|
Re: اثر الخبز على تعلم التلميذ في السودان (Re: عمر التاج)
|
سلام عليكم من ناحيه مراعاة ظروف الطلاب قرار جيد مش كدا بل اصبحت البليله العدسيه هى من الوجبات المناسبه للطلاب فى بعض الجامعات بسبب ازمه الخبز. تصور اثناء الامتحانات قبل كم اسبوع كل كافتيرات الجامعه مافيها غاز و(تم استيراد طعميه وشيبى من برا عشان اليوم يمشى على خير) احيانا ظروف بعض الاسر لاتمكنهم من توفير الخبز قبل الذهاب للمدرسه لذلك بعضهم الطلاب اعتدنا عليهم قبل المدرسه يجو يقيفو فى الصف الواحد/ة مع الاصعر سنا من الاخوه بلبس المدرسه والشنطه قبل المشى للمدرسه عشان خبز الفطور لدرجه الناس بتقدمهم عشان يشترو ويلحقو مدرستهم الفرن فى طريق المدرسه ولا لا ؟ يصلو متين المدرسه يمكن وقت بعد بدايه الحصه الاولى ؟ الكارثه انو العيش المدعوم جزء من ازمتو بعد المدارس انو الافران بتبيعو للناس البيعملو الفطور فى المدارس وماجاورها وديل بيبعو على اساس اقطعه الخبز تجاريه ويحسبو الوجبه على كدا
العمليه التعليميه اصبحت فى وضع مرتبك طبعا دا غير وضع بعضو ممتد من ايام الانقاذ ظروف الحياه وضغطهاخلت البعض يتغيب جزء من اليوم او ايام من المدرسه عشان يشتغل اكياس مويه ورنيش ..الخ (بتذكر واحد بعمر 11 سنه بيجى من اطراف امدرمان عشان يشتغل ورنيش فى بحرى اكتشفت لاحقا انو هو اخوه الاكبر منو 14-15 سنه بيطلعو بالتناوب واحيانا بيطلعو فى يوم واحد)وينمنظمات المجتمع المدنى وديوان الزكاة ..الخ(طبعا موضوع برا البوست لكنها حزمه كلها من تداعيات الاوضاع الاقتصاديه وسوء الاداره والتخطيط زمان قلنا حتى الشعار اولوياتو غير معبره عن فم دقيق لمسار تغيير حقيقى
عيش - حريه - كرامه انسانيه عيش - حريه - كرامه انسانيه
|
|
|
|
|
|