|
Re: سيصرخون (Re: عبدالحفيظ ابوسن)
|
اقنعونا بتعويم الجنية وانو البضايع بتتهرب عشان كدة الاسعار مولعة ونحن شعب بنعشق المنطق العلمى والخبير قلنا سميناها رضينا والدولار ثابت في محلو والاسعار زايدة اها لامن الجماعة خبراء البنك يقلعو لينا باسباب الارتفاع نخت الخمسة في الاتنين
| |
|
|
|
|
|
|
Re: سيصرخون (Re: عبدالحفيظ ابوسن)
|
وهل تعلم عزيزي القارئ ان مخالفة نسيت رخصة القيادة عشرة الف ج ودقداقة والحد الادنى للاجور تلاتة الف ونص ج المخالفة بتمشى للحكومة مباشرة طبعا تقوم تدفع منها رواتب 3 عمال
| |
|
|
|
|
|
|
Re: سيصرخون (Re: عبدالحفيظ ابوسن)
|
Quote: وهل تعلم عزيزي القارئ ان مخالفة نسيت رخصة القيادة عشرة الف ج ودقداقة والحد الادنى للاجور تلاتة الف ونص ج المخالفة بتمشى للحكومة مباشرة طبعا تقوم تدفع منها رواتب 3 عمال |
سلام وتحايا أبوسن ... غير الشعب ما أظن في زول بصرخ ... بمناسبة الزيادات المكوكية لأسعار المخالفات ... مسكني بتاع مرور وعمل لي شيشنة سريعة كدا طلعت فوق الخمسين ألف ... خمسين ألف عديل وقال وكيل نيابة وسجن وضامن والله لمن عرقتا ... وطبعاً أخوك جايي شهادة عربية والعربية لوحة سعودية تربتك وطولنا من البلد ... يعني فريسة ساهلة وجاء واحد عسكري كتر خيرو قال ليهو بشهد معاك وبحلف كمان ... أها قلتا ليهو بنمشي قسم وين أول شيء قال لي المعمورة قلتا ليهو بس أرح نائب رئيس القسم أنا خالو ... قال لي يعني حيعمل ليك شنو قلت ليهو بتتسهل بعد شوية بدأ يرخي أها شيل وحا وتُر والله يا الله مرقتا بالعشرة ... عشرة ألف حتى أخدتا ورق العربية والرخصة ... الصرخ بنصرخو نحن الشعب الكيزان أمورهم واضحة والعندهم إكتر من برنامج أراضي وأراضي بتاع وجدي صالح ... الله يصلح الحال ويهون القواسي ...
| |
|
|
|
|
|
|
Re: سيصرخون (Re: نزار عبد الوهاب)
|
مرحب بيك نزار بلاشك مجهود مقدر من وجدي وصحبه لكن في ترس معصلج قاعد في النص بعكس الحركة . مابتشوف دورية شرطة ولا عساكر لافين لحفظ الامن الا رجال المرور ديل بتشوفهم وبلبدو ليك ويقنطروك يستحيل تمشى كلم واحد بدون ما يلاقوك ولو اتنهبت نص شارع الزلط مابلتقى ليك عسكري يقول ليك الله يجيرك
| |
|
|
|
|
|
|
Re: سيصرخون (Re: عبدالحفيظ ابوسن)
|
ومع الظروف الكالحه والحالكه الليله كشه ازاله رواكيب ستات الشاى والاكل واكشاك تقاطع الدروشاب وكبرى الحلفايا مرور بالطرمبتين ....وممتده تقريبا للحلفايا كله(على الشارع) ماعارف الناس دى تعمل شنو نفس القديم حتى الاكشاك على الاقل مصدق ليهو اديهو انذار يرحل لموقع جديد يرحل ليهو هسى مشكله الانفلات الامنى دى وسرقه قضبان السكه او ابراج الكهربا لو اتصاعدت كلو سيصرخون شعب وومتضررين وحكومه سلامات ابوسنوضيوفو
| |
|
|
|
|
|
|
Re: سيصرخون (Re: Asim Ali)
|
حبابك نعمات تسلمى مرحب عاصم للاسف دة الحاصل كل مايضيق على المواطن يتم تنفيذه فورا وبالقوة الجبرية منو داك القال ضبط الاسواق وقوانين سيتم تنفيذها ؟ لى هسة لا اتطبقت لا شفناها مع انو قرار ازالة الرواكيب يكون يقررو بالليل ونفذو تانى يوم
| |
|
|
|
|
|
|
Re: سيصرخون (Re: عبدالحفيظ ابوسن)
|
Quote: ماتحمر لي ياصلاح انا ما معاك |
😃😃😃😃 هي حمير بس؟؟؟ دي معاها كفكيف قميص لغاية البوع وفتيح زراير وبعداك نجي فوقك بي كتف لامن تتترتع هناااك ... تحسبو لعب ... 😃😃😃😃😃 أنا فاتح فراش للكهربا بي هناك ... ف شنو ... البلد دي لازم تستعدل ...
