|
|
|
 Re: هل إستقال المكون العسكري في مجلس السيادة . (Re: Salah Zubeir)
|
يا حبيب..
يعني هسه الشعب دا يصحى الصباح يلقى البرهان وحميدتي وبقية هواكير الجنرالات المليانة بيهم البلد بلا فائدة ديل قدموا استقالتهم
ما حاجة منقة ...
أضيف على الاحلام دي يرحلوا العساكر ومعسكراتهم وقواعدهم برة المدن
تبقى في أطراف المدن زيها وزي الطلمبات واحد
| |
 
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
Quote: وترقية الفريق عصام كرار
قائد القوات البرية لفريق أول وتعيينه رئيس لي
هيئة الأركان العامة ؟ |
خلاص دفروك ههههههههه
من يوم الخبر دا انا عرفت وهبة قطرو صفر و في انتظار المخرج الآمن و الامريكان فتحوا خط مع القائد العام الجديد, و اللفت نظري في الخبر بتاع سونا انو النقاش كان عن احترافية القوات المسلحة وبعدها عن الشأن السياسي و ضمان اكمال التحول الديمقراطي.
| |
|
|
|
|
|
|
|
|
Re: هل إستقال المكون العسكري في مجلس السيادة . (Re: محمد البشرى الخضر)
|
| Quote: من يوم الخبر دا انا عرفت وهبة قطرو صفر و في انتظار المخرج الآمن و الامريكان فتحوا خط مع القائد العام الجديد, و اللفت نظري في الخبر بتاع سونا انو النقاش كان عن احترافية القوات المسلحة وبعدها عن الشأن السياسي و ضمان اكمال التحول الديمقراطي. |
أول شي نتكلم عن الدفره ...
لا مافي زول دفرني عشان افتح البوست دا ...
تاني هام أنا قاعد أسمع في محيطي ... الهدف
مش عضم البوست دا الفي شكل ورده ... لا
الهدف ما يلي تقديم هذه الوردة وانعكاساته
على الشارعين ... ما تعاين تحت رجلينك زي
ناس قحت منذ ابريل١٩ ... أرفع شوية وعاين
للفعل وموعده وتأثيره في الجبانه الهايصه دي ...
معلومة عصام قديمة ... منذ اكتر من شهرين
المفروض يستلم ... مافي زول حا يصدق البوستين
دا وداك ... بس ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: طلحة عبدالله)
|
هههههه ما عندي علاقة تربطني بي رياضة
البلد دي نوهاءي ...
ياخي معقولة بعد ٣٨ سنة خدمة لي أدنوك
أجي أشتغل مدير مكتب لي عسكري ...
بتشتم فيني يعني يا طلحه ...
Quote:
يا ...
غواصة ..خخخخخخ |
غواصه اااااي ... بس مش بي فهم
أشيل منكم أودي ليهم ... الواقع
بقول أنا بشيل من حواليهم وأجيب ليكم ...
😃😃😃😃😃
اقعد اتلحني كدي زي شواطين مع بيليه ..
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: طلحة عبدالله)
|
Quote: عليك الطلاق تلقاك حدك أم الحفر وبالكتير كمبلت
خخخخخخخخخخ |
مؤكد كصحفي رياضي بكون معاك في قروباتكم
من هو فاعل في إتحاد الكرة ...
بي محادثه واتسابيه (مجانا) اسألوا عن اسمي هل
مسجل في فريق الأملاك (درجة تانية) مواسم
٧٨ و٧٩ و٨٠ ... بالمناسبة موسم ٨٠ و٨١ صعد
فريق الأملاك للدرجة الأولى ... غير كدا لعبت الكرة
في بلدك القاعد فيها دي ويشهد بذلك دوري المؤسسات
في بداية تسعينات القرن الماضي ودوري بين شركات
أدنوك ودوري داخلي بين مواقع شركة جاسكو ...
حتى العام ٢٠١٠ كنت أشارك في المباريات التنافسية
وعمري اكتر من ٥٠ عام ... من رفقاء هذا الدرب
الصديق العزيز جدا كامل شبيكة ...
تقول لي بيليه وشواطين ...
| |
|
|
|
|
|
|
|
|
 Re: هل إستقال المكون العسكري في مجلس السيادة . (Re: Salah Zubeir)
|
السلام عليكم
للاسف الازمه واسبابهاغير معرفه بشكل صحيح والراى العام يتهعامل مع الازمه وعناصرها كانهم كيمان منفصله عن بعضها والحقيقه انها كوم واحد يعمل بتناغم كل طرف او فرد بيؤدى دورو وينسحب وقد يكون ليهو دور لاحق او لا.
الازمه هى الكيزان يقاتلو فى مواجهه الثوره بهدف اعاقه الانتقاليه والخروج فى اسوء الاحتمالات باقل الخسائر (وهدفهم انتاج نسخه انقاذ2 من رموزمتقاربه مع الغرب)
استقال المكون العسكرى ؟
طيب منو البديل ؟
لا بديل فى مسلسل تمكين ممتد لاكثر من ا40 سنه(عمر المصالحه مع نميرى) بل ممتده للستيناتحسب اعترافات احد شعراء الكيزان فى حديث ذكريات انهم كانو يستهدفو المؤسسه العسكريه من الوقت مش برضو كان فى انقلاب اخوانىفى الوقت داك وسبب ازمه الرشيد الطاهر مع التنظيم ؟)
نعم مافى بديل بعد مجزره الصالح لعام مافى زول من الكبار باعث على الثقهولو باحتمال 50%
زمان فى بوست لاحد الزملاءه هنا (فنان من كندا انسى اسمو لقله مشاركته)
انو الحديث عن شراكة العسكرحال انتصار الثورة يكون بمشاركه( شرفيه ورمزيه) تكرم الجيش كجسم قومى ومقاومه الوطنيين فيه لنظام 30 يونيو بتقديم عناصر عسكريه وطنيه (من المحالين للصالح العام وناس المعاش) يكون وجودهم فى القصر رمزى وشرفى ويكون الجيشبقيادتو فى ثكناتو ملتزمين بدورهم الاصيل حمايه الدستور والتراب السودانى (باحترافيه) لا بالغوص فى مستنقع السياسهومؤامراتها.
