كتب الكاتب الفاتح جبرا المتوفرة بمعرض الدوحة
|
Re: الجزيرة- تِرِك: مستعدون لإزالة المتاريس و� (Re: أمير فرح)
|
يا جماعة ترق قال هو محمي بالمكون العسكري، أقصد اللجنة الأمنية.
يعني اللجنة الأمنية مسؤولة عن كل أفعال و أقوال ترك.
و بالتالي اللجنة الأمنية أضرت بقضية الشرق. كما تسببت في الضائقة
المعيشية في كل السودان و الندرة، فمن يحاسب اللجنة الأمنية؟
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: بسمات الشيخ)
|
Quote: يا جماعة ترق قال هو محمي بالمكون العسكري، أقصد اللجنة الأمنية.
يعني اللجنة الأمنية مسؤولة عن كل أفعال و أقوال ترك.
و بالتالي اللجنة الأمنية أضرت بقضية الشرق. كما تسببت في الضائقة
المعيشية في كل السودان و الندرة، فمن يحاسب اللجنة الأمنية؟ |
شكرا د. نعمات.. بالطبع ترك زول مسكين وغير ملم بعظائم السياسات والأمور وتم استخدامه لفترة محددة وانتهت مهمته تماما فقد كان واضحا أن الذين استغلوه سيتخلوا عنه مع أول (عين حمرا) تأتي من أوروبا وأمريكا. هذا الرجل لم يضع في حساباته ماهية البحر الأحمر والقوى الكبرى وصراعاتها حول أهم معبر مائي في العالم ، ومن أول (نظره) تخلى الذين استغلوه عن خططهم وتخلى هو عن كافة مطالبه المعلنة ، وموضوع الرسوم الجمركيه دا لحفظ ماء الوجه والكل كان يعرف أنه سيرضى من الغنيمة بالإياب. لكن يجب على أية حكومة في الخرطوم أن تكون أولى أولوياتها حال أهلنا في الشرق وقد كتبت في ذلك منذ سنوات لأني عشت في معظم أقاليم السودان ورأيت البؤس والحروب الأهلية من أقصى الغرب إلى أقصى الشرق لكن ما شهدته في الشرق من بؤس وعِوز ومسقبة شئ لايصدق ولا يمكن أن يخطر على عقل بشر. أولئك السودانيين الأصائل لم يجدوا إنصافا من أية حكومة وإن لم توجه حكومة حمدوك كافة جهودها ومعظم مداخيلها - على قلتها- الآن وليس غدا لإنقاذ الشرق فهي ترتكب جريمة كبرى بحق أهلنا في الشرق. كفى ما ظلوا يعانوه لثلاثين عاما وما ظل يقدمه لهم المخلوع من وعود كل عام بأن يسقيهم من مياه النيل حتى أصبح أضحوكة بين أهل الشرق ومدعاة للتندر.
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: طلحة عبدالله)
|
كرت الميناء ـ سلاح ذو حدين نبدأ بكرت الميناء الميناء هو هو مركز فدرالي ـ أنشأ علي هذا الأساس ـ عوائد الميناءوكما هو العرف جزء يذهب للحكومة الفدرالية وجزء للشرق تقسيم عادل ـ مركز وإقليم ـ ........ بعدين للناس اللي بتتكلم عن عوائد الميناء ـ رسوم الميناء والخدمات بتختلف عن الجمارك واللي إشرافها وتحصيلها فدرالي ـ مركزي ـ عندك نسبة كإقليم في رسوم الميناء والخدمات والأرضيات بس الجمارك دي وضعها مختلف .....
إتخيلو لو النيل ينبع من جهات الناظر ترك كان عمل شنو؟ ولو كهربة السودان منبعها أو ممرها جهات ترك كان عمل شنو؟ ولو طرق تصدير الإبل والماشية من غرب السودان لي مصر تمر عبره كان عمل شنو ؟ ولو المواني والنيلية والبرية ـ من وإلي مصر تمر عبر طين ترك كان عمل إيه؟ ......
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
Quote: ⛔️⛔️⛔️ ترك غرق … لم اتوقف كثيراً عند البيان الصادر من الترويكا وامريكا وبريطانيا حول احداث الشرق ودعمهم للمكون المدني واشارتهم للمكون العسكري بضرورة انهاء مهزلة الشرق فوراً ،، فالعالم كله يعلم حقيقة ما يجري ومن يقف خلفه . لكن توقفت كثيراً عند تصريح المدعو ترك : لو لاحظنا تسلسل الاحداث نجد ان المدعو ترك بدأها بقصة مسار الشرق وحقوق اهله البجا . . ثم تطور الامر واشترط اقالة حمدوك ولجنة ازالة التمكين وهو امر مضحك لا علاقة له بحقوق اهله او قضايا الشرق . ثم وصلنا مرحلة الكوميديا عندما طالب بالانقلاب العسكري ولا اعلم ما علاقة هذا بحقوق اهله . اليوم تخلى عن كل شروطه السابقة وخرج بشرط جديد وغريب وعجيب لم اسمع اغبى منه في التاريخ البشري . بربكم هل سمعتم باحد يطالب دولته بالغاء الرسوم الجمركية ؟؟ كنت ساتفهم مثلا لو قال ان الرسوم الجمركية يجب ان يكون جزء منها مخصص او كلها مخصصة لاهله كأحد المطالب لكن ان يطالب بالغاءها فلعمري هذا اقبح واغبي ما صدر من شخص في تاريخ البشر . محزن جداً ان يتم استغلال رجل بكل هذا الجهل والسطحية في امور سياسية دون النظر الى ما يمكن ان يتعرض له الوطن من مخاطر ومؤسف جدا استغلال البسطاء والجهلاء من خلفه ليكونوا وقود قذارة سياسية لا يفهمون ابعادها . ان المكون العسكري الذي قام بجريمة فض الاعتصام لا يتورع في فعل اي شئ حتى لو استخدم رجل بكل هذا الجهل في تهديد استقرار وطن بكامله . على المكون العسكري ايقاف هذه المسرحية المكشوفة فوراً وان يترك اهل الشرق في حالهم ويواجه التحدي بشرف مع علمي انهم بلا شرف لكن على الاقل شرف الزي الذي يرتدونه . هشام عباس
|
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد جبره)
|
ارجو من الحكومة التعامل بحكمة و توفير مخرج ظريف لا يريق ماء وجه الزعيم ترك! مهما كان فهو زعيم في أهله وكبير و في عرف الادارات الاهلية الكبير كبير اي كسرة او فنسة زي دي تمس اهله و قبيلته جميعها فا حقو يشوفوا ليه حجة كدا يقدر يعمل فيها انتصر قدام اهله و يوافقوا مثلا على الغاء رسوم الجمارك!
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد جبره)
|
Quote: هههه ذكرني عادل امام في فيلم الإرهاب والكباب لما احتلوا المجمع و سألوهم طلباتكم شنو قالوا عاوزين كباب
|
ههههههه بس الحكومة تتعامل بجدية مع الموقف ، الحل مؤتمر للشرق و لو أدي لمراجعة المسار. دي فتنة مبيتة لمكونات شرق السودان الناس تبقى عاقلة و تفكر في حل عقلاني
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Hafiz Bashir)
|
الزول دا أكبر غلط إرتكبو هو إستبدال الإقليم والجهة بمكون عرقي محدد وإذكاء نار فتنة قبلية وعرقية ـ بدلا من رتق النسيج الإجتماعي للشرق وإقحام أجندة لاعلاقة لها بالشرق وأهله وإنما هي أجندة حزبية وأجندة تخص العسكر في صراعهم مع المكون المدني بإختصار إي ربط للكيزان أو العسكر بقضية الشرق ـ يعد خصما عليه محليا وخارجيا الجمارك الجمارك دي قضية فدرالية وسيادية ماعندك بيها شغلة تحدث عن قسمة عادلة لرسوم الميناء والخدمات والأرضيات ـ وكمان الزول لو ـ ضايقو شخصيا في جمارك أوهبشتو لجنة التمكين في حتة ـ اليشوفو ليهو حل فردي ماهو حميدتي يسرح ويمرح من أن دون أن تهبشو لجنة التمكين ! ولو عاوز يحصل كرتي ومحمد عطا في تركيا خلوه يمشي !
أما الشرق فلابد ـ من دراسة علاقة مسار الشرق بالغبن وتطوير المسار وإختزال سلبياته ـ ومواجهة مشكلة العطش والسل والإهمال ـ مع إزالة المظالم أو تخفيفها وتنمية المنطقة وإنسان ـ ودا واقع ماعندو علاقة بحضور أو غياب ترك عن المشهد ـ
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: كمال عباس)
|
Quote: ..........
. رحّب الأمين ترك بوساطة جنوب السودان في هذه القضية رغم عدم إخطاره بها رسميا، كما نفى تسلمه أي اقتراح وساطة من الحزب الاتحادي في هذا المجال.
