|
|
|
 Re: مصر طارت السما (Re: عمر التاج)
|
| Quote: فما هو ياترى سر هذا التطور العجيب في الوقت الذي كنا نسير نحن على خطاهم |
قلعوا الكيـزان وترباية حسن البنا وقطب وجدعوهم برة مصر ..عشان كدة اتطوروا .
ونحن باذن الله مختلفين في الوسيلة لكن ماشين على خطاهم في القلع والجدع ..
| |
 
|
|
|
|
|
|
|
 Re: مصر طارت السما (Re: عمر التاج)
|
دا فهمي ..
| Quote: ونحن باذن الله مختلفين في الوسيلة |
اما الكتبتو انت دا:/
Quote: لو قام الديكتاتور البرهان انتفض
وكنس زبالة الحكومة المدنية دي
ممكن السودان برضك يطير السما |
فهو فهمكم وفهمك براك المخليـكم تفنجطو ما عارفين تكباسوا على وين..
لوعة اليتم حاااارة :)
| |
|
|
|
|
|
|
|
|
|
Re: مصر طارت السما (Re: HAIDER ALZAIN)
|
زي ما قال حيدر الزين
كنس زباله المؤتمر الوثني
فهو رأس الحيه
وباقي جتة الاخوان المسلمين
واذنباهم من طرق صوفيه
وحتي حركات مسلحه
من أحزاب الفكه
بيني وبينك ده مستحيل
سيتشظي السودان
ولن يكون
نظره متشائمه ولكن
هذا واقع نساق له سوقا
مع تحياتي
| |
|
|
|
|
|
|
|
|
|
Re: مصر طارت السما (Re: بشير حسـن بشـير)
|
ههههههههههه
يا ود التاج بهناك من الاول انا وريتك انت عايز تقول شنو
وما خيبت ظني ابداً وحاشاك
اها هنا كمان قرررربت تقولنا شوفو خير الحكم العسكري
وفي اشارة متذاكية للحصل في ميدان رابعة العدوية عايز تقولنا انسو الحصل قدام القيادة
وحات الطلاق انا بقيت عاجنك وخابزك هههههههههههههههههه
| |
|
|
|
|
|
|
|
|
|
Re: مصر طارت السما (Re: HAIDER ALZAIN)
|
سلام
عمر التاج ،هل تلمح ألى ان حكم العسكر هو سبب الإستقرار؟
أول عامل لاستقرار مصر هو :
عدم وجود مليشيات موازية للجيش .
زي ما قال أ.حيدر إقتلاع الكيزان المصريين قبل أن يتغلغلوا
في مفاصل الدولة و يدمروا المؤسسات و الخدمة المدنية.
و لم يتسببوا في عقوبات و حظر و لم يغتنوا هم و يفقروا البلد .
ثم ان الحكومات المصرية لم تشن حروب على أقاليمها .
| |
|
|
|
|
|
|
|
|
|
Re: مصر طارت السما (Re: نعمات عماد)
|
حبيبنا التاج .. تحياتي
مصر مختلفة عننا تماماً
المصريين كأفراد لا يمارسون السياسة من عشرتنا لهم في السعودية
نادراً ما يتحدثون عن الحكومة وغيرها ( يسألوننا عن اخبار بلدهم احياناً )
همهم الأول العمل وكسب الفلوس
لديهم قوة جسمانية هائلة ويجيدون الاعمال الصعبة مثل البناء والحفر .. الخ
ما في واحد يعتمد على أخوه أو قريبه وهو عاطل
==============
انثاء استماعي للنشرة الاقتصادية في قناة الحرة
مصر تفوقت على جنوب افريقيا في استقطاب المستثمرين في أفريقيا خلال العام
أفتتاح اكبر مشروع تحلية مياه في بحر البقر بسيناء انتاج 5 مليون متر مكعب من الماء يومياً لزراعة 400الف فدان في الصحراء
توقيع عقد مع سمينز المانية للقطارات السريعة 3 مليار دولار مرحلة اولى ( المجموع مشروع 9 مليارات)
التطوير السكني في القرى المصرية تم انجاز 2.5 وحدة سكنية
نموذج حلايب ليس ببعيد
===========
المهم يا التاج الحبيب .. الشعب يشتغل بدون تنظير وجدال سياسي
لديهم ثقافة العمل ..