الان المشكله كوم السيادى لو استقال الان والخواجات البيتطاقشو عملو العليهم
حيتحول ويستمر عمل الثوره المضاده اعتصام فى القصر واغلاق ولايات من ترك لاغلاق الولايه الشماليه زى ما اورد الاخ حسن فرح فى بوست مجاور
يعنى انت تصارع اخطبوط الكيزان تقذراع تمتد اذرع اخرى وتعقد الازمه
والخواجات المعول عليهم كفزاعه ماحيبارو ليكم اى متمرد زعيم قبيله او حركه او حزب متفلت او حتى عصابات وارهاب (كاحد كروت الضغ القصوى)
الازمه قائمه طالما لم تتم معالجه مشكله التحالف السياسى (المفروض انو حاكم)وتمتين نسيجو وتفعيلوبشكل ديقراطى بعيد عن الصراع اضافه الى كيفيه التعامل مع مؤامرات الكيزان لاعاقه الثوره ومسارالانتقاليه .
الخلاصه لو استقال المكون العسكرى الان معناها نقله لمستوى صراع اخطر وسير فى حقل الغام قد يفجر السودان والخواجات ماحيقدرو يعملو شىء لان الؤامره والصراع ببعد اهلى لا بغطاء رسمى ن المكون
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
يستقيل لي شنو
ما يمشو حسب الوثيقة ملعونة والديها دي لحدي 21 نوفمبر ويجي رئيس مدني مع محكمة دستورية وبرلمان محترم يتم باقي الفترة الانتقالية
عندك ثلاثة برنامج سودانية كان كيسك فاضي
يا كعوك البرنامج الوطنية في السودان ثلاثة بس
1-الحزب الجمهوري اسس دستور السودان 1955 ودي بعرفا د النور حمد
2-اتفاقية اديس ابابا دستور1973 وقوانين 1974
3-الحركة الشعبية دستور2005 والمحكمة الدستورية
الرفس الهسة د ده خلو
تسليم العسكر للمدنيين 21 نوفمبر وبي علم الاستقلال1956 مش علم مايو 1969 ونرتاح من المركز وامراضه النفسية الخمسة
وثيقتك خستكت
سلام جوبا خستك
عندك شنو احسن من ناس كاودا يا حيدر الزين الشين
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: adil amin)
|
يا أبو الصلح الما بعرفك يجهلك ياخ
بس أخوك والله ما مشترك في أي قروب لا بتاع
رياضة ولا بتاع اية حاجة و طول عمري فارز
عيشتي براي من أية حاجة حتى في الفيس والواتس
وتويتر والمنبر دا ذاتو وهو الوحيد المشترك فيهو حاليا.
...............
أنا دربني يوسف مرحوم في أشبال الأملاك
قبل الانتقال لأشبال الهلال مع الدكتور كسلا
ومساعدو المرحوم عبدالله موسى المر
خلاص متعادلين
خلينا نقبل على بتاع أبو الهل المبشتن دا
خخخخخخخخخخ
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: طلحة عبدالله)
|
بوستك يا صلاح بيطرح موضوع مهم.
نحن شايفين بعيونا حجم الدمار العملتو الإنقاذ خلال سنواتها التلاتين في الخدمة المدنية وفي القضاء في كل النواحي من أنظمة إلى قوى بشرية إلى غيره.
لكن ما عندنا فكرة مكتملة عن حجم الدمار الحصل في الجيش. يعني لمن نقول إصلاح المؤسسة العسكرية بنقولها ونحن ما عارفين حجم الإصلاح المطلوب وحجم الفجوة بين حال المؤسسة العسكرية الآن وبين ما هو مطلوب من تأهيل لكي تكون المؤسسة العسكرية مواكبة لإحتياج الدولة المدنية.
كل النشاط السياسي الحاصل إبتسر مشكلة الجيش في شخصيات البرهان وحميدتي وكباشي، وربما يكون ذلك إبتسار مُخِل للمشكلة ولا يساعد على فهم الواقع وبتالي لا يؤدي إلى طرح حلول واقعية.
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
هلا حافظ ...
بي نفس الفهم أرى الدمار الهائل جدا الذي ألم
بي الطبقة السياسية السودانية والغير مؤهلة
البتة لحكم قرية سيبك من السودان بعد الإنقاذ
لم تلد الطبقة السياسية السودانية زعماء زي
الأزهري المحجوب غبوش ودريج ... دي واحدة ...
القوانين العسكرية الصارمة التي حكمت الجيش
منذ تكوينه في عشرينيات القرن الماضي والتي تم
أدلجتها بواسطة الإنقاذ يمكن الرجوع إليها تحت
قيادة عسكرية تراتيبية بإشراف رئيس مدني منتخب
حيث لا مفر من ذلك وهو الطريق الأمن لعودة
الجيش لوضعه قبل الإنقاذ ...