ورفض تدخل الجبهة الثورية في قضايا شرق السودان،. وقال إن نظارات البجا والعموديات لا تحتاج دعما من المكون العسكري، لكن المكون المدني كان يريد من العسكريين إبادة شعب شرقي السودان، وفق تعبيره.
وأضاف أن الحكومة السودانية تضربها الانشقاقات وعليها ترتيب بيتها الداخلي قبل الحديث مع نظارات البجا والعموديات المستقلة. .
وأضاف أن الحكومة السودانية تضربها الانشقاقات وعليها ترتيب بيتها الداخلي قبل الحديث مع نظارات البجا والعموديات المستقلة. |
" لكن المكون المدني كان يريد من العسكريين إبادة شعب شرقي السودان، وفق تعبيره." طبعا حميدتي وكعادته وكذبه المعهود يكون وراء هذه الفرية ياترك الجماعة ديل جونا وقالو لينا ماتخلو نفاخ نار من البجا ـ حرضونا علي كتلكم ونحن رفضا ! .
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: كمال عباس)
|
اخر خبر وصلنا من مصادر موثوقة ان وفدا امريكيا قابل البرهان في مكتبه وقالو له: اننا نعلم انك انت الذي امرت هذا المدعو ترك بان يقفل طريق الشرق ويغلق الميناء ونحن نحذرك بتنه اذا لم يتم فتح المتاريس وفتح ميناء بورتسودان قبل ان نخرج من باب مكتبك هذا فاعلم انك تتحمل المسؤولية كاملة وتتحمل تبعات ذلك ...والنتيجة النهائية انك سوف تفقد سلطتك ومعك نائبك ... ورد البرهان : نعم يوف افعل.. وقبل ان بخرج الوفد من باب مكتبه امر البرعان ترك بفتح الطريق فورا ..وانصاع ترك وتم فتح الطريق والميناء.. عاوزين واحد قريب من بورتسودان يتاكد لينا من ان الطريق فاتح ..عشان نتاكد ان الخبر صحيح
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد محمد قاضي)
|
في واحد إسمه شريف دايتك طه عيسى مافضل ليهو إلا ليهو إلا يقول الأمريكان ليكم تسلحنا وأمريكا برطانيا قد دنا عذابها ـ وأمريكا تحت جزمتي لأمريكا ولا أي طرف سوداني أنكر مظالم الشرق أو تنكر لمشروعية المطالبة ـ ومافي زول عندو مشكلة إنو ترك يكون في صدارة قضايا الشرق بعيدا ميوله الحزبية و أجندة العسكر ومن دون يكون أداة لتمزيق نسيج الشرق الإجتماعي ! ياترك المتغطي بالعسكر عريان ـ والمراهن علي الكيزان خسران العسكر والنوائح الكيزانية المستعارة حايشيلوكم وش القباحة ووقت الحارة وقتها سيهرب برهان وحميدتي ويتركونكم في الصقيعة
ـ مسار جوبا يمكن أن يتطور ويتعدل وإي مطلب وهم شرقي يمكن التفاوض حوله ـ بس حافظ علي وحدة وتماسك الشرق ...
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
والله حالتكم بقت سعبة عديل يا عبيد الكفيل.. بقيتو إريتريين وإماراتيين أكتر من ديل ذاته 🤣
جمارك شنو..وخرابيط شنو .. مسرحي مؤتمر البجا أدوا التمام لترق.
ومطالبنا العايز يقعد معانا..يلغي المسار الوهمي دا أولا..
جمارك قال ..إنتو بصراحة فقدتو صوابكم عديل كدا ..!! قلتو لي شنو ..ما محتاجين لموانيكم..وعايزين تصدروا عن طريق موانئ إريتريا وليبيا ومصر ..أحي أنا للعملاء وخياراتهم العبيطة🤣 عمااالة لا تنتهي!!
كنداكات مسرحي مؤتمر البجا ومناضلات مركزية طلاب مؤتمر البجا ..يخطبن في ترس الميناء.. ويهتفن حقنا كامل وما بنجامل.. مستعدات لحمل السلاح مجددا.. يسقط مسار النخاسة.. سمسروا بعيدا عن موانينا.. https://www.facebook.com/106619401483772/videos/1257555484693456/https://www.facebook.com/106619401483772/videos/1257555484693456/
لن يتم فتح اقليم شرق #السودان الا بإلغاء مسار #الشرق وتنفيذ مقررات مؤتمر #سنكات
#اعلام_المجلس
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: AMNA MUKHTAR)
|
Quote: لن يتم فتح اقليم شرق #السودان الا بإلغاء مسار #الشرق وتنفيذ مقررات مؤتمر #سنكات |
أيوة كدا! دا الكلام الفيه فايدة، المطالب الحقيقية، مالكم ومال حل الحكومة واستقالة حمدوك و حل لجنة التفكيك ودردقة جعفر حسن من الجبل! بدل تكونوا عبيد لعبيد الكفيل زاتهم يشتغلوا بيكم سياسة و يرموكم لما ينتهي دوركم! بس سؤال، ترك عارف كلامكم دا! لانه كان واقف في محطة الجمارك آخر مرة شوية يستر بيها رقبته
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: AMNA MUKHTAR)
|
اههه بعد كلام امونة السمحة في كلام؟ أولاً يا امونة نثمن موافقة الناظر ترك علي الحوار وثانياً نثمن اهتمامه بوقف الظلم علي اهله وقد اثبت انه في الشدة بأس يتجلي يللا يا امونة بعد الكلام ده عليكم الله افتحوا الميناء ، ناس ق حت عرفوا حاجة وحتي سارقي المسارات ولوردات الحرب تاني ما بحو. اما ال من وراء ستار ف خليهم وراء ستارهم وابدأوا التفاوض ومن موقع قوة.
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
مولانا حافظ سألك سؤال ليه ما جاوبت عليه ؟ كان وفرت على نفسك بوست التهريج دا ..
قال ترق إنفنس قال .. غايتو بس ..إكتشفت إنكم ما بتعرفوا أي حاجة عن البجا !!
وفي حاجة مهمة عايزه أقولها ليكم. ( قصة التنمية والسل والموية ..وشنو شنو )والتسول المعتاد لعواطفنا دا .. حاليا آخر إهتماماتنا.
لأنه التحدي هسه أكبر من الحاجات دي الكل الشعب السوداني إتعود يتعايش معاها..لكن ما بيفرط في أرضه وكرامته وحريته وسيادة وطنه.
فإرتقوا..
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: AMNA MUKHTAR)
|
رديت على كلام مولانا حافظ حسب معرفتي! لما تطلع قناة و تطلع تصريح خطير زي دا باسمك اقل شي طلع ليك فيديو انفي عشان زي ما قلتي يوفر علينا بوست التهريج دا يا قولك. ما قاعد يستجيب و يعلق على اي كلام يتناول الموضوع او ما يتناوله حتى طوالي، لا خلى شكلة الفكي مع البرهان لا كلام جعفر في التيار! هسي النسألك انت، تصريح الجمارك المنسوبة لترك في الجزيرة دا صحيح ولا خطأ!
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: AMNA MUKHTAR)
|
أمونة حبيبتي .. إهتمامات شنو يا الباحثة التاريخة عن عبودية البشر ؟ إنتي وتـرك وبقية الغوغاء والمحاولين يركبوا القطر ممكن يساعدوا الشرق وقضية الشرق بالصمت المطبق .. لأانه صراحة عكستو وجه غير مشرق عن اهل الشرق .. واحد بليد لمن ما عارف هو عاوز شنو او أهله مطلبهم شنو .. وامثالك ممن تحدث بنفس لسانك من اهل الشرق سواء في المعسكرين عار على النشطاء والفساسبة .. خاصة إذا اذا كان مثلك حاز قدراً من المعرفة .. :)
الشرق بناسه ومقفيه والمهموميين الحقيقيين بأزمته .. ما محتاجين للمتسلبطين والانتهازيين والعنصريين عشان يعمقوا أزمته...
الآن العساكر اتملصوا من تـرك وترك رقد قش ..ولسه حايرقد .. لكن تبقى المطالب الحقيقية لأهل الشرق وحقهم المشروع مرفوعه لمن ياخدوها باللتي احسن او باللتي هي اكعب .. ويبقى كذلك جهل وبلادة تــرك وعنصرية من اتخذوا قضية الشرق مطية لإفراغ ما بدواخلهم من مقت وإستعداد لكره الآخر .. وتبقى كذلك تـفاهة الساسة وقلة قيمة المواطن جنب مكاسبهم ومصلحة أحزابهم ..
