|
Re: شرطة النظام العام ما زالت تعمل بنفس العقل (Re: wadalzain)
|
سلامات ..
Quote: كتب الاستاذ الفاتح حسين المحامي تعرضت مساء اليوم للضرب المبرح على الوجه والرأس والأذنين بقسوة وتعرضت لإساءات بليغة من قبل الشرطة المجتمعية (النظام العام) . بس لأني لقيت زول لابس زي مدني في قلب شارع المشتل حوالي الساعة ١٢ مساء أمام ديبونيرز بيتزا ماسك شابة في عقدها الرابع وبعتدي عليها بالضرب ، قلت ليهو عيب عليك وماصاح تضرب بت بالطريقة دي وفي نص الشارع كمان ، ساقو البت وزحو بيها الناحية الشمالية من شارع المشتل وبدو يضربو فيها ورموها في البوكس زي الشوال، ورفعو معاها بت تانية بي نفس الطريقة ، وبدو يضربوهم ضرب شديد بالجزمة وكفيت وضرب بالخرطوش في وشهن، وبعداك انا ذاتي شالوني ورموني جوة البوكس بي نفس الطريقة الرفعو بيها البنات وبدو يضربوهن ضرب شديد وبعد رموني جوة البوكس بدو يضربونا ضرب شديد في الوش والاذنين وكفيت وبنية في الوش. ودونا قسم النظام العام الديم ساقوا البنات تجاه الكاونتر وانا دخلوني جوة مكتب وبقو يضربوني كلهم، بعداك قالو لي شغال شنو قلت ليهم محامي تاني ضربوني ضرب شديد، ما عارف البنات حصل ليهم شنو حتى الآن لكن انا طلبت منهم يخلوني اتصل تلفون رفضو وطلبت اورنيك ٨ برضو رفضو، قلت ليهم طيب افتحوا لي بلاغ لو عندي تهمة ما ردوا على، بعد ساعتين أو زيادة ادوني تلفوني وحاجاتي وقالو لي امشي بعد صعوبة شديدة لقيت ركشة، مشيت قسم الرياض طلعت اورنيك ٨ وقابلت بيهو الطبيب قبل شوية . انا كويس جدا وما عندي اي عوجة لكن لانو الوقت متأخر آمل أن يذهب محامين ومحاميات الصباح ويسألو عن البنات ديل لانو في واحدة حالتا مزرية جدا وأعتقد أن وجهها تم تشويهه تماماً، وقد لا تنجو عينيها لأن أحدهم كان يضربها بالخرطوش في وجهها وعينيها وبالجزمة أيضآ. الشابات ديل انا خليتهم قبل ساعتين في قسم الشرطة المجتمعية بالديم (النظام العام) شاهدوهم من شارع المشتل قرب ديبونيرز بيتزا. يحتاجون العون القانوني والعلاج وهم بأشد الحوجة لذلك آمل من زملاء وزميلات المهنة والمدافعين والمدافعات عن حقوق الإنسان الذهاب لقسم الديم لتقديم يد العون لهن لانو انا احتمال ما اقدر اصحى بدري لانو الساعة الان خمسة صباحا |
|
|
|
|
|
|
|
|
|