نظارات البجا: “لا نقبل تهديد أي قوة في العالم لا ترويكا ولا أميركا”.

Quote: الحكومه كمدنيين لاتاثير لا كلمه او دور لهم - يا هو موظفين عند الشق الاخر حتى حمدوك خارجيا يبدو كسفير متجول ودى ذاتها دورو محدود فى الاقتصاد بس وفك الحصار قبل استيفاء خطوات داخليه اساسيه تؤكد ازاله الظام القديم سبب الحصار - الملاحظ انو المفات المهمه كلها فى يد العسكر داخليا وخارجيا رغم دورهم الشرفى دستوريا والحكومه والمدنيين فى صمت وعجز ولانسمع الا اصوات الصراع المدنى - مدنى او تصريحات عنتريه تجاه الشق العسكرى لاتتجاوز مايكروفونات واوراق اجهزه الاعلام والوسائط كنت اتمنى ان حمدوك يتحرك ويباشر قضيه ترك دى حركه ترك لا اعتقد انها حتكون الاخيره على امتداد السودان واهو نسمع من امس طريق قومى فى كردفان اتترس وناس الجزيره بجهه وكلام فى الشرق انو فى صوامع سيقا اتمنعت الشاحنات من نقل الغلال للخرطوم حسب مونتى كارو ولو الليله فك تتريس واعتذر برضو الختاها كبدعه ف تهدد الفتره الانتقاليه بدرجه اعلان حرب على الدوله حتظل معلقه فى رقبتو بكل تداعياتها السالبه المهدده لوحدة السودان طبعا من حين لاخر بلاحظ فى ناس فرحانه بالقصه دى كمقدمات لفرز كل طرف عيشتو وانقسام السودان ربنا يلطف بالبلاد والعباد