وتبقي انتي وتبقي المودة آخر محطة.. ؛)
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
Quote: يللا يا امونة بعد الكلام ده عليكم الله افتحوا الميناء ، ناس ق حت عرفوا حاجة وحتي سارقي المسارات ولوردات الحرب تاني ما بحو. |
والله يا كنداكة د. إخلاص ..أهو إنتي شايفة البوست دا كنموذج.. الحكومة دي ما بتتعلم ..ماشية في سكة الإنقاذ حذو النعل بالنعل والحافر بالحافر.. وكمان جروا إشتكونا للترويكا..
أها دا البجنن بوبي ذااااته.
عااالم عجيبة جد !!
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: كمال عباس)
|
مد ابوبكر)
مافي زول إشتكي للترويكا المجتمع الدولي ـ ومنظماته وكتله يراقب ويتابع لوحده وطبعا ماعندو مشكلة ولا حتي دخل بمظالم ومطالب الأقليم وتحسين الأوضاع ـ ولاهو عدو للهدندوة ولانصير للبني عامر أو العكس المجتمع الدولي غير مهموم بترك ولا هو في رأس جدول إهتمامه. المجتمع الدولي مهموم بدعم التحول الديموقراطي وقيادة الشق المدني للفترة الإنتقالية والمجتمع الدولي يعي المعوقات والمؤامرات التي تسعي لإجهاض مكتسباتالثورة- وهو وفي هذا الصدد يحذر المكون العسكري منه واعي ألاعيبه ومؤامراتهومن ضمنها طبعا ـ إستغلال قضية الشرق وإتخاذ مخالب قطط هناك ـ وتجاوز المطالب المشروعة لأجندة لاعلاقة لها بالشرق ـ و خطةإغلاق الميناءوقطع الطرق وتأييد إنقلاب العسكر ودعوتهم للإطاحة بالحكومة ـ المقصود والمستهدف المباشر ليس ـتِرِك وإنما العسكر ـ وترك لايصبين الأقدام ساي ! المقصود هو تفكيك مؤامرة برهان حميدتي وإن كان من ضمن خيوط هذهالمؤامرة دور لترك فسيناله التفكيك من دون المساس بمظالم الشرق وشرعية مطالبه بل وبوسائله وأدواته غير المرتبطة بأجندة العسكر وهذه ليس معركة ترك ولاهي معركة الشرق فلاتشيلو وش القباحة ياناسوتقاتلو بالوكالة أو ترتضو أن تكونو مطايا لأجندة الغير أهل الشرق يعون لدور حملة الحطب ونوائح الكيزان المستعارة :هيا إنفصلو ـ هيا إخنقو شعب السودان ـ هيا إسقطو الحكومةي فعل الكوز وهو يحضن كنزه في دبي أو ماليزيا أو يتمطي في فلل تركياوقصور ـكافور وهو يحلم بموسي هلال في شخص ترك يمزق به نسيج الشرقكما فعل ذاك غربا وهو يحلم أيضا بأن يحمله الفقراء والجوعي لكرسي الحكم ولايهمه إن مات هولاء وضاق الحال ببقية شعب الوطن ولايهمه إن دُق إسفين من المرارة والغبن بين أبناء شعبنا ـ وبين أهل الشرق....
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Osman Musa)
|
وين ناس وا إسلاماه واقدساه وخيبر خيبر يايهود من زيارة عبد الرحيم دلقو وقيادات من الجيش السوداني لإسرائيل ؟ وين الإستنكار والتخوين؟ عادي يستنصرو بإسرائيل ضد المكون المدني ويرفعو كارت الدواعش لإجتذاب التعاطف الدولي ويضارو خلف البجا ولما الترويكا وفي الضوء والعلن تطالب بوقف حيل العسكر لإغلاق طرق وموانئ الشرق يصرخون فاول ! ضربني ياحكم!
مابعيدة يكون دلقو وقادة الجيش قد عرضو تحويل قواتهم من اليمن لإسرائيل الشقيقة لمواجهة المقاومة بعد قبض المعلوم واللا بلاش ! إنتو قايلين اليهود ديل أغبياء عشان يربطو نفسهم بقوي معزولة السؤال ماذا كان من قام بالزيارة ـ واحد من قوي الحرية والتغيير؟ موقف الكيزان وناس عبد الحي والأبواق حايكون شنو؟
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Osman Musa)
|
حبيبنا البشرى والاحباب الكرام تدويل القضية ليس في صالح الدولة السودانية بعض المحاور سوف تساند البجا والسيد ترك ( على سبيل مصالحها) موقع بورتسودان له أهمية لدى بعض الدول التدويل أكيد سيكون دعم للقضية ستدخل في الاطار الدولي والمصالح الدولية
ويمكن لحبيبنا ترك طلب الاجتماع مع الترويكا أو غيرهم ولا ننسى بعض الدول سوف تضخم الموضوع ( تهديد للامن والسلام العالمي ) ومصلحة مصر في تعطيل ميناء بورتسودان
الحل يكون بالتراضي ..
تحياتي الحبيب البشرى والاحباب
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: علي عبدالوهاب عثمان)
|
Quote: رسوم جمركية يا ترك! يخس, عيب عليك, انتهيت من قضية الشرق و الناس المعاك وين الغاء المسار وين حل الحكومة و ين حل لجنة ازالة التمكين وين استقالة حمدوك وين حكومة الكفاءات وين بريمة! |
هسع بعد الحش والرش ده...تدرعا في قناة الجزيرة؟حسابوها وافتحوا ليها بلاغ؟
اردم ترك المرق يامحمد من غير ما تتلكك في الجزيرة.
ترك مرق.
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
ود البشري، ها داك جاك الرش الما بتعرفو ..
Quote: في الصفحة الأولى من صفحات المنبر العام يوجد بوست ساخر من تصريح (منسوب) للناظر ترك! سؤالي (للكذوب)* محمد البشرى الخضر و الذي سأبني عليه ما يلي من مداخلات : متى كانت قناة الجزيرة مصدراً من مصادر الصدق عند (الكذوب) محمد البشرى الخضر؟ ألم ينصح القراء بعدم اتخاذها وسيلة من وسائل النقل الصادق؟
ولمعرفتي التامة (بزهمرة) وخرف (الكذوب) محمد البشرى الخضر, وحتى أقفل عليه باب (الزوغة), على القراء الأعزاء مراجعة البوست الذي تداخل فيه المستنير ابوبكر عباس وفضح فيه (تنطع) الكذوب محمد البشرى الخضر في مسألة مسار بواخر الوقود الإماراتية!!
فهل (بلع) الكذوب محمد البشرى الخضر نصيحته للقراء بعدم اتخاذ قناة الجزيرة مصدراً صادقاً للتلقي؟ كما بلع ابن قبيلته (الدنقلاوي)** هشام عباس ما قاله زمان عن قناة الجزيرة الإخوانية الكيزانية وصار من (فريشة) سوقها الحار مع المذيع الإخواني أيمن الذي استضافه وصاحبه (المطوفش) البوشي ليهدم لهما بنيان العسكر !!
____
الكذوب شرّع قاعدة جديدة لم تكن عنده في سابق الدهر والأوان!! والله صحي!! الكذوب محمد البشرى الخضر قال : على ترك أن ينفي كل خبر نسب إليه!! هههههههههههههههههههههههههههههه
انتظروني يا قراء يا أعزاء لتعرفوا ماذا قال الكذوب محمد البشرى الخضر لعمر التاج الذي كان يطالبه بنفي الأخبار التي ينقلها من المصدر المنسوب له الخبر!!
____ السؤال : هل ستصمد رسالتي هذه ؟ أم سيتم مسحها و(كسحها) وقبرها؟ الجاااي حااار نار!! والله صحي!!
مع الشكر الجزيل للصنديد بريمة!! اخوك عاطف عمر محمد علي 9/10/2021
|
يا جماعة أي زول ضد ود البشري والأذيال الذين معه .. يراسلني في الخاص .. رشوا ود البشري وأي ذيل تابع من الأذيال.
[email protected]
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Biraima M Adam)
|
أوووووو هو القنــــينيــــط لسة حي, وين الحي بيك ياخ مشتاقين صدق واحد اتواصل معاي قال بعرفك و شاف صورتك في البروفايل افتكرك مت ههههههه المهم يا قنيــــنيــــط هل عايز تنفي التصريح جا و تقول كذب ما قاله ترك! سيبك من جزيرة وما جزيرة هل عايز تنفي انو دا كلام ترك!
يا بريمة انت انا سالت منك في البوست عديل باسمك, معقول ما لقيت غير تتحوى ورا القنينـــــيط دا
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
ود البشري،
Quote: يا بريمة انت انا سالت منك في البوست عديل باسمك, معقول ما لقيت غير تتحوى ورا القنينـــــيط دا |
أنا متابع معك منذ أن فتحت أنت البوست .. مداخلة بمداخلة .. لكن ليس لدي ما يثبت أو ينفي .. حتى جاء الأخ عاطف عمر .. وأرسل لي إفادته؟
عاطف لو ارسل أي شيئ سوف أفرقه هنا .. من باب فتح الحوار ..
