|
Re: ارفع راسك فوق ، انتا حلفاوي. (Re: shaheen shaheen)
|
شاهين أننقا الأمور وصلت لمرحلة أن كل مجموعة لا بد ان تدافع عن نفسها وعليه فإن أهلنا في حلفا الجديدة عليهم الجنوح الى السلاح ما دام الأمن فيه هشاشة .. الدخول الى المنازل وحرق الاثاث والطعن والقطع بالسيف والقتل بسيطة كل واحد لازم يتحفظ بسلاح في البيت ؟؟ هذا هو الحل ما دام الدولة غائبة
في انتظار المزيد من الاخبار تحياتي شاهين اننقا
| |
|
|
|
|
|
|
Re: ارفع راسك فوق ، انتا حلفاوي. (Re: طلحة عبدالله)
|
نسأل الله أن يسلم جميع أهل السودان وسكان حلفا أجمعين حوادث مؤسفة تستوجب التحقيق وقيام الجهات الأمنية بمحاسبة الجناة
أؤمن بقضية المظلومين لكن أود السؤال على استحياء هل من الممكن حل المشكلة بعيداً عن القبلية؟
| |
|
|
|
|
|
|
Re: ارفع راسك فوق ، انتا حلفاوي. (Re: بشير أحمد)
|
سلامات استاذ شاهين وضيوفك الكرام كل عام وانتم بخير وربنا يصلح الاحوال في البلد شئ مؤسف ما حدث في حلفا وربنا يجعلها أخر الحوادث ويحفظ اهلنا جميعا ونأمل من العقلاء في حلفا حل المشكلة في أقرب وقت . .......... ... ..... عشتم اخوة كرام وتعيشون اخوة كرام يا أهل حلفا. محمد نور عودو ناسف كل الأسف للاحداث المؤسفة التي حدثت بين السكان وراح ضحيتها قتلي وجرحي في.مدينة حلفا الجديدة في ولاية كسلا بشرق السودان ربنا يتقبل القتلي قبول الحسن والشفاء العاجل للجرحي والمصابين. سكان مدينة حلفا الجديد وضواحيها أكثر شعوب السودان اندماجا فيما بينهم وهم أسرة واحدة تجمعهم الالفة والمحبة ويضرب بهم المثل في المثالية والترابط الاجتماعي مدينة حلفا فخر كل السودانيين . يا إهلي أهل حلفا لقد عشتم اخوة كرام منذ ميلاد الدولة السودانية وقدمتم احسن نموزج للتعايش السلمي في السودان لا تتركوا الشيطان يدخل بينكم ويفرقكم وتنجروا وراء العنف الذي لا يجلب غير الدمار والكراهية وتعطيل تقدم الإنسان. الخلافات والمشاكل بين البشر تحدث في أي مجتمع وهذه سنة الحياة وهذه المشاكل والخلافات مهما كبرت حلها داخل البيت وانتم اهل الحكمة والعقل والدراية في حل المشاكل اجلسوا وحلوا مشاكلكم . يا إهلي أهل حلفا لقد ولي عهد العنف والحروبات القبلية والاثنية مع حكومة الانقاذ وجاء وقت بناء السودان بعيدا من العنف والإقصاء ليتكاتف جميع أبناء السودان لنشر السلام وانتم يا أهل حلفا أهل السلام والألفة خير قدوة في هذه المرحلة . يا إهلي أهل حلفا عشتم اخوة كرام وتعيشون اخوة كرام رغم ما حدث وكونوا بخير
| |
|
|
|
|
|
|
Re: ارفع راسك فوق ، انتا حلفاوي. (Re: أحمد محمد عمر)
|
الاخ الحبيب احمد لا تسال على استحياء .. بل بالصوت العالى و نحن معك اصلا الحل المطلوب بدون قبلية حل احكام القانون .. اما الحوادث المتفرقة.. و حادثة القرية 10 ( مرشد ) و هذا اسمه فى التاريخ عند التهجير سميت المناطق بالارقام امعانا فى طمس الهوية و لنسيان اسماء القرى التاريخية من قبل الالالالالالالالالالاف السنين كما يقول التاريخ و علماء الاثار و لكن هيهات .. المهم هذه الحادثة و بكل اسف هدم و نسف النسيج الاجتماعى و ما تم بناءه بالمحبة و المودة و التعايش السلمى و بالمصاهرة ايضا طيلة السنوات الماضية منذ 1964 بين جميع القبائل حلفا كانت تمثل سودانا مصغرا ... لكن .... و الاسف و الحسرة يعتصر الجميع ... مشاجرة عادية و انتهت .. تم جعله حرب و غدر ..دخلوا القرية و قتلوا و جرحوا و احرقوا الصدمة حتى الان لم نفق منها !!! هؤلاء الذين عاشوا معنا و عشنا معهم و اكلنا العيش و الملح ؟؟؟ ... بقدر الصدمة يكون رد الفعل .. لهذا حبيبنا احمد اسال بالصوت العالى و نحن معك انفاذ القانون ..ليس قصدى فى محاكمة المعتدين ... لا قانون التهجير و التعويضات لضمان استقرار المنطقة .. شاهين انقا و كل الاحباب لكم التحية مودتى و تقديرى
| |
|
|
|
|
|
|
Re: ارفع راسك فوق ، انتا حلفاوي. (Re: محمد بدرالدين)
|
Quote: بقدر الصدمة يكون رد الفعل |
بالضبط كدة يا محمد من الصعب الكلام عن ضبط مصطلح ومفاهيم هوية في وجود قتلى وجرحى واعتداءات وغياب القانون
لكن لاحظت التفشي الكبير للتراجع لمربع القبيلة من قبل المستنيرين ما يجعلني أتساءل بشدة هل عجز القانون عن حماية (المواطن) ولم يعد من ناصر سوى القبيلة؟ كم حادثة تكررت بنفس السيناريو منذ انطلاق الثورة؟ تحدث مشكلة عادية بين شخصين فتصبح مشكلة بين قبيلتين تزهق فيها الأرواح مع ملاحظة أن بعض هذه المشاكل لم تجد طريقها للإعلام لكنها في ذات الإطار أذكر بدايات تساؤلي هذا كانت في صفحة أحد الناشطين البارزين في مدني من المثقفين الذين يُستأنس بمنشوراتهم حين حدثت مشكلة مشابهة في إحدى قرى البطانة بدأ بكتابة منشورات غاضبة بعنوان نداء إلى جميع الرفاعيين وفي كل منشور يعدد بطون الرفاعيين والمطلوبين للدفاع عن القرية ضد هجوم جيرانها من القبلية الأفريقية .. فجعنا فيه حقيقة .. بعد أن كنا نتمناه أحد أعمدة الفترة الانتقالية حمدنا الله أن تجاوزه الاختيار فالقبلي لا يؤتمن على غير قبيلته
أعتذر للأخ شاهين عن حرف البوست وأتمنى أن يحل قانون القضاء مكان شريعة الغاب وأن تكون حلفا للسودانيين أجمعين
| |
|
|
|
|
|
|
Re: ارفع راسك فوق ، انتا حلفاوي. (Re: أحمد محمد عمر)
|
سلامات استاذ شاهين وكل عام وانت بخير..
نتابع الاحداث .. نسأل الله ان يهدئ النفوس ويحقن الدماء ويزيل الفتن..
طالما الموضوع شجار عادي وتعصب كل مجموعة للبيلمها الجاب الأراضي والطلوع وأحقية حلفا للحلفاويين شنو؟ رابط الشعار دا مع أحداث العنف شنو عشان نفهم ليس الا هل في كان مثلاً مشروع لتوزيع اراضي او خطة اسكانية جديدة او إعادة تخصيص قطع زراعية..
لو كان غير كدة بشوف الموضوع كما قال الاخ احمد عمر قانون وامن يقع على عاتق مسئولية الحكومة المحلية اولاً ثم الحكومة العامة في صورة تانية.. لكن الناس متعاشرة عشرات السنين وبينها ما بينها ما ينزغها الشيطان في لحظة ضعف امنى وترهل حكومي وتسوَق للأمان العصبي القبلي..