شخصيا شايف مصيبة الطبقة السياسية هي الخطر
المحدق في إستقرار البلد ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
Quote: السؤال يا باشمهندس صلاح هو
هل سيبقي برهان في المجلس حال
كان رئيس مجلس السيادة مدني ؟ |
على حسب ما فهمت والله أعلم إذا كان صحيحا
إنو القرار إنسحاب كامل من المشهد السياسي
والرجوع للثكنات حفاظا علي حاجات كتيرة
كدي قالوها اكتر من ٤٠٠ ضابط حين إجتماع
البرهان بهم قبل اكتر من اسبوعين ... مضافا
إليها رغبات شخصية للمكون العسكري ... ودي
برضك فيها قولان ... هنالك ماهو متحرك ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
Quote: بي نفس الفهم أرى الدمار الهائل جدا الذي ألم
بي الطبقة السياسية السودانية والغير مؤهلة |
صاح يا صلاح مافي شك في قصور الطبقة النخبة السياسية المعتلية حركتنا السياسية المدنية في السودان.
ودا نتاج طبيعي للبئة السياسية في السودان خلال سنوات الإنقاذ. وهي بيئة غير صالحة لتأهيل أي سياسي وذلك ينطبق حتى على الموالين للإنقاذ دعك من المعارضين.
ولكن الفرق في أن حال الطبقة السياسية معروض أمامنا ويمكن تشخيص الخلل ومداه ويمكن الحوار حوله بناء على معطيات المشاهدة اليومية.
كما أن هذه الطبقة السياسية إلى حد كبير قابلة للتقويم والتغيير حسب إرادة الشارع السوداني.
وهذا لا ينطبق أبداً على منظورنا للجيش، فنحن لا نعرف لا نوع ولا مقدار القصور في الجيش.
كما أن آليات ومدي إستجابة الجيش للشارع مختلفة تماماً عن تلك التي للنخب السياسية.
عوض أبنعوف سقط من رئاسة المجلس العسكري في أقل من 24 ساعة ثم تنحى تحت ضغط الشارع.
حل البرهان مكان عوض ابنعوف ورحب الشارع بالبرهان.
فهل كان البرهان خياراً مختلفاً عن عوض ابنعوف؟
وهل الذي سيحل محل البرهان في قيادة الجيش سيكون مختلفاً عنه؟ أم أننا سنظل مستمرين في سلسلة من البرهانين والعوض أبنعوفات؟
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Hafiz Bashir)
|
Quote: شخصيا شايف مصيبة الطبقة السياسية هي الخطر
المحدق في إستقرار البلد ... |
أحّا 
يا ابو صلاح السياسة شغلة المدنيين و الديمقراطية ياها الصراع وبالادوات المتعارف عليها و تتطور الممارسة بالاستدامة
لكن الجيش ما ممكن يدخل في اللعبة, طوالي بخربها و للاسف بعض سياسيينا اول ما تبدو ملامح الهزيمة السياسية بجروا على الجيش و للاسف دوما هناك اذن صاغية مستنية في الاشارة في الجيش بسبب غالبا العقيدة العسكرية السودانية الاتربوا عليها من الكلية الحربية انو يا ملكي دي شتيمة وتقليل من قيمتك كعسكري منضبط!
اي عسكري سوداني - او عالم ثالثي - شايف انه اقدر على ادارة الدولة و شؤون السياسية افضل من اعتى الاحزاب خبرة و جماهيرية فقط بسبب انه عسكري
أما الاأدهى و الأمر هو توافق بعض المدنيين مع هذه الرؤية و كمان يفجعوك لما يقعدوا يعددوا ليك انجازات العسكر و الجيش مثلا مقارنة بالحكم الديمقراطي المدني! في مصر السيسي مثال واضح.
مولانا عليك النبي طلع لسانك في (س) الثكنات دي عشان عيب يعني خطأ اهالي زي دا يجي من مولانا
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: أبوبكر عباس)
|
Quote: والله، أوريك المسجلت بتاعت الاعجاب من بنات الخرطوم؛
|
قوم لف
اولاد وبنات الخرطوم الان لا يعجبوا الا بشعارات الثورة
تلك حالة ثورية فرضها الزمان والمكان يا مستنير
فلا تكابر
نعم جك الفول ممكن ان يثير في انا وجيلي والجيل القبلي وربما البعدي شجون
ولكنه لا يمثل الا البؤس والشقاء لاجيال اليوم
فااا ارقد عافية في سرير تقاعدك يا صديقي
وكلنا لها والرحمة تجوز للاموات والاحياء هههههه
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Hafiz Bashir)
|
Quote: صاح يا صلاح مافي شك في قصور الطبقة النخبة السياسية المعتلية حركتنا السياسية المدنية في السودان.
ودا نتاج طبيعي للبئة السياسية في السودان خلال سنوات الإنقاذ. وهي بيئة غير صالحة لتأهيل أي سياسي وذلك ينطبق حتى على الموالين للإنقاذ دعك من المعارضين.
ولكن الفرق في أن حال الطبقة السياسية معروض أمامنا ويمكن تشخيص الخلل ومداه ويمكن الحوار حوله بناء على معطيات المشاهدة اليومية |
ياريت يا حافظ يكون الخلل في تفاصيل يومية يمكن
ملاحظتها والنقاش حولها ... ياريت تكون بعيدة عن
الإقصاء الأيديولوجي المزمن والمسيطر .. وياريت تكون
بعيدة عن المحاصصات والاصطفاف الجهوي والقبلي ...
أظن السياسة السودانية خلال وبعد الإنقاذ أصيبت
بأمراض قاتلة جدا ...
Quote: وهذا لا ينطبق أبداً على منظورنا للجيش، فنحن لا نعرف لا نوع ولا مقدار القصور في الجيش. كما أن آليات ومدي إستجابة الجيش للشارع مختلفة تماماً عن تلك التي للنخب السياسية.