| |
|
|
|
|
|
|
Re: سيصرخون (Re: Salah Zubeir)
|
مرحبا أبو سن Quote: وهل تعلم عزيزي القارئ ان مخالفة نسيت رخصة القيادة عشرة الف ج ودقداقة والحد الادنى للاجور تلاتة الف ونص ج المخالفة بتمشى للحكومة مباشرة طبعا تقوم تدفع منها رواتب 3 عمال
|
بسيطة ما تنسى الرخصة وما تخالف خليك منضبط بس . نحن في بلاد الغربة بنربط الحزام قبل ما نركب العربية ذاتو عشان ما نخالف أشمعنى في بلدنا ؟؟
| |
|
|
|
|
|
|
Re: سيصرخون (Re: طلحة عبدالله)
|
مقارنة في غير محلها يا طلحة اخوي
شوارع حفر واشارات يوم شغالة ويومين لا وعلامات شوارع اتجاه واحد لا تري و حتي اشارة المرور ما فيها برتقالي ، توقف يصدموك من الخلف تمشي في الاحمر تلقاهم لابدين لك ومرات في شريط السكة حديد ، يعني انت وحظك مع القطر . كل ما ذكرته حقيقة وليس قصة قصيرة ولا حصلت لي حكاها صاحبي. واقع ولا في الخيال
| |
|
|
|
|
|
|
Re: سيصرخون (Re: اخلاص عبدالرحمن المشرف)
|
والله لو كانت وفق القانون المفروض على الجميع بسبب عدم انضباط المخالفين فالمشكلة وين هنا ؟؟ ينبغي أن ننضبط ونلتزم كما نفعل في بلاد الغربة. ......... من زمان قاعد أقول مشكلتنا كشعب سوداني تمكن في تجسيدنا بامتياز مقولة ( ضربني بكى سبقني اشتكى) ما عايزين نقوم بأي جهد أو مساعدة لا انتاج لا انضباط ولا أية حاجة مفيدة .. ولما يعود علينا ذلك بالسلب نشكي ونبكي .. خخخخ
| |
|
|
|
|
|
|
Re: سيصرخون (Re: طلحة عبدالله)
|
من حقنا نبكي يا طلحة اخوي. اما الحكومة تاخذ حقها زي حكومات الغرب وتقدم لي خدمات صفر خليها تقدم لي خدمات عشان يستقيم الميزان، الناس بتصرخ من المرتب ال بالسوداني والسوق العالمي معقولة العربات كلها اتكسرت من الشوارع وناس المرور يجمعوا في الغرامات .
| |
|
|
|
|
|
|
Re: سيصرخون (Re: طلحة عبدالله)
|
Quote: بسيطة ما تنسى الرخصة وما تخالف خليك منضبط بس . نحن في بلاد الغربة بنربط الحزام قبل ما نركب العربية ذاتو عشان ما نخالف أشمعنى في بلدنا ؟؟
|
ياطلجهانتو بتدافعو عن الحكومه دى وفشلها (حكومه مطعمه لامن مره بالكيزان الصفوف الخلفيه) دفاعكم دفاع حميه ساى تعال غيش وشوف وشوف منو المدور القصه زمان ومدورها هسى (حاجه زى سباق التتابع) ناس الشعل والثوريين الجد اتخلصو منهم زماااااان وفضل منو ؟ ناس حتى من الداخل -غواصاتهم-جهزوهم للعبه الهبوط الناعم تحت قناع الثوره فرغوهم من سنوات عشان يعدوهم لسواقة الشعب بالخلا. سؤال بسالو من زمن ومافى جاوب للان :ليه الكيزان مااطلقو موجهارهاب زى ليبيا وسورياومصر وغيرو بيمارسو وجه ارهاب جديد نوفى عبر الازمات ؟ وانتو بتصفقوا لهم وبتدافعو عن فشلهم شعب بيتعاقب على انو عمل ثوره وخلينا ساكتين احسن الناس الهسى ومن ناس الداخل ......... قاعدين فى المواقع العامه ومطبخ القرار ومكتفين الثوره ماتمشى لى قدام ماف زول بيدافع عن سجم هسى دا الا الناس الما قراب وعاشين الواقع احداث وشخوص تحياتى
| |
|
|
|
|
|
|
Re: سيصرخون (Re: Asim Ali)
|