تحياتي وكامل الود والتقدير لاهل حلفا الجديدة ولأهل القرية 24 وخشم القربة الارتبطن بزيارات ومودة مميزة اسال الله ان لايفسدها شيطان الجهوية
| |
|
|
|
|
|
|
Re: ارفع راسك فوق ، انتا حلفاوي. (Re: HAIDER ALZAIN)
|
شاهين اننقا مسكاقمى
لا حول ولا قوة الا بالله .. لا بد من القصاص العادل من كل المعتدين وربنا يهدىْ النفوس ويتم علاج المشكلة علاجاً جذرياً حتى لا تتكرر هذا الحادث المؤسف . فى حال عدم الوصول الى حل جذرى يتم تسليح كافة النوبة فى حلفا الجديدة حتى يستطيعوا من الدفاع عن انفسهم طالما القوات الامنية الكثيرة ما قادرة تستطيع ان توفر الامن للمواطنين هناك .
| |
|
|
|
|
|
|
Re: ارفع راسك فوق ، انتا حلفاوي. (Re: HAIDER ALZAIN)
|
* تلاسن ، واحتجاجات ، ومقاطعة للمتحدثين ، وهتافات ، وهتافات مناوئة ، ومحاولتي اشتباك بالايدي من بعض الحضور على بعض الحضور. ممثل التجمع النوبى قطع حديثه ، بعد هجوم شرس من بعض الحضور عندما وجه التحية للثورة السودانية. * ضعف فى التنظيم ، ضعف فى التواصل مع اجهزة الاعلام المسموعة والمرئية. تلفزيون السودانى الرسمى حضر بكاميرتان ، وانسحب بعد ان تكرم بتصوير بعض الحضور ، دون انتظار بداء الفعالية. * يساريين تحدثت معهم بشكل شخصي تحدثوا عن حشد كيزاني للتصعيد ، ومجموعة جلست بقربهم هاجموا قوى الحرية والتغيير ، ومحاولتها ركوب الموجة. * "وجدى صالح" اعتذر عن الحضور لانشغاله ، مع الوعد بالسفر غدا الى حلفا الجديدة. * قافلة تنطلق غدا الى حلفا ، واعتصام. * لجنة قانونية تحدث باسمها ، استاذنا "بيرم" ، اختلف معه جملة وتفصيلا. * مصاب تحدث عن شخص اسمه "خالد" كان يركب فى عربة جيش وشارك بفعالية فى الهجوم. العصبية كانت سيدة الموقف ، وتوتر ، وانفعال. وهذا الحشد لم يطرح اهم نقطة ، كيف لو تصاعدت هذه الاحداث ، من يحمي من وكيف ؟ وفى ظل اتهام صريح ومباشر بضلوع الاجهزة المعنية بحفظ الامن فى خرقه. الايام القادمة صعبة وقاسية ، والجرح لن يندمل بسهولة ، والاهانة جارحة ، اقل احتكاك فى مدرسة او متجر او سوق ، سوف يضع كل مدينة حلفا الجديدة فى فوهة بركان. سوف اقوم بتنزيل بعض الصور ، وملخص لبعض المداخلات.
| |
|
|
|
|
|
|
Re: ارفع راسك فوق ، انتا حلفاوي. (Re: Bashasha)
|
شوف عزيزي القارئ كمية النفاق الموجودة في البوست ده...القليل من استنكر حشر القبيلة في الصراع لمن اقول ليكم انتم في دواخلكم عنصريين ..تشبكوني الكوز والكيزان والجك..شوية كدة واحد زغاوي ح يعمل بوست لحشد قبيلته المافي شنو؟
سقطت الاستنارة في اقرب ملف.
| |
|
|
|
|
|
|
Re: ارفع راسك فوق ، انتا حلفاوي. (Re: shaheen shaheen)
|
الامر ليس صدفة، واضح ان هنالك تخطيط على مراحل، يبدا ببورسودان ثم كسلا والقضارف، ويصل حلفا الجديدة، الحل في اجتماع الحكماء من المكونات وليس النخب، الحكماء من كبار السن، ومن ابناء المكونين الخلص لتدارك الامر اول خطوة ابعاد النخب المتشربة بالقبلية وحاجات تانية، وتاتي هام على الجميع ان يعرف ان الحلفاوي او البني عامري او الزغاوي او النوبي او اي مكون عرقى ليس غريمه المكون الاخر، وانما العدو المشترك لهم جميعا، هو القبلية والجوع والفقر والجهل، القتل على الهوية تجاوزته العقلية السودانية المتشربة بحكمة الانسانية من زمن طويل،،، عادت هذه القصة مع الكيزان النجوس فاشاعوا الفساد والجوع والجهل والقبلية الان الكيزان الى زوال ولو تمت محاكمتهم على جرائمهم لما التفتوا للحفر ولكن تراخي حكومة الهبوط الناعم اغراهم بالتحرك عودة روح ثورة ديسمبر المجيدة التي تقهرت لعدم حصول نتائج على الارض للثوار لا بد من تعود من او جديد، الحل في دولة الاعتصام، او الطوفان،،، على حكماءنا التقاط الحكمة منها والتحرك قبيل فوات الاوان، تحياتي لحبيبنا شاهين وكل من مر من هنا،،،
| |
|
|
|
|
|
|
Re: ارفع راسك فوق ، انتا حلفاوي. (Re: عبدالمنعم الطيب حسن)
|
القتل على الهوية تجاوزته العقلية السودانية المتشربة بحكمة الانسانية من زمن طويل،،، عادت هذه القصة مع الكيزان النجوس فاشاعوا الفساد والجوع والجهل والقبلية الان الكيزان الى زوال ولو تمت محاكمتهم على جرائمهم لما التفتوا للحفر ولكن تراخي حكومة الهبوط الناعم اغراهم بالتحرك ======================================== يا سلام حبيبنا عبدالمنعم هذه العبارة الرائعة :
(( القتل على الهوية تجاوزته العقلية السودانية المتشربة بحكمة الانسانية من زمن طويل،،،))
مؤكد أن هناك أيدي خفية تلعب بالنسيج الاجتماعي .. وهل هذه الحوادث في كل هذه مدن صدفة ؟؟ لا أظن ذلك وما شجع ذلك .. التراخي المتعمد من الشرطة والامن وحتى الجيش ..
تحياتي شاهين اننقا ..
| |
|
|
|
|
|
|
Re: ارفع راسك فوق ، انتا حلفاوي. (Re: علي عبدالوهاب عثمان)
|
احب التأكيد وبكل وضوح. انا كما انا. علماني وضد الدولة الدينية ، واوافق على طرح الدولة المدنية طالما كان هو واحد من شعارات ثورة ديسمبر المجيدة. لا عنصرية منى ضد اى مكون من مكونات الشعوب السودانية. مع حق اى مكون فى التمتع بخيرات منطقته الجغرافية ، ومع حق اى سودانى فى التنقل والاقامة والتملك فى اى بقعة يشاء على امتداد طول السودان وعرضه. مع الوضع فى الاعتبار درس التوسع فى الزراعة الألية والذى نزع الارض من اهل دارفور (اصحابها الحقيقيين) لصالح برجوازية الشمال الاسلامي ، لذا افضل ان تكون حواكير دارفور لاهل دارفور اولا ، واراضى شندى لاهل شندى اولا ، ميناء بورسودان بعوائده لاهل المنطقة اولا. اذا كان هناك اى غمز او لمز عنصري بين السطور فهو غير مقصود بالمرة ، اعتذر عنه بشدة ، وانقد نفسي بشدة ، واتقبل النقد ، من استاذ بشاشا او استاذ احمد محمد عمر والتنبيه الذكى من استاذ عبد المنعم الطيب حسن. اما عن العنوان ، اعتقد ان من حق كل الشعوب السودانية الافتخار بنفسها وثقافتها واصلها وفصلها. انا معكم على الدرب ، كنت ، وسوف اظل ، لم اتلوث خلال ٣٠ عاما قاسية ، ولن. ضد فلول الدولة العميقة ، وضد عسكرة الدولة. معكم حتى تشرق شمس الدولة المدنية بقلمي ، وهذا اضعف الايمان. انتقد نفسي بشدة لو كان تحريض (وهو ما لم اقصده) ، مع التأكيد ان كل الوقائع التى ذكرتها صحيحة. قومونى اذا اخطأت ، فنحن نتعلم من بعضنا.
| |
|
|
|
|
|
|
Re: ارفع راسك فوق ، انتا حلفاوي. (Re: علي عبدالوهاب عثمان)
|
قال ارفع راسك انتا حلفاوي قال!
