|
|
 Re: العاهات دي بجيبوها من وين قال andquot;حمدوك أ� (Re: Arif Nashed)
|
من المعروف والمفهوم ان الجماهير بتطلع الشارع من أجل التغيير
وأنت كشريك صاحب سلطة، أو بتمثل حاضنة لها..
عايز تطلع عشان تغيير شنو؟
انت لو عايز تغيير شئ بتغيره بأدوات السلطة، بآليات الحكومة، بالقانون، بالعمل والإنجاز..
ما بالمسيرات البتصرف عليها المليارات من خزينة الدولة ..
لكن أنت ما عايز تطلع الشارع عشان تغيير ..
بل بالعكس، عايز تخرج عشان تثبت وتأييد الكذب والفشل ..
والفشل والكذب ده مسجل وموثق لقياداتك الحالية ، بلا استنثاء...
فشل وكذب استمر سنتين ، تاني عايزنه يستمر لي شنو؟
الكذب والفشل في تحقيق شعارات الثورة ماعايز له بيان،
وواضح وضوح الشمس في نص النهار..
مش ابراهيم الشيخ هو رئيس المؤتمر السوداني الشريك الرئيسي في السلطة
وهو القال نحن ماعايزين انتخابات عشان بتجيب الكيزان
مش الدقير طلع في التلفزيون في بث مباشر و قال "نحن فشلنا"..
وماقدرنا نقدم قضية واضحة ضد المعتقلين من الكيزان؟
خالد سلك مش موثق له قوله: أنحن جينا عشان اي زول يلقى كهرباء،
ونحن جينا عشان اي زول يلقى تعليم،
ونحن جينا عشان نثبت الدعم للمواطن، لان الكيزان كانوا بياكلوا قروش الدعم
ونحن بحسابات بسيطة ١١ مليار زائد ٦ مليار حانغطي منها كل الواردات
ونحقق فائض نوزعه لكل الصرافات ..
التعايشي مش في لقاء في التلفزيون قال نحن فشلنا ؟
محمد وداعة مش قال دي حكومة محاصصات عشان كده نحن استقلنا
وجدي صامولة ومدني جرادل في لقاء على الهواء
مش قالوا نحن مابنجي في مؤسسات الحكومة الجاية
عشان عايزنها حكومة كفاءات
وبمجرد ما اتكونت الحكومة كانوا على رأس مؤسساتها؟
قالوا عايزين حكومة كفاءات وجاؤا هم عشان العيشة تبقى ب٤٠ جنيه
وعشان التعليم يتوقف تماما ، وعشان الكهرباء تتعطل كل يومين
وسعر المتر يبقى اغلى من سعر مائة متر زمن الكيزان؟
جعفر حسن بتاع السفارات زاتو مش قال قبل كده نحن فشلنا
محمد عصمت قال في كم وعشرين مليار حانجيبها من ماليزيا
والتعليم والعلاج يبقى مجان؟
وجدي مش قال استلمنا مليارات الدولارات من الكيزان،
ووجدنا مليارات مخبأة في مخازن وبعضها في حسابات؟
وين مشت المليارات دي؟
وين مشت المليارات الكانت بتصرف على المجالس التشربعية والبرلمان
وين مشت المليارات الكانت بتمشي دعم الوقود والدقيق؟
وين مشت المليارات الكانت بتدفع لمرضى الكلى والسرطان مجانا؟
وين مشت مليارات الجمارك التم تعويمها ؟
وين مشت المليارات الاتحصلت عليها الحكومة بعد رفعت اسعار الرسوم الحكومية؟
بدأً من البطاقة الشخصية والجوازات ورسوم الأرضي والكهرباء والمياه وحتى عبور الطرق
بنسب فاقت ١٠٠٠% في بعض الرسوم
وين مشت يا حكومة ؟
وبعد كده لسه بتنادي في الناس عشان تطلع وتطبل ليك ليه؟
طيب انت عايز الناس تطلع لي شنو تاني ؟
عشان يواصلوا في الفشل والكذب؟
يعني اسه انت ليك سنتين..
-وانت الخبير-
ماقدرت تحقق مؤشرات اقتصادية معقولة ..