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
بيان من ترك حول ردا على بيان الترويكا:
Quote: طالعنا البيان الذي أصدرته دول الترويكا حول الأوضاع في شرق السودان، نقدربدايةً لدول المجموعة اهتمامها بقضيتنا، وما ظلت تقدمه من دعم لسنواتٍ طويلة لتحقيق اأمن وااستقرار في الباد، لكننا نود توضيح الآتي: أولاً : مظلمة شرق السودان ليست جديدة، إذ تفاقمت خلال الحقب السابقة، وكنا نأمل أن يتم إنصاف الشرق في عهد الثورة التي جاءت تحت راية شعارات الحرية والسلام والعدالة، ومنذ بداية التفاوض حول مسار الشرق في جوبا قبل نحو عامين، لم تجد نداءاتنا آذاناً صاغية من الحكومة والتي قررت أن تفرض عليناً أمراً واقعاً من جانبها، دون اعتبار لرؤية الغالبية العظمى من سكان اإقليم الذين تتأثر حياتهم ومصيرهم بهذا المسار المفروض. ثانياً: لجوء أهل الشرق للتصعيد واإغاق لم يكن إلا خياراً اضطررنا إليه من أجل لفت نظر الحكومة إلى قضيتنا العادلة حتى تتعامل معها بجدية. كنا نجدد التأكيد في كل سانحة، أننا بادرنا من جانبنا بمساعي عديدة من أجل التفاوض مع الحكومة بشقيها المدني والعسكري حول قضية الشرق، لكن لم نجد التجاوب الكافي منها حتى وصلنا إلي هذه المرحلة، وأخيراً بعثت الحكومة وفداً بقيادة عضو مجلس السيادة الفريق شمس الدين الكباشي وعدد من الوزراء، وسلمناهم رؤيتنا للحل . ثالثاً: مازلنا ننتظر أن تتعامل الحكومة مع قضيتنا بروح وطنية، بعيداً عن محاوات التخوين والتهديد التي ظلت بعض الجهات تمارسها إضعاف حراك الشرق وربطه بالنظام السابق أو غيره، وكأن إنسان شرق السودان تجاهل مشاكله وتحدياته وأصبح واجهة أو أداة في يد الآخرين. نؤكد أن ما يحركنا هو قضية أهلنا والظلم الذي وقع عليهم، وليست مصالح الجهات الأخرى، وهذه المحاوات تفضح جهل من يرددها لوصف اأوضاع في شرق السودان، وهي لن تثنينا عن المطالبة بنيل حقوقنا العادلة، وهنا نذكر أن عدداً من المناطق التي عانت من الظلم والتهميش منحت حقوقها في الحكم الذاتي، وهو ما يجعل مطالب الشرق مشروعة ومقبولة. رابعاً : نؤكد دعوتنا وتمسكنا بالحلول السلمية والتفاوض لحل قضايا السودان كافة وقضية الشرق خاصة، من خال التعامل الجاد والموضوعي معها من كل اأطراف. خامساً: ان قضايا شرق السودان متشابهة كالنيل اازرق وجنوب كردفان التي منحت حقوقها في الحكم الذاتي مما يجعل مطالبنا مقبولة . أخيراً: كنا نأمل أن تبادر دول الترويكا إلى التواصل معنا للتعرف على وجهة نظرنا بصورة مباشرة وصحيحة وتقف على حقيقة ما يجري في شرق السودان بداً عن ااعتماد على معلومات من مصادر متحيزة أو من جهة واحدة دون ااستماع للأطراف الأخرى لتتمكن من المساعدة بشكلٍ أفضل على تجاوز هذه التحديات.
محمد أحمد محمد الأمين تِرك رئيس المجلس الأعلى لنظارات البجا والعموديات المستقلة ورئيس التنسيقية العليا لمكونات شرق السودان
|
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: طلحة عبدالله)
|
كلامك ما صحيح يا ود البشري
Quote: مش كنت ماسك في طرف توب ترك يحل ليك لجنة التفكيك |
أنا بتكلم عن حكومة تكنوقراط .. ويتم حل حكومة المحاصصات ..
قضايا الأقاليم أنا مدافع عنها من يوم جيبت المنبر هنا عام 2004م .. وليس هناك جديد أن أقف مع الناظر ترك .. في وجهة نظري، الناظر ترك يمثل الهامش السوداني .. ومشاكل الهامش مشاكل تنموية في بداياتها .. ثم تتحول لمشاكل سياسية ثم عسكرية ..
وأنا ما عايز بأي حال من الأحوال أن تخرج قضية الشرق من الإطار التنموي .. الحل هنا أسهل .. وهذا الحل كما يقول أهلنا حل باليد .. والحلول اللاحقة هى حل بالسنون .. كما في مشكلة جنوب كردفان ودارفور والنيل الأزرق.
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: طلحة عبدالله)
|
اها ترك ذكر في بيانو. انو. وبط قضية الشرق بالكيزان والنظام السابق يضعفها البقنع الفلول منو ؟ يا اخي انتو دخلتو. قاعة الصداقة قبل ايّام ً افسد الطبخة علي برهان ومناوئ
واليوم أختطفتو قضية الشرق وافسدو القضية علي ترك العاوز يدعم أجندتكم كتامي
الغريبة الزول الكتب البيان لترك زاغ من موضوع العسكر وحمل طرفي الشراكة المسؤولية-ولَم يربط نفسه بالعسكر والفلول امام المجمتع الدولي وكمان أشار انو التفاوض فيهو وزراء وأطراف من المكون المدني - يعني ماعندو مشكلة يفاوض الشق المدني عاوز يلعب بولتيكا قلناها بالأمس البراهن علي العسكر خسران والبرهان علي الكيزان سجمان
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Biraima M Adam)
|
الخبر لم يختلقه ولَم يلفقه ود البشري الخبر فعلا ورد في الجزيرة وقد تم وتصديقا لخبًر ود البشري نص منقول حًرفيا من مًوقع الجزيرة نت للخبر وهًو موجود في اعلاه أضافة ليس كل خبر تًورده. الجزيرة كاذب والأهم هذا الخبر قد ياتي من باب شهادة شاهد من أهلها - ما مصلحة الجزيرة. في تلفيق هذا التصريح لجهة منحازة لها وتنشر وتبث ما يخدمها بكثافة ؟ ولكن فلنفترض ان خبر الجزيرة ومصدر ود البشري كاذب - هل صدر تصريح من. الجهة المتضررة ينفي الخبر ؟ وهل تجاهل ود البشري ايراد النفي ان كان قد حدث؟
حاشية كان اهلنا يقتلو بعشرات الآلاف ويشرد في شرق وجنوب السودان وجبال النوبة وكان قضايا السدود والظلامات. تملأ شاشات الأخبار وكذلك التعذيب وقتل المتظاهريينً وعندها كان الشرفاء. ينحازون للضحايا ويدينون نظام الانقاذ من دون انحياز حركات دارفور او الحركة الشعبية في الجنوب ويدينون اَي تجاوز من نلك الحركات واليوم ينحاز ذات الشرفاء لاهلنا في الشرق ويقرون بعدالة مطالبهم وبرفع. الغبن وطبعا من دون انحياز لأي ناظر او زعيم او جهة منظمة ومن دون انحياز -ضد او مع فيما يتعلق بمكونات الشرق هذا هو الاتساق والمبدئية فأين كان دعمو او صمتو علي كوارث الانقاذ هذه اين كانو منها؟ ولماذا الصراخ اليوم ؟
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: كمال عباس)
|
هم يا كمال في صفحتهم كمحاولة دمج كنترول قالوا التصريح منتزع من سياقه! ما قاله كذب ولا لم يقله. زي تصريحه بتاع برهان لو قال افتح بفتح وقصة انو انا في حماية المكون العسكري النط منها البرهان في ليلها بطريقتهم دي ناس سيد ابو آمنة وزميلنا احمد موسى ح يقعدوا يباروا في تصريحاته الجهلولة و الكارثية دي بالنفي و التبرير
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
اها ترك ذكر في بيانو. انو. ربط قضية الشرق بالكيزان والنظام السابق يضعفها
البقنع الفلول منو ؟ يا اخي انتو دخلتو. قاعة الصداقة قبل ايّام ً افسد الطبخة علي برهان ومناوئ
واليوم أختطفتو قضية الشرق وافسدو القضية علي ترك العاوز يدعم أجندتكم كتامي
الغريبة الزول الكتب البيان لترك زاغ من موضوع العسكر وحمل طرفي الشراكة المسؤولية-ولَم يربط نفسه بالعسكر والفلول امام المجمتع الدولي وكمان أشار انو التفاوض فيهو وزراء وأطراف من المكون المدني - يعني ماعندو مشكلة يفاوض الشق المدني عاوز يلعب بولتيكا قلناها بالأمس البراهن علي العسكر خسران والبرهان علي الكيزان سجمان
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: كمال عباس)
|
Quote: أنا بتكلم عن حكومة تكنوقراط .. ويتم حل حكومة المحاصصات .. |
أوكي دي قضيتك ككوز ناكر أو كغرابي شايف الحكومة دي حكومة جلابة ما مشكلة من حقك ومن حق ترك ايضا كسياسي ان يطالب بذلك اصلو ما مشكلة, المشكلة اختطاف قضية تنمية و مظالم لكامل الاقليم و استخدامها لتحقيق هدف سياسي و توظيفها لصالح خدمة اجندة آخرين لا يهمهم انسان الشرق
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Biraima M Adam)
|
Quote: كمال عباس والتهويم : ((الخبر لم يختلقه ولَم يلفقه ود البشري)) يا كمال عباس : أين قلت أنا أن الخبر مختلق من ود البشرى؟ صاحبكم (الكذوب) قال أن قناة الجزيرة ابتداءً لا تصلح لنقل الأخبار!! والله صحي!! الظريف والطريف أن خبر الجزيرة الذي كذبه ود البشرى (وقتها)) فضحه ولم يجد غير الهروب من تصحيح المستنير !!
