|
|
|
 Re: إقتراح للريس بكرى بخصوص زمن المنبر.. هل من (Re: Abureesh)
|
Quote: أن يكون الزمن وقت إرسال البوست او المداخلة خط قرية قرينتش فى لندن..
(زمن الإرسال يضاف فى ال header بتاع الرسالة.. ولما الرسالة تتفتح فى أى بلد يترجم زمن قرينتش الى زمن الكمبيوتر أو التلفون الذى فتحت فيه.
كدا الواحد يعرف البوردابى صاحب البوست أو المداخلة قبل كم من الوقت نزل رأيه السديــد فى المنبر. |
فكيت القاف والغين و مسكت الساعه والتوقيت.
غايتو وكرتنا وكرة نحن:)
تحياتي ابوالريش.
| |
 
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: الشيخ سيد أحمد)
|
معليش يا باش ... دا قبل ما نقول الكلام ...
طيب واضح جدا ما اشتغلت أدمن في منصه
يتعامل معاها آلاف المشتركين ولا اشتغلتا برضو
صيانة من أي نوع ... في قواعد ذهبية للتعامل
مع هيك أعمال بسموها Golden rules ...
مثال لأطرف قاعدة لمهندس صيانة شبكة ال LAN
وعدة أنظمة للإتصالات في مصنع للغاز (Four in one)
المصاحب للبترول الذي يضم مئات السويتشات والسيرفرات
وصناديق التوزيع التي تضمها عشرات الدواليب ... بقول ليك :-
The day before weekend, if you find any cabinet
Open, don't close, and if it's closed don't open it
دا عشان ما تقضي الويك اند مشعلق في الدوام ...
بالنسبة لي بكري الله اعلم أولوياتو شنو ... زي ما شايف ما
شاء الله السيرفرات مدورة من ٢٠١٩ بدون أرشفة وصيانة ...
بعدين نحنا زاتو في السودان مبرمجين تخت ساعتين زيادة
على توقيت المداخلة عشان تعرف متى أرسلت بالتوقيت المحلي ..
فا شنو ... الموضوع ما برمجة بكري براهو ... نحنا زاتو حا ينوبنا
شي من التلتا ...
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: الشيخ سيد أحمد)
|
الشيخ، السلام جاك
Quote: فكيت القاف والغين و مسكت الساعه والتوقيت.
غايتو وكرتنا وكرة نحن:) |
يا ريت لو تكرمت ووريتنى مشكلتك شنو فى دى.. قدامك زول حى الحمد لله، نفسه طالع ونازل. يوم يناقش القاف ويوم يناقش الإنقلاب ومرة يناقش الهجوم على الكونقرس وتانى يون النظرية النسبية..
يوم يقترح توحيد توقيت زمن المنبر عشان يعرف البوست اللى يقرأ فيه نزل قبل كم ساعة بالضبط أو قبل كم دقيقة.. ولأى سبب يريد يعرف سيد البوست الان نايم واللا صاحى فى العالم قبل ما يرد..
ما عارف ليه الناس تظلم الواحد وتقول ردودى مسيخة أو عنيفة.. لكن بالله عليك قول لى، هل بالجد داير اخذ أذن من زول كلما أردت الحديث عن موضوع جديد؟
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
Quote: يا ريت لو تكرمت ووريتنى مشكلتك شنو فى دى.. قدامك زول حى الحمد لله، نفسه طالع ونازل.
يوم يناقش القاف ويوم يناقش الإنقلاب ومرة يناقش الهجوم على الكونقرس وتانى يون النظرية النسبية..
يوم يقترح توحيد توقيت زمن المنبر عشان يعرف البوست اللى يقرأ فيه نزل قبل كم ساعة بالضبط أو قبل كم دقيقة..
ولأى سبب يريد يعرف سيد البوست الان نايم واللا صاحى فى العالم قبل ما يرد..
ما عارف ليه الناس تظلم الواحد وتقول ردودى مسيخة أو عنيفة.. لكن بالله عليك قول لى، هل بالجد داير
اخذ أذن من زول كلما أردت الحديث عن موضوع جديد؟ |
هون عليك يا ابوالريش.
الموضوع لا يتجاوز حدود المزاح.
قلت اشاغلك شوية كده.
