نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: أحزان الجمهوريين: رحيل الأستاذ حمزة ذنون � (Re: Omer Abdalla Omer)
|
شكر الله لكن وتقبل منكم يا دكتور عمر
ممتنون
محمد صلاح ذاالنون ناهيا عمه جمزة ذا النون جبارة الطيب
*في رثاء الفقيد حمزة ذا النون*
الحزن الكبير فوق القليب اتربع
والخبر الأليم خلي الجميع يتوجع
ياحمزة الاصيل البكرم اطبع
فاقدنك كتير بس البفوت مابرجع
💧 💧 💧
يبكك الكرم لانو فيك سجيه
وتبكيك الصحافه والجيلي والطيبيه
مافقدك كبير خلي القلوب مهريه
ياحليل البيدي اطفالنا غير عيديه
💧 💧 💧
مافي يوم. جمعت للقروش والمال
يا اب كفيه نديه تنفق يمين وشمال
قلبك للمظاهر لا لف يوم لامال
كل همك. تجيب الفرحة للاطفال
💧 💧 💧
علي كل البلاء صابر صبر ايوب
ولكل الاهل من القلوب محبوب
ياورث كرم. الذكرهم لالابوب
يارب الكرم اسقيهو حالي الكوب
💧 💧 💧
كم فكيت كرب وفرجت عن مسكين
بالهيبة وجلال ياحمزه تملاء العين
ولكل البجيك تديهو لو بالدين
فقدك. في القلوب زي طعنة السكين
💧💧💧
سالين الكريم الرحمة دوم تغشاك
وفي الفردوس هناك تسكن يطيب مسعاك
وفي جاهو العظيم سيدنا الرسول يحجاك
وعلي مر الزمان ما اظن يوم ننساك
💧 💧 💧
يارب ياكريم لحمزه كبر كومو
ويسعد في الجنان مع جدو طيب قومو
وبالفوز والنجاح تختملو لمرسومو
وفي جنات نعيمك كترلو مقسومو
💧 💧 💧
|
|
  
|
|
|
|
|
| |
عبدالله عثمان
فيس بوك
تويتر
انستقرام
يوتيوب
بنتيريست