أذكر زمان عندنا في ضواحي الدنيا كان يأتوا الصعايدة بالعشرات
للزراعة بالمشاركة ( ناس شغل صح ) منتجين
نحن ناس راحات وسمسرة وتتظير كل واحد معتمد على المغترب
حتى في الاغتراب هنا في السعودية كل يوم نحن في القهاوي والونسات
والجمعيات والكوتشينة وناس عطالة بالكوم يأكلوا ويشربوا على حساب اخوانهم
اتضح السيسي قائد ملهم كما ( مهاتير محمد وماليزيا ) بعض القادة
لهم القيادة والريادة بغض النظر عن تصرفاتهم الاخرى والرجل حازم جداً في انجاز المشاريع
لو كان مرسي الله يرحمه في الرئاسة مصر كان ماتت بالجوع
تحياتي الحبيب التاج ..
| |
|
|
|
|
|
|
|
|
|
Re: مصر طارت السما (Re: علي عبدالوهاب عثمان)
|
حبيبنا التاج ..
اضافة للمداخلة السابقة
حوالات المغتربين المصريين للداخل بلغ 31.6 مليار دولار
عندنا في السودان حتى بعد القرارات الجريئة من الحكومة حوالي 600 مليون دولار
الايرادات من الداخل والخارج .. عددنا السعودية فقط أكثر مليون سوداني
==============
معليش لابد من مواجهة انفسنا من أجل ابنائنا واحفادنا نحن خلاص بميزان العمر لن نرى أي نهضة
ولكن وبكل شجاعة لا بد أن نواجه انفسنا ونعترف بقصورنا .
أنا شخصياً ما زلت احول المصاريف الى البلد عن طريق الصرفيين
لأن عندنا في ضواحي الدنيا لا توجد بنية تحتية للبنوك .. فقط تلفون للصرفي بتحويل المبلغ
تجد بعد ساعة أو ساعتين استلموا الحوالة في البيت .. مع أن الحوالة أقل من سعر البنك حالياً
ولكن الخدمة هي التي تجعلنا نستعين بالصرفيين رغم أن السعر اٌقل من البنك
وبنفس الطريقة حوالات لابناءنا الشهادات العربية في الجامعات بعد الاتصال مباشرة يقوم الصرفي
بايداع المبلغ في حساب اسمه ( بنكك ) تتم العملية في دقائق .. وبرضو السعر أقل من الرسمي
ولكن سرعة الاستجابة وبعدين طبعاً نحن نحب السهل فقط تتصل بالتلفون او واتساب وانت راقد على جنب في السرير
لا صف لا مواصلات وكمان تدفع لاحقاً ممكن بعد يومين أو اسبوع .. لأن الصرفي من المعارف .. حتى لو ما عندك كاش
ممكن بعد اسبوع أو أكثر ..
آسف للاطالة ولكن هذا السرد وبدون مجاملة وبكل تجرد وأنا ضمن هؤلاء لأكشف الحقائق وسبب الحوالات خارج النظام البنكي
وكمان طبيعة شخصيتنا هي المشكلة الاساسية الفزع والعلاقات العاطفية التي تجتاز كل القنوات الرسمية وبدون ضمانات
وأوراق رسمية فقط الثقة المفرطة .. وهذه السلوكيات ربما تكون انسانية ولكن عندما تتخطى القوانين وتكون ضد مصالح المجتمع
تكون مستهجنة .. لا حظوا المصري ما يضمن ولا ولده فقط لديه الضمان هو البنك والحكومة ..
كمان يا جماعة حبنا للوطن ( لفظي) نذرف الدمع عندما نسمع الاناشيد ( أنا سوداني أنا ) أو ( وطن الجدود ) أو (أنا افريقي أنا سوداني)
آخر طرب وقفز في الهواء وهش العصا وتزول الاثار هذه المحبة بمجرد انتهاء الاغنية .. والحب الفعلي غائب تماماً ..
تحياتي الحبيب التاج ..
| |
|
|
|
|
|
|
|
|
|
Re: مصر طارت السما (Re: Osama Siddig)
|
| Quote: ونحن باذن الله مختلفين في الوسيلة |
الاختلاف في الوسيلة واضح ومفهوم يا حيدر وما عايز تأويل..
السيسي قتل وحكم وانتم بتفككوا وتحكموا
ولكن واضح انه معيارك خطأ من البداية
لان الثورة القامت في مصر كان على رأسها الإخوان
عكس ثورة السودان القامت ضدهم
وثانيا القوة التي إزاحت اخوان مصر لا يمثلها حمدوك أو سلك في السودان ..