كسرة: لكن بيني وبينك كده- إنت موضوع القاف والغين إنتهى ولا لسه :)
تحياتي ابوالريش
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: الشيخ سيد أحمد)
|
سلامات ابو الريش
عادي ممكن المداخلات تتحفظ بأي توقيت زمني لكن تظهر لأي زول بحسب توقيته
يعني النظام ما يشيل الزمن من الداتابيز ويلصقه طوالي، تربط ليه بي كود جافا سكريبت سطر واحد بحوله لتوقيت الزائر
بس تضيف كود المنطقة الزمنية نهاية التوقيت والجافاسكريت براها بتحولها لي توقيت النظام عندك، مثلاً
var sample = new Date("Fri, 2 Jun 2017 13:38:23 GMT")
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: أحمد محمد عمر)
|
لكن إضافة الكود تعنى تعديل السوفتوير بتاع السيرفر، ودى لا يعملها غير بكرى.. لكن لما انت قلت "تربط ليه بي كود جافا سكريبت سطر واحد بحوله لتوقيت الزائر"
عبارة "تربط ليه" دى فهمتها انك أنت المستعمل تعمل external service تكون جارية فى الخلفية وتراقب التواريخ.. دا لو فرضنا ان التاريخ القادم هو بتاع قرية قرينتش وأما
لو كان بتوقيت بلد الكاتب فأنسى.. حتى السيرفس الخارجية ما تقدر تعمل حاجة. المهم حتى السيرفس الخارجية لابد يكتبها بكرى عشان يربطها بالـ client browser
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: أحمد محمد عمر)
|
Quote: بالمناسبة هل ظهرت منطقتك الزمنية في الكود داخل المربع؟
|
ما جربت الإسكربت لسـة.. أفترض مفروض تظهر.. لكن اجربها.. بس لو عرفت بلد الزول سأعرف فورا التايم زون بتاعه، واعرف الفرق وأضيفه أو اطرحه.. سريع جداً. يعنى لو من السودان أضيف 7 ساعات وخلصنا.
الكود تحتاج ليه للأوتوميشن
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
Quote: . ولما الرسالة تتفتح فى أى بلد يترجم زمن قرينتش الى زمن الكمبيوتر أو التلفون الذى فتحت فيه.
كدا الواحد يعرف البوردابى صاحب البوست أو المداخلة قبل كم من الوقت نزل رأيه السديــد فى المنبر. |
عشان يقوم يحصل شنو يعني ؟
ما عندك واتس آب و لا شنو ؟
| |
|
|
|
|
|
|
|
 Re: إقتراح للريس بكرى بخصوص زمن المنبر.. هل من (Re: Abureesh)
|
Quote: السؤال بمنتهى البساطة : ( ما عندك واتس آب و لا شنو ؟ )
الاجابة بمنتهى البساطة : ( عندى ) !!!!
|
التحيات للجميع ذكرتوني بنكتة صبي الجيران المزعج الذي كان يطرق باب حوش جيرانه بشدة وعنف كلما يريد زيارتهم ،، وذلك الأسلوب كان يزعج الجيران كثيراَ ،، وفي ذات يوم حذره أحد الجيران قائلاَ : ( تاني مرة لا تطرق الباب بتلك الشدة والعنف عندما تحضر إلينا وتريد زيارتنا إلا إذا كانت لديك أسباب وجيهة تدفعك لذلك النوع من الطرق والعنف الشديد ،، فأجابه الصبي قائلاَ : ( حاضر )،، ولكنه في اليوم التالي مارس نفس الأسلوب وطرق الباب بكل عنف وشدة ،،، ففتح له صاحب البيب باب الحوش ثم سأله قائلاَ : ( مالك ؟؟؟؟؟ ) ،، فرد عليه الصبي بمنتهى البساطة : ( مالــــي ؟؟؟؟؟ ) ثم دخل وولج لداخل البيت وكأن شيئاَ لم يحدث !!!!!!!!
وفي الختام لكم خالص التحيات
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: عمر عيسى محمد أحمد)
|
| Quote: التحيات للجميع ذكرتوني بنكتة صبي الجيران المزعج |
الأخ عيسى محمد أحمد.. سلامات..