وكل بيت سوداني حر يشهد بذلك ..
والسوق قدامك موجود .. والإنتاج في الفترة الانتقالية موثق بالسالب في كل شئ ..
ثم .. لا حققت عدالة .. ولا محكمة دستورية، وحتى القضاة..
ورئيس القضاء والنائب العام اقلت بعضهم بقرار سياسي..
والباقين ماقدروا يصبروا على مخالفاتك وفشلك
وين المحكمة الدستورية والمجلس التشريعي يا قحاتة ؟
ويين العدالة والنزاهة؟ والمحكمة العليا نقضت كل قراراتك..
وتركتك تحرث في البحر ..
وين العدالة ولجنة أديب سنتين "تلت وتعجن"؟
وين العدالة والانقاذيين قاعدين في السجون سنتين ماقادر تحاكمهم؟
يا اخ انت طلعت كذاب وفاشل .. ليس الا ..
رئيس لجنة التمكين استقال .. وقال دي ممارسة مابتشبه اي عدالة
عائشة بتاعة السيادي استقالت ، وأقرت بالفشل
بعد ان طلعت علينا كل مجرمي البلد من السجون وتركت السياسيين بلا محاكمات
مجلس تشريعي مافي..
انتخابات مافي فيها امل وانت في السلطة ..
وبعد ده كل فشلكم ترموه في العسكر والكيزان
العسكر متين قالوا ليكم ادونا السلطة؟
والكيزان متين قالوا ليكم شاركونا السلطة؟
الناس ديل كلهم قالوا ليكم وسعوا مواعين السلطة
لانه السودان ما كله اربعة أحزاب..
وما ممكن جماعة سياسية لا تعادل واحد في المائة من الشعب
تحكم البلد بحاله..
طيب انت عايز الناس تاني تطلع ليه؟
انت عايز الناس تطلع عشان ترخص ليهم الاسعار وتدعم الكهرباء والوقود من جديد وترجع سعر الرغيفة بجنيه؟
ام عايز الناس تطلع ضد قادة السلام الجابهم التعايشي، ومن ثم صفرت بيهم الفترة الانتقالية من جديد
وجبت بيها البرهان رئيسا للمجلس السيادي ليبدأ فترته من جديد ولسه ما مرت عليه سنة؟
يا جماعة وبالواضح كده..
الحكومة دي ماحكومة كفاءات ولاعندها عقلية تقدر تدير بيها فترة انتقالية ..
الحكومة دي مجرد شركاء متشاكسين ماحايقدروا يتوافقوا على صحن فتة ، ناهيك في إدارة دولة ..
حمدوك نفسه أكبر فاشل، ولقد أقر بوجود خلافات ونزاعات بين المكون المدني ذات نفسه
فما بالك ببلد فيها ١٠٠ حزب و٨٨ حركة مسلحة ومئات القبائل والنظار والعمد والمشائخ
وباختصار ياسادة ..
اي زول يطلع يوم ٢١ اكتوبر حايكون سبب في استدامة الفشل والكذب
واي زول يؤيد الخروج للشارع أما منتفع، أو طامع في المنفعة الشخصية،
أو مغفل نافع .
مافي خيارات تانية ..
والسلام ختام.
..
..
ردود على مداخلات بوست سابق..
| Quote: كدي حاول جاي جاي بتلقى لينا فرقة |
فرقة شنو تاني ياخ ..
ما ياما مستفيد انت من تأييدك حكومة فاشلة
أو الحكومة الفاشلة بتستغلك عشان تحقق بك أهدافها غير المعلنة ..
أهداف الثورة والتغيير كل الشعب بيعرفها وسعى لها
لكن حكومة اليسار هذه لن تحقق الا أجندة الغرب واحزاب السفارات
انت موقعك وين يا اخي؟
| Quote: عشان الكداينة ياخدو حقوقهم كاملة |
كداينة يا واطي؟
هو في كداينة غيرك في المنبر ده؟
| Quote: لكن صراحة ما خليت لي فرقة أتضامن معاك نوهائي |
والله انا المالقيت لي فرقة اتعاطف تأتي مع أي فاشل، أو مؤيد لفاشل ..
