|
|
 Re: الحزب الشيوعي: التصدي للإنقلاب وإعلان الع (Re: عبد الله حسين)
|
ضمن ملف الشهداء
الميدان في منزل أسرة الشهيد الدكتور بابكر عبد الحميد
إلهام عباس
الميدان 3949،، الأحد 24 يوليو 2022م.
• والدة الشهيد: لو تحققت المدنية يمكن (بطننا شوية تبرد)..
• والدة الشهيد: ما بنعفي، نعفي لييه؟ ونعفي لمنو؟
• والد الشهيد: بابكر جرح لن يندمل.
• 13 إصابة بسلاح الخرطوش كانت سببًا في نيله الشهادة..
• شقيقة الشهيد: بابكر كان زول لطيف...
مع كل إضافة لاسم جديد ضمن هذا الملف يتأكد أكثر وأكثر أن الشهداء هم صفوة وخيرة شباب هذا البلد ، مما يدحض ويخرس الأصوات التي تسيء للثوار وتصفهم بصفات ظالمة ، وما الثوار إلا (مشروع شهيد) كما يرددون هم أنفسهم ، وأيضاً يتأكد لنا مع كل إضافة لهذا الملف أن أسرهم أيضاً من خيرة وصفوة هذا الشعب العظيم ، ولولا أن هنالك أسر عظيمة من خلفهم ربت واحسنت التربية وزرعت فيهم اجمل وأنبل الصفات لما كانوا بمثل هذه العظمة.
خيار من خيار:
عقب اتصال الميدان بأسرة الشهيد بابكر لنكون في ضيافتهم في منزلهم العامر ، قام والده الأستاذ القانوني عبد الحميد بابكر بالحضور لاصطحابنا بسيارته من موقف المواصلات إلي المنزل ، مما يدل على نبل وأصالة وسألته : انت والده ؟ أجاب بنعم قلت له : الشبه واضح جداً ، أجاب بفخر يشوبه بعض الحزن : لا ياخ بابكر كان وجيه شديد.
* السيرة الذاتية*
الاسم: بابكر عبد الحميد بابكر سلامه
تاريخ الميلاد: مواليد الرياض بالمملكة العربية السعودية بتاريخ 2 نوفمبر 1990
المراحل الدراسية: الأساس بمدرسة الفيصلية الخاصة بالرياض.
الثانوي بمدرسة المعالي ، ومن ثم جامعة الرباط الوطني كلية الطب.
الهوايات: السباحة وجمع العملات القديمة.
الشهيد ابن وحيد وسط اربع بنات اثنتان اكبر منه، وهما الدكتورة سلافة ودكتور هاجر وهما طبيبتان أيضاً واثنتان أصغر منه وهما الباشمهندسة علياء والدكتورة روان وهي طبيبة. والدته هي السيدة الفاضلة شريفة عوض.
كلمات من أب مكلوم:
في البداية تحدث والده الأستاذ عبد الحميد قائلاً:
بابكر كان زول فاضل كان زول كويس كان بحب الفقراء وبعطف عليهم، كان بحب كل الناس، وكان بحب أصدقاءه جداً حتي لما يكون مسافر بتصل علي ويطلب مني اتصل عليهم واعزمهم فطور أو غداء، كان بصطحبنا انا ووالدته وأخواته في كل خطوة وكل تفاصيل حياته، كان بحب عمل الخير وكان زول مسؤول جداً، لما مشي منطقة تلودي لقضاء الخدمة الإلزامية أعقاب التخرج من الجامعة حسب النظام الكان سائد في ذلك الوقت، وقد اختار منطقة تلودي باعتبارها منطقة شدة وكان الشهر من الخدمة الإلزامية يحسب شهرين إذا قضاها الخريج في مناطق الشدة ، وقال إنه بدلاً عن ست اشهر سيقضي فترة ثلاثة أشهر، وبالفعل ذهب إلى هناك ولكنه بقي فيها تسع اشهر، وكل ما والدته تتصل عليه وتسأله لماذا يبقي بعد انتهاء فترته يقول أنه لا يوجد طبيب سواه بالمنطقة وأنه لا يمكن أن يترك المكان بلا طبيب . وختم والد الشهيد حديثه قائلاً: باختصار بابكر جرح لن يندمل.