|
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Biraima M Adam)
|
Quote: كمال عباس : ((أضافة ليس كل خبر تًورده. الجزيرة كاذب)) يا سلام على (العلام)! ومن قال بغير هذا القول غير صاحبكم الكذوب ود البشرى؟ أها يا كمال عباس تذكر لمن اتزنقتا في تصريح (صحفي) لقيادي شيوعي؟ قلتا شنو إنتا وقتها؟ لو ما متذكر راجع قواعدك الفقهية في السياسة والدفاع عن الشيوعيين والطاهويين!! عشان ما ازنقكك زي زنقة صاحبكم الكذوب ود البشرى!! للقراء الأعزاء : كمال عباس قال أن الأخبار يجب أن تنقل مباشرة من خشم سيدها!! والله صحي!! الوكت داك الشيوعي القيادي نقل عنه أنه يرحب بالريعة الإسلامية إن جاءت بصندوق الإنتخابات!!
|
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Biraima M Adam)
|
Quote: الكذوب ود البشرى ((سيبك من جزيرة وما جزيرة هل عايز تنفي انو دا كلام ترك!)) يا كذوب بطل فنجطة واركز..موضوع ترك دا ما جيتك ليهوا انتا و(مركزيتك) موضوعي الأولاني معاك إنتا و(النشتاء) بتاعينك الورطوك في الفضيحة دي عن قناة الجزيرة الإخوانية الكذوبة (بزعمكم)!! هل نصحت العضوية (المحترمة) في المنبر العام بعدم التلقي منها؟ ههههههههههههههههه آل ترِك آل! وكت أجيك لي ترك (بتترك) البوست وبتجر!!
|
Quote: العايز يستمتع بقصة السياق يرجع للرابط دا: Re: وفد عسكري سوداني يصل تل ابيبRe: وفد عسكري سوداني يصل تل ابيب
من بدري أنا نجضتا (الشغلة) يا أيها الكذوب ود البشري!!
للقراء الأعزاء البحبوا الدليفري هاكم :
المخرف محمد البشرى الخضر زمان عندوا (مراقة) لمن ازنقوا جوووة طاحونة الغباء!! المراقة اسمها السياق و(الإبتسار)!! قال لي : بتبتسر وتنتزع كلامي من سياقه!! هههههههههههههههههههههههههه
هسه الغبي محمد البشرى اكتفى فقط بما نقلته قناة الجزيرة الكضابة (بزعمه)!! والله صحي!!
ولا (سياق) ولا (دهابة) ولا دعم سريع!!
زمااان كنتا بجيب ليهو فضيحتوا كاملة عشان ما (يتزواغ) بالمراقات!! والله صحي!!
كلووو من صاحبو (الدنقلاوي) الشيوعي الوداهوا الكوشة!
|
Quote: حسب منطق هاتك الأعراض محمد البشرى الخضر الطالب الناظر ترك بنفي خبر الجزيرة (الكضابة) بزعمه, أطالب مركزية قوى الحرية والتغيير بنفي الفضيحتين المدويتين على لسان (ابنهم) الدكتور ابراهيم الأمين :
1/ نفي قاطع وصريح وواضح لذهاب وفد مدني إلى إسرائبل!! 2/ نفي قاطع وصريح لتلاعب مكون مدني بالوثيقة الدستورية وتعديلها!!
ههههههههههههههههههههههههههههههههههههههههههههههههههههه
إلا (البلاهة) أعيت من يداويها!! _______ تاني عمر التاج ينوم قفا!! والله صحي!! ينقل الخبر فقط وعلى (المكذب) للخبر نفيه من مصدره! شفتا الهدية المجانية (الإنتزعتها ) ليكم من فكي غباء ود البشرى؟
|
ول أبا عاطف عمر، جاب أخر الموضوع .. وبهذا الأرفاق أعتبر البوست دق الدلجة ..
شكراً يا ول أبا عاطف عمر، أنت رجل ما ساهل ونطالب بعودتك للمنبر الحر.
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Hafiz Bashir)
|
ول حافظ، شكراً للتنبيه ..
Quote: سلام يا بريمة راجع اللائحة بتاعة سودانيزأونلاين، نقل كتابات عاطف عمر قد تكون مخالفة لللائحة.
|
نقلي هنا لغرض واحد .. هو نفي صحة الخبر في البوست .. لأني لا أعرف حقيقة الأمر .. وول أبا عاطف تبرع بالشرح والتوضيح .. وليس بغرض المشاكسه.
سوف أنبه الاخ عاطف للمفردات التى يكتبها ..
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Biraima M Adam)
|
Quote: م يا كمال في صفحتهم كمحاولة دمج كنترول قالوا التصريح منتزع من سياقه! ما قاله كذب ولا لم يقله. زي تصريحه بتاع برهان لو قال افتح بفتح وقصة انو انا في حماية المكون العسكري النط منها البرهان في ليلها بطريقتهم دي ناس سيد ابو آمنة وزميلنا احمد موسى ح يقعدوا يباروا في تصريحاته الجهلولة و الكارثية دي بالنفي و التبرير |
.... إذا مافي تكذيب للخبر ومافي إتهام بالنجر والتلفيق ـ وإنما رفع للازمة ولافتةالإنتزاع من السياق out of context جيب ال context إذا طوالي يقومو بإنزال نص الحديث ـ حتي يفهم المتلقي الكلام في سياقه ـ حكاية إنو إنتزع من سياقه ـ والسلام دي ماب تخارج ولن تشكل مخرجا أورد و النص بما فيه الكلام الذي زُعم إنه قد أقطع من سياقه وخلي التقييم للمتلقي ...
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: كمال عباس)
|
يا بريمة القني...نيط دا بليد وبفهم - للدقة ما بفهم - بركبينه عرفناه، انت مالك كمان! البوست دق الدلجة كيف؟ هل الخبر دا كاذب و التصريح لم يرد على لسان ترك؟ كدي خليه البليد اب طاقيتن حديد ما تتحوى وراه وقول لي رايك انت!
اما انت يا قني..نيط افندي، انا قلت ليك واحد بعرفك معرفة شخصية تقول لي حيدر الزين قال طول منك ولما شاف صورتك في البروفايل افتكرك اتخارجت! كان عايز اسمه بديك ليه وهو بالمناسبة كان عايز رقمك قايلني - عدم المؤاخذة :) - بعرفك.
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
هي نسيت ديQuote: ونطالب بعودتك للمنبر الحر.
|
يعود وين؟ هو كان هنا و وقفوه مثلا! رجلك الما ساهل دا يا بريمة رقد عيش عديل كدا ابى الله واحد انه ياخد عضوية رغم عدد المرات الطلب منه انه فقط يراسل بكري بالطلب وعضويته مضمونة، لكنه ما بقدر، عايز بس ينبح بي تحت و اسي من على البعد وعبر وسيط، لكن حوار و اخذ ورد و حجة ومنطق عينك عينك ما بقدر على الشغل دا! ياخي دا قني...ط الواحدة دي ما تامي!
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
ود البشري، ما حليت لينا الأشكال ..
أولاً عاطف يقول .. أنك من قبل أنت قلت الجزيرة تكذب وليس مصدر ذو موثوقية لنقل الخبر ..؟؟!! ثم أتيت هنا بما يخالف موقفك ووصاياك للناس ونقلت من ذات الجزيرة التى تكذبها .. مما يجعلك أنت كذوب لديه؟
وعاطف لديه كلام لحافظ .. يقول أنك لا تريد القانون .. بل تريد حزف مداخلاته .. وإلا ترجع لأول صفحة للبوست هى نقل ..؟ وقال ل كمال عباس عامل غمران من تصريح ولدهم د. إبراهيم الأمين .. عن أن الوفد الذي زار إسرائيل ليس عسكري فقط بل مشكل .. مدني - عسكري؟
لو حبيتم بنقل ليكم الكلام .. لزول مواصلة الرد عليه ..