هذا الجهوي القبلي المتخلف بلا خجلة علنا في عنوان بوست يا لعارك وعار فضاء اسفيري يتشرشحو فيهو امثالك، علة بلدنا!
اها، والما حلفاوي بي فهمك، يدنقر راسو، مش؟
اها شفتو زي ده؟
هي النار مولعة ليه في بلدنا من اساسو؟
والحصل ده؛ حصل ليه في حلفا الجديدة؟
مافاهم علي اي اساس بعد ده كلو جاي تحتج هنا او من منطلق فرذ قبلي، إذا الحصل هو بعض زغوم شدرة سم وعيك الملوث هذا؟
| |
|
|
|
|
|
|
Re: ارفع راسك فوق ، انتا حلفاوي. (Re: عبدالمنعم الطيب حسن)
|
حبيبنا وكاتبنا المحبوب شاهين ..
المسؤول الأول والأخير هو التراخي المريب والسيولة الأمنية التي تعاني منها الحكومة المدنية وكأنها تعتقد أن ترك الحبل على الغارب والتملص من دورها الهام في فرض الأمن كان هذه المشكلات والثغرات الامنية ستحل نفسها بنفسها فحتى لا تنفجر مزيد من الصراعات المصنوعة والغير مصنوعة الدولة لابد أن تفرض هيبتها ولا تترك أي مجال للعابثين ولكل من له مأرب في تجييش القبلية أو أي أداة أخرى يمكن من خلالها تحقيق اهدافه عبر زعزعة الأمن وكحل آني هام لابد من اعلان تجنيد لكوادر وطنية حادبة في سلك الشرطة والأمن كضباط وجنود وبصورة عاجلة لغلق الثغرة الأمنية المرحلة القادمة المواطن سيعمل على الدفاع عن نفسه بنفسه وسيمتلك الأسلحة النارية بصورة قبلية وسيزداد الطين بله ... مهم وبصورة عاجلة إجراء تحقيق عاجل لجذور المشكل ومحاسبة كل من له يد في خلق حالة الارباك الأمني هذه لان حالة التردد والضعف التي تعيشه الحكومة المدنية عواقبها بالتاكيد ستكون وخيمة فمن امن العقوبة اساء الادب دفن الرؤوس في الرمال لن يحل مشكلة فهو ككنس الاوساخ تحت السجادة ان لم تواجه اي مشكلة فلن تحلها وان اردت ذلك
تعازينا للمتوفين وأسرهم والشفاء العاجل للجرحى والمصابين
| |
|
|
|
|
|
|
Re: ارفع راسك فوق ، انتا حلفاوي. (Re: جمال ود القوز)
|
نعم لاحظوا ليهو رجع يسوي انا علماني بكل بساطة!
نعم قبلي أو برضو مستنير، علماني، حداثي، أو باذنجان!
نجي لي موضوع نوبي:
نعم لاحظوا بعد ده كلو النوبيين حصريا في السودان هم امثال هؤلاء!
شفتو المصيبة؟
مع انهم أو زي غيرم كانو جاكيين من مفردة "نوبي" العمر ده كلو، بل بعض غلاة قبللي الحلفاويين الممصرين كانو بيرفضو اي شي يجمع امثالم بالسودان زاتو، بذات طريقة تفكير مصري اليوم، اي مستعبدينا، مستعمرينا!
"فجعاة" هؤلاء قلبو "نوبيين" أو كمان حصريا ياللنكتة بحق!
لهذا ماصدفة النادي "النوبي" يستضيف نشاط كهذا قبلي، جهوي، ابارثيدي وهذا يقطع انياط القلب!
هكذا تم إفراغ مصطلح، اسم "نوبيا" العريق، العظيم، من محتواه التاريخي عشان يبستفو "هرار" أو براذ وعي قبلي جهوي عروبي!
كده اهلنا في الجبال الدفعو تمن حمل راية هذا الاسم عبر القرون وحدهم لاشريك لهم، مرقو بي قد القفة!
| |
|
|
|
|
|
|
Re: ارفع راسك فوق ، انتا حلفاوي. (Re: Bashasha)
|
من العجائب، انو حلفا و"الحلفاويبن" اصلا ماقبيلة!!
يا النكتة بحق!
حلفا اسم منطقة جغرافية بعينا وبالتالي ماقبيلة من اساسو!
ولكن لما الواحد ينطلق من جزام وعي قبلي استعماري، ويري الوجود بعدسات وعي استرقاق عروبي، لاصقة، فحلفا أو دنقلا أو السكوت لي قدرة قادر تتحول إلي قبيلة، شغل وان زحفت طيرة!
| |
|
|
|
|
|
|
Re: ارفع راسك فوق ، انتا حلفاوي. (Re: Bashasha)
|
بشاشا بالله خفف شوية على حبيبنا شاهين شاهين، فالرجل مداخلته عظيمة، وهو ليس عدوا لك كمستنير ولن يكون، هو ذكر حقائق ووقائع، واستحقات على الارض، اول خطوات حلها هو الاعتراف بها، وهذا ما فعله استاذنا شاهين لتوه، ملايين السودانيين يعتزون باثنياتهم عدم ذكر شاهين لهذه الحقائق لا يعني انتفاءها... تعال جميعا نستفيظ من هءه الخاصية وربطها بالوطن الكبير رويدا رويدا، وقد تجلت هذه الفكرة عيانا بيانا واقعا في دولة القيادة العامة، ولا تفوت عليك ليه فضوها الكيزان اءن لا نرجع للوراء ولكنا نتقدم من اخر رصيد ثوري لنا، ولاعدائنا كفن، وعاد استاذنا شاهين وطلب ان الارض والحواكير لاهلها لسكانها المحليين وليس لوافدين من خارج حدود الوطن كما هو الحال في دارفور، مع حق اي سوداني ان يعيش ويتملك في اي مكان بلده الكبير، شاهين ليس عدوك، ولن يكون عدونا جميعا من يزرع الفتن ويسقيها يوميا ينبغي جميعا ان نوجه سهامنا نحوه، عينك في الفيل استاذنا بشاشا، عليه تجاوز الظلال هو واجب الساعة واجبها الحتمي، ونطعن الظل ليقيف ما يقوم
سلام.....
| |
|
|
|
|
|
|
Re: ارفع راسك فوق ، انتا حلفاوي. (Re: جمال ود القوز)
|
ورينا يا بشاشا ، منكم نستفيد. ليه حصل ما حصل فى حلفا الجديدة ؟ فى واحد قبل كده وفى المنبر ده شتم الشعب النوبي كله انهم فيهم جينات الخدم وانهم بحبوا يشتغلوا خدامين فى قصور الملكية المصرية ، ولما سقطت الملكية فى مصر مشوا يشتغلوا خدامين فى قصور الخليج. تخيل هذا الشخص ده يا استاذ هو نفسه الان يتمتع بلقب امير كوشي ، تخيل ! ، رغم ان وعيه الملوث ما وضح ليهو ليه شروط السوق بتفرض على الناس يشتغلوا خدامين وطباخين وسواقين عند الامراء الخليجيين ، وليه اساسا بيطلعوا من بلدهم ؟. بعدين يا بشاشا ، ارفع راسك فوق انتا حلفاوى تلوث ولوثة ، وعبادة امون بعد مسيرة طويلة لتطور الاديان عقلانية !. اكتر واحد لوث هذا المنبر ، ولطخ مفهوم المواطنة وسخر من انتماء البعض الاثنى هو شخصك الكريم. والارشيف موجود ، فارفع راسك فوق. ارفع راسك فوق انتا حلفاوى ، وانا حلفاوى وافتخر ، وشرط تواجدنا داخل الدولة السودانية احترام حيوات اهلنا واعراضهم وحرمة منازلهم ومصادر رزقهم ، عجبك الكلام ده يكون تمام ، ما عجبك احلق حواجبك ، بكل بساطة ، ويا دار ما دخلك شر. اها امشى اشتكى للناظر بكرى ، يا نبى.
