|
Re: خيانة الوطن جينة سودانية متوارثة ومعدومة (Re: حسين عبد المجيد)
|
Quote: خيانة الوطن جينة سودانية متوارثة ومعدومة عند المصري |
لا طبعاً، الملايين التي خرجت يوم 21 أكتوبر تحب الوطن و تفديه بالروح كما فدته في أرض الإعتصام. خيانة الوطن هي الأساس الذي تقوم عليه فكرة التنظيم العالمي للأخوان المسلمين. و خيانة الوطن هي ديدن الإنتهازيين من العسكر و المدنيين و الحركات المسلحة. الفرق بين المؤسسة العسكرية المصري السودانيةة هو أن عقيدة القوات المسلحة السودانية فاسدة تُكرّس لديكتاتورية قائد الإنقلاب ، تدمير كل ما بناه من سبقوه للحكم، و تحقير و اضطهاد المدنيين.
| |
|
|
|
|
|
|
Re: خيانة الوطن جينة سودانية متوارثة ومعدومة (Re: نعمات عماد)
|
Quote: لا طبعاً، الملايين التي خرجت يوم 21 أكتوبر تحب الوطن و تفديه بالروح كما فدته في أرض الإعتصام. |
الملايين ديل الثوار وده الشارع لكن خلي واحد يجي يقعد في كرسي السلطة طوالي يبع ببلاش زي ما باعوا شهداء القيادة ومجازر الـ 30سنة من حكم الكيزان
| |
|
|
|
|
|
|
Re: خيانة الوطن جينة سودانية متوارثة ومعدومة (Re: وليد زمبركس)
|
كتب .. حكيم شمية .. .. 📌مافي مدرعات انحازت للشعب. 📌مافي ضباط اتمردوا علي الانقلاب. 📌مافي ضباط زعلانين من الدعم السريع وما حصل احتكاك بينهم. 📌المدفعية عطبرة منتظرنها من ديسمبر 2018 📌امريكا ما تنتظروا منها الخلاص 📌الاوربيين حدهم الشجب والتنديد 📌الاتحاد الافريقي ح يرفع تجميده بمجرد استقرار اوضاع الانقلابيين. 📌 امين عام الامم المتحدة كلامه لا يتجاوز مكتبه ومافي قرار في يده ما تنتظره الخلاص من برة، خلاص الوطن في يد الشعب الجبار والعنيد، شعب الوطن الثائر قادر انه يقتلع البرهان والجنجويد والمرتزقة. من يراهن علي غير الشعب رهانه خاسر. ما هزم جلادينا غير الشعب.
| |
|
|
|
|
|
|
Re: خيانة الوطن جينة سودانية متوارثة ومعدومة (Re: حسين عبد المجيد)
|
Quote: الشعب الجبار والعنيد، شعب الوطن الثائر قادر انه يقتلع البرهان والجنجويد والمرتزقة. من يراهن علي غير الشعب رهانه خاسر. |
Quote: خيانة الوطن جينة سودانية متوارثة ومعدومة عند المصري |
المقتبسين متناقضات حد الشيزوفرانيا.انت تسئ للشعب السوداني ثم تعود لتكتب كلام إيجابي. تحلى ببعض الشجاعة و قول بوضوح ما تقصد و تحمل العواقب. أما موضوع كتاب الخيانة و تاريخ الحكومات الوطنية مقارنة بالحكومات المصرية، دا موضوع تاني رد عليك الزملاء الكرام بحقائق عن الجواسيس المصريين و تاريخ مصر كله أمامك و لكنك لسبب ما تغمض عينك.
| |
|
|
|
|
|
|
Re: خيانة الوطن جينة سودانية متوارثة ومعدومة (Re: نعمات عماد)
|
يا حسين أصل الموضوع هو وحدانية الاتجاه المصريين ما عندهم قبائل، مافي مصري بقول ليك أنا من قبيلة كذا ودي أصولها كذا. مافي زول بتقدم لي بنت بقولوا ليه انت قبيلتك شنو مصري يعني مصري وخلاص ممكن يتكلموا بالمناطق لتفسير اختلاف اللهجات لكن ما حاجة أساسية، يعني بالهزار يقولوا ليك دة شبراوي ودة اسكندراني لتفسير الشفتنة والصوت العالي مثلاً لكن ما بقسموا الناس بناء على المناطق دي بالتالي الحاضنة الوطنية بتاعتهم واحدة واتجاه إيمانهم القومي واحد، على العكس تماماً من السودان المقسم لحدي أدنى المستويات أي سوداني يتعرف بي سوداني تاني يمكن يكون السؤال عن القبيلة بجي بعد السؤال عن الإسم طوالي البتقدم لي بت قبل يسأله من اسمه بسأله من (جنسه) أيوة القبيلة عندنا هي الجنسية باعتراف الوثائق الحكومية نفسها بعدها بجي التقسيم بالمناطق وإلصاقها بالأسماء حسن خليفة العطبراوي عبد الله الكردفاني حيدر بورتسودان انصاف مدني، وهكذا وحتى جوة الولاية الواحدة يتم التقسيم بالمدن القرى، وجوة المدن يتم التقسيم بالأحياء. ومناظرات زي أحسن بحري ولا أمدرمان بتلقى رواج شديد جوة الأحياء بتلقى التفاضل بالأسر والعوائل، نحن من عائلة فلان العندها تاريخ ومنها فلان وفلان وديل من عائلة غريبة جابهم حلتنا الرزق ساي واستطونوا فيها ياداب ليهم معانا مية سنة بس
نحن الوطنية حقتنا موجودة ومتعصبين في حب وطنا أكتر من المصريين، لكن في اختلاف في مفهوم الوطن بيناتنا هم وطنهم مصر بس نحن وطنا ما السودان يعني هسة انت عملت بوست يفهم منه انتقاص في حق السودانيين لكن المتداخلين معاك بسيطين وباقي المنبر ما شغال بالموضوع، جرب أعمل نفس حركتك دي وبدل السودان اكتب الشوايقة مثلا، الشيخ سيد أحمد براهو بعمل فيك 10 بوستات والباقين حيطالبوا بإيقافك من الكتابة عشان انت عنصري
| |
|
|
|
|
|
|
Re: خيانة الوطن جينة سودانية متوارثة ومعدومة (Re: نعمات عماد)
|
Quote: المقتبسين متناقضات حد الشيزوفرانيا.انت تسئ للشعب السوداني |
اصله نحن شعب متناقض ...
Quote: تحلى ببعض الشجاعة و قول بوضوح ما تقصد و تحمل العواقب. |
انت ذاتك يوم تقعدي في كرسي القيادة حا تخوني المبادئ التي وصلتك للكرسي وده حصل في ثورة ديسمبر لذلك هي جينة ومتلازمة السلطة
| |
|
|
|
|
|
|
|