عاطف، مجمّع ومصحصح أكثر مننا في المنبر ..
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Biraima M Adam)
|
إشكال شنو يا بريمة الله يهديك! خليك من القنيـــنيط دا, هو case يحتاج طريقة خاصة في التعاطي معه وانا بجيهو كويس انت مشكلتك شنو في البوست دا؟ هل تشك في صحة تصريح ترك؟ قول لو عندك شك لو ما عندك شك في صحته رايك شنو في الفنسة! و رايك شنو في السيك الاخدته بعد قفلتك عليه يبهدل ليك حكومة الجلابة؟ و حتمسك في طرف توب منو تاني! اوعى تقول لي القنيــنيط! بزعل ترى
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
أستلم يا ود البشري يا أخوانا ردوا علي الأخ عاطف..
Quote: كمال عباس عامل غمران من تصريح (ولدهم) الدكتور إبراهيم الأمين!! التصريح ووين يا عاطف؟ ما في قناة الجزيرة (الكضابة)!! ههههههههههههههههههههههه
وقال شنو ولدهم الشقي دا؟ هو البقولوا الناس شوية؟
ولدهم الشقي قال الوفد الزار اسرائيل (مشكل) دُرِّي ويمازج (عسكراني)! وفد مدني عدييل يا إبراهيم الأمين ؟ وزار إسرائيل ؟ ويحك وويح الكذوب ود البشرى وويح (المشلت) كمال عباس!!
ووويح الوحاووويح ذاتهم!!
بسيطة يا عاطف! حلها عند (المخرف) الكذوب ود البشرى!! نرجع تاني (لغصة) الجزيرة الإخبارية كضاااابة وبتدقا!! ونقول في زول عاقل ونصيح (بصدق) قناة الجزيرة الإخبارية؟ ههههههههههههههههههههههههه
المزوراتي الكذوب ود البشرى ------------------
((أوكي دي قضيتك ككوز ناكر أو كغرابي شايف الحكومة دي حكومة جلابة)) ترك وبريمة قالا دي حكومة أحزاب تعد على أصابع اليد!! ودا نفس موقف (الكذوب) ود البشرى قبل أيام عندما تداخل مع بتاع شقيق البطيخ (الشغيغ) عبد العظيم عثمان!! والله صحي!! يبقا الغبي ود البشرى وصف نفسه : 1/ كوز ! 2/ جلابي (دنقلاوي) عنصري مستفيد من (جلببة) هذه الحكومة!! ودي قضية بجيها بالراحة !!
مولاهم الذي غشاهم يمهد لحذف مداخلاتي (بالغانون)!! طيب يا سيد حافظ هناك سوابق في هذا المنبر للنقولات من خارجه!! والله صحي!! النقولات من طاهويين ومن شيوعيين ومن ملحدين !! والله صحي!!
(غانونك) دا بطبق على الضعاف ويترك الأشراف ولا شنو؟ دا باعتبار (قد) حقتك تأكيدية وليست كيدية!!
قبل ما (تمسحوا) مداخلاتي عندي استفسار استفسرك ليهوا عضو المنبر أبوبكر عباس: بي ياتو (غانون) سيدخل من سخر من رسولنا الكريم الجنة معه؟
شايفك كبرتا اللفة من الحتة دي!! ههههههههههههههههههههههههه _____ الأخ الكريم بريمة : الفاظي منتقاة بعناية ودراية ومسؤول عنها أمام (الغانون) مع كل ما أكتب!!
في الأحد، 10 أكتوبر 2021 في 1:32 ص تمت كتابة ما يلي بواسطة sunmoon earth <[email protected]>: كمال عباس عامل غمران من تصريح (ولدهم) الدكتور إبراهيم الأمين!! التصريح ووين يا عاطف؟ ما في قناة الجزيرة (الكضابة)!! ههههههههههههههههههههههه
وقال شنو ولدهم الشقي دا؟ هو البقولوا الناس شوية؟
ولدهم الشقي قال الوفد الزار اسرائيل (مشكل) دُرِّي ويمازج (عسكراني)! وفد مدني عدييل يا إبراهيم الأمين ؟ وزار إسرائيل ؟ ويحك وويح الكذوب ود البشرى وويح (المشلت) كمال عباس!!
ووويح الوحاووويح ذاتهم!!
بسيطة يا عاطف! حلها عند (المخرف) الكذوب ود البشرى!! نرجع تاني (لغصة) الجزيرة الإخبارية كضاااابة وبتدقا!! ونقول في زول عاقل ونصيح (بصدق) قناة الجزيرة الإخبارية؟ ههههههههههههههههههههههههه يا حافظ بشير : لماذا لم تنصح الكذوب ود البشرى بهذه النصيحة؟ ألم ينقل عن هشام عباس في أول البوست؟ أم (الغانون) يطبق عندكم كما يطبقه (شبخكم) بتاع الحكومة: ترك بالنهار كوز وبالليل (قائد) في مسيرة الطريق للأمام!! هههههههههههههههههههههههههههههههههههههههههههههه تشيلوا والي من القضارف بزعم كوزنته وتعينوا (ترك) ليقودكم للأمام!! وكل هذا (حدس) في ظرف سويعات!!
مولاهم الذي غشاهم يمهد لحذف مداخلاتي (بالغانون)!! طيب يا سيد حافظ هناك سوابق في هذا المنبر للنقولات من خارجه!! والله صحي!! النقولات من طاهويين ومن شيوعيين ومن ملحدين !! والله صحي!!
(غانونك) دا بطبق على الضعاف ويترك الأشراف ولا شنو؟ دا باعتبار (قد) حقتك تأكيدية وليست كيدية!!
قبل ما (تمسحوا) مداخلاتي عندي استفسار استفسرك ليهوا عضو المنبر أبوبكر عباس: بي ياتو (غانون) سيدخل من سخر من رسولنا الكريم الجنة معه؟
شايفك كبرتا اللفة من الحتة دي!! ههههههههههههههههههههههههه _____ الأخ الكريم بريمة : الفاظي منتقاة بعناية ودراية ومسؤول عنها أمام (الغانون) مع كل ما أكتب!! من المسؤول عن جلب كلام ترك؟ المسؤول والمطالب هو من قال : ((يا كمال في صفحتهم كمحاولة دمج كنترول قالوا التصريح منتزع من سياقه!)) والمطالب بجلب كامل الكلام هو من نقله عن مصدر (كذوب) عنده!! والله صحي!! البوست من أول كلمة فيه منتهي!! أول كلمة هي الجزيرة!! الجزيرة (القناة) عند السفيه ود البشرى لا يجوز أخذ الأخبار منها مطلقاً!
تاني الفرفرة والجقلبة في شنو؟
أمش اعتذر لعضوية المنبر النصحتهم بعدم تلقي الأخبار منها وتعال (صاد) عشان نخش في (س) و(ج) بخصوص ترك!! هههههههههههههههههههههههههههههه
البحلك بكري أبو بكر ومقدمته ناس الفرشات والبكيات!! (الجيران) جعروا!!
الباقي يخش (الصبي) داك!! لي زمن ما أديتوا الفيها النصيب!! شايفوا الليامات دي متفرعن على رب الأرض والسماوات! قال الشفع والنساء ما عندهم ذنب في قصة عقر الناقة!! الكذوب ود البشرى : ووين ألقا عبارتك القلتها لي دي : ((معرفة شخصية!!)) ههههههههههههههههههههههه بقيت تهضرب من هسه؟ وتتخيل في كلام موجه لي؟ حالتي لسه ما فضيت ليك(م) يا مواهيم مركزية قحت!! أها شفتا الإنفناسة النسبتها زوراً وبهتاناً لترك حا تشوفا عيانن بيانن!! والله صحي!! الأخ بريمة لم يتواصل معي , بل أنا الذي بادرت بذلك ووجدت عنوانه البريدي في بوست معنون باسم (الكذوب) محمد البشرى الخضر!! فكيف يتحوى بي بريمة وأنا المبادر بالرسائل والإتصال؟ بقيت تشم على ضهر إيدك يا كذوب ولا شنو؟ أها وين ألقا عبارتك دي: ((معرفة شخصية؟)) ههههههههههههه
بمناسبة اختراعك للكلمات ونسيانك وهذيانك, راجع دكتوركم (الخواف) حافظ وأسأله عن مسببات خراب ((الريسنت ميموري)) حقتك!!