عوض أبنعوف سقط من رئاسة المجلس العسكري في أقل من 24 ساعة ثم تنحى تحت ضغط الشارع. حل البرهان مكان عوض ابنعوف ورحب الشارع بالبرهان. فهل كان البرهان خياراً مختلفاً عن عوض ابنعوف؟ وهل الذي سيحل محل البرهان في قيادة الجيش سيكون مختلفاً عنه؟ أم أننا سنظل مستمرين في سلسلة من البرهانين والعوض أبنعوفات؟ |
الجيش في كل العهود الديمقراطية (المدنية) لم يطلب من النخب
مناقشة مهامه او أخذ رأيهم في ما يخص الجيش ...
قيادة الأركان العامة في الجيش في النظام المدني هي المسؤولة
عن أي إصلاحات او تغيير في عقيدة الجيش بالتشاور مع الجهات
المنتخبة لرئاسة البلاد (رئيس وبرلمان) ... أمور الجيش ليست
أمور سياسية ... دي أمور أمن قومي ومع اخضاع قيادة الجيش
للحكم المدني فلابد للحكم المدني أيضا من مراعاة حدود تدخله
في الجيش ... حا تقول لي كيف ننضف الجيش من الضباط
المؤدلجين لي كمية من الأحزاب مع العلم بأن الأغلبية للإسلاميين...
دي تترك لعملية الإحلال والإبدال الجارية منذ تكوينه ... ما لم
تستجد تحركات غير مسؤولة من قبلهم ...
بعدين لا أتوقع ابنعوف او برهان جديدين إذا إنتهت
الفترة الإنتقالية بانتخاب رئيس وبرلمان مدني باتفاق
(ورضاء) كل الطبقة السياسية المتطلعة لحكم البلد ...
Quote: هل عودة الجيش للسكنات هي إنحياز منهم للدولة
المدنية أم أنه تمرد على الدولة المدنية؟ |
أين هي الدولة المدنية ... الدولة المدنية هي الدولة
التي تم إنتخاب رئيسها وانتخاب برلمانها ... دي
هي الدولة المدنية ... ودي هي من يريد الجيش ان
يحتكم إليها ... دا على حسب ما أرى ... بالنسبة لي
إنسحاب الجيش من الحياة السياسية إذا تم فهو
لا هو تمرد ولا هو انحياز ... ما يهم قيادة الجيش
هو طريق الوصول للانتخابات وهو ما يؤكده البرهان
كل ما ظهر في الإعلام ... ويؤكد التزام الجيش
بحماية الفترة الإنتقالية ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
| Quote: ماذا لو أعلن البرهان غدا كقائد عام للجيش |
يا ود الزبير البرهان ليس هو القائد العام للجيش
القائد العام للجيش وحسب الوثيقة الدستورية ( المجلس السيادي ) وليس رئيس المجلس السيادي
البرهان هو : رئيس المجلس السيادي - والقائد العام للجيش هو ( كامل اعضاء المجلس السيادي عسكر + مدنيين )
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: محمد البشرى الخضر)
|
عذبتنا يا صلاح
Quote: ياريت يا حافظ يكون الخلل في تفاصيل يومية يمكن
ملاحظتها والنقاش حولها ... ياريت تكون بعيدة عن
الإقصاء الأيديولوجي المزمن والمسيطر .. وياريت تكون
بعيدة عن المحاصصات والاصطفاف الجهوي والقبلي ...
أظن السياسة السودانية خلال وبعد الإنقاذ أصيبت
بأمراض قاتلة جدا ... |
المشاكل دي كلها ما منكورة ومعروضة في الهواء الطلق
وكلها حلها في تثبيت الديمقراطية والديمقراطية كفيلة بحلها.
Quote: الجيش في كل العهود الديمقراطية (المدنية) لم يطلب من النخب
مناقشة مهامه او أخذ رأيهم في ما يخص الجيش ...
قيادة الأركان العامة في الجيش في النظام المدني هي المسؤولة
عن أي إصلاحات او تغيير في عقيدة الجيش بالتشاور مع الجهات
المنتخبة لرئاسة البلاد (رئيس وبرلمان) ... أمور الجيش ليست
أمور سياسية |
يا عمك مافي زول داير يناقش مهام الجيش طالما إلتزم الجيش بأداء دوره كجيش حامي للبلاد دون أن يتدخل في أمور السياسية.
أما حديثك عن قيادة الأركان وإصلاح عقيدة الجيش فهو مربط الفرس: إذ كيف لقيادة أركان فاسدة العقيدة من أن تصلح عقيدة الجيش؟
Quote: بعدين لا أتوقع ابنعوف او برهان جديدين إذا إنتهت
الفترة الإنتقالية بانتخاب رئيس وبرلمان مدني باتفاق
(ورضاء) كل الطبقة السياسية المتطلعة لحكم البلد |
طيب الدنيا دي كلها قايمة وقاعدة فوق أم كم؟
الجيش هو المهدد للتحول المدني الديمقراطي والمهدد لإستمرار الحكم المدني.
سلوك قيادة الجيش الآن ومنذ فض إعتصام الثيادة كله يشير إلى محاولاتهم عرقلة التحول المدني.
Quote: أين هي الدولة المدنية ... الدولة المدنية هي الدولة
التي تم إنتخاب رئيسها وانتخاب برلمانها ... دي
هي الدولة المدنية |
أكيد دي ما نقطة إختلاف.
الدولة المدنية مازالت جنين في طور التكوين وأمامها مخاض صعب.
والديمقراطية نفسها من المتوقع أن تأتي مشوهة ومنقوصة ولكنها ستتطور وتتعافى ولا سبيل للوصول لحكم رشيد إلا عن طريق هذا المسار الشاق والطويل.
