بالمقابل كنت اتمني ان نشاهد بيانات رسمية من وزارة الداخلية حول الاحداث بدلا من اتحاد النوبة ولقد ذكرت في مطلع البوست نتطلع لنسمع راي الجهات الرسمية
08-06-2021, 04:07 AM
adil amin adil amin
تاريخ التسجيل: 08-01-2002
مجموع المشاركات: 37022
2021 ورجعنا تاني لنفس المشكلة لا رجع الحكم الاقليمي الرشيد ولا المجالس المحلية ولا الادارة الاهلية ولا الجنسية الخضراء ولا زالت جدادة بره تطرد جدادة وننحدر الي الدولةالفاشلة ما علاقة الاقليم الشمالي بسلام جوبا مش وريناكم البرنامج بتاع لاقليم الشمالي دستور 1973 وقوانين 1974 وانتخابات طوالي كيف يرجع العصر الذهبي بتاع 73- 74
08-06-2021, 04:21 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: يا عالم، ما في موت في الأحداث دي. في البداية سمعت بموت اثنين من القرعان، لكن بعد سؤالي لصديقين يسكنان الدامر، قالوا لي ما في زول مات. المؤكد ما في موت من جانب النوبة.
ورجعنا للناس البلملسو في البورد حكامات حمدوك وقحت كدي اقرو البوست ده قديم شوفو الحلول المجانية والدستورية البنقدما للقرود ديل ما عايزنها هل انتهت الولايات ورجعت الاقاليم ؟ لا هل رجع قانون الجنسية الخضراء والجنسية البنية في السودان واتغربل الرقم الوطني المضروب والجوازات الالكترونية اهو انفجر الوضع تاني في الدامر والوالايات المعينات هم ذاتهم عبء علي الشمال والمحاصصة تاتي بالابلد ولا زالت رجعو الاقليم وخلونا ننتخب طوالي حاكم الاقليم وبرلمان الاقليم والمجالس المحلية والادارة الاهليةبالجنسية الخضراء بي قرار جمهوري طوالي ما عندنا نحن مشاكل الاقاليم الاخرى نحن منهوبين من مصر والسعودية والامارات وقطر وتركيا وبواسطة اسامة داؤود ومبارين قووونات مسار الشمال وفلان وعلان ده الحل في الاقليم الشمالي الانتخابات والمؤسسات التي تحرس موارد الاقليم فقط وليس فلان وعلام وشكرا حمدوك ده برنامجي لحمدوك ده هسة ....
02-25-2022, 07:50 AM
adil amin adil amin
تاريخ التسجيل: 08-01-2002
مجموع المشاركات: 37022
البوست ده رفعتو ضر كده الجنسية البنية بعد فصلت الجنوب 2011 عايزة تطرد النوبة الجنسية الخضراء هل يعقل ذلك الكلام ده مش حذرنا منه من زمان دولة البازنقر القادمة وهذا كان نذير من النذر الاولى واول امس كمان الجنجويد مشو للرشايدة الاسود الحرة اولاد جون قرنق الاصليين
https://www.0zz0.com وقرعوهم منهم ورهوم الرجالة الجد عفارم علي الرشايدة كل زول يؤمن اقليمو ومكانو في السودان ترهات قحت وتجم في المركز دي ما تحل مشكلة السودان ما في محكمة دستورية في الخرطوم البلد غابة والقردة تلهو في السوق
02-27-2022, 01:37 PM
Mannan Mannan
تاريخ التسجيل: 05-29-2002
مجموع المشاركات: 6701
بريمة الكوز سلام جيت تصلح الريسيومي حقك بعد 30 سنة كوزنة؟؟؟؟ To fix your resume وينو صحبك الكفرني وانت وقفت معاهو؟؟؟ هسع مع ياتو حركة شعبية؟؟ الحلو؟ عقار وعرمان؟ ام اردول؟؟؟؟؟ ههههههها نورالدين منان
02-27-2022, 04:31 PM
adil amin adil amin
تاريخ التسجيل: 08-01-2002
مجموع المشاركات: 37022
Quote: بريمة الكوز سلام جيت تصلح الريسيومي حقك بعد 30 سنة كوزنة؟؟؟؟ To fix your resume وينو صحبك الكفرني وانت وقفت معاهو؟؟؟ هسع مع ياتو حركة شعبية؟؟ الحلو؟ عقار وعرمان؟ ام اردول؟؟؟؟؟ ههههههها نورالدين منان
يانورالدين سلام البوست ده رفعتو انا بريمة ديناصور انقرض وشوف الحل المؤسس للاقاليم الشمالي بنقدمو لي درجة الملل والناس ترفس بلا مشروع ولا رؤية يرجع الاقليم ينتخب حاكم الاقليم مجلس تشريعي اقليمي مجالس محلية ادارة اهلية بالجنسية الخضراء بس الكلام ده 2022 رايك فيه شنو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
Biraima M Adam
أبوبكر عباس
Mannan
فيس بوك
تويتر
انستقرام
يوتيوب
بنتيريست