|
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: muntasir)
|
بركة الجيت يا بريمة, ما لاقنك اسئلتي ليك فوق؟ هل عندك شك في صحة التصريح أولا و ثانيا ح تمسك في طرف توب منو تاني؟
آ القنيـــنيط... أححححح يا حليلك والله, بالله شوف قنيـــنيط دي مريحة كيف! زمن ياخ من بهدلتك ومسح الواطة بيك ياخي ما تتوكل و تشد حيلك و تاخد عضوية عشان نناضمك سمح بلا حجاب ولا مراسيل, وعدتك قبل كدا وتاني بعيد ليك أكان اخدت عضوية برقيك لقنيــــط كامل الدسم! أها قلت شنو! نكلم بكري؟
بالمناسبة التكرار دا منك ولا من بريمة! ولا اقول ليك ما فارقة, عيّان و ميت, دا يلتخوا بيه دا
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
يا ود البشرى ترك زول بسيط وقليل حيله وتاريخه الغير مشرف فى فتره الانقاذ سيجد من يدافع عنه ويبرره ليقدم ك مانديلا الشرق العصى على الانكسار وشتان الفرق بين هذا وذاك مشكله الشرق قميص عثمان تستخدم لتغسل سيره غير طيبه وتعيد إنتاج ابطال ودا كلام داير حبر كتير واكتر من الحبر صبر وحلم وكلاهماعز المنال.... السؤال القانونى للساده اصحاب المجال ما فعله السيد ترك لايعتبر تهديد للامن القومى واعلان حرب على الدوله يستلزم محاكمته؟ ثم عاد واستدرك ان السيد ترك لايقدم على ما اقدمه عليه دون ضوء اخضر من رفاق السوء.... مداخله حيدر الزين بعد حزف المكاجره منها وضعت القلم موضع الألم واخيرا يا باش تعليقك ب توفير البن والتمباك اراه تنميط خفى :) نتجاوزه بحسن النيه ولاواعى يحتاج الى عزيمه ويقظه لضبط مساره او تحييده على الاقل
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: AMNA MUKHTAR)
|
مطالب الناظر ترك التي تم شيطنتها ليواصلوا الكنكشة في السلطة مطالب بعضها ضرورة كحل الحكومة. الحكومة فشلت فشلاً مريعاً ويجب اما حلهاأو اجراء تغيير حزئي بها. لجنة التفكيك يجب اصلاح امرها فهي تحتاج للسند القانوني ولا يمكن ان تشكل هي لجنة الاستئناف ، لابد من استكمال الاجهزة الرقابية والعدلية من محكمة دستورية ومجلس تشريعي .
الحق احق ان يتبع
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: اخلاص عبدالرحمن المشرف)
|
من البديهيات
من حق ترك ان يعارض الحكومة ويطالب بحلهابصفته الشخصية او من موقعه الحز بي ولكن ليس من حقه المطالبة بحلها من منصة قبلية أوجهوية,, ا لقبيلة والإقليم ليس كتلة صماء -وانما به تنوع -سياسي فيه الختمي والانصار ومناصري القوي الجديدة والثورية ثانيا ليس من حقه الانحياز للعسكر ضد الشق المدني عليه يركز علي مطالب إقليمه
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: اخلاص عبدالرحمن المشرف)
|
.... ......جاء في الأخبار............ ......Quote: رفض ناظر عموم البجا والعموديات المستقلة سيد محمد الأمين تِرِك، التهديدات التي أطلقها مسؤولون بالحكومة ضده تصل عقوبتها الى الإعدام، وقال: الوزراء الذين يهددوننا من الخرطوم أفضل أن يأتوا ويفتحوا الميناء “عشان نورِّيهم الرجالة كيف”. ...... |
بزعم ترك إن هناك جهات هددته بعقوبات تصل للإعدام ـ هذا طبعا في حال نفذالقانون .... إي أن الوعيد إن صح فإنه تهديد باللجوء لحكم القانون الحرفي فهل هذا مبرر لهذا الرد الأجوف والسوقي ؟ يتحدي الحكام ُ- ليثبتوا رجالتهم بدخول بورتسودان !يحرض السلطة ويستفزها لاستخدام القوة وسطوة القانون لفتح الميناء والطرق ! يغامر بتقديم ارواح الابرياء والعزل باستفزاز غير مسؤول للسلطة وطبعا لايجب ان يستجاب لهذا الاستفزاز الصبياني ! ويقول.....وذكر ترك...........Quote: أنه لم يتلقَ أي اتصال من رئيس مجلس السيادة عبد الفتاح البرهان لرفع الاعتصام ...... |
أمران أحلاهما مر ....... الأول أن برهان تجاهل الإتصال به وتجاهل قضية الشرق ومعاناة الشعب السوداني والإقتصاد الوطني إن الأمر هكذا فهذه مصيبة الأمر الثاني هو أن برهان متواطئ او بانه مشجع علي استمرار الإغلاق وإن الأمر الثاني هو ماحدث فالمصيبة أكبر ! هكذا وبرعونة ومن ومن غير قصد ورط حليفه برهان !............. وبعنترياته ورط نفسه أمام التوريكا الذي ذكر بأنها ستقوم بحث ......Quote: " المجتمع الدولي على تقديم الدعم الكامل لجهود الحكومة السودانية من أجل حل هذه المشكلة وإنهاء عمليات الحصار المستمرة.' ...... |
وقد يكون من ضمن الجهود المدعومة من المجتمع الدولي هو اللجوء لحكم القانون ـ من دون عنف طبعا وهاهو ترك يهدد الحكومة برسالة عنف وإرهاب واضحة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: اخلاص عبدالرحمن المشرف)
|
Quote: كتبت ........
يستنكرون علي ترك مخاطبة العسكر وهم من ذهب للعسكر في قيادته وشاركوه حتي بعد مدبحة القيادة العامة
الكيل بمكيالين في انصع تجلياته
|
أنا من إستنكرت إستقوأ ترك بالمكون العسكري ـ الذي قاد التوقيع علي إتفاق جوبا ومسار الشرق الذي يعترض عليه ترك ويقاطع المكون المدني بسببه والحمد لم أكن يوما مع التحالف والشراكة مع العسكر بعد المجزرة أو مع الوثيقة الدستورية والإتفاق السياسي منذ اليوم الأول وليتحسس كل منا موقفه ورأسه ...... ثانيا أقول وكل من يفهم في السياسة وحرية الفرد وإختياره السياسي والفكري يعي من حق ترك ان يعارض الحكومة ويطالب بحلهابصفته الشخصية او من موقعه الحز بي ولكن ليس من حقه المطالبة بحلها من منصة قبلية أوجهوية,, ا لقبيلة والإقليم ليس كتلة صماء -وانما به تنوع -سياسي فيه الختمي والانصار ومناصري القوي الجديدة والثورية لايمكن أن تبصم بإسم كتلة قبلية ـ تعج بتنوع أو بإقليم يعج بالتنوع السياسي والقبلي فهل يمثل ترك ـ الأمرار ؟ بني عامر ـبشاريين ـزبدية ـنوبة الشمال بحلفا الجديدة؟ من فوضه ؟ الرجل يحتمي بمنصة البجا ونظارة الهدندوة وإن سلمناجدلا بأنه يتحدث بإسمهم فإنه غير مفوض بالحديث بلسان غيرهم ... الشرق ليس قطيع يساق ويتحكم فيه فرد ـ وإنما إقليم له مطالب تمثل الحد الأدني لأهله وهي مطالبة مشروعة ـ ولكن ليس هناك إتفاق أوتفويض لإقحام أجندة لا علاقة لها بالشرق
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: اخلاص عبدالرحمن المشرف)
|
Quote: مطالب الناظر ترك التي تم شيطنتها ليواصلوا الكنكشة في السلطة مطالب بعضها ضرورة كحل الحكومة. الحكومة فشلت فشلاً مريعاً ويجب اما حلهاأو اجراء تغيير حزئي بها. لجنة التفكيك يجب اصلاح امرها فهي تحتاج للسند القانوني ولا يمكن ان تشكل هي لجنة الاستئناف ، لابد من استكمال الاجهزة الرقابية والعدلية من محكمة دستورية ومجلس تشريعي .
الحق احق ان يتبع |
سلام دكتورة اخلاص
هذه ليس مطالب الشرق ولا تعبر عن مشكلة الشرق باي حال من الاحوال
هذه مطالب المؤتمر الوطني والفلول وواضحة ولا تحتاج الى ذكاء لاستنتاج من صاحبها
ترك لو كان حريص على الشرق وحقوقه بدل يطالب بحل لجنة التفكيك كان مفترض يطالبهم بفتح ملف صندوق اعمار الشرق
لكن دا هو اس العداء الذي يضمره ترك لهذه اللجنة
واللجنة قانونية وتعمل وفق القانون ومنصوص عليها في الوثيقة الدستورية
تحياتي
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Haytham Ghaly)
|
شكراً عظيماً يا بت أبا دكتورة إخلاص
Quote: اثبت الناظر ترك وبما لا شك فيه انه لا يمثل نفسه فقط. شكرا. ترك ان لقمت الافندية درس في الحرية والانحياز لشعبك . |
دا الكلام .. ودا دور المثقف الحقيقي .. يقرأ ويحلل ثم يقرر ..
