|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: مطلوب توضيح من عضو المنبر نجلاء سيد احمد (Re: Maawya Hussein)
|
Quote: بالنسبة للتنظيم الوهمي الإسفيري المنتحلين شخصية لجان المقاومة ومسمين نفسهم لجان المقاومة السودانية👇🏾
دا جسم في الأساس وهمي وإسفيري وما عندو اي وجود في أرض الواقع كلو أمنجية وإنتهازيين، إتعمل بعد ٢٠١٧ بعد جوطة عصيان ٢٧ نوفمبر ٢٠١٦ وسموهو الإسم دا مخصوص عشان يوهمو الناس انهم لجان المقاومة البدت تتكون في ٢٠١٣ ونشطت الدعوة لتكوينها وتجديدها الفترة ديك من ٢٠١٦ والتسمية بالإسم دا متعمدة ومقصودة وما صدفة وكمان عملو ليهم صفحة في الفيسبوك من أيام تكوين الجسم الوهمي الإسفيري دا عشان يروجو لإنهم لجان المقاومة عن قصد وعمد، وانا كنت حذرت منهم في الوقت داك. إختفو مع خضم الثورة وحالياً ظهرو ورجعو يمارسو في إستهبالهم وإنتهازيتهم تاني.
للحقيقة والتاريخ تكوين لجان الاحياء، دعى ليها الحزب الشيوعي. وفعلاً بدت تتكون من قبل ٢٠١٣ ونشطت مع هبة سبتمبر من شباب الأحزاب والحركات الشبابية، وبدت تنشط الدعوة لتكوينها في ٢٠١٦، وفعلاً نشط تكوينها لحدي ما إتوسع مع ثورة ١٩ ديسمبر٢٠١٨ ولحدي ما وصلت للشكل الحالي وأصبحت تشمل كل الثوار المنتمين والغير منتمين حزبياً داخل أحياء كل السودان.
جسم لجان المقاومة السودانية دا جسم إسفيري ما عندو وجود على أرض الواقع وإتكون بعد الجوطة بتاعة عصيان ٢٧ نوفمبر ٢٠١٦ وحركة ٢٧نوفمبر والأمنجية الظهرو فيها ومنهم البت (زينة علي) وهي مقيمة في فيرجينا بأمريكا، وعملو صفحة على الفيسبوك بإسم لجان المقاومة السودانية إستباقاً وسرقة لإسم لجان المقاومة حتى يوهمو الناس إنهم هم لجان المقاومة وانهم هم من كونوها، والباقر العفيف كان رئيس هذا الجسم وفي بدايات الثورة رجع السودان طارحاً نفسه إنه مكون ورئيس لجان المقاومة وتم رفضه ورفض هذا الإدعاء، وأظن انه تخلى عن الجسم الوهمي بعد هذا الحدث. وإختفى هذا التنظيم الإسفيري الوهمي في خضم الثورة وحالياً عاد للظهور مرة أخرى.
نجلاء سيد أحمد هي الأمين العام لهذا الجسم الوهمي وهي تطرح نفسها في كل المنابر الإسفيرية على أنها الأمين العام للجان المقاومة دون أن توضح الفرق متعمدة، والان قاموا بتعيين ناطق رسمي بالخارج وهم (زينة علي) الأمنجية بتاعة حركة ٢٧ نوفمبر والتي إستطاعت أن تخدع وتخترق المعارضة في فيرجينا، وزينة علي هذه، أنا قد قمت بكشفها ضمن أمنجية حركة ٢٧ نوفمبر والبوست الذي قمت بنشره في ٢٠١٧ موثق وموجود في صفحتي. ونجلاء سيد أحمد ناطق من الخارج بصفتها الأمين العام للجان المقاومة السودانية وواحد تاني كدا ما بعرفو، دا الناطق الرسمي بالداخل حسب إدعاءهم.
بالأمس وبحكم حظري من صفحتي في الفيسبوك إضطريت بالرغم من أنني لست من رواد الواتساب، في المشاركة في أحد قروبات الواتساب التي تضم قيادات من المعارضة وعدد من الناشطين والمعارضين وهو قروب قديم تم تكوينه قبل الثورة بسنوات عدة ولن أذكر إسمه. وكان سبب المشاركة، أن إستفذاني بوست فيه مشاركة للايف للمدعوة (زينة علي) وهي تتحدث بإسم لجان المقاومة ، وكنت قد عرفت من قبل ايام ان الجسم المشبوه المنتحل شخصية لجان المقاومة قد عاد للظهور وبكل جرأة قد أعلنو زينة على ناطق رسمي للجان المقاومة بالخارج ومعها نجلاء سيد أحمد الأمين العام ومعهم شخص اخر لا اعرفه ناطق رسمي بالداخل. وأدرت حوار داخل القروب قلت فيه رأي في الجسم المشبوه وأمنجية زينة علي وإنتهازية نجلاء سيد أحمد والباقر العفيف. وطبعاً كالعادة تواجهت بالهجوم من البعض . ولكن هناك اخرين إستنكرو مثل وجود هذا الجسم والشكل الإنتهازي الذي ظهر به لإنتحال شخصية لجان المقاومة. وانا عندي نظرية، من يدافع عن أمنجي هو أمنجي مثله ومن يدافع عن إنتهازي فهو إنتهازي مثله، أو فإنه جاهل وبجهله يروج للأمنجية مثله مثل الإنتهازي وهما من يقدما أبناءنا وبناتنا فريسة سهلة للإنقضاض والقتل. دورو فيني في القروب وما أخرسهم إلا بيان لجان المقاومة الذي أثلج صدري وطمأنني أن الثورة والثوار بخير وأنهم قد وصلوا لدرجة من الوعي سيصونهم من كل أمنجي وإنتهازي ومتسلق.