الحقيقة واضحة وضوح الشمس ..
الحكومة فاشلة .. وكنا بنحاول نرشدها سبل الصواب حتى تتعدل
لكن مؤخرا جابت ليها غتاتة على فشلها ..
وجابت ليها أساليب ملتوية عشان تضلل الناس وتتمكن من رقابهم
يااخ انت لو بتكره الكيزان ومناوي وجبريل وهجو.. الخ
ده حقك ، ومافي زول بنازعك عليه ..
لكن أنت الآن في سلطة تخضع لها رقاب الشعب
ولا قدرت تصلح حالهم ، ولا عندك الرغبة تطور البلد
عايز الناس تطبل لك ليه؟
عايز تواصل في السلطة عشان تحقق شنو ماقدرت تحققه في سنتين؟
الكيزان فشلوا .. على عيني وراسي
لكن أنت حتى مرحلة فشلهم ماقادر تحصلها
تاني نسكت ليك ليه؟
والله يا عمر اب عاقلة لنقومنهم بالسيوف أو يذهبوا إلى الجحيم،
ان لم تنفع الكتابة..
| Quote: خليك متحضر كداينة شنو قول مثليين |
لعلمك يا ماك عارف..
المثليين منكم
وكولومبيا منكم
وبتاعين البرمودات في الشارع منكم
وبتاعين البناطلين الناصلة منكم
والمفلفلين شعرهم منكم
وبتاعات الجندر ديك ومين شوقي وبتاعة الثقافة الجنسية والاستعانة بصديق..الخ
كلهن منكن وشغالات في تعديل قانون الشخصية ..
واحمد عمر١، واحمد عمر٢ منكم
تاني فضل لكم شنو؟
و| Quote: طالعين عشان " اى كوز ندوسوا دوس" |
والناس حاتستفيد شنو؟
وانت في السلطة سنتين ماقدرت تدرسهم لشنو؟
شوف يا معاوية..
دي شعارات انتم ما قدرها
ولو البلد دي دورت دوس، ما حايسلم أحد ...
وقسما بالله الدم يحصل الركب ..
ولو دي ياها بناكم ليها ، اخير تشوفوا حركة مسلحة وتجوا تدوسوا الكيزان بيها
لكن باليات الحكومة.. ما حانخليكم تعملوا حاجة الا بالقانون ..
والدولة ما حاتمشي لقدام الا بالقانون ..
ولو ان قحت ١ وقحت٢ والمجلس العسكري اشتغلوا بطريقتهم دي
مائة سنة البلد دي ماحاتعبر..
رفعت للاقلام وجفت الصحف ..
Quote: طالعين عشان
عيون اطفالنا ما تضوق الهزيمة |
خطابات الكراهية والبيضاء عمرها ما حاتبني وطن
ولا تعمر بلد ..
وعشان اطفالك واطفال كل السودان ماتشوف الهزيمة
انت محتاج تبنى بلد عملاق ..
والبلد ما ممكن يتبني صحيح
اذا كنت تبني وغيرك يهدم
أو إذا كنت تهدم وغيرك يبني
البلد دي ماحت زول عشان يقول للاخرين اسكتوا
وما ملك لاحظ عشان يحاول يحتقر الناس ..
عايز تأسس دولة لازم يحصل توافق عام على فكرة البناء
والناس ممكن تتوافق على الدستور، على البناء، على الشغل، على الشراكة الحقيقة، على تقوية مؤسسات العدل والإنتاج..
لكن يستحيل تتوافق على شغل الدوس والاقصاء
ولو عايز الدواس، حايجيك في بيتك بعد البلد تخرب..
وعندها لا حتلقى اطفال، ولا حاتضوق طعم النصر ..
شكرا الكبير عادل
وشكرا لكم جميعا اخوتي القراء والزملاء
انتهى.
..
..
Quote: *كيزان حرامية*
*بتاع البرادو*
عندما قامت ثورة ديسمبر قامت عشان شنو ؟
مش عشان الحاجات دى 👇
الرغيف✅
البنزين و المحروقات✅
الأزمة الاقتصادية✅
دى مش مسببات ثورة ديسمبر
طيب يا جماعة الحكومة بتاعت الثورة دى عملت شنو فى المشاكل دى ؟؟
الرغيف كان بكم ؟؟
بجنية
الآن
الرغيفة وصلت ٧٥ جنية ( دى الرغيف التجارى )
و برضو بعد دا كلو ممكن ما تلقاهو
ياخ الرغيف المدعوم ابو خمسة جنية كلو تراب و ما بتاكل .