عشان كدة خلينا في العوامل الحقيقية بلا كيزان بلا بطيخ ..
| |
|
|
|
|
|
|
|
|
|
Re: مصر طارت السما (Re: عمر التاج)
|
حبابك بشير اخوي
Quote: كنس زباله المؤتمر الوثني
فهو رأس الحيه
وباقي جتة الاخوان المسلمين
واذنباهم من طرق صوفيه
وحتي حركات مسلحه
من أحزاب الفكه
بيني وبينك ده مستحيل
سيتشظي السودان
ولن يكون
نظره متشائمه ولكن
هذا واقع نساق له سوقا
مع تحياتي |
زبالة المؤتمر الوطني يمكن كنسها بالقانون، في ظل حكم مدني رشيد
وبالوعي والحريات والشفافية سيكون مصيره مصير الاتحاد الاشتراكي ويصبح نسيا منسيا
أما بخصوص الاعتقاد العقدي، فأنا اتفق معك تماما في استحالة كنسها
ومن المستحيل ازالة المعتقدين فكريا في الاخوان أو الحركة الإسلامية
يستحيل إزالتهم أو تفكيكهم بالقتل أو القرارات السياسية مثل ما تفعله لجنة وجدي ، وأن اجتمع العالم عليهم
ولكم في طالبان ظاهرة ماثلة
لذلك اعتقد ان السودان ممكن يطير السما
فقط اذل حلق بكافة اجنحه
السياسية والدينية والفكرية
دعوا الأفكار تتلاقح والمعتقدات تنشر
والعلم والمعرفة والحكمة تاخذ مجراها في التصحيح والتصويب
وعلى الساسة وحكماء البلد التفرغ لبناء الوطن عوضا عن الخوض في الصراعات الحزبية والسياسية
| |
|
|
|
|
|
|
|
|
|
Re: مصر طارت السما (Re: عمر التاج)
|
| Quote: اها هنا كمان قرررربت تقولنا شوفو خير الحكم العسكري |
ازيك يا هيثم
وصدقني انت مشكلتك الأكبر هي نظرتك الانطباعية للقائل وحكمك المسبق
ولو حكمت عقلك فيما اكتب حا تكتشف اني ماعندي أكبر من الله ثم الوطن
وكل ماعداهما من أفراد وجماعات وأحزاب أنظر إليهم كأحداث لا أشخاص
اعرف مشاكلهم وسلبياتهم وايجابياتهم قبل أن أقف معهم أو ضدهم
واتفهم كل مرحلة على حسب احتياجاتها ومتطلباتها المتاحة
ولا أجد حرجا في ذكر تحدياتها والاعتراف بعيونها
وهدفي في النهاية واحد ..
وهو البحث عن أفضل الخيارات التي تخدم الوطن وتجعل تقدمه مشهودا وبائنا
ولذلك تجدني أقر بتقدم مصر في هذه اللحظة
ولا اخفي حقيقة انه اجرم في وقت ما وجرمه لا تمحيه السنوات
| |
|
|
|
|
|
|
|
|
 Re: مصر طارت السما (Re: Osama Siddig)
|
Quote:
كلنا نسينا الجملة المفتاحية لتطور مصر "حب المصريين لبلدهم" ..
|
العلماء ورجال الاعمال المهاجرين بعد ازاحه الاخوان حضوا وقدمو دراساتهم وخبراتهم وساهمو فى الاستثمارات ووظفو علاقاتهم فى مهاجرهم لصالح بلدهم
| |
|
|
|
|
|
|
|
|
|
Re: مصر طارت السما (Re: Asim Ali)
|
| Quote: عشان كدة خلينا في العوامل الحقيقية بلا كيزان بلا بطيخ .. |
ايش اللـ الكيزان بطيـخ يا عمروف!
انت تبحث عن العوامل الحقيقة ومغبش عيونك برومانسية مفتعلة تنظر للسماء وتحلم بأجنحة محلقة على طيات الأفكار وتلاقح المعرفة..
لكن لو وقتك التفتح عيونك بتلقى انه دي ورجغة وخداع نفسك منك ساي والعوامل الحقيقية الفعليـة ياها الكيزان ديل..
والبتعاين ليهو اساساً حنضل مش بطيخ ..