✋🏾حأنشر ليكم حواري في القروب، وحوارات الآخرين تموها انتو خيال، لأني ما حأنشرها حفاظاً على خصوصيتهم وخصوصية القروب. وبيان لجان المقاومة في أول تعليق👇🏾 |
| |
  
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Maawya Hussein)
|
" تصريح صحفي "
" المتحدثين الرسميين لتنسيقيات مدينة الخرطوم "
بناء علي ما ذُكر في البيان التوضيحي السابق ولإزالة كل اللبس الذي مرّ علي القنوات الاخبارية وغيرها، وإعتباراً من تاريخ نشر هذا البيان فإن المتحدثين الرسميين للقنوات الإخبارية ووسائل البث المباشر والصحف الإعلامية هم الاتية أسمائهم :
▪ عمر زهران - متحدث داخلي
▪ عثمان أحمد - متحدث داخلي
▪محمد عصمت - متحدث داخلي
▪محمد انور - متحدث داخلي
▪فضيل عمر - متحدث داخلي
▪مصطفي الهادي - متحدث خارجي
عليه ستبقى الكلمة الأولي والأسمى دائما هي التي يأتمر المتحدثين بأمره و هو صوت الشارع السوداني عبر حِراكه السلمي المنظم نحو دولة الحرية والسلام والعدالة .
٥ يناير ٢٠٢٢
مكتب الإعلام
تنسيقيات لجان مقاومة مدينة الخرطوم
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: محمد أبوالعزائم أبوالريش)
|
طه عواض دا كان عضو في لجنة إزالة التمكين بالجزيرة
لو تتذكروا في مؤتمر للجنة أستعرضت فيه أعمال اللجنة في الجزيرة
وكان المتحدثين بجانب ناس وجدي ممثلي لجنة إزالة التمكين بمدني
طه عواض دا كان أو المتحدثين وأستعرض مجموعة كبيرة مما تم أسترجاعه من الكيزان
كان من أوائل المعتقلين بعد أنقلاب البرهان
وأخد فترة طويلة في المعتقل
فالزول دا بعيد من شبهة أنو أمنجي
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Maawya Hussein)
|
سلامات معاوية
الموضوع ببساطة
في جسم ثوري تم الاعلان عنه في 2019 تحت إسم لجان المقاومة
بتاع ناس الباقر العفيف ونجلاء سيد أحمد على ما يبدو
الجسم دا غاب فترة ما كان عنده تأثير على الارض
وكان عبارة عن مجموعة لايفات على الفيس
بعد انقلاب البرهان وتصدر لجان المقاومة الحقيقية التي
تم تأسيسها في 2018 ايام مقاومة نظام البشير
صعد نجمها بعد انقلاب البرهان
وكعادة الساسة السودانين الكسالى
حاولت كثير من الجهات السيطرة علي لجان المقاومة واستخدامها او تمرير
الاجندة من خلالها
مثل ما فعلوا مع تجمع المهنيين
في هذا الاتجاه قام الجسم بتاع ناس لجان المقاومة بتاع اللايفات داك ب اعلان عن متحدثين
رسميين لجسم يسمى لجان المقاومة وهم ليس لجان المقاومة المعروفين
الشغالين كوماج في الشوارع
يعني قصة ميتة كدا
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Hafiz Bashir)
|
أحدهم قام على اللولوة👿
كدي يا أحدهم خليك مفيد، لي كم يوم ما قادر أفتح سودانيزاونلاين وبيقول لي Checking your browser before accessing
كنت قايل المشكلة في الموقع لكن هسه لمن دخلت لقيت الناس قاعدين وكتاباتهم كانت مستمرة خلال الأيام الفاتت.