و دا و الله لو كان زمن الكيزان ( الحرامية ) دا للحيوانات ما بدوه ليهم .
الآن
تاكل و انت ساكت🤔 ( دا ما عملتو بايدك ).
تجى البنزين و الجاز
جالون البنزين كان بكم ؟
٢٨ جنية و لا انا غلطان
غشونا
غشونا
قالوا بتاع البرادو يشيل بنزين المساكين مجان 😁
خلاص تخلى بنزين عادى ب ٢٨ جنية
وواحد تجارى لبتاع البرادو
ب ١٢٥ جنية
قمنا كلنا صفقنا لحكومتنا 👏👏
يا سلام عليك يا حمدوك
يادوب شلت لينا حقنا من بتاع البرادو
و بهناك ناس المواصلات ذادو قيمة المواصلات ( قلع عديل كدا )💪
بعد شوية كدا البنزين العادى ابو ٢٨ جنية بقا ما فى 😁
بقا كلو تجارى
يعنى بقينا كلنا مع بتاع البرادو 🙆♀️
( يعنى كلنا فى الهوا سوا انحنا و بتاع البرادو 😁)
بعد شوية كدا قالو لينا خليكم انتو هنا جالون ب ١٢٥ جنية 😁
حنرفع السعر لبتاع البرادو
قمنا تانى صفقنا لحكومتنا 👏👏
بلو لينا بتاع البرادو دا تااانى
قامو بقو جالون البنزين ب ٢٥٠ جنية لبتاع البرادو
و تانى ناس المواصلات زادو لينا السعر .💪🤙
و انتو يا ناس حكومتنا قاعدين اتفرجوا 👀
و كل مرة يزيدو لبتاع البرادو و يقومو يخلونا محل بتاع البرادو الزمان 😁
حسا يا جماعة وصلنا سعر الجالون ١٤٥٠ جنية
و بتاع البرادو مات و لا شنو ما عرفناهو؟
😁
اتارى عرفنا فى النهاية بتاع البرادو بقا وزير 😁
و بدل كان بياخذ البنوين من الطرمبة بقا بدوهو ليهو مجانى 🤙
ما خلاص بقا وزير
و انحنا بقينا ماشين كدارى 🚶♂️
اها
دا الحل فى البل
بلونا لمن قلنا الروب 😁
و كمان الروب الحامض 🙆♀️
الخلانا ماشين سكارى و ما نحن بسكارى 😁
و لكن البل علينا كان شديد 🤔
قلنا الروب ما حلانا
الروب الحامض و معاهو زبادى ما حلانا 😁
اخيرا ناس فاتو ركبو السميك 🏃♂️
و الشعب السودانى كلو جارى على الجوازات 🏃♂️🏃♂️ خايفين من البل
و دا كان تطبيق عملى لشعار الثورة
الحل فى البل 🤣🤣
نجى للغاز
كان ب ٢٥ جنية
اى و الله بخمسة و عشرين جنية
👂 سامع يا مان
👂سامع يا راستا
👂سامع يا بتاع الرصة و المنصة
قامو خلاص حريقة فى الكيزان
كل يوم يزيدو لينا فى سعر الغاز
الليلة بكم يا مان ✋
و انحنا نصفق 👏👏
كيزان حرامية
كيزان حرامية 😁
لمن رجعنا تانى للفحم و الحطب 🤣
بس الله يستر ما نرجع للعصر الحجرى 🤷♂️
نجى للدولار كان ب ٦٥ جنية
قالو ناس الحرية و التغيير
( حكومة الثورة )
قالو لو ما جينا كان الدولار بقا ب ١٠٠ جنية 😁
قام الدولار التقول سمع كلامهم دا
بقا ب ١٠٠ جنية 😎
الدولار ارتفع و انحنا تانى قلنا الروب
( الروب الحامض و بزبادى كمان 🤣)
الاسعار طارت السما 🕊