بس الكيزان عليهم اللعنة حنضل غلاد غلاد :)
* قلت لي اول لبدت قايلها حا تبشلق ليك وتحلي بطيخ..
لسه لي هسه تكدو حنضل بس ..ههههههه
| |
|
|
|
|
|
|
|
|
|
Re: مصر طارت السما (Re: HAIDER ALZAIN)
|
Quote: والعوامل الحقيقية الفعليـة ياها الكيزان ديل..
والبتعاين ليهو اساساً حنضل مش بطيخ |
لنفترض يا حيدر , الكيزان حنضل
بل قل عاهات عديل كدة
المصريين قدروا يسكتوهم بالسيسي . مع دعم غربي وعربي طبعا
طيب ، هل انت قادر على كنسهم بالفعل وازالتهم من معادلة الحياة في السودان؟
هل تفتكر حمدوك ووجدي ومناع قادرين على كنس احوان السودان نهائيا ؟
الاجابة قطعا لا
وأهو قدامك تجربة سنتين من وجودهم خارج السلطة وفي السجون والمعتقلات
وكل ما تقع في مشكلة نقول سببها الكيزان
ومؤكد حايجي يوم يتم فيه الغاء اي قرار سياسي اتخذته ضدهم ، مالم يكن فيه حكم قضائي
يعني بالواضح كده، انت بتنفخ في قربة مقدودة
ولعلمك , السيسي بعد مجزرة رابعة العدوية ما كنس الاخوان
واكنشف انه الجري وراءهم مضيعة للوقت
لذلك تركهم وشأنهم والتفت لمشروع بناء مصر
السيسي وفقا لمصادر مطلعة
اقتنع انه لا هو ولا جمال عبد الناصر ولا السادات ولا كل المؤسسة العسكرية
حايقدروا على مسح الاخوان من مصر باستيكة
وانهم ممكن يعودوا في اي لحطة .. كما عادوا بعد الثورة
ولذلك هادنهم ونركهم لحالهم
فهل تقدر على مسجهم ياحيدر
انت وحمدوكك ولجانك من غير حتى المؤسسة العسكرية والجنجويد والحركات المسلحة؟
هل تقدر يا حيدر ول حاتمسك بالشعب زمن ساكت؟
| |
|
|
|
|
|
|
|
|
|
Re: مصر طارت السما (Re: عمر التاج)
|
حبابك اختي نعمات
Quote: هل تلمح ألى ان حكم العسكر هو سبب الإستقرار؟
أول عامل لاستقرار مصر هو :
عدم وجود مليشيات موازية للجيش .
زي ما قال أ.حيدر إقتلاع الكيزان المصريين قبل أن يتغلغلوا
في مفاصل الدولة و يدمروا المؤسسات و الخدمة المدنية.
و لم يتسببوا في عقوبات و حظر و لم يغتنوا هم و يفقروا البلد .
ثم ان الحكومات المصرية لم تشن حروب على أقاليمها |
ليس حكم العسكر ، بل الاستفرار هو العامل الأبرز
غض النظر عن نوع الاستقرار ... عسكري ، مدني، اخوان، يسار
المهم أن بلدهم شهدت استفرار سياسي كبير
والتفت المسؤولين من القضايا الصعرى والصراعات الضيقة
للهم الأكبر وهو اصلاح البلد وخدمة الشعب
لذلك من الأفضل لهذا الوطن أن تستقر
وان كانت الحكومة الحالية جزء من حالة عدم الاستقرار فعلينا أن نجد بديلها
حكومة شركاء متشاسكين في انفسهم ، حزببين لابعد حد، غير مفوضين من الشعب لا يمكن ان يخلقوا أي حالة من الاستقرار ولو حكموا مائة عام .