بالله عليك هسى (الصبى المزعج) منو؟
زول يقرأ كلامى وأنا قلت أعلاه "ولأى سبب يريد يعرف سيد البوست الان نايم واللا صاحى فى العالم قبل ما يرد." يعنى أنا مثلا عاوز أعرف الزول صاحى واللا نايم لسبب يحى قبانى ما عنده شغلة بيه..
يقوم ناطى لا سلم لا كلام.. ويقول ليك: "عشان يقوم يحصل شنو يعني ؟" that's none of your business .. والبوست مطروح للناس الذين يتفقون مع الرأى ويثنون الإقتراح.. لو فى زول لا يتفق مع الإقتراح خلاص لا يثنى. المشكلة شنو؟
أنا ما قاعد أقول كلام مسيخ، لكن فى ناس يضطروك زى الشيطان وبدون ما تكون طبيعتك ترد ردود باردة.
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
Quote: لكن فى ناس يضطروك زى الشيطان وبدون ما تكون طبيعتك ترد ردود باردة.
|
سلام يا باش ...
هههههههههه
ياخي شخصيا لا لقيت رد بارد ولا ساخن ...
عااااادي إذا كنتا ترى مداخلتي عبط ساي ...
برضو من حقك كمان تقول لي شيل خبوبك
دا من هنا وفلسع وما نشوفك حايم بي هنا ...
بس حكاية تقصد ما ترد علي دي جديدة خالس ...
في نفس الوقت طاقي الحنك مع 2010 ...
يعني الداير تتونس معاهو رديت عليهو والداير
تشاكلو برضو رديت عليهو ....
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: أحمد محمد عمر)
|
| Quote: يا أخ صلاح ما كنت انت المقصود وقلت اسم الأخ المقصود مهندس يحيى قبانى |
هههههه انا عارف إنو أنا مش المقصود ....
يا باش ... أنا Salah Zubeir ...
عندي مداخلة في بوستينك دا لم يتم
الرد عليها بالزين ول الشين ... مع إنك
رديت على الزينين (٢٠١٠ سبحان الواحد احد)
والشينين (الشيخ وقباني) ... إلا إذا عايز
تمارس معاي :-
التجاهل
التجاهل
التجاهل
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Salah Zubeir)
|
سلام يا ابو الريش
Quote: 1. فى ناس قد يكون عندهم رد معين ما عاوزين ينزلوه وناس كتيرة تقرأه قبل صاحب البوست أو المداخلة..
2. البوست سينزل تحت ولما يصحى الشخص المطلوب لا يراه |
ما فهمت مقترحك حيساعد في الناس في إنها تعرف الصاحي من النايم كيفن؟
| Quote: كدا الواحد يعرف البوردابى صاحب البوست أو المداخلة قبل كم من الوقت نزل رأيه السديــد فى المنبر |
والجافا سكريبت حيعرف ما إذا كان الراي سديد ول ما سديد كيفن عشان يتعامل مع الرأي السديد بطريقة مختلفة من الرأي ال ما سديد؟
السؤال الآخير دا إحتياطي في حال إنك إضطريت تقول لي كلام مسيخ.
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Hafiz Bashir)
|
كدي الناس الجاية تغالط والجاية تتفرج على الشكلة
عليكم الله شوفوا لي مربعي الفوق داك شغال ولا ما شغال
يعني مثلاً أنا هسة ظاهر لي كدة Quote:
الساعة الآن بتوقيت جرينتش : Sat, 27 Nov 2021 11:01:43 GMT
المنطقة الزمنية : Asia/Riyadh
الساعة بتوقيتك المحلي : 11/27/2021, 2:01:42 PM
مثال لزمن بتوقيت جرينتش : "Fri, 2 Jun 2017 13:38:23 GMT"
التحويل لتوقيتك المحلي : Fri Jun 02 2017 16:38:23 GMT+0300 (Arabian Standard Time)
|
انتو ظاهر ليكم نفس الشئ؟
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: يحي قباني)
|
| Quote: يعنى أنا مثلا عاوز أعرف الزول صاحى واللا نايم لسبب يحى قبانى ما عنده شغلة بيه.. |
اذا يا ابوريش هو سبب شخصي انت داير تعرف الزول صاحي و لا نايم و لا طرفه نعسان !!