Quote: ما يهم قيادة الجيش
هو طريق الوصول للانتخابات وهو ما يؤكده البرهان
كل ما ظهر في الإعلام ... ويؤكد التزام الجيش
بحماية الفترة الإنتقالية |
البرهان ذاتو لمن قرأ كلامك دا قعد يتلفت وقال ياربي دا أنا؟
😂😂😂
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: علاء سيداحمد)
|
| Quote: يا مولانا دا ما حنك ليك! طيب قاصد شنو بي (سـ)ـكنات |
الثكنة هي مقر الجنود ومكان تجمعهم في وقت السلم.
وعودة الجيش لثكناته تعني عودته لمقارهم الطبيعية في اوقات السلم وإستعدادهم لأداء دورهم متى ما كان لازماً عليهم.
ونستخدمها عادة للإشارة بتنحي الجيش عن ممارسة الحكم وتركه للمدنيين مع إبقاءه على دوره في حفظ أمن البلاد وحمياتها.
السكنة (جازت بضم السين وسكون الكاف وجازت بفتح السين وكسر الكاف) هي مكان السكن.
وجاء في الدرر السنية أن الرسول قال لأبي وهب بعد الفتح: "إرجع أبا وهب إلى أباطح مكة فقروا على سكناتكم فقد انقطعت الهجرة" والمعنى أن عودوا إلى مساكنكم وقروا فيها، وفي ذلك إسقاط للحكم بوجوب الهجرة من مكة إلى المدينة.
وعودة الجنود إلى سكناتهم أي عودتهم إلى بيوتهم تعني إنقطاعهم عن الذهاب إلى مقارهم ومكان تجمعهم.
والمعنى هنا تخلي الجيش عن أداء دوره في حفظ أمن البلاد وحمايتها.
حنك ول ما حنك؟😛
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Hafiz Bashir)
|
🤣🤣🤣🤣🤣
نان جيتني في حتتي وكمان فاكي الزراير ومكفكف ...
Quote: المشاكل دي كلها ما منكورة ومعروضة في الهواء الطلق
وكلها حلها في تثبيت الديمقراطية والديمقراطية كفيلة بحلها. |
حليل أبوي ...
الشارع الشفنا الليلة دا ما أظن يتوحد بالديمقراطية ...
غايتو الكونفدرالية (من رحمو ربي ورضا) إمكن تفك الاشتباك دا ...
المرض انتو ما شايفنو كويس كمناضلين الكلب الحار ...
سرطان الجهوية والمناطقية إستشرى في هذه البلاد ...
| Quote: أما حديثك عن قيادة الأركان وإصلاح عقيدة الجيش فهو مربط الفرس: إذ كيف لقيادة أركان فاسدة العقيدة من أن تصلح عقيدة الجيش؟ |
ومن هو هذا الصالح الذي سوف يقوم بهذه المهمة في رأيك؟
إجابتك على السؤال دا مهمة جدا ...
| Quote: سلوك قيادة الجيش الآن |
ممكن مثالين تلاته لهذا السلوك البتأكيد مشين ...
| Quote: البرهان ذاتو لمن قرأ كلامك دا قعد يتلفت وقال ياربي دا أنا؟ |
تتلفت إنتا ياخي ...
آخر ظهور للبرهان إستقبل وزيرة بريطانية
وقبليها مع وزير هندي ... قوقل تصريحاتو
وما تتلفت ... تقوم تلف زي ما بقول ليك
صاحبك الثائر الفي الرياض ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: nour tawir)
|
| Quote: الأزمه قائمه طالما لم تتم معالجه مشكلة التحالف السياسى (المفروض انو حاكم) وتمتين نسيجو وتفعيلو بشكل ديقراطى بعيد عن الصراع |
وعليكم السلام عاصم ...
معليش للتأخير ... زي ما شايف .. حقل
القام ... إني أغرق ... إني أغرق ...
ياريت تورينا مشكلة التحالف الحاكم بعيدا عن
المكون العسكري ... وتفعيلو كيف بشكل ديمقراطي
وما فيهم ولا واحد منتخب من الشعب السوداني ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
اخونا علاء ... كيفنك ياخي
وشكرا على المشاركة ...
Quote: كحلت استقاله المكون العسكرى
جيت جاريه
قلت انكشحوا خلاص
لقيتها ماذا لو |
هلا ستي نور ...
بس لو شيخي أبكر نجح في كشح جوز اللوز
دا من المنبر بكون قدم خدمة لا تقدر بثمن لعضوية
المنبر ... ديل بتاعين غلاط ومصادر وفوتو شوب
وكمان جابتلها أحاديث نبوية ...
لولا ذلك كنتا كتبتا تفاصيل غير مؤكدة يشيب
لها الكثيرين ... ارفعي يدك معانا ... ربنا يحفظ السودان ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
وعليكم السلام
Quote:
ياريت تورينا مشكلة التحالف الحاكم بعيدا عن
المكون العسكري ... وتفعيلو كيف بشكل ديمقراطي
وما فيهم ولا واحد منتخب من الشعب السوداني
|
-برنامج حد ادنى تتفق عليه المكونات يوقع عليه بميثاق غليظ (الرده والخروج عنه خيانه عظمى)على اساس (المواطنه) و(البرنامج السياسى) دون اى استقطابات تضعف النسيج الوطنى.والتاكيد على دور القوى النظاميه -المحترفه- كضامن للاستقرار ووحدة التراب من مواقعها (ثكناتها) بدون اى دور سياسى.وسياسه خارجيه قائمه على الحياد والمصالح المتبادله على اساس النديه.وى مقدمة كل هذا مطالب الثوره فى مواجهه جرائم وفساد نظام حكم لثلاثه عقود.
التحالف السياسى يمارس دور رقابى مضبوط بالميثاق والوثيقه على الحكومه
-تشكيل حكومه تكنوقراطعلى جميع المستويات -لايهم الانتماء- وانما الاختيار من مرشحين على اساس خطه ورؤيه كل مرشح فى المجال المرشح له.