تفاصيل الاستشهاد:
تفاصيل الإصابة والاستشهاد حكتها والدته السيدة الفضلي شريفة من بين دموعها: في اليوم الذي يسبق الموكب الذي استشهد فيه بابكر طلبت منه أن يتوقف عن الخروج في المواكب وكأن قلبي كان يشعر بما سيحدث، وعندما قلت له ذلك وقف من خلفي وهو طبعاً كان طويل احتواني وضمني ووضع ذقنه في كتفي وقال لي يعني كان طلعت موكب ما بتعفي لي؟ قلت له: كيف ما بعفي ليك؟ بعفي ليك طبعاً، وفي يوم الموكب الزجاج بتاع الشباك بتاع غرفتي منه وليه وبدون أي سبب تهشم، ناديته قلت ليه يا بابكر صلحه لأنه ممكن يدخل حشرات أو فئران، مشي جاب كرتونه وقطعها وقفل بيها مكان الزجاج الاتكسر، ولما احتجيت قال لي بصلحه في وقت تاني ده حل مؤقت، وهو لأنه كان مستعجل للخروج في الموكب واخذ مني الموافقة للذهاب للموكب بعد جهد، وعرفت فيما بعد أنه قال لشقيقته علياء التي خرجت معه إلي الموكب وهو يجرها من يدها قائلا لها (اطلعي البسي جزمتك في العربية قبل ما نونه تغير رأيها وتقول لينا ما تمشوا)، وتضيف وهي تبكي هو كان بناديني نونه ومن ثم تواصل: ورغم أني ما متعودة الاحقه بالتليفون اليوم داك اتصلت عليه، ردت علي شابة في تلفونه قلت ليها صاحب التلفون ده وين قالت لي أنا ما عارفة لكن هنا في مصابين كتار قلت ليها هنا وين؟ قالت لي في رويال كير، طوالي قفلت التلفون وناديت أخته الصغيرة وهي الوحيدة الكانت موجودة، قلت ليها بابكر أتصاب وفي رويال كير يلا نمشي، وطلعنا مشينا وفي الطريق كنت بتصل على شقيقته الأكبر منه وهي طبيبة تركت العمل في رويال كير قبل أسبوع فقط من استشهاده واتصلت بشقيقتي شذي أيضاً، وعندما وصلنا المستشفى كان هناك عدد كبير من الإصابات، ولكنني بحثت عن بابكر ولم أجده وبعد قليل انضمت إلينا شقيقته د/ هاجر وصرنا نبحث وبعدها بنتي قالت نمشي نشوف باقي المستشفيات، قلت لها أن من ردت على تلفونه قالت إنهم في رويال كير وعدت أبحث من جديد، وكان هناك مصاب مررنا بعنده أثناء بحثنا وحوله عدد كبير جداً من الأطباء وكنت لا استطيع رؤيته فقلت لأحد الملتفين حوله المصاب ده طويل ولابس نظارات، فأخرج تلفونه وبه صورة بابكر وقال لي: قصدك ده؟ قلت له: ايوه فأجابني بأنه هو وطلب من المتجمعين أن يفسحوا لي قائلا لهم: دي أمه ووجدته لا يعي ما حوله ولكنه لم يفارق الحياة بعد، وبعدها ناديت على شقيقاته وبعدها لم استطيع التحمل وخرجت، وبعدها حضر إلى المستشفى جميع أهله، وأصر أخي ويدعى محمد على تشريح الجثمان وأضافت قائلة: الحمد لله أنه ربنا مع المصيبة بعطي العبد اليقين والثبات، وسألناها أين وكيف كانت الإصابة فقالت إنه أصيب في موكب بري الدرايسة وكانت الإصابة في الصدر بأكثر من 13 من عيار الخرطوش، وكان في ذلك الوقت جديد وكانت إصابته في الصدر وقد سببت نزيف شديد مما سبب الوفاة، وأضافت والدة الشهيد بعد ذلك تم إحضار الجثمان للمنزل وامتلأ المنزل بالمعزيين من الأهل والأصدقاء والجيران، الكل يبكي ولكن بدون صوت، والكل دخلوا إلى حيث يوجد الجثمان وودعوا الشهيد مع العفو والمعافاة، وتقول السيدة شريفة إنه في نفس الموكب تم إعتقال ابنتها الباشمهندسة علياء عبد الحميد، ولكن تم إطلاق سراحها في نفس اليوم وعندما أتت إلي المنزل وجدت جموع المعزيين أمام المنزل ولم تكن على علم باستشهاد شقيقها، وتقول من بين دموعها والغصة تسد حلقها: والله قربت تجن (تقصد ابنتها علياء).