انحنا مالينا شغله كما ذكرت ..
خلاس ياخي اجتهد و احسب فرق الساعات .. انت اصلا ماسك كي بورد و لا بتبطل في قنبله ؟
بكري يعمل ليك انت براك يعني ؟
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: يحي قباني)
|
يحيى قبانى
سلام.. بدون أواس
أولا أشكرك على الفيديو والإغنية، وأنا أطرب للمسيقى الجيدة والأداء الجميل. ودى شفعت ليك عشان كنت ناوى أرد على الخمج اللى كتبته بطريقة مختلفة.
لما تشوف أداء زى دا أنظر اليه بعين الفنان التشكيلى والصوفى المحقق، عسى ولعل ترى لمحة ولو سريعة من إنبلاجات الجمال القديم المكنون فى كل الخلائق، حيها وجمادها على السواء.. بدل
تنفعل معه وربما ترقص وتطرب. (دا بقشيش عشان انت على الأقل زميلنا فى المنبر)
فى الأيام اللى كنت أنت واخرون تناقشون ابوالريش مهندس واللا ما مهندس جيت علقت صورة هنا شايل ليك كدنكة وكوريك عشان تثبت لينا انك مهندس!! مع انه مافى زول غالطك.
الان أنا كتبت:
" يعنى أنا مثلا عاوز أعرف الزول صاحى واللا نايم لسبب يحى قبانى ما عنده شغلة بيه.."
وهذا كان تعليقك.
"اذا يا ابوريش هو سبب شخصي انت داير تعرف الزول صاحي و لا نايم و لا طرفه نعسان !!"
كلمة "مثلاً" ما أدوكم ليها فى حصة العربى؟ أنا ضربت مثل بأحد أسبابى الشخصية التى فعلا ما عندك ولا عند أى زول تانى شغلة بيها.. واحد تانى عنده اسباب تانية ما عند أبو الريش شغلة بيها.
ولو أنا عاوز بكرى يعدل الكود عشانى انا بس هناك رقم تلفونه وإيميله ولا أحتاج أنشر فى المنبر.
والهندسة ليست حفظ كتب ورص طوب. أهم اساساتها المنطق. الزول لو ما يفهم المنطق البسيط فهو قد تدرب فى الكلية عشان يشتغل فقط.
| Quote: و لا طرفه نعسان !! |
I hope you refrain from unwarranted absurdity .. healthy discussion helps!1
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
| Quote: فى الأيام اللى كنت أنت واخرون تناقشون ابوالريش مهندس واللا ما مهندس جيت علقت صورة هنا شايل ليك كدنكة وكوريك عشان تثبت لينا انك مهندس!! مع انه مافى زول غالطك. |
هههههه
و بعدها انت جيت قت علماء امريكان ما بعرف شنو ..
ههه الله يساعدك ياخ .. انا بس كل مره بحب انبهك على عوجة رقبتك لكنك ما بتسمع الا روحك ..
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: يحي قباني)
|
| Quote: والشينين (الشيخ وقباني) |
كاااااااااااااااااااك
حلوة يا "صلاح الزبير".
ألذ لقطة في البوست إلى الآن:)
يا ابوالريش انا شايف انو قباني لاعب معاك ضاغط شديد.
فهل ولا ما هل - ولا زي ما قال "عثمان حسين""لكن ده ما معقول يكون".
للضمان كده قول "شرحو" عشان تتم التلاته "باصات" يدكوها ويوزعوها من جديد.
كسرة: يا قبة - قالو زمان كان في مباراة "هلال - مريخ"- حارس المريخ كان "الهادي سليم"
قالو "النقر" جاب فيهو قون "بالبيضة"- جمهور الهلال بقى يغني :
(الهادي الشين دخلت بي وين - الهادي الشين دخلت بي وين)
هسه انت زي ما قال "صلاح الزبير" يا قباني "الشين" ح تفك الزبون متين.
كسرة اخيرة: ابوالريش - سؤال لو ممكن- الواحد ح يستفيد شنو اذا كان الزول صاحي ولا نايم؟؟
يعني ال ح يفرق عندك التوقيت - ولا محتوى الرد - هذا ما يحاول قباني وحافظ و صلاح الزبير و شخصي توضيحه.
تحياتي.