المشكلة شنو ويحلوها كيف؟
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: محمد علي البصير)
|
Quote: كدي يا أحدهم خليك مفيد، لي كم يوم ما قادر أفتح سودانيزاونلاين وبيقول لي Checking your browser before accessing
كنت قايل المشكلة في الموقع لكن هسه لمن دخلت لقيت الناس قاعدين وكتاباتهم كانت مستمرة خلال الأيام الفاتت. |
دي إجراءات احترازية من سيد اللبن
قالوا الكرونا الاسفيرية حايمة 😁😁
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: أحمد محمد عمر)
|
Quote: غايتو نجلاء سيد أحمد كوزة أمنجية من زمنها الفي الثانوي لحدي هسة
وكانت كادر خطابي للمؤتمر الوطني أيامها الفي الجامعة
المعلومات دي أنا متأكد منها
اتأكدوا لينا من الباقين |
يبدو لي تشابه عليك البقر
نجلاء معروفة لدى عدد كبير من الأعضاء بتاريخ نضالي ناصع
ومواقف مشهودة هى وزوجها
واضطروا لمغادرة السودان بعد المضايقات الكبيرة الأتعرضوا ليها من ناس الأمن
وعشنا معاها هنا في البورد عدة حالات إعتقال ومداهمات للمنزل
والصورة الفوق دي نشرت قبل سنوات طويلة هنا في البورد عشان توضح القمع والضرب الأتعرضت ليه نجلاء
في أحدى الفعاليات الثورية وربما أثناء الإعتقال
أنت بتقول كانت كادر خطابي للمؤتمر الوطني في الجامعة
لكن في نفس الوقت كانت تقوم بالكتابة هنا في البورد كمعارضة شرسة للنظام وارشيف البورد موجود
فهل يستقيم عقلاً أن تلعب الدورين في أن واحد ؟
ومعقول عشرات الأعضاء يدقسوا وما يعرفوا حقيقة نجلاْ لو هى في الأصل أمنجية ؟
نحن بالطبع لا نكذبك ـ أنا أرجح أن البقر تشابه عليك
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: muntasir)
|
احمد دا زول موهوم ساي ،، دخل هنا وماعارف نجلاء سيد احمد دي منو اصلا بس قال اخوض في الموضوع ،، وبعد شويه قوقل اسمها لقي صوره وعمل فيها ود خالتا !
في زول بيعرف الزول الموهوم دا علي ارض الواقع ؟ ولا يكون من عناكب بكري البلكها كل يومين دي ؟
| |
|
|
|
|
|
|
|
|
 Re: مطلوب توضيح من عضو المنبر نجلاء سيد احمد (Re: Maawya Hussein)
|
بتبالغ يا الحبيب معاوية حسين اذا ما كنت بتعرف الامنجي الموصوم احمد محمد عمر الشهير بـ2010
الامنجي دا معروف من بدري وهو من بقايا الجداد الالكتروني الكان فكاهم قوش لو بتتذكر من 2010..
وهسه قلب من جداد الكيزان لجداد حميدتي..
النقطة الاخرى اظنه شخص غير حقيقي انما هو نِك نيم للجداد اعلاه..
وليس له هاتف لا معارف وما عمرنا سمعنا زول قال شافه..
هسه دي تلقى اسمه العوض والا الطيب او بخاتي
وبالعدم حفصة :)
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Arif Nashed)
|
الكوز الأمنجي أحمد محمد عمر الشهير بأحدهم ظلت عادته ووظيغته التي كُلِف بها هي إغتيال شخصيات المناضلين الشرفاء.
ما في زول بيعرفو في المنبر ولا خارج المنبر وفي الغالب الإسم والباسويرد يستخدمها عدد من الأمنجية.
أردموه ولا تأخذكم به رحمة ولا شفقة.
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Maawya Hussein)
|
| Quote: برجع ليك بالأكيدة ان شاء الله |
تجيب دليل على شنو يا محمد؟
على إنه طه عواض ما كوز؟ وما عمل اللجان بتوجيه من جهاز الأمن؟
والله ياهو الفضل !
الليلة شغال لحدي وقت متأخر
لكن وسخ الكيزان المنقول في المداخلتين الأوائل دة حيكون سهرتنا الليلة
مع تحياتي
بخيت العجب
57 سنة
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Hafiz Bashir)
|
الناس دي كلها بعد طلوع البيان مشت صفحة نجلاء المفتوحة شارع وسالت ولومت بكل حب وتقدير
لكن البجي يكتب لي الانتهازية والامنجية والعاملين اللجان بتوجيه من جهاز الأمن دة مستحيل يكون عاوز توضيح
في زول عاوز توضيح وهو فوق كانب شتائم كيزانية؟؟؟!!!
قال توضيح قال!
__________
المغرضين الفوق ديل اصبروا لي كلكم جاييكم المساء :)
مع تحياتي
وسيم أيمن
23 سنة
| |
|
|
|
|
|
|
|
|
 Re: مطلوب توضيح من عضو المنبر نجلاء سيد احمد (Re: أحمد محمد عمر)
|
سلام عليكم
انتو خليتو الموضع المهموقعدتو فى هوامش الهوامش ؟
غض النظر عن الاشخاص
فكل المجتمع السياسه بيلعب بالورقه الرابحه فى لعبته (دا وصف ما موقف )
المهم فى الموضوع انو جسم اسفيرى بيحاول يستغل ويسرق ناس على الارض بدون اى صله تنظميه معاهو ككيان فوقى جامع فعليا للجان المقاومة البتقود المقاومه عبر (تنسيقياتها).