كان شخص لطيف:
بعد ذلك طلبنا من شقيقته علياء أن تحدثنا عنه فتحدثت بصعوبة قائلة : بابكر كان شخص لطيف، ما كان بشبه الأخوان السودانيين العاديين كان حريص أنه انا وأخواتي نكون مرتاحات دائماً، كان لما نكون طالعين بعبر لينا عن شكلنا بعبارات حلوه وكان بقول لينا انتو عزوتي وسندي، ويوم الموكب بعد ما طلعنا من البيت سألني: شلتي معاك قروش قلت لا اعطاني كل القروش الفي محفظته وسألني شلتي كمامة قلت لا اعطاني كمامته رفضت وقلت له أنه انا عندي طرحتي خلي الكمامة معاك، لكن رفض وأصر يلبسني ليها بنفسه وبعد الموكب واستشهاده طلعت في الميديا صورة وهو بلبسني في الكمامة.
أما والدته تحدثت عنه قائلة: بابكر كان زاهد جداً كان بلبس للشغل ملابس محددة ويوم قلت له: انت دولابك مليان ملابس مالك ما بتلبسهم قال لي اللابسهم ديل مالهم؟ ومرة سافرت القاهرة جبت ليهو معاي فريمات للنظارة، لكن ما غير الفريم بتاعه لغاية ما بدأ يتخدش وعنده ود عمه علق على الفريم وجاء البيت شال واحد من الفريمات الجبتهم واجبره أنه يغير الفريم.
بابكر كان بعمل أعمال خير كتير مع الأهل والجيران عرفناها بعد استشهاده في مداواة المرضى ومعالجتهم بدون أن يتحدث، ولما مشي تلودي للخدمة الإلزامية وقضى الفترة المحددة وما جاء والفترة امتدت لتسعة أشهر بدلاً عن ثلاثة وقلت له لو ما جيت انا بجيك هناك قال لي يا أمي المنطقة هنا ما فيها أطباء، وقال إنه هو بقى مسؤول عن الوحدة العسكرية والمستشفى والمركز الصحي لوحده، وأجرى في فترة وجوده هناك الكثير من العمليات الجراحية ومن بينها عمليات قيصرية، وحكى أنه لعدم وجود الأطباء كانت توجد الكثير من الوفيات من الحوامل إلى درجة أن هنالك مقابر اسمها مقابر الحوامل بالمنطقة، وقال لي بالحرف الواحد (يا أمي لو دي واحدة من بناتك بترضي؟؟) وقال إنه ما لم يجي أطباء يمسكوا بدلاً عنه ما ح يرجع وبالفعل قعد لغاية ما جاء أطباء بدله، وكان بقول دائماً الحمد لله طول فترة وجودي ما في زول عملت ليهو عملية مات تحت ايدي، وبعد حضوره من هناك التحق للعمل في رويال كير، وبعدها مستشفى أحمد قاسم حتى تاريخ وفاته في 17 يناير 2019.
برضو من المواقف البذكرها أنه يوم كنا ماشين مشوار وشاف رجل كبير في السن لابس ملابس نظيفة جداً وشايل جردل نظيف جداً وكوز وببيع المويه، والله بابكر بكى بكاء شديد جداً، وقال لي الزول ده محتاج وكبير في السن ومن النوع الما بعرف يتسول.