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
Quote: اعدلها ؟
انا مالي .. انا زيي و زي خرتمية زول هنا ننبهك بس
|
خليك مع الخرتمية بتوعينك وأنا لم أطلب تنبيـه من زول.
أنا أحسنت بيك الظن وقلت لأبوحسين البيناتنا عامرة.. الان كل المنبر شاهد على محاولاتك لتخريب البوست والإستخفاف والسخف اللى تعمل فيه دا.. خلوكم شاهدين على الزول دا..
وبالله عليكم الناس المتابعين البوست دا وما قاعدين يعلقوا، ما تجوا فى الاخر وتلوموا الناس لما ترد عليه.. عندكم رأى قولوه الان.
لن تعرف أنا حأرد على السخف بتاعك دا كيف.. لكن لو تماديت فى هذا الإتجاه أقول ليك ستندم على اليوم اللى اشتريت فيه الكمبيوتر، ولا أزيد.
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
Quote: كسرة اخيرة: ابوالريش - سؤال لو ممكن- الواحد ح يستفيد شنو اذا كان الزول صاحي ولا نايم؟؟
يعني ال ح يفرق عندك التوقيت - ولا محتوى الرد - هذا ما يحاول قباني وحافظ و صلاح الزبير و شخصي توضيحه. |
الشيخ وما طالبنى حليفة.. لكن والله الذى لا إله غيره، كنت أقرأ مداخلتك دى وعاوز انتهى منها عشان أبدأ الرد والشرح لغاية ما وصلت الحتة دى.. لكن دحين إلا تورينى عملتم القروب دى متين
وإنتخبوك عشان توجهوا السؤال دا بالذات حسب النص بتاعه؟ ..
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
Quote: الشيخ وما طالبنى حليفة.. لكن والله الذى لا إله غيره،
كنت أقرأ مداخلتك دى وعاوز انتهى منها عشان أبدأ الرد والشرح لغاية ما وصلت الحتة دى.. لكن دحين إلا تورينى عملتم القروب دى متين
وإنتخبوك عشان توجهوا السؤال دا بالذات حسب النص بتاعه؟ .. |
هههههههههههههه
حلوة يا ابوالريش.
معقول نعمل ليك "قروب" يا ابوالريش؟؟
عشان شنو يعني؟؟
بعدين انا وعزيزنا قباني ما ممكن نكون في قروب واحد - ده زول "مريخابي" ياخي.
ونازل في دائرة "أم درمان".
انا معاهو لمن يكون مزاجو رايق ويجيب لينا من بيت الكلاوي "أغانيه" العجيبة ديك.
أما حافظ بشير - هو فعلآ زول حبيبنا - لكن ما ممكن أتلم معاهو في قروب - ده زول غالاط غلاط
مابعدو غلاط.
غايتو اذا في قروب نشوف "صلاح الزبير" - على الأقل نحن الإتنين من بحري - وممكن نتلاقى في المؤسسة
وبالعدم ممكن نتلاقى ونعمل قروب في مواجهة ناس "أم درمان":)
الموضوع بقى لذيذ يا ابوالريش - واخد منعطف حلو- رايك شنو في منعطف دي:)
يبقى بعد كده إنت مفروض تبرز قدراتك في إدارة البوست - وتحولو لي صالحك.
وانا ح ابدا ليك من ناحيتي- أمسك في كلام "صلاح الزبير" - قال "الشينين" أنا وقباني.
ابدا من حتة الشينين دي ولا تأخذك رافة في قباني- وأنا ح أكون متابع من الكنبة.
كسرة: قباني صعب - الله أعلم تقدر عليهو - إستعين بصديق:)
بوست جمعة أوعطلة رسمية:):)
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: الشيخ سيد أحمد)
|
Quote: أن يكون الزمن وقت إرسال البوست او المداخلة خط قرية قرينتش فى لندن.. (زمن الإرسال يضاف فى ال header بتاع الرسالة.. ولما الرسالة تتفتح فى أى بلد يترجم زمن قرينتش الى زمن الكمبيوتر أو التلفون الذى فتحت فيه.
كدا الواحد يعرف البوردابى صاحب البوست أو المداخلة قبل كم من الوقت نزل رأيه السديــد فى المنبر. |
بصرف النظر عن القاف والغين ، اتفق تماما مع المهندس ابو الريش.