| |
|
|
|
|
|
|
Re: ارفع راسك فوق ، انتا حلفاوي. (Re: عبدالمنعم الطيب حسن)
|
أستاذ شاهين، كيفك.. نحن نعزك و نحترمك و لكن عنوان و بداية البوست كانتا غير موفقتين.. كويس جدا إنك تراجعت في منتصف البوست و هذا تشكر عليه فقد غلبك طبعك تطبعك و عدت لأصلك و لما نعرفك عليه.. هنالك فيديو في الواتساب و لا اعرف كيف أنقله هنا و لكن يحكي أصل المشكلة و كيف تطورت بين الناس هنالك. الموضوع تطور من تراكم أحداث طويلة فيها تجاذب و تشاحن بين الجانبين إستمر لفترة طويلة.. المهم في الأمر هو إعمال القانون و ضبط الأمن بعيدا عن القبلية.. كل مجرم يؤخذ بذنبه بغض النظر عن قبيلته.. لابد من سماع الجانبين و كل من سعى للفتنة و ساعد على تصعيد الأحداث يجب فضحه، إدانته, و محاكمته إذا وجد ما يدعو لذلك.. أنت علماني و مستنير و في نظرى " ملك للجميع" كونك أديب فأبعد عن العصبية..
| |
|
|
|
|
|
|
Re: ارفع راسك فوق ، انتا حلفاوي. (Re: عبدالمنعم الطيب حسن)
|
الراحل الاديب حميد عند مقتل محمد محمد طه وقع في نفس الفخ الذى وقع فيه الاديب شاهين و عادو الي القبلية. ربنا يلطف بالحال و الرحمة و المغفرة للمتوفين.
_______________ جاءنى في الفيس بوك تسجيل رواية الطرف الاخر عندما اجتماعهم مع وفد الحكومة. هل ضرورى احضره هنا ام قد يزيد الكبريت شحنة كيروسين؟
| |
|
|
|
|
|
|
Re: ارفع راسك فوق ، انتا حلفاوي. (Re: Mahjob Abdalla)
|
https://www.facebook.com/1664843828/videos/10215336640883657/https://www.facebook.com/1664843828/videos/10215336640883657/
https://www.facebook.com/1664843828/videos/10215336640883657/https://www.facebook.com/1664843828/videos/10215336640883657/
| |
|
|
|
|
|
|
Re: ارفع راسك فوق ، انتا حلفاوي. (Re: خضر الطيب)
|
جدادة برة تطرد جدادة جوة والامر ده ماشي باستمرار قحت لا تمثلني وكل بتشوفو جديد ما علي بال حتبقو قريب ذى الهنود الحمر في السودان https://top4top.io/
الزغاوة ديل زمن مستر مور والادارة الاهلية في دارفور ما كان بخليهم يجو الفاشر قبيلة تشادية من الاساس وجل المتعلمين كيزان تبع الترابي في العدل والمساواة وكانو دبابين زمن الترابي ولا زالو هسة عندهم العنصري الساقط عمر مانيس في القصر الجمهوري تستاهل يا شاهين عشان تخلي المسخرة لمن الناس تدق اجراس الانزار في البورد شيوعيتك دي ما جايبة حقها لمن اهين الجنوبيين في الخرطوم بي سبب لغاويس المركز دي وانفصلو مشو ولمن كل قبيلة وافدة تنشمط مع النوبة في الشرق وفي الشمال برضو الدور بجيك الانقاذ رجس من عمل الشيطان ومستمر مخطط ازالة السودان الحضارة من الخرطة حصلت للنوبة في عطبرة من القرعان قبيلة تشادية ...وجابو ناسم من شندي وطلعو كلهم مؤتمر وطني اتخيل ؟؟؟ والولايات ال17 اضعفت السودان والتجنيس المتعمد ايضا والمخطط ماشي والناس الاتفاضو في المركز في 2019 وناس الاعلان الدستوري ديل جزء من مخطط بليد ومستمر وانت ترجع للرؤية الوطنية بس السودانية الحركة الشعبية الاصل والجنوبيين والنوبة والفور اكثر من تضرر من الانقاذ المجرمة عبر العصور
| |
|
|
|
|
|
|
Re: ارفع راسك فوق ، انتا حلفاوي. (Re: adil amin)
|
Quote: الزغاوة ديل زمن مستر مور والادارة الاهلية في دارفور ما كان بخليهم يجو الفاشر قبيلة تشادية من الاساس |
هذا الكلام غير صحيح يا عادل امين منعهم من الحضور الي الفاشر كان بسبب انهم برفضو يطبقو سياسة المستعمر و كذا مرة حاولو اغتيالو عندما كان يجول في مناطقهم. و للحديث عن مناطقهم سوف يفند زعمك بأنهم تشاديين. مناطقهم في دارفور (تسمي دار زعاوة) كديارات كل القبائل واقعة في الشمال الغربى (امبرو و كرنوى و مثبت و اركورى و فوراوية و انكا ... الخ). منطقة الطينة هي الحدودية رسمها الانجليز و الفرنسيين و تم تقسيم حاضرة الطينة الي طينة السودانية و طينة التشادية يفصل بينهم وادى. الناس موجودون هناك قبل رسم الحدود التى رسمها الاوربيين و لذلك ارجو الا ترمى الكلام ساكت.
| |
|
|
|
|
|
|
Re: ارفع راسك فوق ، انتا حلفاوي. (Re: Mahjob Abdalla)
|
Quote: هذا الكلام غير صحيح يا عادل امين منعهم من الحضور الي الفاشر كان بسبب انهم برفضو يطبقو سياسة المستعمر و كذا مرة حاولو اغتيالو عندما كان يجول في مناطقهم. و للحديث عن مناطقهم سوف يفند زعمك بأنهم تشاديين. مناطقهم في دارفور (تسمي دار زعاوة) كديارات كل القبائل واقعة في الشمال الغربى (امبرو و كرنوى و مثبت و اركورى و فوراوية و انكا ... الخ). منطقة الطينة هي الحدودية رسمها الانجليز و الفرنسيين و تم تقسيم حاضرة الطينة الي طينة السودانية و طينة التشادية يفصل بينهم وادى. الناس موجودون هناك قبل رسم الحدود التى رسمها الاوربيين و لذلك ارجو الا ترمى الكلام ساكت. |
يا محجوب ما اكتبه هنا حقائق ما ساكت ده ما راي دي حقائق قبيلة الزغاوة الاصل في تشاد وتحكم الان وفي زغاوة بحملو جنسية مزدوجة سودانية وتشادية حسب الظروف وما عيب كل الزغاوة في العدل والمساواة وتبع الترابي لانهم ما انصار من الاساس وليس لهم علاقة بي تاريخ السودان الحديث او القديم فقط الحدود جعلت جزء منهم في السودان زغاوة سودانيين جلهم حارب مع المركز والترابي في حروب الموارد والابادة دبابين ودي حقيقة تارخية اخوان مسلمين وناس خلاقة باش بذوق وده ما يلزمنا في السودان نحن انصار وما راكبة فى راسنا تركيا ولا فضاء الرقيق بتاعا الاسمو العالم العربي ده اذا هم ما سودانيين والمشاريع بتاعتم ما سودانية وحركة العدل والمساواةة هي الجناح العسكري للمؤتمر الشعبي ومحور قطر فضائية الجزيرة تركيا نت تتكلم عن الجغرافيا الفيها الزغاوة في السودان كم تمثل من دار فور كلها عشان يجي عمر مانيس ده يقعد في القصر الجمهوري ويفتي في امر السودان القصر الجمهوري ده لما خلوهو الانجليز ما كان فيه جنرال واحد ولا اجنبي واحد 1956 وكان القاعدين فيه بمثلو السودان والسودانيين وشعار السودان للسودانيين وعيا وسلوكا ولحدي جا البشير كان الاربعة الفيهو ديل ناس جابتهم وجابت احزباهم صناديق الاقتراع وناس محترمين جدا جدا احمد الميرغني الشمال ميرغني النصري الشرق باسفيكو لادو لوليك علي حسن تاج الدين المساليت جنسية خضرا ويمثلو 95% من الشعب السوداني في كل السودان هسة القاعدين في راسنا بي المحاصصة بمثلو منو قجت لا تمثلني وكل من جاءت به قحت ما يمثلني المشكلة شنو ما قادرين تجو بي صناديق الاقتراع وتقعدو في راسنا بي المحاصصة عشان تنفذو سياسات البنك الدولي ونهب الموارد ليه ؟؟؟
| |
|
|
|
|
|
|
Re: ارفع راسك فوق ، انتا حلفاوي. (Re: adil amin)
|
Quote: الزغاوة ديل زمن مستر مور والادارة الاهلية في دارفور ما كان بخليهم يجو الفاشر قبيلة تشادية من الاساس |
امنتو، بامون!!