-اشراك قواعد مكونات التحالف فى العمل الوطنى المشترك تحت مظله لجان المقاومه الجغرافيه والنوعيه.والتركيز على التنميه والخدمات وبرنامج سياسى يركز على تهيئه المجتمع للانتخابات لضمان انتقال ديمقراطى عبر انتخابات حره ونزيهه وشفافه تقلل ممارسات الاستقطاب السلبى (الحهوى والعنصرى...الخ).
-حريه التعبير والاعلام كجزء من عمليه التغيير وضبطها بمعايير مهنيه تضمن راى عام معافى وواعى وقبل كل هذا ممارسة دور رقابى على التحالف الحاكم ورقابته على الحكومه
اعتقد انو النقاط لو تم اتحقق منها 70 % سنعبر وننتصر.
مشكلة البلد دى رؤيه واضحه ومحكمه (برنامج) واداره رشيده
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Asim Ali)
|
هسه نرجع للموضوع ومسألة اللغة العربية دي اوعدكم إنت والمستنير وود البشرى أعمل ليكم فيها درس عصر.
Quote: حليل أبوي ...
الشارع الشفنا الليلة دا ما أظن يتوحد بالديمقراطية ... |
أصلو الديمقراطية ما أداة لتوحيد الشارع ولا لتوحيد أي شيء.
الديمقراطية أصلاً بتقوم على التعددية وهي آلية لإدارة الإختلاف.
أما الشارع الشفناهو اللليلة دا بأكد حاجة واحدة بس.. إنو الشارع قادر على الدفاع عن دولته المدنية ضد كل من تسول له نفسه الأمارة بالسؤ من الإلتفاف على هدف الثورة في إرساء نظام مدني ديمقراطي.
Quote: ومن هو هذا الصالح الذي سوف يقوم بهذه المهمة في رأيك؟
إجابتك على السؤال دا مهمة جدا ... |
أنا أصلاً دخلت البوست دا عشان أقول إنو المشكلة قد لا تكون في وجود ناس برهان وكباشي فقط في قيادة الجيش.
المشكلة قد تكون في إنو كل الجيش غير قابل وغير قادر على إحداث تغيير في داخله يناسب النقلة النوعية التي أحدثتها الثورة.
وبالتالي تظل حالة الإنفصال والخصام بين الشعب وقواته المسلحة مستمرة.
| Quote: ممكن مثالين تلاته لهذا السلوك البتأكيد مشين |
ياخي الأمثلة دي جابوها الناشطين هنا وفي الفيسبوك وفي الواتاسيب ونبحوا فيها لمن كيبوردهم إنشرط.
المهم لو عندك معلومة او خبر أكشحهم
لكن تحليل الخبر وإنعكاساته وأثره على مستقبل الدولة، خليهو لي أنا وود البشرى.
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Hafiz Bashir)
|
Quote: Quote: ومن هو هذا الصالح الذي سوف يقوم بهذه المهمة في رأيك؟
إجابتك على السؤال دا مهمة جدا ...
أنا أصلاً دخلت البوست دا عشان أقول إنو المشكلة قد لا تكون في وجود ناس برهان وكباشي فقط في قيادة الجيش.
المشكلة قد تكون في إنو كل الجيش غير قابل وغير قادر على إحداث تغيير في داخله يناسب النقلة النوعية التي أحدثتها الثورة.
وبالتالي تظل حالة الإنفصال والخصام بين الشعب وقواته المسلحة مستمرة. |
ههههههه ... مولانا ... دي إسمها سواقة خلا ...
أنا عارفك ما حا تقدر تقول لي نودي ليهم
ساطع الحاج ولا البت بتاعت بري (ديل
بتاعين الوثيقة الدستورية) ... عشان كدا
كتبت ليك ال بالأحمر دا ...
بعدين تعميم الفساد بي طريقتك دي منطق
ضعيف جدا ... شؤون الجيش ما المفروض
يعاينو ليها من منظور سياسي ... دا أمن قومي ...
زي ما الجيش مطالب بعدم التدخل في السياسة
والاقتصاد ...الخ المفروض برضك السياسيين
يحرصو على عدم التدخل في الشأن العسكري ...
وهكذا كان الوضع قبل الإنقاذ ...
البلد فعلا محتاجة لكتابة ال job description
لكل الوظائف المدنية والعسكرية ومن الرئيس لي
الغفير عشان كل زول يعرف حدودو وين ونبقى
دولة قانون بي حق وحقيقة ...