العقوبات على السودان كانت فترة محدودة ارتبطت بوجود الكيزان ، و من الطبيعي أن تزول بزوال حكمهم
الخدمة المدنية حاليا في يد احزاب فحت ، وحالها يغني عن سؤالها
الامن والحركات المسلحة الان في يد حمدوك وصحبه ، فما الذي تحسن في ادائهم لخدمة الوطن؟
ورغم غياب الكيزان عن السلطة لفترة تقارب الثلاثة اغوام
الا أن الحروبات مازالت قائمة في السودان ، والمدن محتلة، والجيش مرتزق،
والمليشيات متوفرة ومتفلتة، والسلاح هلى قفا من يشيل
وفي مصر الحالة قريبة، ولكن السيسي يدير حروبها بذكاء ..
| |
|
|
|
|
|
|
|
|
|
Re: مصر طارت السما (Re: عمر التاج)
|
Quote: مشكلتك الأكبر هي نظرتك الانطباعية للقائل وحكمك المسبق
|
يا عمروف ياخ اتا خليت فيها انطباع وحكم مسبق
وقسما بالله كلامك في البوست دا والتاني والتالت والرابع الخ الخ
ما فاضل ليك إلا تقول أنا مع حكم العسكر وهو عين ما يتمناه
فلول النظام المباد ..
اذا خشيت المطعم وجيت مارق ريحتك سمك فما عايزا ليها
أحكام مسبقة واجتهاد .. اذا ماسك ضرسك ودخلت عيادة
اسنان تئن وتتوجع دي ما عايزة ليها انطباع وحكم مسبق
وقد قيل في المقام: البعر يدل على البعير .. خخخخخخ
...........
يا عمر قول ساي دا رايك وأنت حر ان شاء الله تقول أنا حزب
الشيطان ... سبب واحد يخليك تتضاري وراء المكابرة
والغلاط مافي .
| |
|
|
|
|
|
|
|
|
|
Re: مصر طارت السما (Re: عمر التاج)
|
تحياتي حبينا علي
Quote: مصر مختلفة عننا تماماً
المصريين كأفراد لا يمارسون السياسة من عشرتنا لهم في السعودية
نادراً ما يتحدثون عن الحكومة وغيرها ( يسألوننا عن اخبار بلدهم احياناً )
همهم الأول العمل وكسب الفلوس
لديهم قوة جسمانية هائلة ويجيدون الاعمال الصعبة مثل البناء والحفر .. الخ
ما في واحد يعتمد على أخوه أو قريبه وهو عاطل |
أراك لخصت فكرتي وحديثي عن الابتعاد عن الصراعات الداخلية والتفرغ لبناء الوطن
وفعلا مصر الان في حالة عمل مستمر, والشعب مشمر عن سواعد البناء بكل اطيافه وأحزابه
الكل يعمل في صمت، والاعلام يعكس الانجازات باستمرار
تم تقوية النظام العدلي والاقتصادي والصحي والخدمة المدنية
وترك للجميع فرص الدخول فيها والتنافس الشريف
بحدث ذلك رغم تقول المؤسسة العسكرية على الاقتصاد والسياسة
ولكن باقي الشعب منفرغ تماما لعمله وكسبه
لا عندهم صراع بين حمدوك والبرهان
ولاعندهم جيوش متمردة محتلة الاقاليم والولايات
ولا عندهم تروس ولا لجان مقاومة ولا ترك ولا مناوي ولا حميدتي
ولا عندهم لجان تفكيك سياسي
الكل في عمله، ومن ظلم أو سرق فالقضاء ، او هيئات محاربة الفساد وفق القانون
السياسيين شغالين في دورهم
والاخوان في مساجدهم
والعلمانيين في منابرهم
وكلهم شغال في شغله الخاص او العام دون تعطيل لعجلة الانتاج
Quote: انثاء استماعي للنشرة الاقتصادية في قناة الحرة
مصر تفوقت على جنوب افريقيا في استقطاب المستثمرين في أفريقيا خلال العام
أفتتاح اكبر مشروع تحلية مياه في بحر البقر بسيناء انتاج 5 مليون متر مكعب من الماء يومياً لزراعة 400الف فدان في الصحراء
توقيع عقد مع سمينز المانية للقطارات السريعة 3 مليار دولار مرحلة اولى ( المجموع مشروع 9 مليارات)
التطوير السكني في القرى المصرية تم انجاز 2.5 وحدة سكنية
نموذج حلايب ليس ببعيد |
لو تابعت اعلامهم الرسمي
واسنادهم الحر
لعرفت أنهم ماضون بقوة في كل المجالات
وقد سبقونا بفراسخ خلال الاعوام القليلة الماضية