ياعادل، ده كلام شنو؟
او بعد ده حايم بي صور ديمابور؟
ايهم اجنبي:
التشادي ام العباس؟
يا هذا ااعلم، التشاديين سودانيين كما اي افريقي، وهذه حقائق تاريخ، بشهادة اهلنا الافارقة انفسم!
نعم افريقيا كلها تشير للسودان الحالي، كوطن للاجداد، وهذه حقيقة.
ده كلام شيخنا وابانا انتا دياب.
االعالم القديم كلو امن بالسودان الحالي كمهد للبشرية، واجدادنا قدمو نظرية متكاملة تثبت هذا.
| |
|
|
|
|
|
|
Re: ارفع راسك فوق ، انتا حلفاوي. (Re: Bashasha)
|
Quote: ايهم اجنبي:
التشادي ام العباس؟
يا هذا ااعلم، التشاديين سودانيين كما اي افريقي، وهذه حقائق تاريخ، بشهادة اهلنا الافارقة انفسم!
نعم افريقيا كلها تشير للسودان الحالي، كوطن للاجداد، وهذه حقيقة.
ده كلام شيخنا وابانا انتا دياب.
االعالم القديم كلو امن بالسودان الحالي كمهد للبشرية، واجدادنا قدمو نظرية متكاملة تثبت هذا. |
يا بشاشا دي حقيقة بعرفوها الناس في دارفور وليس راي ازمتك وازمة البورد ما بتعرفو تفرقو بين الحقيقة والراي وانا كمان المهدية والمهدي ما عندي معاهم مشكلة ولانجليز ايضا الكفار احسن من المتنافقين اذا مشتعلمين الزغاوة ذاتهم بارو المركز العروبي والترابي وشاركو في ماسي الانقاذ والابادة ولم نسمع اعتاذر من المتغطرس جبريل يلهث في فضائية الجزيرة وقطر المرتبطة بي تركيا تلوم منو انا واعي بما اقول واكتب 90% حقائق 9% راي 1% هترشة بعد ده كل زول يقيم حسب عقلو انا عارف الفضاء الطبيعي للسودان الايقاد والحزام المدراي وعندي بوست في المنبر ده تسجيل وكتابة لازلت مع جون قرنق ود منصور خالد وراكز لحدي نصل الميس
| |
|
|
|
|
|
|
Re: ارفع راسك فوق ، انتا حلفاوي. (Re: adil amin)
|
الشيوعي:
بقايا النظام السابق وراء أحداث حلفا الجديدة
مصدر الخبر / صحيفة آخر لحظة
وصف الحزب الشيوعي ما جرى من احداث في حلفا الجديدة القرية 10 إسكان (مرشد)، بانها حلقة جديدة من حلقات التآمر المبرمج والممنهج من قبل بقايا النظام وبدعم من القوى الخارجية، لوقف استمرار مسيرة ديسمبر .
وجزم الحزب بأن الفتن القبلية والاقتتال المبني على أساس اثني لا تحركه مصالح متضاربة بين السكان المحليين الذين هم في الأصل صغار مزارعيين وعمال زراعيين، حيث لا أساس لتناقض المصالح، بل هي فتن قبلية واثنية تستغل الخلافات الشخصية لضرب النسيج الاجتماعي والتسامح بين السكان المحليين، من أجل القوى المضادة للثورة وبعض القوى الإقليمية التي تخاف التغيير الديمقراطي وتهدف لحماية نفسها ومكتسباتها من العهد البائد والتي تتعارض مع مصالح شعب السودان وذلك بضرب ثورة الشعب السلمية.
وأكد الحزب في بيان فشل الأجهزة الأمنية ولعشرات المرات سواء كانت شرطة، قوات مسلحة في التدخل وإيقاف الفتن القبلية،
مشيرا إلى عدم تدخل قوات الشرطة والدعم السريع في الأحداث الأخيرة بالقرية 10، رغم وجودها في المنطقة، حيث صارت لا تتدخل عادةً الا بعد فوات الآوان.
وقال الشيوعي إن الأحداث تأتي في وقت تواصل فيه الجماهير عزمها واصراراها في اصلاح مسار الثورة، وتوقع حال استلام الولاة المدنيين للسلطة، ومغادرة الحكام العسكريين، والعمل على تفكيك النظام البائد أن تستأسد بقايا النظام مسنودة من الأجهزة الأمنية لوأد المكتسبات التي تتنادى لها الجماهير.
وحذر الشيوعي من أن يمتد الاقتتال إلى مناطق أخرى مالم تقف قوى الثورة وتتحمل مسؤوليتها في مواجهة المخطط الدموي، وقال الحزب إن ضعف ردود الفعل من قبل السلطة – عسكرية ومدنية – يوحي بأن أطراف من الدولة تقف داعمة بل وتشارك في تنفيذ هذا المخطط.
وحمل الشيوعي السلطة – عسكرية ومدنية – المسؤولية في تردي أوضاع البلاد. مطالبا بعدم الاستجابة للمحرضين والاحتكام للقانون والأعراف وتفويت الفرصة على المتآمرين وإصلاح ذات البين والتعايش السلمي.
ودعا الحزب للإسراع ببناء السلطة المدنية وتعيين المجلس التشريعي والذي يعبر عن الشعب وثورته والتعديل الوزاري الذي يتلائم ويتناغم مع مطالب الثوار، كخطوة مهمة في طريق تدعيم المسيرة .
| |
|
|
|
|
|
|
Re: ارفع راسك فوق ، انتا حلفاوي. (Re: adil amin)
|
Quote: يا محجوب ما اكتبه هنا حقائق ما ساكت ده ما راي دي حقائق قبيلة الزغاوة الاصل في تشاد |
كل الانا بقولو ليك انو قرى مثل امبرو و كرنوى و الطينة موجودة قبل دخول الاوربيين الى افريقيا و قبل رسم الحدود الحالية. كونو الاوربيين رسمو حدود جغرافية لتكوين دول افريقيا (الحديثة) كما نراها الان لا يسلب احدا حق انتماءه الي البقعة التى وجد فيها. نعم في تشاد الحاكم من قبيلة الزغاوة و لكن هو و اهله زعاوة تشاد وجدو هناك و لم يهاجرو اليها من السودان.
مثلما في حالة مصر, بعض النوبيين اصبحو مواطنين مصريين و البعض الاخر سودانيين, لان الحدود اترسمت بعد وجودهم و ليس قبلها. هل ذلك يجعلك تقول ان الحلفاويين مصريين فقط او المصريين يقولون لهم انتم سودانيين فقط لان الجزء الاكبر منهم في السودان.
| |
|
|
|
|
|
|
Re: ارفع راسك فوق ، انتا حلفاوي. (Re: Mahjob Abdalla)
|
Quote: بعدين يا بشاشا ، ارفع راسك فوق انتا حلفاوى تلوث ولوثة ، وعبادة امون بعد مسيرة طويلة لتطور الاديان عقلانية ! اكتر واحد لوث هذا المنبر ، ولطخ مفهوم المواطنة وسخر من انتماء البعض الاثنى هو شخصك الكريم |
نواصل مع شاهين،
مافاهم يعني شنو بشاشا اكتر واحد لوث او لطخ مفهوم مواطنة؟
بشاشا بقول علي روحو افــــــــريقي، فل استوب، تقول لي لطخ مفهوم مواطنة؟
نعم حتي السودان ذات نفسو، بشاشا مابذكرو الا مضطر!
