مرثية للشهيدة ست النفور..قصة شهيدة من كلمات عماد المتمة وألحان وأداء إبراهيم عبد الحليم.. الرحمة والمغفرة لكل شهداء الوطن.
عم احمد صحا بي صوت الاذان حي علي الفلاح وكان مليان هموم وما قادر ينوم ودابو الفجر لاح اتوضا ودعا بي رهبة وخشوع يارب ياكريم ياحي يارحيم ارزقنا اليقين والهدي والصلاح هون يا غفور لي ست النفور تمشي كما الغمام في درب النجاح كانت صاحية هي نوم ما جاها تب قالها يا الاميرة مالك صاحية بدري ردت بي ادب البلد البريدا وشائلة هموما يابا بين ساسة وبنادق صبحت بس خرابة دمروا كل حاجة وكتلوا لي شبابا قالها يابنيتي الحال مر وشين والوطن الحبيب زي ادوهو عين مصلوب فى المشانق فجروا الكان منور أصبح ماهو شارق ردت واهة طالعة من أعماق قليبة مابنخاف سلاحم وما ممكن نسيبا دي البلد الحبيبة ساكنة الروح معانا وغامر روحنا طيبة فى صباحنا ومسانا فى كلامنا وغنانا يابا بلدنا غالية هي الروح والملاذ فوق في القمة عالية موطن ناس عزاز صاح الكلفة غالية يوم ماتت ملاذ وكانت ستنا محبوبة الجميع الجار والبعيد ولي ابوها المني تخدمو بي محبة تعمللوا الفطور بي فرحة وسرور والشاي المقنن في المغرب سواء تجلس في حداهوا وتديهوا الدواء كان مشغولة دايما بي دم الشهيد ناس كشة ومطر وود عبد الحميد والفارس الجسور اب قلبا حديد عظمة الكلوا عظمة محجوب والوليد شالت لي عفوهو ومرقت لي المواكب بي الحرية تهتف في نص الكواكب والقناص بعاين لستو الهمامة للثوار تحمس بكل الشهامة وقعت فجاء تنزف فى خشيمة ابتسامة ويا الله السلامة بس الضربة قاتلة ورحلت زى غمامة
12-24-2021, 02:46 PM
بكرى ابوبكر بكرى ابوبكر
تاريخ التسجيل: 02-04-2002
مجموع المشاركات: 18728
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بكرى ابوبكر
ABUHUSSEIN
علاء سيداحمد
نعمات عماد
فيس بوك
تويتر
انستقرام
يوتيوب
بنتيريست