بعدينلجان المقاومه عبر تنسيقياتها كان رد فعلها عبر البيانات فى اتجاه واحد
انو الجسم الاسفيرى مهما كان من خلفو لايمثلهم من قريب او من بعيد
الكلام المنقول دا وجاب الجوطه ياهو دا وبتقل فيهو شيوعيه برضو
| |
|
|
|
|
|
|
|
|
 Re: مطلوب توضيح من عضو المنبر نجلاء سيد احمد (Re: Asim Ali)
|
عينه من البيانات الصدرت عن لجان المقاومه على الارض
Quote:
لجان أحياء بحري
🛑توضيح
تواردت للجان أحياء بحري تساؤلات و استفسارات منذ الأمس بخصوص بيان و متحدثين لما يُسمى بـ" لجان المقاومة السودانية"
نوضح أنّ تنسيقيات لجان المقاومة هي جسم أفقي يمثل الأحياء و تكون قراراته عبر القواعد، و أن لجان أحياء بحري تشمل ممثلين لكُل احياءها مجتمعة.
إنّ لجان أحياء بحري لم تحدد ناطقين رسميين لها حتى الآن و ما يعبر عنها من بيانات و آخر المستجدات يُنشر خلال منصات بحري المعروفة على الفيس بوك و تويتر .
إن لجان المقاومة هي أجسام قاعدية في الأحياء و يجمعها تنسيق و تعاون مع تنسيقيات المقاومة في ولاية الخرطوم و يتم إعلان ذلك عبر بيانات عبر و منصات اللجان المعروفة.
عليه.. ننوه إلى أنّ اللجان لم تقم بتعيين ناطق رسمي لها و لا علاقة لها بأي أفراد يدعون أنهم الناطقين باسمها.
لجان أحياء بحري
4يناير2022
#أمدرمان_لن_تنكسر
#مواكب_4_يناير
#امبده_لن_تسيرو_وحدكم
|
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Asim Ali)
|
(.....) ليست لها اى علاقة بلجان مقاومة الداخل .
ولا الباقر العفيف او نجلاء سيد احمد . هؤلاء يمثلون كيان اسمه لجان المقاومة السودانية وليس له ادنى علاقة او تعاون مع لجان مقاومة الاحياء التى تدعو وتنظم وتقود المواكب والمليونيات .
ليس لها اى تفويض يا دكتور من الداخل مع كامل تقديرى لجهدها وجهد بقية المنضوين فى جسمها .
هذا الجسم ذو تشكيل راسى وتنشط عضويته فى الخارج ولجان مقاومة الأحياء ليس لها تشكيل راسى بل هى لجان افقية وليس لها امين عام او رئيس او متحدث رسمى .
هذا الكيان يحدث دائما لبس وخلط بينه وبين لجان الاحياء بالداخل التى تقود النضال ضد الطغمة الانقلابية وتقدم الشهداء على الارض وليس على المنصات الاسفيرية .
انا فى عمق عمل لجان الداخل منذ نشاتها وللان واؤكد لك اننى لاول مرة اسمع بهذا الاسم رغم معرفتى بنجلاء وبالباقر الذى طلبت منه ذات مرة فى احد البوستات عند اعلان جسمهم انه سيعمل لبس مع لجان مقاومة الداخل وانه سيبدو وكانه انتحال لمجهود اخرين .
لكن تم الاعلان عنه وهو مجرد جسم اسفيرى وليس له أعضاء على الارض مؤثرين وليس له ادنى يد فى كل انشطة لجنة الداخل .
هذا ما لزم التوضيح لازالة اللبس
س. ا.
منقول
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Maawya Hussein)
|
Quote: اجندة الكيزان من بداية الثورة :-
١/ حكم الفترة الانتقالية ال ١٨ شهر الاولي " عشان يعيدوا ترتيب صفوفهم" . ✅
٢/سحب البساط من تجمع المهنين " القائد الاكبر ذو الشعبية المطلقة " عند انطلاقة الثورة ✅.
٣/الانقلاب عند مواعيد تسليم السلطة المدنية . ✅
٤/حرق الاحزاب السياسية بالتأثير عليهم ب " كراسي السلطة " و التشكيك" في بعض … عدم الثقة ما بيبني ديموقراطية " فَرّق تَسُد " . ✅
٥/ حرق حمودك سياسيا و شعبيا و اقتصاديا… لدرجة تدفع
لتقديم استقالته . ✅
#الخطوات_الجاية:-
٦/ حرق " لجان المقاومة " بالتشكيك فيها و جعلها تنخرط سياسيا عشان تلحق الاحزاب القبلها . " جاري العمل عليه " ♻️
٧/ رفع الاسعار و قتل الثوار و الاعتقالات و اخافة الكنداكات بالاغتصاب ( باختصار تشتيت الشارع) " جاري العمل عليه"
♻️
٨/تطبيق الخطة المصرية و ذلك بادارة البلد عن طريق " عسكري " …… وييييييين يااااااااا في الاحلام ❎
اصحي يا ترس …. لجان المقاومة … المثل بيقول :- " اخوك لو حلقوا ليه بِل ْ رأسك" … |
هنا بهمنا البند رقم 6
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Bashasha)
|
سلام يا معاوية
Quote: Quote: اجندة الكيزان من بداية الثورة :-
١/ حكم الفترة الانتقالية ال ١٨ شهر الاولي " عشان يعيدوا ترتيب صفوفهم" . ✅
٢/سحب البساط من تجمع المهنين " القائد الاكبر ذو الشعبية المطلقة " عند انطلاقة الثورة ✅.