اما ما تسميه "انتماء اثني" فده، فعلا شبه امثالك!
اقول ليهو انا افريقي، دعك من سوداني، نعم انتمي للقارة باسرهاا، برضو الزول ده، بعد ده، مصر يسوي "انتماء اثني" او حلفاوي؟؟
ماهذا؟
Quote: وشرط تواجدنا داخل الدولة السودانية احترام حيوات اهلنا واعراضهم وحرمة منازلهم ومصادر رزقهم |
ماهو، الفايت عليك، انو طريقة تفكيرك هذه القبلية، الجهوية، هي القماش الطرذو منو جهاز دويلة امثالك الجلابية الحالية، الاشعلت محارق الابادة بحق الملايين، اي بحق غير الحلفاويين، اي غير الشماليين.
مش كده برضو، ولا انا غلطان؟
نعم في وعي امثالك، اهلك هم الحلفاويين حصريا ثم بقية الجلابة، والمصيبة كلها هنا!
لهذا ماصدفة انو ابادة الملايين الزمن ده كلو، من غير الحلفاويين، بواسطة جهاز الدولة ذات نفسها، مش بعض افراد متفلتين، ما حرك فيك شعرة!!
فقط لما الحلفاويين بتاعنك بعض افرادم تعرضو للقتل ووهذا مؤسف، مرفوض، فرحتا هائج، خارج عن الطور، فاتح بوست زي ده تسوي ارفعو راسكم يا الحلفاويين حصريا، والما حلفاوي يدنقر راسو، لانو دون!!
مش كده برضو، ولا انا غلطان؟
| |
|
|
|
|
|
|
Re: ارفع راسك فوق ، انتا حلفاوي. (Re: Bashasha)
|
الزغاوة ما سودانيين دي شنو؟ أي حامل للجنسية السودانية ولو تم استخراجها صباح الليلة يعتبر سوداني كامل الدسم ويجب أن يتم تجريم كل من يسعى لتجريده من جنسيته الزغاوة قبيلة مشتركة في السودان وتشاد لكن أساساً هي تشاد شنو؟ حد فيكم فتح القنوات التشادية في التلفزيون قبل كدة؟ تشاد هي نفس السودان نفس اللغة واللهجة والثقافة وبراكم شفتو ربيع طه لما مشى عمل الكاميرا الخفية في تشاد هل احتاج لمترجم؟ ولا هل في زول شافو أجنبي؟ الزغاوة قبيلة مشتركة زي ما بعض قبائل الشرق مشتركة بين السودان واريتريا وزي ما الكنوز نصفهم في السودان ونصهم جنوب مصر بختلف مع محجوب في إنه زغاوة تشاد غير زغاوة السودان لأنه عندي 3 من زملاء الدراسة وأصدقاء الطفولة اتولدوا وعاشوا وقروا معانا في الجزيرة حالياً موجودين في تشاد وماسكين وظائف حكومية كبيرة واحد برضو من الدفع القدامنا حبرتجي كبير كنت بمشي ليه مع قريبي لما نكون مفلسين وما عندنا حق الفطور .. ما متذكر الموقع بي وين لكن بنركب مواصلات الصحافة ظلط وننزل في دار اتحاد الطلاب التشاديين بالسودان كان رئيس الاتحاد ولا السكرتير العام ما عارف بجيب لينا مأدبة ضخمة من ميزانية الضيافة ونتونس ونضحك بالساعات كنت مستغرب شديد لكونه أجنبي بحسب توصيف الدار واقول ليه يا ود الناس نحن من قمنا شايفينك في ميادين الكورة ما بتذكر يوم قالوا مشيت تشاد أو جاي من تشاد وقريبي يضحك يقول لي يا زول دة محتال ساي ولا شاف تشاد بي عينه آخر مرة جانا زيارة في الحلة بي عربية ديبلوماسية بعد ما اتعين ملحق في السفارة السودانية
الزغاوة في مناطقنا من القبائل اللي ممكن تحكم عليها بحكم واحد لأنهم عايشين في تكتل وما دخلوا في مصاهرة مع أهل البلد .. حتى في الشغل ماسكين أسواق بعينها مثلاً سوق الشنط بالكامل زغاوة ما بتلقى زول تاني فارش شنط غيرهم .. حياتهم الاجتماعية تكافلية شديد مافي بيناتهم فروقات طبقية وما عندهم عطالة وشباب تلفانين .. التلفان بسافر الخرطوم طوالي ما بقعد في الحلة مشهورين عندنا برضو بالأمانة .. أصحاب العقارات بفضلوهم على أي زول تاني بل الزغاوي البفك العقار بتحنسه يجيب ليك واحد قريبه لسببين الأول إنهم ما بأخروا الإيجار ولا ساعة يعني يوم 30 الساعة 9 صباحاً طق بتلقاهو قدام باب البيت والسبب الثاني إنه البستلموا الإيجارات نسوان .. أغلبية رجال الحلة مغتربين وشغالين برة والزغاوة عندنا مشهورين بالأدب في التعامل مع النسوان .. الواحد بدق الباب ويقيف بعيد مدنقر يمد القروش ويمشي طوالي بدون أي كلام
طبعاً دي ما أحكام شائعة ولا يمكن تعميمها خارج مدني أو الجزيرة لكن زي ما قلت الحكم يصلح على الساكنونا ديل بالكامل لأنهم كانوا عايشين ككتلة واحدة وسط مجتمع عنصري واعتقد دة الخلى مشاركاتهم الاجتماعية معانا نادرة جداً لدرجة حتى أصدقاء الدراسة ما حصل عزمونا زواج أو كلمونا بي وفاة حاصلة عندهم رغم إنهم بتواجدوا معانا في الأندية والميادين عادي وبساهروا معانا لحدي آخر الليل
أخيراً مافي حاجة اسمها ديل ما سودانيين .. المنبر دة أغلبيته شايل جنسيات دول تانية والما شايلين هسة ساعين يشيلوا لي قدام .. ما سمعنا بي زول الأمريكان قالوا عليه ما أمريكي .. المواطنة مفروض تكون قيمة قانونية بتحددها وثيقة رسمية وبس وما من حق أي شخص احتكار توزيع صكوك السودانوية بالخشم
| |
|
|
|
|
|
|
Re: ارفع راسك فوق ، انتا حلفاوي. (Re: أحمد محمد عمر)
|
Quote: بختلف مع محجوب في إنه زغاوة تشاد غير زغاوة السودان لأنه عندي 3 من زملاء الدراسة وأصدقاء الطفولة اتولدوا وعاشوا وقروا معانا في الجزيرة حالياً موجودين في تشاد وماسكين وظائف حكومية كبيرة |
سلام احمد حاشرح ليك الحصل شنو. سنة 90 بعد استلام السلطة في تشاد, كتار منهم سودانيين مشو هناك و طلعو جنسيات و استلمو مواقع كبيرة في الدولة. بدأو التشاديين ناس البلد الاصليين اتذمرو و رفعو صوتهم (همهمات) انو السودانيين حاكمنهم. واحد تشادى لقوهو سكران في الشارع بالليل بترتح, قامو الجماعة (و هم سودانيين) يشتمو فيهو (سكران ليه و كلام كتير كدا). اها قاليهم لو بسكر ما كان انتو السودانيين جيتو حكمتونا. و قصص كثيرة. انا بعرف شخص خريج كلية الاداب, خرطوم. في واحدة من زيارات ادريس دبى جاء في الطاقم و كان المترجم بين ادريس دبى و البشير.