بينما نحن نرجع كل يوم ونهدم ما كان مبنيا بحجة انه عمل فلول، ونرفع بغباء شعار "حانبنبهو"
| |
|
|
|
|
|
|
|
|
|
Re: مصر طارت السما (Re: عمر التاج)
|
تحاتي عاصم علي
وحقيقة أجد نفسي عاجزا عن ملاحقة تحليلاتك القوية ومنطقك السليم وقراءتك الحصيغة لملفات السياسة
ولذا تجدني ارجئ التعليق على هذه المداخلة العامرة البليغة الى حين ميسرة
Quote: سلام عليكم
حقيقه يختلف الغالبيه معى لعامل العداء لمصر اطلاقا من دون قراءه مصر كدوله (اعتبروها فى اى قاره تانيه خلف البجار مؤقتا)
مصر دوله مؤسسات
مؤسسه الجيش والمخابرات ادارت معركه مخطط القسيم والحريق العربى المسمى زورا ربيع عربى من قبل 25يناير ومخطط تحلفالاخوان مع محاور دوليه (مش اقليميه كمان) وذكرت مرار انو مرسى كان معتقل بتهمه تتعلق بالتخابر فى الموضوع دا قبل 25 يناير
اداروا القصه واستدرجوا الاخوان ومخططهم ثم انقضوا عليهم
كانت النتيجه اغتيال محمد مبروك صاحب ملف التخابر والنائب العام ودا الوجه المفروض نشوفو برضو
مجزره رابعه القتل فيها شريك فيهو الاخوان بافتعال الصدام المسلح (كانت رابعه وحتى القصر الرئاسى ومعركته وضحاياه لنفس السبب)وهو اها كانت مناطق ترسانه اسلحه ومتفجرات ومافى دوله محترمه بتسمح بفوضى منطق خارج اطار القانون (جريمه منظمه باسم الدين) داخل حدوددولتها بل وفى قلب العاصمه
المقارنه بينماحدث فى مصر ومايحدث فى السودان ظالم لمصر والسيسى لانو الادوار تم تبادلها
ونضرب مثال اعتصام رابعه مقابل اغلاق الشرق من يحمى الفوضى فى الشرق ؟
ومن حسم الفوضى والحرب على الدوله فى مصر (تذكرو كلام البلتاجى ومتاكمافى زول عارفو قال شنو فى رابعه ..مامعناه ان الارهاب فى سينا سيتوقف فى اللحه اللى يرجعفيها مرسى ...وهنا تستمر افعال كما فى سيناء ورابعه فى اللحظه اللى يسمح بهبوط ناعم وتراجع عن سياسه تفكيك التمكين (لااقل اقول لجنه التمكين افراد يعنى من حق الثوره تراجع سياسه اللجنه وادارتها لاداء افضل)
كامل دعمى لكل من يحسم فوضى وارهاب الاخوان فىاى بقعه من العالم
تحياتى للجميع صاحب البوست وضيوفو |
| |
|
|
|
|
|
|
|
|
|
Re: مصر طارت السما (Re: عمر التاج)
|
Quote: الكيزان قاعدين فوق تلتها وسايقنها لمصيرها
أركز بس!
قال عادت قال |
هذا ما كتب عمر التاج في بوست (شركاء متشاكسون)،
ثم نقض ما كتب في هذا البوست قائلاً :
| Quote: ورغم غياب الكيزان عن السلطة لفترة تقارب الثلاثة اغوام |
أثبت على رأي واحد.
| |
|
|
|
|
|
|
|
|
|
Re: مصر طارت السما (Re: نعمات عماد)
|
الحاجة العايز اوصلها ليك يا دكتورة وعزيزي القارى ..
كلامي عن أي شخصية او جهة في اي بوست، بكون مرتبط بحدث معين وليس انطباعا عن الشخص أو الجهة
يعني لو قلت ليك حمدوك كعب، فما معناتو انه كعب في نفسه .. ولكنه عمل حاجة كعبة يمكنك فهمها من خلال باقي المداخلة
واذا قلت البرهان كويس، ما معناته انه راجل كويس، ولكني أصف اللحظة وحدثا معينا .. واقارن بين الخيارات المتاحة
لذلك ليس في ظني وجود شخص أو جهة ذات حسن مطلق أو سوء مطلق ..
هذا ديدني على العموم في كل كتاباتي ولقد اوضحته في هذا البوست قبل عامين على ما اذكر..
ثانيا، ما اقتبستيه في مداخلتك ليس فيه تعارض..
الكيزان غائبين عن السلطة لما يقارب الثلاثة أعوام..
ولقد تركوا الجمل بما حمل للقحاتة وجملة الشعب الذي ثار ضدهم
ولكنهم مؤثرين جدا في المشهد ..
