04:18 PM October, 07 2021 سودانيز اون لاين
علوبه-KSA - Sudan
مكتبتى
رابط مختصر
السلام عليكم ورحمة الله وبركاته
الشوق كتير
السلام بالاحضان
مشكور اخونا بكري ابوبكر
وعذرك التحايا للأخ فضلي
طولنا الغيبه عنكم
و البركه في اللمه
ننزل ليكم بي بوست، ،،،
طاف عبر الوسائط من واتس آب و فيس بوك وغيره،،،
*من الارشيف*
*المحبه ،،،،،،،،،*
دي حاجه لا بشتروها ،
لا ببيعوها ، حاجه كده ،
فيها عنصر المفاجأة ، ممكن بكل سهولة تحب ليك زول ، زوله ، كتاب ، قميص ، ريحه ، قلم ،،،،،
هي حاجات كتيره ممكن تتحبه ،،، ،
يا بختك لو لقيت ليك زول يحبك ، ممكن يحبك لي زوقك ، لي لبسك ، لي نجاحك في عملك ، لي تفاصيل كتيرة ،،،،
بس كان بقت حب و ريد ،،، دي ما الجنه زاتها ،،،،
زي ما غني الكاشف ، الحب والريد،،، ،
و غني الجابري ، الجنة زاتها ،،،،،
*حب الام* لي جناها ده غريزي موجود في كل الكائنات الحيه ،
*حب الأم* ،،،، استثنائي ،،،،،،،
و في حب ، قلب الوالد ، ده فيهو ارتباط كيميوفيزيائي ،
حب الاخوان ، *الاخوان انحنا ما الاخوان التانيييين دييييييك* ،
حبك لي اخوك او اختك ، فيهو تغرز متجدد ، و الجميل فيهو بنتقل من جيل لي جيل ،،،،،،،
تتخيل ممكن الحب يكون لي شارع ، او ناصية ، او عمود كهرباء ، ده بعرفوهو ناس عاشوا تلك التفاصيل ،
هسه ، الحب ، لجوال ، لي شريحة ، لي تسريحه ، حليل إبراهيم عوض ، و شق الشعر ،
*حب المادة* ، لا أعني تلك المتداوله بين الناس ، لكن اقصد زمن الدراسة ، في حب لي مادة الكيمياء ، الرياضيات ، الأدب الإنجليزي ، التاريخ ، الأحياء ، دي بتربطك بي الاستاذ الذي يدرس تلك المادة ، و بينمو بينكم حب ، يستمر و يتسبب في تحديد و تغير مستقبل حياتك ،،،،،،
*المحبه،،*
اهلنا قالوا الماعندو محبه ، ماعندو الحبه ،،،،،
و كابلي غني و قال حبك للناس خلاني احبك تاني ،،،، شفته كيف ، عشان انت بتحب ليك زول ، ممكن يكون في محبه مربوطه بينكم ،،،،،
محبة الوطن ،،،،،
محبة التراب ،،،،،،
محبة الناس ،،،،،،
دي البتدي طعم للحياة ، و التواصل بين الناس ، رغم البعد و الأسى ، و المعاناة ،،،،،،
*المحبة،،،،*
للكبير ،،،، تفرق منها للصغير ،،،
الاولي ممزوجه بي احترام ،
التانية كلها حنيه ،،،،،،،،
*المحبه البين احبابنا الرومان* ، لها مذاق خاص ، زي تناولك و شوقك لل
Ciorbă de burtă cu smântână -
,,,,,
محبة الرومان ، ارتبطت بال
Cartofi prajiti ,,,,,
,,,,,,,,,,
محبة الرمان ، نستنشقها مع ذكريات ال
Snagov - Bucharest ,,,
,,,,,,,,,,,
Carpați ,,,,,
,,,,,,,,,,,
محبة الرومان ، نقيه ، صافيه زي ال
Apă minerală ,,,,
,,,,,,,,,,
محبة الرومان ، نوعها براهو ، لو نقول ياريت ، كنا شلنا معانا ، حبة من ال
Lapte bătut ,,,,,
,,,,,,,,,,,
محبة الرومان ، حلوه ، طاعمه ، و تترك فيك بقايا من ال
Prajituri de casa ,,,,
,,,,,,,,,,
محبة الرومان ، بتخليك تفتح عينيك ، و تملي ريئتيك ، بكل نفس ، عميق ، و تتذكر ال
Oua ochiuri ,,,,,
,,,,,,,,,
محبة الرومان ، بنعطش ليها ، و نتروي من ذكريات ال
Suc de roşii ,,,,,,
,,,,,,,,,,
محبة الرومان ، لاتشبع منها ، وتبقي محطات و ال
Mamaliga cu branza ,,,,,
,,,,,,,,,
محبة الرومان زي الدواء ، تتكتب ، وتتصرف ، وبدون اي آثار جانبية
،،،،،،،،،،،،،،
المحبة ، نتمني محبتنا تدوم ،،،
ولكم احبتي خالص محبتي ،،،
محبكم،،،،
*د.علي الشيخ*
*الحنين*
*امدرمان*
*١٤ نوفمبر ٢٠١٨*
|
|
علوبه
طلحة عبدالله
علي عبدالوهاب عثمان
مهيرة
Arif Nashed
علاء سيداحمد
فيس بوك
تويتر
انستقرام
يوتيوب
بنتيريست