المهم الحصل ما بين 90 الى حوالي 95 كان شئ فوق العادة لكن كلهم ادريس دبى طردهم بطريقة او اخرى لانه لقاهم ما ناس شغل شديد علي حسب توقعاتو (ناس افندية و كدا) و يمكن تصدقني انو السوداني فيهم سوداني و التشادى فيهم تشادى. بالنسبة لناس الطينة في تداخل اسرى بأعتبار انو في اسر تم تقسيمها في جانبي الوادى الفاصل بين السودان و تشاد بجنسيات مختلفة لكنهم لا زالو يتداخلون. في هذه الحالة ممكن تلقى زول ماخد الجنسية في الجانبيين لكن الغالبية العظمى في منطقة دار زغاوة داخل السودان لا علاقة لهم ب تشاد. برضوعندهم خشوم بيوت كثيرة, فأغلب اللي في تشاد من خشم بيت اسمهم البديات.
| |
|
|
|
|
|
|
Re: ارفع راسك فوق ، انتا حلفاوي. (Re: أحمد محمد عمر)
|
عادل أمين وياتو حق البديك توزع حقوق منو سوداني ومنو ما سوداني ياهم الكتابين القريتيهم ومعاهم كتاب محمد نجيب منو الجا السودان أول الزغاوة ولا الميرغني انت هنا تقوم بالدور الذي كانت تقوم به الإذاعة في رواندا قبل الإبادة بتسمية بعض المكونات بالحشرات وانت تنزع من مكون سوداني جنسيته قال مستر مور
| |
|
|
|
|
|
|
Re: ارفع راسك فوق ، انتا حلفاوي. (Re: muntasir)
|
الصديق عبدالمنعم الطيب تحياتي،
قسما لاقاسم مشترك مابيني وامثال صاحب الخيط، وان كان في الظاهر.
الزول ده قبلي/جهوي للقاع!
البمقس زي ديل هم القايدين رسن جمل الحراك النوبي وهذا مؤلم!
ايضا اخوك ما مستنير أو حداثي أو علماني الي اخر مفردات أدبيات خطاب وعي الا سترقاق الثنائي!
طبعا ما استغربتا زي ولاءك ده واعجابك بي زول يسوي "ارفع راسك انتا حلفاوي"!
يا العار بحق!!
هذا مؤلم، مؤلم!
معقولة عزيزي القاريء؟
ذات طريقة تفكير بريمة ادم، وبقية اوباش جزام الوعي القبلي!
أو بعد ده لاحظوا مستنير، حداثي، تقدمي، علماني، وهو قبلي!!
شفتو كارثة هذه المفاهيم المفخخة الفارغة اللي للاسف تبناها عبدالعزيز الحلو بزعامة جلابة الحركة الشعبية، أو بي كده كسب اليمين؟
يا للمغسة بحق!
| |
|
|
|
|
|
|
Re: ارفع راسك فوق ، انتا حلفاوي. (Re: Bashasha)
|
Quote: نعم في تشاد الحاكم من قبيلة الزغاوة و لكن هو و اهله زعاوة تشاد وجدو هناك و لم يهاجرو اليها من السودان. |
يا عبدالله محجوب انت تتكلم عن مناطق في السودان مش كده ايوه دي مناطق في السودان حدود 1يناير 1956 لكن هل الان في دارفور وبعد عمليات الابادة واقتلاع ناس وتوطين اخرين في مكانهم بكون كل زول قالع لي ارض فور قاعد فيها سوداني وهو جا من النيجر اول امس مثلا ؟؟؟ ما بخلي القبيلة الفلانية هي من المنطقة في سؤال هل الزغاوة انصار ؟؟؟ هل حاربو في المهدية ؟؟ طيب هل حاربو في جبال النوبة وجنوب السودان في زمن الترابي وجهاد الفطايس ولي لا وليه هم اخوان مسلمين ؟؟؟ده دين المصريين ما السودانيين كل قبائل دارفور دي عندها علاقة بي المهدية كويس نخلي القبائل اي سوداني محترم يعتمد الانتخابات فقط والي برلمان ولاية برلمان مركز رئيس جمهورية ومرجيعتي اصلو ما بغيرا دستور 2005 والمحكمة االدستورية ده السوداني الاصلي بعد ده انقلاب او محاصصة ديل ما سودانيين اصليين اطلاقا ولو شلخوهم .... نحن بنتكلم سياسة هنا فقط الزغاوة البني عامر والقرعان ما سودانيين جنستم الانقاذ دي بس
| |
|
|
|
|
|
|
Re: ارفع راسك فوق ، انتا حلفاوي. (Re: adil amin)
|
زمان في قانون 1957 بداية تاسيس دولة السودان كانت في جنسية خضراء للسوداني الاصلي والجنوبي بياخذا بدون معرف وجنسية بنية للسوداني بالتجنس الوافد ودي عايزة معرف الكلام ده حقيقة ولي راي ؟؟؟ الرجرجة الملو البوست ده ينقرعو في مشاكل في السودان لازم تتعالج\ لي الزغاوة اعتدو علي الحلفلويين وقبلهم الجنوبيين والنوبة في حروب الابادة ناس العدل والمساوة ديل ذاتهم ليه الفلاتة يعتدو غي النوبة في القضارف ليه البني عامر يعتدو علي النوبة في بوسودان وليه القرعان يعتدو علي النوبة في عطبرة والنوبة سودانيين وديل كلهم وافدين ؟؟؟
| |
|
|
|
|
|
|
Re: ارفع راسك فوق ، انتا حلفاوي. (Re: adil amin)
|
Quote: الزغاوة البني عامر والقرعان ما سودانيين جنستم الانقاذ دي بس
|
ما كلهم يا أستاذ عادل .. كلامك يحمل نص الحقيقة الإنقاذ صحي جنّست كتير .. لأسباب تكبير كوم حزبهم ولم تأبه كثيرا لمسألة العبث بديمغرافية السودان لكن هناك من هو ومن قبل مجيء الانقاذ سوداني الجنسية رغم انتماءه لقبيلة حدودية وكونه كذلك ده ما بنزع منه سودانيته الدنيا دي كلها فيها قبائل حدودية مشتركة ومقسومة بين البلدان .. الزغاوي السوداني هو سوداني .. والزغاوي التشادي ده براهو حتى وإن كان ثقل القبيلة في تشاد .. غايتو كونه الواحد بينتمي لقبيلتين الآن في مصر ومصريين بحس بمعاناة الناس ديل ..
ـــــــــــــــــــــــــــــــــــــــــــــــــــ
الحلفاويين مش كان بيفلقوا القطر الجاي وبقولوا ليهم قطر السودان جا .. وهم قاعدين جوه السودان لكن النصيحة الثلاث قبائل دي ثقلها بي غادي عكس النوبيين يمكن عشان كده مافي زول بيعايرهم بي حتة أجانب دي ..
| |
|
|
|
|
|
|
Re: ارفع راسك فوق ، انتا حلفاوي. (Re: جمال ود القوز)
|
كل هذا لا يلغي مسؤولية الحكومة عن الحاصل لانها لم تتحرك من البداية قبل انفجار الوضع وبما أنه المجموعات دي ساكنة في حواشات وارض تم تخصيصها للحلفاويين مسؤولية الدولة أن تنشيء لهذه المجموعات أحياء جديدة بكافة خدماتها في ارض ملك للدولة ويسكنوهم فيها وده على الاطلاق ما بيعني حرمانهم كسودانيين من حق من حقوقهم بل هو وضع للأمور في نصابها لانه هذه الارض تخص اسكان القرية 10 لوقوعها في حيز قريتهم ولا يحق لأي مجموعات التواجد والسكن فيها دون رضاهم .. هذا طبعا بعد القبض على مثيري هذه الفتنة من الطرفين ومحاكمتهم وتعويض المتضريين من الجرحي ودفع ديات القتلى من الطرفين .. لكن تنويم الموضوع بصلح صوري إعلامي دون علاج أُس وجذور المشكلة وحلها بنجاعة بيكون ده كلام فاضي ساي ..
ده الحل لأن الأمور غير ما تتأزم لي قدام لن تهدا ..