كدا كويس ... حاولت النوم بعد قراية ردك ... غلبني ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
فعلا الاستحاله حاصله لكنها ربما هو السبيل الاكثر حظا للعبور والانتصار (بتعبير حمدوك)
للاسف عدم اجتماع القوى السياسيه على برنامج حد ادنى سابق للثوره -حتى لو متاخرفى لجظات العد التنازلى لانظلاق الثوره- كان ممكن يدى فرص نجاح اكبرلمرحله الثوره والانتقال
لكن للاسف اعلان الحريه والتغيير كان فى لحظه استثنائيه حرجه والقوى والتكتلات الوقعت عليهو وخرجت بعد نجاح الثوره استخدمت الاعلان زى الزول البيحاول يلحق موعد ويضطر يركب (ملح) فى عربيه الشعب- حاله من الانتهازيه - واول ماوصلو نزلو من العربيه وبقو عبءعلى الثوره وعلى الشعب وبحث بعضهم عن مكاسب ضيقه فى جوبا ومساراتها ولا اقول اضعفو وانما اربكو واعاقو مسار الانتقالييه
البلد حتكون دائره فى ساقيه جحا بالحال المايل دا
خيار تانى انو شباب الثوره والجيل الجديد يسحب البساط من القوى السياسيه التقليديه والالقديمه يمين ويسار ويشرع فى تكوين جسم او جسمين احزاب سودانيه وشابه
والشباب كما اكبر تعداد من جيلنا ناس الانتفاضه ومن سبقنا ناس اكتوبر
واذا اجادو تنظيم نفسهم وطرحو برامج سياسيه طموحه برؤيه معاصره وكيان يجرى فيه دم الشباب
حتيتقلص تاثير ديناصورات السياسه افراد وكيانات ويتحول تاثيرهم محدود جهويا اوقبليا اوفكريا فى مقابل حاله وعى شبابى متحرر من قيود الانتماء الضيق
قد تكون اقرب للاحلام منها للواقع
لكن ربما سعى شخص واحد يؤمن بما يقرا من احلامنا ويكون بعض من وعى مجموعه شابه و شراره فعل وتحقيق ليها او لبعضها
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: اخلاص عبدالرحمن المشرف)
|
اقول ليك الجديد يا ربع الدماغ وانت اصلا مخك ماشغال\
الاستقلالة دي معاناها فراغ دستوري وفوضي خلاقة ناجمة من بؤس القحاتة الجدعو الدستور والمحكمة الدستورية
الالتزام بس بي الوثيقة الدستورية حتي تكنمل الثورة وتطلع من وصمة الانقلاب لحدي هسة ده انقلاب
البديل المدني والمهم للجنرالات ديل هو تطلع المحكمة الدستورية وتباشر عملا من الليلة وتقود المرحلة زي الشعوب المتحضرة في كل العالم
والمجلس الانتقالي بحصص محددة لكل اقليم مش قسمة الضبعة والاسد خمسة اقاليم بس والحصص بعدد السكان
ده فمهتو ولي لا
جديد ولي ما جديد
وجي ولي وجوو
اسي ولي تيسي
جبناها ليك في جولو وديتا في تيري
فصك
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: adil amin)
|
Quote: ود الزبير كب الشمااااار كان مؤكد والا مؤكد
قريبين من الحدث والأحداث بتكونوا شامين ريحة الحلة وعارفين الطبخة |
ههههههه
عارف ود حلتنا ... ما تدردقني لمن لا يرحم ديل ...
ديل شدة ما غتيتين ما بشوتو بي وش الرجل *
بيدوك بي بوز الجزمة ...
الرجل :- الكراع للناطقين بغيرها ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: HAIDER ALZAIN)
|
جقود دايما ما محظوظ معاي ...
| Quote: اقول ليك الجديد يا ربع الدماغ وانت اصلا مخك ماشغال |
إنتا ما كلموك قالولك صلاح دا شايل ربع دماغ في
راسو وشايل مخو في كرعينو ... هسع هبشناك بي
كراع واحدة في المداخلة السابقة خلتك تكتب مداخلة
خالية من الكحول والقات ... لا فيها قرنق لا محمود لا
دستور لا قرود لا شيخ العير ...
الله يرحم ويغفر ويعفو لعمنا اللمين ...
أريتو اليوم داك كان كباهو في شق حيطه ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
Quote: بعد القمع والكبت السلطوي الإتعرضت ليهو في البوست دا..:) :)
|
🤣🤣🤣🤣🤣
والله تضامن معاك الطيش وأدنت وشجبت
نفسي بعد إرسال المداخلة مباشرتن ... ولا
مانع لدي كرجعي طائفي ذو عقلية جيلكانوية
من المشاركة معكم في مظاهرة صوب لجنة
التمكين ورفع مذكرة تدين هذا القمع والكبت
والبطش السلطوي ... أها ... قصرنا معاك ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
سبب واحد يخليه يقعد قولوا لي
الميناء مشكلته حتي مايفكر فيها
قال سياسية رغم ان الناظر ترك
طلب برهان بالاسم كوسيط.
الامن حدث ولا حرج.
محادثات السلام اختطف العسكر الملف
وتفاوضوا مع المهزومين خليل ومناوي و نسي
الحلو و عبد الواحد.
المطار تبع الجيش ويهرب منه الذهب وحتي
المطارات العسكرية ك مطار التصنيع العسكري
يتم التهريب عياناً بياناً ، المرتزقة خارج الحدود
لا زالوا يرتزقون وال في ليبيا طلب الليبيون خروجهم
ده غيض من فيض
وكلها ضمن مسئوليات المكون العسكري او استولي
عليها.
ثورة عظيمة تختطفها عسكر لا يخافون الشعب
ده جزء من جرد الحساب .
وجوده مضر ولا اضمن ان ذهابه سيغير شئ
فالشق يصعب علي الراتق
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: أبوبكر عباس)
|
بالحيل متاكد منها قول ليه المجلس العسكري الانتقالي عمل تعديل في مايو 2019 تقريبا على قانون القوات المسلحة اعاد فيه منصب القائد العام وسمى البرهان قائد عام
ودا كان استباقا لفكرة ان مجلس السيادة سيكون القائد لاعلى و ان صلاحيات رئيس الجمهورية ستؤول لرئيس الوزراء المدني التي بدا اصرار مفاوضي الحرية و التغيير عليها.
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: علاء سيداحمد)
|
Quote: حا تقول لي كيف ننضف الجيش من الضباط
المؤدلجين لي كمية من الأحزاب مع العلم بأن الأغلبية للإسلاميين |
مؤدلج يعني شنو؟
المؤدلج وأياً كانت توجهاته، عادة ما يُصر على صحة ما يعتقده،
وأن قناعاته هي الحل الأمثل لهذه القضية أو تلك، ما يعني أنه
رهين لآيديولوجيته، وبالتالي فقد تعرض لحالة اختطاف عقلية
جعلته في حالة رفض للواقع ... لغاية هنا دا سخافه عامه ومنقول ...
