♧ الحَلَّة بصَل و المَرَة كِرعين و الحكومة "عسكر.. و حرامية"£

والله حبابك إتا ياعماد الدين الطيب عمر
والحس أبدن موهو غريب عليَّ والله. فكدي حدد
لياللوكيشن من وين إت في ردتنا ، إنشاء الله بس
من شرقنا البارد جيهة تمبول وجبل اللبايتور،
عشان نقعد معاك الحديس سمح ، باقي ناس هنا ديل
حناكش ساااه النوع البسحو ليهم البقر نضمينا معاهم باقي
كُتُر كُتُر زي كلام الطير في الباقير؛ اللهم علا ترا متل
عصمان ود موسى دا وبشيرحسن بشيرشنتير ولا ود
أبَّارو،ولا شنتير وعيد الله ود البوش .
+ أها ياخيوكت الله جابك بجاي ويجيب عقابك ،خلنا
نمرقك ما علينا. دايرك ترخي لي عضانك على جنبة النحكي
ليكحاجة من بيئتنا الطبيعية حيث البراءةُ ت تحبو على ركبتين:

+ وآسف لقلة الأدب غير المتعمدة. بس لازم تورينا سنوك دي نكتة
متكلفة و متعوب عليها الشيء الفلاني. ففي حياة أهلنا مع {سعية البهايم}
في البطانة. وهي حاجة قديمة دايرلا زولن غنامي مقرقح متل ولدنا/ ود
بادي؛ شان يفهم في مصطلحات ثقافة {الحلب و الصر}.
+ فديل وليد و أختوقاعدين يلعبو{العيتنوبة} يتناقزو{يقلبو في الهوبة}
فوق سدرجدهم. فقام الوليد مرق طهارتو فسخا و قاللو يابا هاك صررني.
جدو ماخدو علىقدر عقلو ختفلو تلقون شرطو و بلاهو بشوية بزاغ و ربط
للشويفع طرفالهناية{الحميميسة} و قاللو يلا خلاس صررناك، قوم انكشح.

¶ ولاهاااا، هنا عاد البنية إخيتو نهشتا الغيرة. و للشلاقة ليها و على حسب
جهلا و غباها، جات جارية من هنووووك فاتحة (حاجاتا) و أصرت و ألحت
ستين يمين بالتلاتة، مرقت حاجتا في الصقيعة و قالت :علا حتنا يصررني متل
ما سوو لفلان أخوي. لحد ما دخلت عمك الجولكين ظاطو في حيصة بيصة. قعد
يتلفت منها جاي وجاي و قال لها: والله عاد يا بنيتي المتلك إنتي ماني عارف لك
صِرفة، علا بس كان يخمجو لك شوية بعر{ يلوطوك} بيه ساااه؛ و ننفك من
شبكتك. فيا خِي، بالله بس ما تخذلنا. دي نكتة متكلفة و متعوب عليها ؛
جبناها ليكم هنا مخسوس ، شان تفرو الكشمة تورونا بياض ا لثلج.