هان دا .. قدامكم دكتورة إخلاص ودكتورة نعمات .. وضح لهن الأمر دون إلتباس ..
حسي، حتيفة قحت .. الما واضح لليكم شنو؟ .. والله ناس الشرق مظلومين ظلم الحسن والحسين .. هذي لا يتناطح عليها عنزان!
بريمة
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
كمال عباس..قلت شنو ..الإقليم الشرقي ليس كتلة صماء..وليست قبيلة ترق وحدها .. نعم ، ليس كتلة صماء .. وأما المجنسين الذين يخدعونكم بأنهم( أغلبية) ..وتواطأتم معهم أنت والثورية..فهم الأقلية.. ولن تستطيعوا أن تفرضوا مسار المجنسين على كل هؤلاء في القائمة أدناه ..الذين توحدوا الآن وصاروا ( كتلة صماء ) في مواجهة عبثكم بالأمن القومي والسيادة الوطنية وأكاذيب اللاجئين..والحشاش يملا شبكته👇
Quote: لعناية الشعب السوداني..وليس للحكومة المنشغلة بصراع (الضرات المعرسهم محور واحد)..
(هنالك #تنسيقية عليا لشرق السودان) وموقع عليها من قبل : 1. المجلس الأعلى لنظارات البجا والعموديات المستقلة 2. نظارة الشكرية. 3. نظارة الرشايدة. 4. نظارة السبدرات. 5. إمارة الهوسا. 6. كيان الشمال. 7. الكيان النوبي. 8. النوبة. 9. كيان الغرب. 10.منبر البطانة الحر . 15. الفلاتا. وأخري. وهنالك وثيقة موقعة ومختومة من الأطراف. والآلية هي صاحبة الصوت الأعلي وهي التي تحكم وتسيطر علي الإقليم فعليا وتسيطر علي المواقع الحيوية ذات التأثير. اما مؤيدو المسار يتشكلون من بعض منسوبي قبيلة البني عامر ومجنسيها الإريتريين ومجموعات أفراد فقط منتفعة أو مستفيدة وهم الذين يطلق عليهم لقب (الرزقهارويت) بلغة البجا وهي تعني (المرتزقة). وكل حشودهم مصنوعة وبها مغريات ودفع أموال من زعيمهم شاويش اللاجئ الذي إشترى مسار بإسم الشرق في منبر جوبا. |
.
وترق لا يقول شئ عبثا...بالمناسبة. فهو ليس وحده ..والحراك هذا وراؤه مليون ترق .
وحتى مجلس الإدارة الأهلية الموازي..الذي صنعته قحت بإسلوب كيزاني خسيس.. قد إنقلب على صانعيه..عندما علم مرامي مؤامرتكم في مؤتمر ( الحشد المصنوع) بتاع بلدة شنبوب على الحدود الإريترية السودانية.. وعلموا أنكم تريدون أن تجروهم إلى قتال أهلهم في فتنة قبلية لا يحمد عقباها..
وأظنكم قرأتكم بيانات الإستنكار الحاسمة التي نشروها..
تبا لكم يا أوغاد يا عملاء يا رخاص.
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
عبد الرحيم يا حبيبنا Quote: واخيرا يا باش تعليقك ب توفير البن والتمباك اراه تنميط خفى :) |
نعم فيه تنميط و علني ما خفي لكنه ايجابي وليس سلبي, ارث الجبنة تحديدا عند ادروب فخر وزي ما غنوا عقد الجلاد يسوى الدنيا بي حالو واحد الشباب ظهر في فيديو ايام بداية الازمة وقال البن غالي الحكومة غلت البن والله ما نفتح الا يرخص! التمباك ما فيه تنميطن كدي يقولوا عليه, اغلبية السودان بتمبك و يفتخر*
Quote: أتمنى أن يستجيب ترك بفتح الطريق الآن وليس غداً وماء وجهه محفوظ. |
لا يتطسيع ترك ان يفتح الطريق كدا بس الآن دون ان يحقق شيئ, لازم الحكومة تعطيه و تمش خطوة نحوه حتى يحفظ ماء وجهه أمام أهله, القفلة الفاتت لو تذكر لما فتح العقبة بدون تحقيق اي مطلب كانت اشبه بالعيبة في حقه - رغم اعفاء والي كسلا في ما بعد. ونعم اتفق معك في خلل تناول الميديا و خلق نوع من الاستقطاب و التحشيد و التحشيد المضاد, ودا للامانة بسبب التعامل الحكومي مع الازمة, المدنيين تركوا الامر للعسكر و العسكر عايزين يستفيدوا منه لتحقيق مكاسب ما تعينهم في معركتهم الكبيرة حول انتقال السلطة وما بعدها من تبعات واضح خوفهم منها! وايضا طريقة تعاطي ترك أو من حوله و خلفه مع الازمة و رفع سقف المطالب لحد الاستحالة و استعدائه للشق المدني و موالاته للعسكر الهم اس المشكلة و سبب المسارات اساسا! عموما الموضوع يجب ان يحل بشكل ايجابي من الطرفين بتقديم تنازلات هنا وهناك مع استصحاب الجانب الآخر والا ستكون فقط تحولت المشكلة من الهدندوة للبني عامر!
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
سلام
Quote: وايضا طريقة تعاطي ترك أو من حوله و خلفه مع الازمة و رفع سقف المطالب لحد الاستحالة و استعدائه للشق المدني و موالاته للعسكر الهم اس المشكلة و سبب المسارات اساسا! |
ده نفسوا البعمل فيهوا عبدالعزيز الحلو و عبدالواحد نور ...رفع سقف مطالبهم و بختاروا من يفاضوا من جانب الحكومة ....... ابتزاز حركات دارفور و الحركة الشعبية للحكومة الانقالية و استجابة الحكومة للابتزاز ...حرض ترك و غيروا انهم يسلكوا السلوك ده المسارات هى من صنع الحركة الشعبية ......
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: مدثر صديق)
|
حزب الأمة القومي: “ترك” راغب في الحل وقدّم تنازلاتٍ
10 أكتوبر، 2021 رئيس حزب الأمة القومي المكلف، فضل الله برمة ناصر
قال رئيس حزب الأمة القومي اللواء فضل الله برمة ناصر إن قضية الشرق ليست مستعصية، وهي قابلة للحل، وإن الناظر محمد الأمين ترك أبدى رغبته في الوصول إلى حلول مع الجانب الحكومي، وفوّض حزب الأمة لإدارة ملف قضية الشرق مع المعنيين مدنيين وعسكريين. وأضاف برمة في حديث خص به (الحراك) أن ترك قدم تنازلاتٍ من أجل التوصل لحل، ولم يطالب بحل الحكومة ولا إلغاء مسار الشرق، إنما حصر مطالباته في تنمية الإقليم وركز على قضية إنسان الشرق. الحراك السياسي
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: Arif Nashed)
|
Quote: ده نفسوا البعمل فيهوا عبدالعزيز الحلو و عبدالواحد نور ...رفع سقف مطالبهم و بختاروا من يفاضوا من جانب الحكومة ....... |
مطالب ترك - على لسانه وحسب التسلسل الزمني: قبل بيان الترويكا: 1- الغاء مسار الشرق. 2- حل الحكومة وتعيين حكومة كفاءات. 3- حل لجنة التفكيك. 4- استقالة حمدوك.
بعد البيان: 5- الغاء الرسوم الجمركية. 6- جعفر حسن يطلع الجبل و يدردق. 7- رشا عوض تجينا هنا و نديها واحدة اضعف منها تمش معاها الجبل!
المطلب الحقيقي: 8- تلفون من البرهان!
كدي ادينا مطالب عبد الواحد و عبد العزيز القلت عليها نفس مطالب ترك!
| |
|
|
|
|
|
|
Re: الجزيرة- تِرِك: مستعدون لإزالة المتاريس و� (Re: محمد البشرى الخضر)
|
Quote: 8- تلفون من البرهان!
|
برضو عندو كلام كدا جاب فيهو سيرة غنماية وشنو كدا ما عارف
ما متذكرو
غايتو انا حا اردد الكلام دا كتييير
مطالب ترك لا علاقة لها بالشرق ولا تحل مشكلة الشرق
مطالب ترك هي مطالب حزبية تمثل حزبه المؤتمر الوطني لانو هو كووووز
لجنة ازالة التمكين ما عندها اي دخل في الورجغة دي كلها بس ترك دخلها في المطالب لانو متهم انو والغ في فساد صندوق اعمار الشرق وغير كدا بايعاذ من اسيادو الكيزان
مثقفي الشرق والناس الواعين عارفين الكلام دا فيهم من يقف ضد هذه المطالب وفيهم الشايل شبشبو وجاري وراء بكاسي ترك الكتييييييرة ويكورك ترق مرق
فاااااا الشرق له آلهة تحميه
| |
|
|
|
|
|
|
|