وفي حاجات كتير في شخصيته محبته للأطفال ومحبة الأطفال له، ولما يكون في مكان يتجمعوا حوله جزء في حجره وجزء في ظهره لغاية ما انهرهم واقول ليهم انزلوا من ولدي لأنه هو ما بنهرهم ولا بقول ليهم، وبرضو كان لو شاف أي حاجة عند الجيران بسرع لنجدتهم وكان بحب يكون في السليم دائماً مرة سمعنا بنتناقش عن الحياة الزوجية والمشاكل والانفصال، وبعد ما النقاش انفض قال لي عليك الله يا أمي بعدين لو شفتيني غلطان نبهيني، ومرة أخري سالت دموعها وقالت: كان من نوع الناس البلطفوا عليك الحياة، وعندما تبكي والدته كان والده يقول لها مواسياً (الله راد الله راد الله راد). ودعوت الله جهراً أن كل من كان سبباً في دموعها وحرمانها منه وكل من كان سبباً في دموع كل امهات الشهداء ما نمشي من الدنيا لو ما شفناهم معلقين في المشانق، وأضافت أيضاً أنه كان في اليوم الما عنده فيهو عمل برضو بمشي المستشفى، ولما أقول ليهو انت الليلة ما عندك شغل يقول لي في واحد من المرضي امبارح كان تعبان لازم امشي عشان اطمئن عليه، وعشان كده كان محبوب ناس تلودي كانوا علي اتصال بيهو لغاية آخر يوم في حياته وبطلبوا منه أنه يرجع ليهم، وجاراتنا في واحدة كانت بتبكي وتنطط يوم العزاء، في حين أنه أنا ما عملت كده وفي واحدة كانت بتبكي وتوصف وكنت بعاين ليهم مستغربة، وعرفت فيما بعد أنه كان مواصلهم وكل واحدة حكت لي عنه حاجات ما كنت عارفاها، وحتي اولاد الغفراء الحارسين المباني هنا جوا العزاء وكانوا ببكوا عليه شديد وهم أطفال، وفي واحد من الجيران جاني وقال لي عليك الله بابكر ده ما تبكي عليه، وحكي لي أنه مشي يشرب شاي عند ست شاي علي بعد مسافة من البيت ، وقال ليها انا كنت في عزاء الشهيد قالت له دكتور بابكر؟ قال ليها بتعرفي؟ قال لي طلعت موبايل من تربيزتها وقالت لي الموبايل ده جابو لي هو وبكت، وأضافت: كان بحب الناس وبحب يساعد وبتفقد وبهتم وبوريني هو الحاصل على الجيران، رغم أنه كان كلامه قليل وصوته منخفض، وأي وقت فراغ بحب يقضيه في خدمة الناس، الأيام الما شغال فيها كان بمشي المستشفى يحاول يغطي لو في نقص ، بحب كل الناس لكن أصدقاءه محدودين وبشبهو في كل صفاته، وفي واحد اسمه مصطفى حضر الإصابة ولحظات استشهاده ورسل لي مع كتير من الناس يقول إنه هو كان جنبه لآخر لحظة وأنه هو خلاهو ينطق بالشهادة وأضافت: الشباب الثوار ديل عندهم ارتباط وثيق ببعضهم وذي كأنه في عهد بيناتهم، وعشان كده بتلقي دائماً اتنين يكونوا أصحاب شديد ويموتوا وراء بعض ، وبابكر عنده ابن عمه كان بطلع معاه في كل المواكب وكان صديقه شديد، بعد استشهاد بابكر قرب يجن وكان قاعد في اعتصام القيادة ما رجع بيتهم إلا بعد ما انفض الاعتصام، ويوم قال لي وهو ببكي نص الخمسين ضاع مني سألته عن حكاية نص الخمسين حكي لي أنه هو وبابكر اتعاهدوا أنه ما يبطلوا خروج في المواكب لغاية ما يسقطوا النظام، وأنهم عملوا شاهد علي العهد ده ورقة فئة خمسين جنيهاً شقوها نصفين نصف معه ونصف مع بابكر، وأنه هو ضيع نصفه وبناءً علي كلامه ده بحثت في محفظة بابكر ووجدت نصف الخمسين واعطيته له.