اقتراحه وجيه والافضل ان يظهر الزمن لكل مشاهد حسب منطقته الزمنية لو كان ذلك متاحا .........
تحياتي
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Hafiz Bashir)
|
Quote: يا عمك أنا إنت وإنت انا وكلنا إتجاهلونا
|
ههههههههههه
عجبني ليكم.
Quote:
تعال نعمل قروب المتجهولين. |
جيبوا معاكم "ودالبشرى" با حافظ :)
كسرة: أنا و أحمد محمد عمر ح نعمل قروب المذكورين في الردود :)
كسرة أخيرة: أبوالريش عمل رايح من البوست - بالله يا حافظ شوف الزول ده "زاغ"
من البوست بي ياتو توقيت :)
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: الشيخ سيد أحمد)
|
ابو حسين قال "أنا ضد الكلام دا" أو كما قال.. وقبل مداخلة أبى حسين فى كم مداخلة إضافة للبوست.. فأى كلام يقصد؟
معليش الإستفسار تأخر كما تأخر التعليق على بعض الأخوة ولكن لم يكن تجاهلا. ويا أبا حسين، من فضلك لا تضع تفسير أى كلام على عاتق محاورك.. ياتو كلام؟ وبرضو لو عاوز تعليق أو رد لا بد من ذكر سبب رفضه..
لكن تقول أنا ضد الكلام دا.. طيب الواحد يرد كيف هنا؟ هنا فى إحتمالين للرد .. أما اقول ليك لا لازم توافق!! أو أقول ليك على كيفك.. تفتكر فى إحتمال تالت.. الإحتمال التالت هو إحترام خيارك وخلاص.. ودا اللى عملته.
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
باشمهندس صلاح الزبيـر،
أرجو المعذرة عن التأريخ.. والان عدت لمداخلتك السمينة.. والتى كانت تعليقا ضافيا أكثر منها سؤالا، وشكرا على التكرم بالتعليق.
ما عارف إضافة ساتعين تحل المشكلة كيف.. دى إلا لناس لندن وأكر فى نيجيريا ومن هم فى ذات الخط. أما لينا نحن هنا فتحاتج تضيف 5 ساعات ومرات 6.. المهم.
من ناحية تانية أنا ما حصل إشتغلت فى نظم متشربكة زى الإشتغلت فيها انت.. لكن اشتغلت فى distributed control systems لرى مزارع فى مواقع مختلفة من نظام مركزى واحد، بواسطة الإنترنت
وال RF Radio , GPRS ..الخ.. بوضع RTU فى كل موقع بعيد.. الكويسة ان برامج السيرفر وأجهزة التحكم كلها كانت من تطوير العبد لله الحمد لله حتى ال PCB والصنادق كانت تصميمنا.. الإشتريتهم
كانت الروادى والأيريلات
بالنسبة للفائدة من معرفة الوقت بتوقيت الزائر وكم قلت هناك أسباب كتيرة.. مثلا واحد ذكر المظاهرات ستكون الساعة الواحدة.. انت وبدون عمليات حسابية عاوز تعرف الوقت دى كم فى زمنك الحالة عشان
لما يجى الوقت دا تبرك فى تبروكة وتدعو ليهم وتكون متوجه معاهم.. أو زول نزل خبر ليه أهمية معينة يدعوك للإتصال بيه.. ولو ما عرفت الوقت عنده الان (موش وقتك) ربما تتصل بيه وهو نائم.
أوع تمسك فى هذه الأسباب فهى ليست لكل الناس.. وفلان قد تكون ليه أسباب ليست لعلان.. لكن لزوم الناس تعرف أسبابك الشخصية شنو زاتو؟ كلو زول ليه أسبابه..
ولكن الأهم من دا كله هو أن المنبر الان يعرض وقت قريستنش وهنا تضيف أوتطرح الفرق فقط.. ربما هذا كان أصلا ولم أنتبه اليه. إتحلت الحمد لله.
Quote: معليش يا باش .. دا قبل ما نقول الكلام ..
طيب واضح جدا ما اشتغلت أدمن في منصه
يتعامل معاها آلاف المشتركين ولا اشتغلتا برضو
صيانة من أي نوع ... في قواعد ذهبية للتعامل
مع هيك أعمال بسموها Golden rules ...