ويمكن أن يسوقوه في اي لحظة لمسار غير الذي تتوقعونه
هم حاليا راضين ومبسوطين من هذا المسار .. وسعيدين برؤية خصومهم يتخبطون كمن به مس
ولكن وفيما اعتقد، انهم سيوجهون قبلة البلد لمسار اخر وقت ما شعروا بأن الحكاية "تارة" عليهم حقيقة
ثالثا : ودي وقتها ما جاء
| |
|
|
|
|
|
|
|
|
|
Re: مصر طارت السما (Re: عمر التاج)
|
Quote:
ورغم غياب الكيزان عن السلطة لفترة تقارب الثلاثة اغوام
الا أن الحروبات مازالت قائمة في السودان ، والمدن محتلة، والجيش مرتزق،
والمليشيات متوفرة ومتفلتة، والسلاح هلى قفا من يشيل
|
Quote: ولكنهم مؤثرين جدا في المشهد ..
ويمكن أن يسوقوه في اي لحظة لمسار غير الذي تتوقعونه
|
لما انت مقتنع بأن الكيزان مؤثرين و سايقين البلد لي مصيرها،
المعنى أن المكون العسكري بالتحديد برهان و حميدتي فشلوا في
إيقاف أو إبطال تأثير الكيزان على أمن و استقرار البلد، ليه
جاي تقول سلموها لي برهان و حميدتي عشان تلحق مصر
في التطور و التنمية؟
| |
|
|
|
|
|
|
|
|
|
Re: مصر طارت السما (Re: نعمات عماد)
|
يا عمر التاج يا صاحبي
عرفت لشنو دائما بقول ليك بطل الورجغة
وفرمل انطباعاتك الطالقا هنا دي ؟؟
عشان كنت متأكد انو ح يجي يوم يلموا فيك
ناس زي ست نعمات وحيدروف الصلد ديل
يكشنوها ليك بلا زيت .
| |
|
|
|
|
|
|
|
|
|
Re: مصر طارت السما (Re: طلحة عبدالله)
|
Quote: المكون العسكري بالتحديد برهان و حميدتي فشلوا في
إيقاف أو إبطال تأثير الكيزان |
الكيزان كيان سياسي عقدي ولا تقع مسؤولية ايقافهم على البرهان وحميدتي
بالعكس ، ديل من أهم ربائب الكيزان
السياسيون يا دكتورة بدقوهم بالجمهور
والوسيلة الوحيدة لذلك تعرفونها جيدا
| |
|
|
|
|
|
|
|
|
|
Re: مصر طارت السما (Re: عمر التاج)
|
ليست المدنية وحدها هي التي طورت العالم
فمصر السيس العسكرية نمت خلال سنتين أكثر من ألف درجة عن سودان الفترة الانتقالية.
والمملكة السعودية تقدمت سنين ضوئية عنا خلال فترة الكرونا ، وفي كل المجالات
ودول الخليج قاطبة لم تشهد فيها دولة تراجعا على اي مستوى خلال العامين الأخيرين
عكس ما حدث في السودان الذي تراجعت مؤشرات المعيشة فيه لنا دون الصفر ..
والمسألة اذن ليست مسألة عسكرية ومدنية
بل ايمان ورغبة وقدرة على تنمية البلد
وهذا مالايتوفر في اي من شركاء الحكومة السودانية الحاليين
| |
|
|
|
|
|
|
|
|
|
Re: مصر طارت السما (Re: عمر التاج)
|
Quote:
فمصر السيس العسكرية نمت خلال سنتين أكثر من ألف درجة عن سودان الفترة الانتقالية.
