لماذا يتردد الانقلابي في إعلان حكومته؟

Quote: البرهان و خروف أمْبَررو قبيلة أمبررو قبيلة افريقية ترعي الأبقار ما عندهم أي شغلة غير الرعي . و برضو ما عندهم وطن محدد ولا بعترفوا بالحدود الدولية و لا حدود ولائية .. حيث ما سارت أبقارهم ساروا خلفها .. و أين ما وجدوا المرعي لأبقارهم فهو الوطن الي حين .. قبيلة الأمبررو تجدها في النيل الازرق و في غرب السودان و في دولة مالي و تشاد و افريقيا الوسطي و معظم دول غرب أفريقيا .. قبيلة أمبررو مشهورة جدا بأعمال السحر و الشعوذة .. سحرهم قوي جدا ما بفكوا ليك الا أمبرراوي منهم غير كده أنسي .. تعيش عمرك كله مسحور لا شيخ و لا فكي يقدر يساعدك و الامبررو أصلا لا بتونسوا مع زول و لا بصاحبوا زول ما منهم . و لا بشيل حقك و لا بتقدر تشيل حقهم . قالوا مرة جاهم حرامي بالليل و دخل مراح البهائم و سرق منهم خروف .. شال الخروف فوق رقبته و بقي مارق .. جري مسافة ساعات من المكان الفيهو امبررو و وصل قريتهم .. وكت جا ينزل الخروف من فوق رقبته .. الخروف حلف بي دينو و أيمانو ما ينزل ليهو .. نادا جماعته عشان يساعدوهو و ينزلوا الخروف و قدر يجرجروا .. الخروف ده بس لاصق في رقبة الحرامي .. و الحرامي بقي يكورك .. الجماعة قالوا ليهو ما عندك حل الا تمشي ترجع الخروف لي سيدو .. صاحبنا شايل خروفه فووق رقبتو و جا راجع مكان شال الخروف .. قال للامبررو انا حرامي و امس سرقت من مراحك الخروف ده و هسي جيت ارجعه ليك .. الامبرراوي قال ليهو انا ما دايرو .. خلي قاااعد عندك .. و الحرامي بقي يكورك و يوسط الناس عشان الامبرراوي يشيل خروفه .. و الامبرراوي واقف في الناشف و حالف ما ينزل الخروف حقه من رقبة الحرامي . و الحرامي بقي قاعد معاهم ايام و الخروف متعلق في رقبته وكل يوم يتجرس لسيد الخروف و الوساطات شغالة تحنس في سيد الخروف و أخيييرا حتي سيد الخروف قال لي خروفه أنزل خلاص .. و تترب الخروف نط نزل من رقبة الحرامي . هسي يا برهان انقلابك ده ياهو سرقة خروف الامبررو ذااااتو .. بقيت ما لاقي اليقنع حمدوك يشيل منك سريقتو .. لو كنت ضابط جيش صحي صحي .. كان عرفت الانقلاب بعملوهوا كيف و متين .. خسارة شنب ساااااكت. منقوووول بي خروفو ...