٣/الانقلاب عند مواعيد تسليم السلطة المدنية . ✅
٤/حرق الاحزاب السياسية بالتأثير عليهم ب " كراسي السلطة " و التشكيك" في بعض … عدم الثقة ما بيبني ديموقراطية " فَرّق تَسُد " . ✅
٥/ حرق حمودك سياسيا و شعبيا و اقتصاديا… لدرجة تدفع
لتقديم استقالته . ✅
#الخطوات_الجاية:-
٦/ حرق " لجان المقاومة " بالتشكيك فيها و جعلها تنخرط سياسيا عشان تلحق الاحزاب القبلها . " جاري العمل عليه " ♻️
٧/ رفع الاسعار و قتل الثوار و الاعتقالات و اخافة الكنداكات بالاغتصاب ( باختصار تشتيت الشارع) " جاري العمل عليه"
♻️
٨/تطبيق الخطة المصرية و ذلك بادارة البلد عن طريق " عسكري " …… وييييييين يااااااااا في الاحلام ❎
اصحي يا ترس …. لجان المقاومة … المثل بيقول :- " اخوك لو حلقوا ليه بِل ْ رأسك" …
|
الكيزان عشوائيين زيهم وزي بقية الكيانات والتنظيمات وكلهم شغالين رزق اليوم باليوم.
الكلام الفوق دا إتكتب هسه بعد ما جرت الأحداث ولم يكن في يوم من الأيام خطة او اجندة مرتبة من الكيزان.
مافي زول سحب البساط من تجمع المهنيين ولا في زول حرق حمدوك.
تجمع المهنيين أصلاً تنظيم ضعيف ولم يفم على نقابات منتخبة ولم يسعى في فترة ما بعد الثورة لتكوين أجسام نقابية مبنية على أساس قاعدي
وهذا هو سبب تشظيه وعجزه عن أداء مهامه.
حمدوك حرق روحو براهو يوم إتخذ قرار خاطئ بولاة الإنقلابيين على عكس توجه الشارع.
الاحزاب مافي زول حرقها هي الزعزعت ثقة الشارع فيها يوم تكالبت على محاصصة المناصب.
الكيزان أضعف وأغبي من إنجاح أي مخطط
ما نرمي بلانا كلو في الكيزان ونعلل فشلنا بأن العدو قوي
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Bashasha)
|
سلمات يا معاوية حسين وضيوفه الكرام
نجلاء سيداحمد وتحديداً يوم 21 ديسمبر 2021م كتبت يوست هنا فى البورد بعنوان :
ميثاق الشعب وهو عبارة عن اعلان سياسي من لجان المقاومة .
والاعلان السياسي المذكور اعلان يحتاج الى المزيد من المراجعة لانه ينقصه الكثير .
وياريت الاخت نجلاء سيداحمد ومن معها فى لجان الخارج يقومون بتغيير مسمى لجنتهم مثلاً الى :
- تنسيقية لجان المقاومة السودانية بالخارج .
حتى لا تختلط وتتشابه الاسماء .
إعلان ميثاق الشعب
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: علاء سيداحمد)
|
| Quote: والبعض ذهب لاكثر من ذلك بانه جسم من صناعه جهاز الامن |
شوفوا العبارة دي عليكم الله !!
كاتب البوست زغمها بخباثة بدون أي مرجعية
اتهام زي دة في حق الثلاثة الذكرهم يكتبه ببساطة كدة وينسبه لمجهول "البعض"
غايتو الما شامي ريحة عمر التاج في المداخلة دي يمشي يفحص كرونا
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: أحمد محمد عمر)
|
وتعال شوف الخموم الناقله بدون حتى ما يذكر المصدر بتاعه .. البركة في عاصم
| Quote: كلو أمنجية وإنتهازيين |
صاحب البوست بتكلم عن التنظيم الفيه نجلاء والباقر عفيف وزينة وطه عواض، ببساطة كدة صاحب البوست يكتب عنه كلو أمنجية وانتهازيين!!
طبعاً الزوغة بتاعة الاقتباس ما بتحلك من مسؤولية الكلام الناقله طالما لم تضع فيه رأي واضح
بل صاحب البوست يتبنى الإتهام ويقول كونه المناضل طه عواض كان في لجنة إزالة التمكين ما دليل براءة!!!!