|
سلام عمر التاج
كلمه السر فى الموضوع هى انو مصر طوال عهودها اسست لنظام دوله المؤسسات تختلف الوجوه لكن توجد ملامح اساسيه للدوله
نظره على مجلس الوزراء وتركيبتو من بعض عهد السادات والى الان يختار من الملتزمين بالخط السياسى يعتمد بشكل اساسى على التكنوقراط منهم على راس الوزارات والمؤسسات
| |
|
|
|
|
|
|
|
|
|
Re: مصر طارت السما (Re: Asim Ali)
|
| Quote: يعتمد بشكل اساسى على التكنوقراط منهم على راس الوزارات والمؤسسات |
الحبيب عاصم .. تحياتي
نعم كلامك 100% التنكوقراط هو المخرج
لم ألاحظ اي تصريحات سياسية للوزراء المصريين عدا وزير الخارجية
كلهم منهم في تخصصاتهم ( مشاريع )
مع التحية للحبيب التاج
الحبيب عاصم كلامك نال اعجابي وهي الحقيقة
دعواتكم مدخلات الموسم الشتوي .. سماد وجازولين التقاوي هينة
| |
|
|
|
|
|
|
|
|
|
Re: مصر طارت السما (Re: علي عبدالوهاب عثمان)
|
Quote: كلمه السر فى الموضوع هى انو مصر طوال عهودها اسست لنظام دوله المؤسسات تختلف الوجوه لكن توجد ملامح اساسيه للدوله
نظره على مجلس الوزراء وتركيبتو من بعض عهد السادات والى الان يختار من الملتزمين بالخط السياسى يعتمد بشكل اساسى على التكنوقراط منهم على راس الوزارات والمؤسسات |
شكرا للاخوة عاصم علي
وعلي عبد الوهاب ..
ماقلتما، وما أمنتما الا على الحقيقة ..
التكنوقراط على رأس اي مؤسسة مؤشر جيد على العدالة والاستقرار
ويظل العمل السياسي قليل التأثير على تراجع أداء البلد
كلما ابتعد عن الخدمة العامة والجيش.
وليت حكومتنا تغتدي بالسيسي، خاصة في التنمية الزراعية وهندستها
Quote: أحرزت الدولة المصرية تقدما ملحوظا فى مسيرة التنمية على كافة الأصعدة ، بما يشمل رفع مستوى معيشة المواطنين، وتطبيق برنامج جاد للإصلاح الاقتصادى يستهدف دعم دور القطاع الخاص فى التنمية، وتحفيز إقامة المشروعات الصغيرة والمتوسطة وريادة الأعمال، فضلا عن المضي قدما بتحسين خدمات الإسكان، والتعليم، والصحة، والنقل، وشبكات الحماية الاجتماعية، كما أولت الدولة المصرية اهتماما بالغا بتعزيز التعاون الدولى مع المؤسسات الدولية والتعاون الثنائى مع الدول الصديقة ، بما مكنها من المضى قدما بخطوات متسارعة فى مسيرة التنمية.
وففى عهد الرئيس عبد الفتاح السيسى، استطاعت الدولة المصرية أن تنتهى من تنفيذ نحو ( 14762 ) مشروعاً ، وذلك فى الفترة منذ تولى الرئيس السيسى وحتى 2020/6/30
|
Quote: تناول الدكتور مصطفى مدبولى رئيس مجلس الوزراء خلال كلمته في المؤتمر الأول للمشروع القومى حياة كريمة، الحديث عن بعض المشروعات الجارى تنفيذها والمستهدف الوصول إليها خلال الفترة المقبلة، وكانت أبرزها:
- نقوم بإنشاء مجمعات زراعية لخدمة الفلاح المصري في القرى.
- توصيل الغاز الطبيعي لنحو 4 ملايين وحدة سكنية.
- توفير الخدمات اللازمة لتحقيق الشمول المالي بالقرى.
- سيتم التوسع رأسيًا من أجل إتاحة عدد أكبر من الوحدات السكنية.
- سيتم تنظيم قوافل علاجية جديدة لتوفير الرعاية الصحية لأهالي الريف.
- يتم تحديث أكثر من 80 عبارة.
- يتم إنشاء 14 ألف فصل جديد بجانب رفع كفاءة أكثر من 25% من المدارس القائمة.
- إنشاء 1374 منشأة ووحدة صحية وقوافل علاجية وسيارات إسعاف.
- إدخال الإنترنت فائق السرعة لقرى الريف المصرى.
- إنشاء 51 محطة جديدة، وإحلال وتجديد أكثر من 3 آلاف كيلو مواسير قديمة.
- 2500 كيلو تبطين وتم الانتهاء من 900 كيلو متر.
- إنشاء 64 وحدة تضامن لتقديم خدمات متكاملة.
|
| |
|
|
|
|
|
|
| |
عمر التاج
HAIDER ALZAIN
بشير حسـن بشـير
نعمات عماد
علي عبدالوهاب عثمان
Asim Ali
Osama Siddig
فيس بوك
تويتر
انستقرام
يوتيوب
بنتيريست