و الجداد الالكترونى يصبر فينا ساكت 🐣
اصبروا نبل ليكم الكيزان
💪
و كل خميس يبلو لينا الكيزان و انحنا نصفق 👏👏
خميس البل خميس البل 😁
اتارى كان الجماعة( ناس البل ) بهناك قاعدين يتبلو بالدولارات ساكت ⛷🏊♂️🎟
قالو بتاع النيابة براهو لقو عندو
( ٧٠٠ مليار )🙆♀️ ( الكترااااااابة )
و انحنا كنا شغالين
( الحل فى البل )
( الحل فى البل )
😁
اها حسا الدولار بقا ب ٤٥٠ جنية
و لسا 🏃♂️🏃♂️
اها يا جماعة الحساب ولد
عملتو لينا شنو فى الاسعار ؟؟
و عملتو لينا شنو فى الخبز ؟؟
و عملتو لينا شنو فى البنزين ؟؟
و عملتو لينا شنو فى الأمن؟؟
و يجيك واحد يقول ليك
اطلع فى يوم ٢١
اطلع لشنو ؟؟
طلعت روحك 😤
عملتو لينا شنو عشان نطلع ليكم ؟
طلعتو زيتنا زاتو 😭😭😭
و الخميس الجاى فعلا خميس البل يعنى حنبلكم انتو زاتكم 💪
و الحل فى شنو ؟😎
( الحل فى البل )🤙
ملحوظة
يجيك واحد يقول ليك
انت حسا بقا حر ( حر و هر )
تتكلم بحرية ما فى زول بسالك 😎
تشرب سجارتك بتاعت البنقو بمزااااج ما فى زول بسالك 🤷♂️
( و البنقو محل الشاى و البنقو يكون مجان ) 😭😭
و انحنا الآن سكارى و ما نحن بسكارى 🕺🕺
و ما تقول تعال يوم ٢١
بل بس 💪
( مزكرات زول كان مغشوش ) |
Quote: القحاتة انتو ليه طالعين ٢١ اكتوبر؟
طبعا عشان نحمي الوثيقة الدستورية والتحول الديمقراطي
طيب هل انتو نفذتوا كلام الوثيقة الدستورية القال تكونوا مجلس تشريعي خلال تلاتة شهور..؟
لا
لكن برضو نحنا مع الوثيقة
طيب انتو نفذتوا الوثيقة القالت يجب تكوين حكومة كفاءات غير حزبية؟
لا
لكن نحنا مع الوثيقة
طيب انتو كونتوا محكمة دستورية باعتبارها اعلي سلطة في البلاد ومجلس قضاء عالي يختار رئيس القضاء والنائب العام ووكلاء النيابة
لا
لكن نحنا ماسكين في الوثيقة الدستورية وملتزمين بالتحول الديمقراطي
طيب بالنسبة للتحول دا مش انتخابات؟
اي
طيب الانتخابات مش عايزة قانون انتخابات وتعداد سكاني وكشوفات ودستور و.. و...
اي
اها عملتوا حاجة من ديل
لا
لكن نحنا مع التحول اكيد
امممم
طيب خلونا من دا كلو
هل طلعتوا تقرير لجنة فض الاعتصام.... ورئيس اللجنة ما عسكري بل مدني وقحاتي.. وكمان رئيس اللجنة القانونية لقحت
تخت يدو وبيد العالم كل الادلة.. والفيديوهات وصور الناس الفضت ظاااهرة صوت وصورة
لا ما طلعنا ولا حاولنا نطلع تقرير فض الاعتصام
اها طيب الماتوا خلوهم
الحيين الاحياء من الثوار الجرحى.. هل عالجتوهم
هل لمن جوكم في مكانكم في مجلس الوزراء اكرمتوهم
امممممم
طيب دا كلووو خلو وانسوا...
