العازف دا من حلب امدرمان واللا شنو ؟ !!!!!!!

Quote: وبالتاكيد انا اردت فقط الاشارة الى شمه انه غير سوداني ولا اكثر ....تمنيت ليلتها في عيدنا الوطني ويومنا الوطني ان تكون اطلالة سودانية فقط وهذا لاينقص ابدا م ن جهود شمة مع ابناء الوطن المبدعين ..فنحن ننظر للوطن بعين الحب

Quote: ياأخي عندك مماليك إستقروا في السودان منذ عهد الفونج وفي أتراك وشوام وأقباط ومصرين لم يعد لهم إي إنتماءسوي للسودان زيهم وزي الجدهم العباس أو جهينة أوعدنان شنو الخلي ديل -المستعربين ديل سودانين أولاد بلد وغيرهم لا؟

Quote: الاخوة الاكارم ولكل من مر من هنا ... ليس في جوفي ابدا شي من رائحة العنصرية فقط نفسا متصالحة ومتسامحة ...ليس لانني اعلامية ابدا ولكنني ولدت وترعرعت في مدينة امدرمان والتنوع الثقافي والوعي الذي نشات عليه ...لم تكن في ذاكرتي شيئا من العنصرية المرض البغيض ... فاقدم اعتذاري اولا للفظ حلبي ا كان في مدلوله معنى للعنصرية او ماجاورها واغفروا لي جهلي ... حلبي في فهمي للابيض ولدينا حي الحلب في امدرمان وفي بحري حسب معرفتي البسيطة لان جزورهم قد ترجع لغير السودانيين ربما والله اعلم .. الاخ قباني احسب انك تعرفني ...وبالتاكيد انا اردت فقط الاشارة الى شمه انه غير سوداني ولا اكثر ....تمنيت ليلتها في عيدنا الوطني ويومنا الوطني ان تكون اطلالة سودانية فقط وهذا لاينقص ابدا من جهود شمة مع ابناء الوطن المبدعين ..فنحن ننظر للوطن بعين الحب ومثل الزميل عشاري ومجموعته لاحق بكل الحب والتقدير ... وعلى العموم اتمنى ان تنتهي فكرة العنصرية بيننا وبين ابناء الوطن فلنا قضايا اهم من كل هذه الاختلافات واكرر اعتذاري للفهم الخاطئي ... ومني محبتي

Quote: قباني محق تماما في اعتبار ان اللفظ عنصري

Quote: شكراً قباني لتسليطك الضوء على هذا الوصف العنصري المتداول. وتداول الكلمة ولو بحسن نية لا يبرئ الكلمة من مدلولاتها العنصرية. العنصرية هي العنصرية سواء تمت ممارستها تجاه فئية بسبب لون بشرتهم الاسود او تجاه فئة أخرى بسبب لون بشرتهم الأبيض. هي نفس الممارسة التي يجب محاربتها حيثما كانت.

Quote: ثم القال ليك منو امريكا أرض العم سام؟ يالحمبرا، امريكا دي، كسودانيبن جيناها من زمن جدنا ترهاقا، اي قبل اكثر من 2٫600 سنة علي اقل تقدير!

Quote: يعني هسّ لو قلت فلان دا فلاتي من غرب أفريقية أو تشادي محاولاً الطعن في سودانية من أخاطب؛ هل دا بجعل من كلمة فلاتي أو تشادي كلمة عنصرية؟

Quote: ذنب وجريمة قباني انو يبتذل يختزل مايسمي "عنصرية" في البسميهم "حلب" اي اللونم فاتح، او مش ضحايا محارق الابادة اي البسموهم "زرقة" اي سود البشرة!! بشاشا يستنكر على المتظلم طرح مظلمته بحجة انه لايدافع عن العنصرية...عجبي من طريقة التفكير ود اختي محمد من صغير امه و كل الناس بينادهو حمادة...مهم دخل المدرسة ...قلت ليه يا حمادة...قال لي انا اسمي محمد ..قلت ليه ما كلنا بنقول ليك حمادة..قال من الان تاني ما تقول لي حمادة...المهم انتو يا احمد و ابوبكر بتقولو حلبي..او اي لقب طالما حصل اعتراض و تحسس يجب عليكم الاعتذار و التوقف عن ما يزعل الاخر...اناصر قضية قباني و اعتذر عن استخدامي لهذا اللفظ في حياتي و اوعد ان لا استخدمه و لو على سبيل المزاح