مدنيااااو
بعد ذلك سألنا والدة الشهيد عن العزاء وهل كان هنالك معزيين من الحكومة، فقالت أنهم رفضوا تلقي العزاء من الجهات الحكومية ، وأنها قامت برفض مقابلة الوزيرة في ذلك الوقت امل البيلي التي أتت لتقديم العزاء، كما رفضوا حضور أشخاص من حزب المؤتمر الوطني المحلول طلبوا إذن للحضور وتقديم واجب العزاء، وقالت إن ملف قضية ابنها كان يسير بصورة مرضية قبل انقلاب 25 اكتوبر في عهد مبارك محمود الذي كنا نشعر أنه جيد، وعلي حسب أقوال والدة الشهيد وليد حضر إليها في المنزل وكان قد ألقي حصانة سبعة من الضباط ، وقد تمت إقالته لذلك ولأنه أصدر قراراً بأن يخرج وكلاء النيابات لمرافقة المواكب، واستطردت السيدة شريفة قائلة : قبل حوالي أسبوعين حضرت إلي أستاذة لا اعرف تتبع لأي جهة وطلبت مني أن اقوم بالعفو عن حق الشهيد، وقالت لي بالحرف الواحد (انتو يا أسر الشهداء ح تضيعوا البلد بانانيتكم دي) ورديت ليها: ما بنعفي، نعفي لييه؟ ونعفي لمنو ؟ ولشنو؟ في زول محدد اعترف أنه هو قتل أولادنا وطلب العفو؟ السبب البخلينا نعفي شنو؟ نعفي عن حق اولادنا في الحياة؟ نعفي وهم لغاية الآن ما وقفوا عن القتل ولسه بيقتلوا الأولاد في المواكب؟ كيف نعفي؟ ولما لقتني انفعلت كده ورديت ليها كده قالت لي بنديك اسبوعين تفكري ونرجع ليك لكن ما رجعت لي حتي الآن، ويبدو أنها عرفت ردي وهنا برضو بقولها عبركم للعسكر والكيزان ما بنعفي ليهم وما بنخليهم، قتلوا خيرة شباب البلد شباب مستنيرين واضافت قائلة: ولغاية الآن كل المطالب الطلعوا عشانها اولادنا واستشهدوا ما تحققت، يمكن لو قدرنا أقمنا الدولة المدنية يمكن ساعتها (بطننا تبرد شوية).
صدقات لروح الشهيد:
من أبسط ما يمكن أن نقدمه لأرواحهم الصدقة الجارية ولذلك سألناهم هل قامت لجان المقاومة بعمل أي صدقة جاريه لروح الشهيد فأفادت قائلة: ما لجان المقاومة بس كل الشعب السوداني شارك والحمد لله اتعملت ليه صدقات كتير وعمرات كتير قوافل صحية وأيام صحية، وتم إقامة مركز للكلى بالنيل الازرق بأسمه صدقة له وتم عمل 100 أسطوانة اكسجين في مركز العزل الذي تعمل فيه شقيقته الدكتورة هاجر عبد الحميد وكل الاسطوانات تحمل صورة الشهيد، كذلك تم عمل عربة إسعاف في مستشفى بحري أيضاً صدقة لروحه، وكذلك تم تسمية الشارع الكبير في ضاحية كافوري باسمه شمال مجمع النور.
من المحررة:
من أجل ذلك ولأنهم قتلوا خيرة أبناء هذا الشعب فإن العفو صعب ومستحيل، وكما يقول الثوار يا نجيب حقهم ويا نموت زيهم ،، وكما يقولون أيضاً لن ننسى ولن نغفر.