يعني هو متبني التهمة وبطالب بدليل براءة كمان
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: أحمد محمد عمر)
|
| Quote: وسموهو الإسم دا مخصوص عشان يوهمو الناس انهم لجان المقاومة البدت تتكون في ٢٠١٣ ونشطت الدعوة لتكوينها وتجديدها الفترة ديك من ٢٠١٦ |
شوف الاستغباء دة
أها يا سيد البوست لجان المقاومة الحالية دي لا عندها علاقة بي 2013 ولا 2016 ، ديل مكنات الشوارع، قول للبت الناقل عنها دي انتي ذاتك ما تتسلبطي
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: أحمد محمد عمر)
|
| Quote: والأمنجية الظهرو فيها ومنهم البت (زينة علي) وهي مقيمة في فيرجينا بأمريكا |
عندك انت شخصياً يا معاوية دليل على الكلام دة؟
لاحظ إنك ما ذكرت الزول الناقل عنه!! هل عندك إثبات على أمنجية زينة؟
لو ذكرت إنك ما متفق مع الفهم دة كان حسابك بكون أخف لكن تجي ترزعه شوال فحم كدة وكمان تطالب بتوضيح وأدلة إتهام معناها دة فهمك وقناعاتك
هل لديك دليل واضح على أمنجية زينة ولا تكتب ليها اعتذار واضح وصريح عن نقلك الكلام الوسخ دة؟
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: أحمد محمد عمر)
|
| Quote: إنتهازية نجلاء سيد أحمد والباقر العفيف |
مؤسف والله واحد كل إسهامه للوطن باسويرد منبر وفيسبوك يجي يكتب في ناس حياتهم القضوها في المعتقلات أكتر من براها جنس الكلام دة؟
مؤسف والله زولة دفعت ثمن نضالها كاش في عائلتها واستقرارها وجسمها لحدي ما اتواجهت بتهم عقوبتها الاعدام واضطرت تخلي بلدها لأنه النظام لقاها ما بتتكسر ومافي حل غير تتقتل، مؤسف زولة زي دي تجي تتكلم عنها وانت راقد تحت المكيف وتسميها انتهازية !!
تعال جيب أدلتك واحد اتنين تلاتة، لكن ما تجي شايل ليك بقجة غبائن كيزانية تكشحها وتقل أنا بستوضح !!!!
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: أحمد محمد عمر)
|
سلام عليكم صاحب البوست و ضيوفه
ما قريت الكلام الفوق بدقة.
نجلاء سيد أحمد الشيخ ، ابنة نقابي شيوعي سوداني
زوجها السيد بخاري عثمان و أظن كان عضو في البورد دا..
عرفتو من بعيد قبل سنين و أظن ما مهم و أظن كان شغال في دال.
اختها هاجر سيد احمد مقيمة في امريكا و حضرت ليها لقاء
في احد القنوات و من اللواتي نجحن في غربتهن.
اخوهم راشد سيد احمد و كان يظهر في كل القنوات ابان ثورة ديسمبر 2018
ويظهر من لندن و اختفى.
دا رأي الشخصي:
الاخبار التي توردها غير موثوقة بالنسبة لي نهااااائي
هي و هشام هباني لا أثق في اخبارهم و لا مصادرهم.
دا رأي شخصي لا يقدح في وطنيتهم.
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Maawya Hussein)
|
لجان المقاومة تنظيمات أفقية ماعندها قيادة موحدة ...
ويمكن بعضها لو شاف نجلاء في الشارع ماب يعرفها
نجلاء سيد أحمد تقلبت في الإنتماء لتنظيمات عدة في السنوات الأخيرة
- ناشطة سياسية عرت وفضحت الإنقاذ بالفيديو والتوثيق وإنتمت لعدة حركات ثورية ـ قبل الثورة
دا كلو قبل مرحلة تجمع المهنين ولجان المقاومة، لجان المقاومة تجاوزت كل الأطر القديمة والقيادات السابقة
-- هناك مسعي لضرب لجان المقاومة بربطها بكوار ونشطاء ماقبل الثورة
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: كمال عباس)
|
الله يفتح عليك يا كمال عباس ،،
حاليا صحف وكتاب وجداد البرهان وحميدتي ومن تبعهم من الكيزان حا يدقو الطار ويقولو اها ما قلنا ليكم ديل شيوعيين والدليل الامينه العاهه بتاعتوم شيوعيه ؟ ويبدو يضربو في الوتر دا ،،
الناس تكون حصيفه شويه دا ما وقت مكاسب شخصيه ونضالات علي اكتاف شباب بعرض صدرو للرصاص عشان يبني وطن ديمقراطي
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Maawya Hussein)
|
| Quote: يا حيدر زول يتظارف ويقول ليك انا ود صغير واتخرجت من الجامعه قريب وتاني يسرح ويقول كنت متابع بدايات عماد احمد الطيب في بدايه التمننينات .) |
والأيام دي بيدردق في مكنة انه دكتور...
الامنجي الصحفي الكان مستخدم الباسوورد فكاها لي واحد عامل ليك فيها استاذ جامعي..
وبيـن هذا وذاك خش في النص واحد بتاع آي تي ..
أخيراً قال ليك انا مبرمج وهاكر بتاع شبكات وسيكورتي وماعارف انظمة موجهة.
ودا إدعاء فضحه السؤال الماكر مولانا حافظ بشير الموجه ببراعة ليفضح زيف معرفته التكنلوجية..
هسه بالله عليك دا رد زول بيفهم الفرق بين الDOS وال MAC ؟
رد زول قاعد ساي قعدة إبراهيم اللمين في حزب اللمة..
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: HAIDER ALZAIN)
|
حقا لا كرامة لنبي في وطنه!
معقول ما بتعرفوا أحمد عمر و بتتهموه انه شخصية وهمية!
آرتيست وانفلونسر كبير و رافع علم السودان في اسكندافيا كل سنة في نص موكب الجماعة و عامل شغل اعلامي رهيب سلط الضوء على السودان و اسي قريب كان في البلد و صور عمل سينمائي زار فيه مناطق اثرية و سياحية.