انتو شايفين انو قحت ٢ قعدت مع العسكر؟... طيب انتو مش القعدتوا مع العسكر وصرحتوا نعمل في تناغم تام وكرمتوا حميدتي مية مرة.. وجبتوهوا رئيييس لجنة اقتصادية... وسلمتوهم ملف السلام والعلاقات الخارجية
مش انتو العملتوا كدا ولا زول تاني
لا لا انتو ضد الثورة والخلافات ده ما وقتها و نحنا الثورة نحنا الوثيقة الدستورية نحنا التحول الديمقراطي... لب لب لب.. و.. و...
خم.. تاني موت... تاني متاجرة
وهكذا دواليك
المهم رؤية لجان المقاومة تكون منفصلة و الشارع ده المره دي ملك الشارع كلجان مقاومة
تفرض مطالبها على كل القرف الفوق ديل؛ يا كمان كل الخيارات متاحة بما فيها #تسقط_تالت
#مليونية_21_أكتوبر |
|
|
 
|
|
|
|
|
| العنوان |
الكاتب |
Date |
 العاهات دي بجيبوها من وين قال "حمدوك أكبر فلول" 😂😂 | Arif Nashed | 10-19-21, 07:48 PM |
| Re: العاهات دي بجيبوها من وين قال andquot;حمدوك أك� | اخلاص عبدالرحمن المشرف | 10-19-21, 07:59 PM |
| Re: العاهات دي بجيبوها من وين قال andquot;حمدوك أ� | Arif Nashed | 10-19-21, 08:09 PM |
| Re: العاهات دي بجيبوها من وين قال andquot;حمدوك أ� | Arif Nashed | 10-19-21, 08:13 PM |
| Re: العاهات دي بجيبوها من وين قال andquot;حمدوك أ� | Arif Nashed | 10-19-21, 08:18 PM |
| Re: العاهات دي بجيبوها من وين قال andquot;حمدوك أ� | صديق مهدى على | 10-19-21, 08:25 PM |
| Re: العاهات دي بجيبوها من وين قال andquot;حمدوك أ� | Nasser Amin | 10-19-21, 08:22 PM |
| Re: العاهات دي بجيبوها من وين قال andquot;حمدوك أ� | Arif Nashed | 10-19-21, 09:31 PM |
| Re: العاهات دي بجيبوها من وين قال andquot;حمدوك أ� | Arif Nashed | 10-20-21, 06:00 AM |
| Re: العاهات دي بجيبوها من وين قال andquot;حمدوك أ� | Osman Musa | 10-20-21, 08:25 AM |
| Re: العاهات دي بجيبوها من وين قال andquot;حمدوك أ� | Arif Nashed | 10-20-21, 11:39 AM |
| Re: العاهات دي بجيبوها من وين قال andquot;حمدوك أ� | عمر التاج | 10-20-21, 01:33 PM |
| Re: العاهات دي بجيبوها من وين قال andquot;حمدوك أ� | Arif Nashed | 10-20-21, 03:08 PM |
| Re: العاهات دي بجيبوها من وين قال andquot;حمدوك أ� | Arif Nashed | 10-20-21, 03:08 PM |
| Re: العاهات دي بجيبوها من وين قال andquot;حمدوك أ� | Arif Nashed | 10-20-21, 03:08 PM |
| Re: العاهات دي بجيبوها من وين قال andquot;حمدوك أ� | ABUHUSSEIN | 10-20-21, 06:54 PM |
| Re: العاهات دي بجيبوها من وين قال andquot;حمدوك أ� | عمر التاج | 10-21-21, 05:44 AM |
| Re: العاهات دي بجيبوها من وين قال andquot;حمدوك أ� | Ahmed Yassin | 10-21-21, 06:00 AM |
| Re: العاهات دي بجيبوها من وين قال andquot;حمدوك أ� | ABUHUSSEIN | 10-21-21, 06:18 AM |
| Re: العاهات دي بجيبوها من وين قال andquot;حمدوك أ� | Arif Nashed | 10-21-21, 07:56 AM |
| Re: العاهات دي بجيبوها من وين قال andquot;حمدوك أ� | Arif Nashed | 10-21-21, 08:02 AM |
| Re: العاهات دي بجيبوها من وين قال andquot;حمدوك أ� | Arif Nashed | 10-21-21, 08:17 AM |
|
| |
عمر التاج
فيس بوك
تويتر
انستقرام
يوتيوب
بنتيريست