|
|
 
|
|
|
|
|
| العنوان |
الكاتب |
Date |
| الحزب الشيوعي: التصدي للإنقلاب وإعلان العصيان المدني والإضراب السياسي العام | عبد الله حسين | 10-25-21, 06:39 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 06:45 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 06:55 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 07:00 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 07:46 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 07:52 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 08:11 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 08:15 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 08:28 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 08:43 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 08:58 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 09:15 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 09:42 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-25-21, 09:59 PM |
| Re: الحزب الشيوعي: التصدي للإنقلاب وإعلان الع | بدر الدين الأمير | 10-25-21, 10:36 PM |
| Re: الحزب الشيوعي: التصدي للإنقلاب وإعلان الع | بدر الدين الأمير | 10-25-21, 10:36 PM |
| Re: الحزب الشيوعي: التصدي للإنقلاب وإعلان الع | بسمات الشيخ | 10-25-21, 11:19 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 06:31 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 06:34 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 06:46 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 07:39 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 08:01 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 08:18 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 08:46 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 09:09 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 09:57 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 10:21 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 10:45 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-26-21, 10:53 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-27-21, 07:54 PM |
| Re: الحزب الشيوعي: التصدي للإنقلاب وإعلان الع | كمال عباس | 10-27-21, 08:01 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-27-21, 10:11 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-27-21, 10:15 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-27-21, 10:19 PM |
| Re: الحزب الشيوعي: التصدي للإنقلاب وإعلان الع | هدى ميرغنى | 10-27-21, 10:24 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-27-21, 11:13 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-27-21, 11:18 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-27-21, 11:34 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-28-21, 09:53 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-28-21, 09:58 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-28-21, 10:03 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-28-21, 11:41 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-29-21, 09:53 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-29-21, 09:58 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-29-21, 10:05 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-29-21, 10:09 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-29-21, 10:15 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-29-21, 10:18 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-30-21, 09:55 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-30-21, 10:05 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-30-21, 10:10 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-30-21, 10:48 PM |
| Re: الحزب الشيوعي: التصدي للإنقلاب وإعلان الع | عبد الله حسين | 10-31-21, 11:13 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-01-21, 11:12 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-01-21, 11:36 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-01-21, 11:43 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-02-21, 00:01 AM |
| Re: الحزب الشيوعي: التصدي للإنقلاب وإعلان الع | الزبير بشير | 11-02-21, 09:36 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-02-21, 10:53 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-02-21, 11:28 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-02-21, 11:39 PM |
| Re: الحزب الشيوعي: التصدي للإنقلاب وإعلان الع | عبدالمنعم الطيب حسن | 11-03-21, 10:19 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-03-21, 11:40 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-04-21, 00:05 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-04-21, 00:49 AM |
 Re: الحزب الشيوعي: التصدي للإنقلاب وإعلان الع | Hatim Alhwary | 11-04-21, 06:30 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-04-21, 11:18 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-04-21, 11:22 PM |
| Re: الحزب الشيوعي: التصدي للإنقلاب وإعلان الع | Nasser Amin | 11-04-21, 11:29 PM |
| Re: الحزب الشيوعي: التصدي للإنقلاب وإعلان الع | هدى ميرغنى | 11-04-21, 11:36 PM |
| Re: الحزب الشيوعي: التصدي للإنقلاب وإعلان الع | هدى ميرغنى | 11-04-21, 11:36 PM |
| Re: الحزب الشيوعي: التصدي للإنقلاب وإعلان الع | عبدالمنعم الطيب حسن | 11-05-21, 04:28 PM |
| Re: الحزب الشيوعي: التصدي للإنقلاب وإعلان الع | منتصر صلاح | 11-05-21, 08:16 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-06-21, 00:48 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-06-21, 00:53 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-06-21, 00:55 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-06-21, 00:57 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-06-21, 01:17 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-06-21, 01:29 AM |
| Re: الحزب الشيوعي: التصدي للإنقلاب وإعلان الع | هدى ميرغنى | 11-06-21, 02:59 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 00:58 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 01:05 AM |
| Re: الحزب الشيوعي: التصدي للإنقلاب وإعلان الع | Hamid Elsawi | 11-07-21, 01:12 AM |
| Re: الحزب الشيوعي: التصدي للإنقلاب وإعلان الع | هدى ميرغنى | 11-07-21, 03:24 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 06:04 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 06:13 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 06:26 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 07:45 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 08:38 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 10:15 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-07-21, 10:18 PM |
| Re: الحزب الشيوعي: التصدي للإنقلاب وإعلان الع | هدى ميرغنى | 11-08-21, 12:41 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-08-21, 10:11 PM |
| Re: الحزب الشيوعي: التصدي للإنقلاب وإعلان الع | هدى ميرغنى | 11-08-21, 10:23 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-08-21, 11:09 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-08-21, 11:13 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-08-21, 11:23 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-08-21, 11:26 PM |
| Re: الحزب الشيوعي: التصدي للإنقلاب وإعلان الع | عبد الله حسين | 11-09-21, 00:33 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-09-21, 01:45 AM |
| Re: الحزب الشيوعي: التصدي للإنقلاب وإعلان الع | عبد الله حسين | 11-10-21, 00:03 AM |
|
| |
فيس بوك
تويتر
انستقرام
يوتيوب
بنتيريست