Quote: اقترح عليكم اليوم ان نتخذ مفهوم الحلب والعبيد كمصطلحات لها جزور فى الثقافة السودانية وهى تدل على جنس بشر قد لايكون متحد او متوحد فى القبيلة والعشسرة ولكن بمجرد دلالة اللون يتم تصنيفه ثقافيا تحت احد المصطلحين اعلاه فتجد ان الشخص الذى يحمل بشرة تميل فى لونها الى البياض او الصفار او دعنا نقول الى ان لونها فاتح يتم تصنيفه على انه حلبى وبالتالى فهو مشكوك فى سودانيه حتى لو كان هذا الشخص سودانيا ام عن جد وجد اخر وبنفس المستوى ذلك الشخص الذى يحمل لون بشرة سوداء او مائلة الى السواد او داكنة او غير فاتحة اللون فانه يتم تصنيفه على انه عبد مما يذهب بنا الى تقزيم دوره فى الحياة مهما كان دوره هذا عظيما هذين التصنيفين بدون شك قادا الى تعقيدات اجتماعية واخلاقية وادبية ونفسية امتدت اثارها الى اصابة وحدة وتنمية البلا د فى مقتل عظيم وذلك وسط التفرج المخل والبليد جدا للنخب السودانية التى عجزت عن التصدى لحلحلة وفلترة تلك المفاهيم من ذهنية الغالبية العظمى من السودانيين وحتى لو كانت هنالك محاولات للتصدى فانها لاتتعدى ان تكون محولات خجولة ويتم مداولتها على استحياء وتواضع اعلامى ومعلوماتى ومنهجى شديد مما يكون له الاثر السلبى فى وضع الحلول لتجاوز هكذا مفاهيم محمومة ومغلوطة فى ثقافتنا لذلك من هذا المنطلق انا اطرح هذا الموضوع للنقاش بدون اثارة اى من الحساسيات فى النقاش وان ياخذ الجميع راحتهم فى النقاش والتواصل على شرط ان يكون ذلك بلغة محترمة حتى لاينجرف البوست الى غير الهدف الذى فتح من اجله وانا ارجو من كل الذين ليست لديهم اضافة او مداخلة مفيدة بعدم التداخل وذلك حفاظا على قيمة البوست وجديته اسف لو كان طلبى هذا فيه شىء من الحرج على البعض ولكنها فى الختام هى رغبتى

Quote: يا سيد دودي، أنت أكثر زول في الحوار دا كان واضح بالنسبة لي، داير أسألك سؤال؛ أنت قلت تتفق مع قباني لأنو تشبيه كل البيض بالحلب فيه عنصرية لأنو الحلب ديل ناس درجة تانية، سؤالي هل ممكن عادي نقول للحلب الذين هبطوا بالكلمة هل ممكن نقول ليهم حلب؟ ولّ الكلمة نلغيها خالص من قاموس كلامنا؟

Quote: كلمه حلبى يا سيدى السفير فى السودان تطلق على مجموعه ضخمه من البشر اتوا من حلب . وكان اغلبهم يعيش كمتشردين ينامون فى العراء او فى خيام مهترئه . وكان لهم حى كامل فى امدرمان . وهو الحى المحصور بين السوق وحى العرب . وكانوا يتسولون ويتحدثون باللهجه الشاميه . وكان لهم شيخين وهما ابو زعمان وابو قلمان . وشيخه تسيطر على النساء اللذين يخرجون للتسول والرقص وضرب الدربكه وهى كلوت . لم نحتقرهم ولم نهينهم ولم يجدوا الا الاحترام . وشملتهم الخطة الاسكانية ولا يزال الكثير منهم يعيش في السودان ويحتكرون تجارة الخردة وقطع الغيار .

Quote: اضيف لجدي شوقي بدري ايضا كنت في منطقة الرباطاب تحديدا الشريك تاتي مجموعات رحل يسمون الحلب يحلون في العراء ولهم خيام وحمير ويبيعون العدة (الاثاث )ويشحدون او يتسولون بالبيوت لمدة شهر ثم يتحركون لمكان اخر وهكذا يسمون الحلب وكنا نستمتع بالرقصات ونتسوق منهم ونتعاون معهم في كثير من امورهم الحياتية

Quote: المحترمين أ.بشاشا و باش م يحي من موضع التقدير و الإحترام لكم اسمحوا لي أن أقول:كفاية . و لكم مني محبتيكما إعتادت نعمات حمود أن تقول.

(عدل بواسطة يحي قباني on 01-17-2022, 05:34 PM)

Quote: في حقيقة تاني لازم الناس تعرفها مافي زول ب الجد بريد وبعشق السودان زي قباني وقباني دا سوداني كامل الدسم والمعنى بكل تفاصيل السودانوية الشي دا ممكن اي زول يحسه ويعرفه ببساطة من كل ال output بتاع قباني كلامي دا ما hypocrisy عشان ما يجي زول يقول لي عشان قباني دا صاحبك ونسيبك

Quote: في السوداني وصفة حلب جاتنا من مدينة حلب السورية . يعني اهل دمشق يقولوليك دا حلبي من مدينة حلب .

Quote: العزيز خالد لك التحية وعساك طيب ،، أرغب فقط في توفير مدخل لهذا الموضوع ،، وأرى أن يكون المدخل إجابة على السؤال التالي : من هم الحلب ؟ هل هم كل البيض أم أنهم فقط الذين يعملون في مهنة الحدادة ؟ بمعنى آخر : هل الحلب مجموعة إثنية تنتمي إلى أصل عرقي واحد أم أنها مجموعة مهنية احترفت حرفة وبالتالي يصبح كل من امتهن هذه الحرفة حلبيا ؟ ما سر ( الحمرة الأباها المهدي ؟ ) سؤال للسادة الأنصار .. سأهتم بهذا الموضوع لأني أجد فيه موضوعا يستحق الدراسة ..

Quote: انا يا نعمات لا احترم ذلك الشخص و لا اي شخص يتودد له ..

Quote: كمان جابت ليها إساءة يا باش م؟