ــــــــــــــــــــــــــــــــــــــــــــــــــــــــــــــــــــــــــــــــــــــــ
محاولة إلقاء اللوم على حبيبنا شاهين أو القدح في مبادئه والتزامه بها أو توسيع دائرة المشكل وإلباسه ما لايناسب ده صيد في الماء العكر لا تبتئس يا شاهين ..... وارفع راسك انت حلفاوي .. ده ما بعني انتقاص من الاخرين ولا حجب حق من حقوقهم
| |
|
|
|
|
|
|
Re: ارفع راسك فوق ، انتا حلفاوي. (Re: Mahjob Abdalla)
|
Quote: جيم كرو we want full segregation |
مافي علاقة داك قانون منعك التواجد في المنطقة برمتها لا تسكن لا تعمل لايكون لك أي نشاط تعتاش منه .. أسكن وأعمل ويكون لك ملكيتك من الدولة لأنه دي مسؤوليتها .. وحسب مقياسك ده ممكن اتغول على بيتك - مزرعتك وأجي أشاركك فيهم الشغلة ما تكون خم ساي من طرف .. وبنفس المنطق لو جات مجموعة نوبية وسكنت في منطقة هي اصلا لك كدارفور مثلا من حقك التواجد والعمل ده حق بيكلفه لك القانون لكن ده بيديك الحق وعشان تتحقق مواطنتك .. إنك تتواجد في ملكية الزغاوة والافتئات على أرضهم .. وتسكن فيها دون رضاهم حتى .. أنا غايتو شايفو ده منطق سقيم جدا .. الناس ما تتعلق بأشياء يمكن تحقيقها بوسائل أخرى .. و تتسبب في إزهاق الأنفس وتجعل الاحتراب ممكنا المانع شنو إنه الدولة وفي نفس المنطقة أي حلفا الجديدة يتم تخيص مساكن واراض لهم منعا للاقتتال .. هل ده بيعني إنتقاص من حقوقهم ؟
ـــــــــــــــــــــــــــــــــــ
يا محجوب ومنتصر ما تكونوا حساسين ساي النشوف حلكم للمشكل ده شنو .. نورونا ... لو طالبتوا ببقاء الوضع كما هو تبقى طامة .. !!
| |
|
|
|
|
|
|
Re: ارفع راسك فوق ، انتا حلفاوي. (Re: جمال ود القوز)
|
يا جيمي لو قطعة أرض حقت شخص ولا ساقية ولا زراعة لا يمكن التعدي عليها لكن لا يمكن تقسيم المدن بجيتوهات للقبائل هنا يسكن الزغاوة وهنا يسكن المحس ياخ للبعد عن الحساسية لضرب مثل بقبيلتي الشوايقة مافي مدينة في السودان ما موجدين فيها فاذا لم نتعد علي ملكيات مسجلة للغير ما الذي يمنع ان نعيش ونصبح جزء من المجتمع ده ولو ما القصص ده افتعلت التفريق بين الناس لي النعرة العنصرية والاقتتال القبلي بين الناس في المدن ده ما ظهر إلا في السنين الأخيرة
| |
|
|
|
|
|
|
Re: ارفع راسك فوق ، انتا حلفاوي. (Re: جمال ود القوز)
|
في مدينة دنقلا كحاضرة للدناقلة ممكن تسكن في المدينة زول بيقدر يمنعك ماف لكن في القرى لن تستطيع ذلك وإلا برضى من سكانيها وده على الاطلاق مافيهو انتقاص من إنك مواطن سوداني لك حق التواجد والعمل والتملك وحصلت إشكالات مماثلة كثيرة تشابه ما حدث بالقرية 10
الحساسية الزايدة والتمسك بالتطبيق الحرفي .. حال عدم تواجد تعايش سلمي بين المكونات خصوصا في غياب القانون الحاصل ده الأمر لا يعدو إلا أن يكون دعوة مفتوحة للاقتتال وإزهاق الأنفس .. وده أمر أعظم من أي شيء آخر والمفروض له أولوية التطبيق الحكمة برضو مطلوبة ...
ـــــــــــــــــــــــــــــــــــــــــــــــــــــ
هذا مع تقديري يا زول .. لك وللحبيب محجوب
| |
|
|
|
|
|
|
Re: ارفع راسك فوق ، انتا حلفاوي. (Re: جمال ود القوز)
|
المانع شنو يا محجوب ؟ ... إنه يتم إنشاء إسكان بكافة خدماته بدل السكن العشوائي .. بعدين أنا متأكد ممكن جدا نحن كمجموعة من الدناقلة .. نجي نسكن الفاشر كمدينة زول حيقدر يمنعنا مافي لكن هل ممكن نمش نخش قريتكم ونسكن في ارضك هل بتقبل؟ .. ولو قبلت مشكلة دارفور كمثال أصلا قامت عشان شنو ؟ .. مش عشان أراضي وحواكير وتعدي قبائل على أراضي ليست ملك لهم !! .. لماذا تم رفض وجود قبائل الماهرية والمحاميد في دارفور ؟ داخل اراضي وحواكير تخص قبائل الزغاوة والفور والقمر وغيرهم وده طبعا حق أصيل للقبائل دي مابتقدر بحق مواطنه أو غيره تنزع من المجموعات دي حق تقبلك كغريب أو لا لو رضوا وجودك مرحب وهلا ما رضوا الدولة يجب عليها أن تخصص لك ما يمكنك من العيش الكريم في المنطقة التي ارتضيتها للعيش دون التعدي على ارض غيرك أو التواجد داخلها رغما عنهم
ما عارف اعتراض الناس الآن علي شنو ؟ مش مفروض القياس يكون واحد يا محجوب !
ـــــــــــــــــــــــــــــــــــــــــــــــــــــــــــ
الموضوع شائك وحساس والتعامل معه بدون حكمة وأناة سيسبب الكثير من المآسي .. المهم برضو إنت ومنتصر ورونا حلكم شنو ؟ ... ونموذجكم ده يتم تطبيقه على كل ماشابه من اشكالات حدثت في الفترة الأخيرة وانا فوق قلت كل السبب من الدولة الماشه بدون قانون دي ...
| |
|
|
|
|
|
|
Re: ارفع راسك فوق ، انتا حلفاوي. (Re: جمال ود القوز)
|
Quote: عكس النوبيين يمكن عشان كده مافي زول بيعايرهم بي حتة أجانب دي ..
|
وهل اجانب عيب من الاساس ؟؟ الزول السوداني يحترم قبائل السودان الجا لقاها في المكان وما يتماهي مع مخططات المركز الشيطانية لي المرة الالف بعد المليون من 1957 اتحددت الهوية السودانية بالجنسية الخضراء والجنسية البنية الحقيقة دي اي زول لازم يعترف بيها بعدين حكومة شنو الفي المركز دي ديل مش الرسلو الوافدين والمجمرمين وصنعو منهم مشليات للابادة ونهب الموارد لحدي هسة المشليات دي حلها دستور 2005 وابقاها الاعلان الدستوري 2019 المركز ده بخدم مصر والخليح والخارج المجرم الاتحاد الاوروبي وامريكا والبنك الدولي لحدي هسة وناس الاقاليم ديل اي زول يحاول يطلعم من جحر الضب الخرب ده يتاع السامري والدولة المركزية الفاسدة والفاشلة والفاشية لو كانت في حكومات اقليمية ومنتخبة وحاكم اقليم منتخب كنا عرفنا في كل اقليم من السودانيين ومنو غير السودانيين حصلت حاجات مشينة في السودان وانقلابات غير مبررة نواجها ونعريها العلاج بي المسكنات تاني ما بنفع الوافدين ديل ما بقو سودانيين بالاصالة يبقوسودانيين بي الحوالة يخلو اللف والدوران مافي زول يقعد في راسنا وفي القصر الجمهوري ده بي انقلاب ولي بي محاصصة اطلاقا ان شاء الله انتخب قرد ما عندهم دخل اطلاقا عصابة حمدوك الدولية وجنرالات الابادة ديل كسيهم فاضي وماشين في نفس طريق الانقاذ المجرمة وحراسة مصالح الخارج فقط والفرق ظاهر بين زمن الحكم الاقليمي للامركزي دستور 1973 وقوانين 1974 وبين زمن السامري الترابي البشير والكرونا https://top4top.io/
وهسة الاعلان الدستوري ده بس عايرة وادووها سوط وكل البتمخسرو في البورد ديل مجرد ادوات رخيصة للمشروع ده وعايزين يغطو دقنم وندخل من نفق لي نفق من دولة دينية مزيفو 1989 لي دولة علمانية ازفت انقلاب 1969 مع عمليات تجميل وشد جلد من البعاعيت ساطع والسنهوري وصديق يوسف والاعلان الدستوري المشوه والفطير
| |
|
|
|
|
|
| |