ولا يهمك يا احمد عمر الما بعرفك بجهلك.
| |
|
|
|
|
|
|
|
|
 Re: مطلوب توضيح من عضو المنبر نجلاء سيد احمد (Re: محمد البشرى الخضر)
|
حبيبنا بشاشا .. سلامات
ماعارف علاقة البوست الجبتو بالامر دا شنو هنا.. ما لقيت اي علاقة
كان في علاقة او ذكرى مناسبة فكان مفروض تكون نقد ذاتي او اعتذار على الأقل للموقف المربوك الانت اتخته في البوست وموقفك ..
اللي ما اظنك ممكن تقيفه اليوم في ظل التطورات والتغيرات الكشفت كير من الحقائق وازالت تغابيش كانت خافية ادت لتعديل الكثيرين لادوراهم
وفي مقدمتهم أنت ..
في الاطار دا لاحظ فقط بس لاحظ يا صديق مش عائشة موسى عضو السيادة الكانت كاتبه براها ..
بل سيف العوقة - حالياً اللواء سيف مسعد على - قال:
قهرا لناس الامن قهرا للخونة والجبناء
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: HAIDER ALZAIN)
|
ياحيدر،
علاقة الجبتو اعلاه، بالبوست ده، هو قصدي مايثار عن الاخت نجلاء، قديم جدا وشخصيا لا اعلم عنه اي مايثار شئ!
اما مادار في ذاك البوست قبل عشرة سنة، فالكلام مخلوق وكتو!!
مابعيد نجلاء تكون اخت واحد من اعزا اصدقائي ايام الجامعة، والرجل كان من ابرذ قادة مظاهرات مارس ابريل في الخرطوم في الثمانينات.
ماعايز اجيب اسمو من دون ما اتاكد.
هناك تشابه في الاسماء!!!
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: HAIDER ALZAIN)
|
أحمد عمر ولّ محمد أحمد عمر ولّ عمر أحمد محمد دا،
قاعد يذكرني ملاح أم رقيقة وكسرة فترينة في بيت بكاء في قرية تعيسة
وتكون جايهم من حتّة بعيدة وجيعان
تلتفت وأنت في الصينية نلقى واحد لابس جلابية وسخانة وشايل جردل ملان أم رقيقة وفي يدو كمشة،
يشوفك عاينت ليهو يلخك كمشة
تلتفت يسار تلقى بتاع كسرة الفتريتة جاهز وعيونو حمر وعراقيهو وسخااان
طوالي تسب لبكري
ديل بجيبهم من وين؟
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: أبوبكر عباس)
|
يا جماعة والله بتبالغو
من اول مداخلة لاحدهم 2010 او كما يقولها سيدنا حيضر الزين انا عرفت انو احمد يسخر من هذه الادعاءات
نجلاء شنو البتشارك الشرطة في قمع المتظاهرين هههههههههههههه
المداخلات كانت وااضحة انها ساخرة ومليانة غيظ من الاتهامات العجيبة دي في حق مناضلين نظيفين زي طه عواض والباقر عفيفي ونجلاء
معقولة ياخ
بعدين يا احمد ود البشرى دا ما تخليهو .. اقسمبلاي انتهى منك هههههه
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: محمد البشرى الخضر)
|
Quote: حقا لا كرامة لنبي في وطنه!
معقول ما بتعرفوا أحمد عمر و بتتهموه انه شخصية وهمية!
آرتيست وانفلونسر كبير و رافع علم السودان في اسكندافيا كل سنة في نص موكب الجماعة و عامل شغل اعلامي رهيب سلط الضوء على السودان و اسي قريب كان في البلد و صور عمل سينمائي زار فيه مناطق اثرية و سياحية.
ولا يهمك يا احمد عمر الما بعرفك بجهلك. |
بلللاااااااااااااااااااي
ورب المجرات ما كنت عارف
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Haytham Ghaly)
|
متداول
Quote: لجان مقاومة السودانية جسم هرمي فيو رئيس ونائب ومقرر مكتب كامل.
الجسم دة أول م إتكون بقه قبله للمنتفعين والمتسلقين.
متزكرين بطاقة لجان المقاومة ذات الصلاحيات الواسعة ياهم الجماعة ديل زاتم. |
Quote: اعتقد دي محاولات لشلب لجان المقاومة باجسام موازية زي ما اتعمل قحت١ و٢، اللجان ما عندها ناطق رسمي
|
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Maawya Hussein)
|
من صفحه نجلاء سيد احمد بالفيس بوك
Quote: 🛑 إعلان هام 🛑
التحية و الإجلال و الاحترام لشعبنا و لشهدائنا الكرام و نور على نورهم الذي اضاءوا لنا به طريق الحرية ..
و الشفاء العاجل لكل المصابين و الجرحى
و عودا سالمًا حميدًا للمفقودين.
تعلن لجان المقاومة السودانية عن إختيار الأستاذ طه عواض ناطقاً رسميا باسمها في الداخل و الدكتورة زينة المقيمة في الولايات المتحدة الأمريكية ناطقةً رسمية في الخارج.
كما أن المناضلة الأستاذ نجلاء سيد أحمد الشيخ الأمين العام للجان المقاومة السودانية ستكون من ضمن المتحدثين و الممثلين الرسميين للجان المقاومة السودانية ..