هل من السهل تجنيد ضباط الجيش (رتبة عقيد فما دون) لخدمة
أيديولوجيا محددة ... هل من السهل تجنيد جنرالات الجيش
(رتبة عميد فما فوق) لخدمة مافيا البزنس ...
قحت-١ صارت تلعب بإحترافية عالية تحسد عليها
في غياب المتخصصين (كوز/شيوعي) ...
أسامي نهي ... أسهل حاجه في البلد دي تفتح بلاغ
ويسلموك أمر القبض وبي ألف جنيه تجند (واحد عندو
مسدس ميري) وفي يومك ممكن تسوق زولك توديهو الكيس ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Ahmed Yassin)
|
Quote: ود البشرى و حافظ
لو سمحتو الزول دا أدوهوا حصانة ليوم واحد. |
أها يا دكتورة أكتر من يومين ما هبشتو وبرضو ما جاب حاجة من الصوالين.
مع إنو أنا اصلاً ما موضوعي المصدر والفوتوشوب.
أنا مشكلتي معاهو قيمة الخبر ذاتو حتى لو كان صحي.
أنا ما شايف فايدة لحكاية يمشي عبد البرهان الأول ويجي عبد البرهان التاني
ويمشي دقلو الأول ويجي دقلو التاني.
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: HAIDER ALZAIN)
|
حباب الفنان أحمد ...
يا مولانا ومحمد والدكتورة ...
تعجبني الشمشرة والدردقه النضيفه الخاليه من الغرض ...
🤪🤪🤪
الطريفي ... الواحد بيضع حساب لي ود أبوي موسى
القاعد جنبك دا ... غير كدا كان الواحد قاليك البوست
دا مفتوح ليهو ٤ يوم ... هسع قريت معاهو دا :-
Formation of military forces
..... Soon .....
سلاح المدرعات
سلاح المظلات
سلاح عمليات الدعم السريع
...............
...............
هذه الأسلحة تتبع قائد القوات البرية ...
وآلله أعلم ...
سجن سجن ... غرامه غرامه ...
أدوها صنه بخصوص أولاد دقلو ...
تقول لي برضك دا كلام صوالين ... 😛
عارف ... هذا غيض من فيض ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: محمد البشرى الخضر)
|
يا أخينا ...
بدا تشكيل جديد للجيش بداية ٢٠٢٠ ...
قبل التاريخ دا كانت قيادة الجيش تسمى
قيادة الأركان المشتركة وتتكون من قيادة
القوات البرية والبحرية والجوية ... كل الفرق
العسكرية المنتشرة في المدن السودانية كانت
تتبع لقيادة القوات البرية ... بعد فبراير٢٠٢٠
تم تغيير الاسم لقيادة الأركان العامة وتم
تقسيم القوات المنتشرة إلى مناطق ... المنطقة
الشرقية والغربية والشمالية والوسطى ويقودها
فريق تحت قيادة رئيس الأركان العامة وتم إرجاع
الأسلحة المدرعات والمظلات والأسلحة والنقل
والمهندسين والإشارة تحت قيادة القوات البرية ...
الجديدة هنا هو قيام سلاح عمليات الدعم السريع ...
تفاعلكم ميت ياخي ... المفروض كنا نعمل ليهو
بوست منفصل ونديهو عنوان يجيب الأعمى والمكسر ...
دا خبر المليون (إذا)* صح ...
* نصيحة غالية منك ك ديسكليمر ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: محمد البشرى الخضر)
|
Quote: أنا ما شايف فايدة لحكاية يمشي عبد البرهان الأول ويجي عبد البرهان التاني
ويمشي دقلو الأول ويجي دقلو التاني. |
إتا أ يابا مناضل كشا مشا ساي ...
إتا مناضل إستراتيجي ...
ما علقت علي قيادة الشعب السوداني
الخرج يوم ٢١ أكتوبر (هم فاكرين كدا) ...
او عصابة الأربعة ... مشو يفتشو في
الحلول بتجنيد ضباط وجنرالات الجيش ...
الناس ديل فعلا ما دايرين يفكو الغنيمة ...
ودونها خرط القتاد ...
| |
|
|
|
|
|
|
|
|
|
Re: هل إستقال المكون العسكري في مجلس السيادة . (Re: Salah Zubeir)
|
هو غير ود عمك موسى الرسل لي الخبر دا واتساب منو :)
وللحقيقة والدقة والشفافية كنت معاه الجمعة وانا الفتحت المناسبة بإخباره بما جاء ببشارات بوستك هذا ..
فكان رده على شقين وانا معروف الفولة ما بتتبل في خشمي:
الاول قال لي .. وهو عمنا ود الزبيـر من متين شغال او مهتم بالسياسة
دا زول مرطب ومرتـاح وما كان شغال بيها الشغلة ..
وأضاف .. مالو بقى كدة!! لدرجة كمان يتناقش مع امثالك انت وهلمجرا من عطالة موقعكم:)
قلت ليهو لا لا ما حصلت ليهو شئ بس نزل معاش ..
قال آآآه اذن ذلك لذلك ...
المهم .. مودات وسنتابع حتى يرجع العسكر " سكناتهم"
| |
|
|
|
|
|
|
| |
Salah Zubeir
HAIDER ALZAIN
طلحة عبدالله
Arif Nashed
محمد البشرى الخضر
Asim Ali
adil amin
Hafiz Bashir
أبوبكر عباس
علاء سيداحمد
nour tawir
نعمات عماد
Ahmed Yassin
MOHAMMED ELSHEIKH
فيس بوك
تويتر
انستقرام
يوتيوب
بنتيريست