مثال لأطرف قاعدة لمهندس صيانة شبكة ال LAN
وعدة أنظمة للإتصالات في مصنع للغاز (Four in one)
المصاحب للبترول الذي يضم مئات السويتشات والسيرفرات
وصناديق التوزيع التي تضمها عشرات الدواليب ... بقول ليك :-
The day before weekend, if you find any cabinet
Open, don't close, and if it's closed don't open it
دا عشان ما تقضي الويك اند مشعلق في الدوام ...
بالنسبة لي بكري الله اعلم أولوياتو شنو ... زي ما شايف ما
شاء الله السيرفرات مدورة من ٢٠١٩ بدون أرشفة وصيانة ...
بعدين نحنا زاتو في السودان مبرمجين تخت ساعتين زيادة
على توقيت المداخلة عشان تعرف متى أرسلت بالتوقيت المحلي ..
فا شنو ... الموضوع ما برمجة بكري براهو ... نحنا زاتو حا ينوبنا
شي من التلتا ... |
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: أحمد محمد عمر)
|
بعد كتير من المداخلات أعلاه، وغيرها فى بوستات أخرى، أيه رأيكم فى إقتراح تانى.. لاحظت المدتداخلين ينقسمون الى فئتين:
1: فئة جادة
2. فئة مونساتية
وعشان نفصل بين القوات.. لا ديل يكونوا مسيخين على ديل، ولا ديل يكون سخيفين على ديل أقترح الاتى:
أول ما تفتح الموقع لا ترى المنبر مباشرة، وإنما زرين لتختار منهما.
الزر الأول مكتوب عليه الجادون، والتانى مكتوب عليه المونساتية.. تدوس الزر الذى يروق لك لتدخل المنبر المخصص وتأخذ راحتك مع جماعتك.
طبعا دا لا يمنع تعرج على المنبر التانى لو أردت معرفة ما يدور فيه، ولكن عليك التزام قواعد المنبر هناك. خصوصا الجادين.. المونساتية ما عندهم
مشكلة تكون جاد واللا ما جاد بس، لا تطرح موضوع جاد هناك وتنتظر منهم نقاشات مسؤولة :-)
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
Quote: أول ما تفتح الموقع لا ترى المنبر مباشرة، وإنما زرين لتختار منهما.
الزر الأول مكتوب عليه الجادون، والتانى مكتوب عليه المونساتية.. تدوس الزر الذى يروق لك لتدخل المنبر المخصص وتأخذ راحتك مع جماعتك.
طبعا دا لا يمنع تعرج على المنبر التانى لو أردت معرفة ما يدور فيه |
انا اقترح زر اضافي لمن ذكرتهم:
زر للمواهيم 🙄
كده انت تدوس محل ما تدوس ما بتجلي.. 😏
| |
|
|
|
|
|
|
|
|
|
Re: إقتراح للريس بكرى بخصوص زمن المنبر.. هل من (Re: Abureesh)
|
الأخوة والأخوات الكرم
أكيد كتيرون منكم تابع طيلة الشهور السابقة كيف أن يحى قبانى يتابع بوساتى بمداخلاته التى كانت كلها اسفاف واستخفاف وسخرية.. كلها.. ولم تكون مداخلاتى إلا ردودا عليه ومحاولة
نصحح أن يتوقف.. ولكنه تمادى بدون أى استفزاز من جانبى بل دفاعا.. وأرجو الكل التأكد بالرجوع الى البوستات والمداخلات حتى لا يظلمه.. والان الكرة بدأت تتدحرج والله وحده يعلم
الى أين تتجه.
لذلك أطلب منك الان يا يحى قبانى، وأمام كل هذه امجموعة من الزملاء أن لا تتداخل فى أى بوست لى. وأخرج من هذا البوست.
| |
|
|
|
|
|
|
| |
Abureesh
الشيخ سيد أحمد
Salah Zubeir
يحي قباني
عمر عيسى محمد أحمد
Hafiz Bashir
ABUHUSSEIN
نصر الدين عشر
بكرى ابوبكر
فيس بوك
تويتر
انستقرام
يوتيوب
بنتيريست