و تأكد لجان المقاومة السودانية انها غير مسؤولة عن أي تصريح يصدر باسمها من اي جه أو شخص غير المذكورين أعلاه و ذلك للتوضيح.
ثورتنا مستمرة بوحدتنا و سلميتنا منتصرين باذن الله.
#أبقوا_الصمود
#الردة_مستحيلة
#يسقط_حكم_العسكر
#لا_تفاوض_لا_شراكة_لا_مساومة
#لجان_المقاومة_السودانية
٢٢ ديسمبر ٢٠٢١
|
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Maawya Hussein)
|
Quote: حقا لا كرامة لنبي في وطنه!
معقول ما بتعرفوا أحمد عمر و بتتهموه انه شخصية وهمية!
آرتيست وانفلونسر كبير و رافع علم السودان في اسكندافيا كل سنة في نص موكب الجماعة و عامل شغل اعلامي رهيب سلط الضوء على السودان و اسي قريب كان في البلد و صور عمل سينمائي زار فيه مناطق اثرية و سياحية.
ولا يهمك يا احمد عمر الما بعرفك بجهلك. |
اهداء للناس الماعارفة المطرة صابة وين 
" /> ">
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Yousuf Taha)
|
Quote: توضيح مهم
تمَّ تداول خبر بالأمس 3 يناير عن تسمية كيان يدعى (لجان المقاومة السودانية) لثلاثة متحدثين رسميين، ما نودّ توضيحه هنا أن هذا الكيان ليس له علاقة من بعيد ولا قريب بلجان مقاومة مدني أو لجان المقاومة في الأحياء والتنسيقيات وهي اللجان التي تعرفون إنها من يدعو وينظم ويقود المواكب والتظاهرات على الأرض، وهي أجسام ثورية أفقية ذات قيادة جماعية وليس لديها أمين عام مثل ما يسمى بـ (لجان المقاومة السودانية)، إنما لجان المقاومة في كل مناطق بلدنا الحبيب السودان تتكون من المقاومات والمقاومون من يحملون شعلة العمل الثوري على الأرض ويحترقون ليضيء الوطن.
عليه فإننا في لجان مقاومة مدني نوضِّح هذا اللَّبس عند البعض الذي يحدث لتشابه الأسماء، الشي الذي تستغله هذه الجهات؛ مما يدعونا للتساؤل لمَ؟
#لجان_مقاومة_مدني
4 يناير 2021 |
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: أحمد محمد عمر)
|
| Quote: ولا يهمك يا احمد عمر الما بعرفك بجهلك |
هههههه
والله يا باش طلعتا فقري وبنوم بدري ...
دا ما ياهو الود العاضاهو نعجه ول واحدن تاني ...
غايتو عريبينا دا حدو ياهو تمبول الخرطوم السعودية وبس
يمين الكاهره دي ما بكون شافا ... مالو ومال السعلقا
وصرف القروش ...
حالتو دي النت عندنا زي سجارة البنقو ...
تصطبح وبعداك تنكرش نهارك كلو وما تدخل
إلا بالليل ... ههههه
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Salah Zubeir)
|
| Quote: الطمباري يعني بعزف طمبور..صفي النية |
اهههههههه ..صافية يا باشمهندس/احمد ...الزول الشهير وخبير الشبكات والانظمة
برضو في غنا الطنابرة و أشهرهم كان عبدالغفار الماحي ... و بلال ابو كدر ... وراس البيت
ما عايزين نحرف البوست..
لكن انا وعمك علي قايلين موضوع البوست عن (٢) من ابناء سيد احمد وقعدنا نتغالط
الصاح ...نجلا ولا نجلي سيداحمد
| |
|
|
|
|
|
|
|
|
|
Re: مطلوب توضيح من عضو المنبر نجلاء سيد احمد (Re: Yousuf Taha)
|
Quote: منقول من صفحة البناء القاعدي.
إنتخاب المكتب التنفيذي للجنة مقاومة بري الدرايسة
أدلى مواطنو حي بري الدرايسة - شرقي مدينة الخرطوم يوم السبت ٨ يناير ٢٠٢٢ بأصواتهم لإنتخاب هياكل لجنة مقاومة الحي، في مناخ ديمقراطي كامل الدسم.
- تم إنتخاب المكتب التنفيذي المُشكل من ٩ اعضاء وثلاثة احتياط .
- كما تم إنتخاب المكتب الرقابي ومكتب التحقيق والمحاسبة وكما تم انتخاب مقررا للجمعية العمومية. |
| |
|
|
|
|
|
|
| |
Maawya Hussein
محمد أبوالعزائم أبوالريش
محمد علي البصير
نعمات عماد
عبدالعظيم عثمان
Hafiz Bashir
Arif Nashed
HAIDER ALZAIN
محمد نجيب عبدا لرحيم
Asim Ali
يحي قباني
Bashasha
علاء سيداحمد
Nasser Amin
Abureesh
كمال عباس
محمد البشرى الخضر
أبوبكر عباس
Salah Zubeir
Ahmed Yassin
Yousuf Taha
فيس بوك
تويتر
انستقرام
يوتيوب
بنتيريست