يا عاصم ومعاك الست اخلاص معليش بس انتو في وادي وأنا في وادي اخر وين هسة دفاعي عن الحكومة هنا ؟؟؟؟؟؟؟؟؟؟ ياخي اقتبست جزئية محددة من كلام اخونا سيد البوست بتاعت نسيان الرخصة في البيت وقلت المفروض الناس تنضبط وما تنسى الرخصة واضفت ليها تربط الحزام شنو بالله عليك الدفاع بالباطل في الحتة دي ؟؟؟؟؟؟؟؟؟؟؟؟ اذا نسيت الرخصة أو ما ربطت الحزام مثلا وقبضوك خالفوك تحتج على أي أساس مثلا ؟؟ هل أنت فوضوي ولا تحب الانضباط وعايز تعمل أية حاجة في أية حاجة على كيفك ؟؟
ويا ستنا اخلاص للأسف بعد فهمتك النقطة المحددة البتكلم فيها أنا جيتي تاني بنفس الكلام الما عندو علاقة بمداخلتي .. يا جماعة بتكلم عن الانضباط ما تنسى الرخصة وأربط الحزام .. دا علاقتو شنو بأي حرف كتبتيهو أنتى وعاصم ؟؟؟؟ ما عندو أية علاقة والله العظيم . حولاااااااااااااااااااا
| |
|
|
|
|
|
|
Re: سيصرخون (Re: عبدالحفيظ ابوسن)
|
ابوسن تحايا نواضر حاسي انو راسي فاضي من اي مفردات للكتابة.... لكن اتزكرت رواية
Cry the beloved country عودا حميدا ابوسن وأشواق بيرو ..
| |
|
|
|
|
|
|
Re: سيصرخون (Re: النذير بيرو)
|
زهجت يا طلحة مننا 😹😹😹. غايتو الرخصة معاي طوالي ، الحزام احياناً . بنشكي يا طلحوف. وعملنا البوست حائط مبكي 🌹
| |
|
|
|
|
|
|
Re: سيصرخون (Re: النذير بيرو)
|
Quote: ذا نسيت الرخصة أو ما ربطت الحزام مثلا وقبضوك خالفوك تحتج على أي أساس مثلا ؟؟ |
يعني يا طلحة في رأيك ذا أنا نسيت الرخصة أو ما ربطت الحزام مثلا وقبضوني وخالفوني وحكموا علي بالإعدام شنقاً حتى الموت، ما أحتج؟
| |
|
|
|
|
|
|
Re: سيصرخون (Re: النذير بيرو)
|
تحياتى ليكم وتشكروا عذرا لعدم الرد الراتب هههه يا طلحة ياخ وقت الشكلة ماتقول لي زول صلى علي النبي . مافي زول فاضى يسمع زاتو . الناس راسها لف دغوتات دغوتات مافى شي ماشي في مصلحتهم . اي حاجة في مصلحتهم بتفرمل والعكس في مخالفات حقو بعد تدفعها يجلدوك خمسة سيطان . زى ربط الحزام مثلا مابكلفك شي لكن بخسرك . تشيل رخصتك معاك مالك خاتيها في البيت دايرة ترضع . اها الناس بقت تلاوز ماتخت الرخصة ولا الترخيص في العربية لانو ممكن تتسرق وبالورق الفيها تتباع عديل كلامك صاح الانضباط واجب لكن ماتسرف في العقوبة .
| |
|
|
|
|
|
|
Re: سيصرخون (Re: النذير بيرو)
|
التحية لحبيبنا الجميل .. أبوسن .. مودتي والتحايا للحبيب عاصم .. ودائما ما اتابع مداخلاتكم لأنكم أهل الداخل وتعيشون الواقع .. نفس الكلام عند اتصالنا بأهلنا في ضواحي الدنيا .. همنا الأول الآن والخوف الاكبر ( مدخلات انتاج موسم الشتاء ) ما زال الكيزان عندنا في دنقلا عاصمة الولاية هم كل شيء وكذلك في المحليات والوحدات حتى المستشفيات والمراكز الصحية تحت إدارتهم .. أقل مرض سفر الى الخرطوم والاسعاف بالملايين
صدقت ياعاصم في هذه العبارة :
Quote: ثوره ركب ضهرها كيزان -من جوا ومن برا وحمله سلاح- وناس مستورده ماعندها علاقه بهم المواطن تقضى مهمتها وترحل زى اشرف عنى وكرزاى وغيرو الشعب بعدها يتلفت لثوره تانى !!1؟؟؟ |
لا بد من ثورة ثانية ..
تخيلوا عندنا في المحلية .. بعد مقتل احد شبابنا .. وغياب الشرطة (حادث غريب عن المنطقة) اصبح كل قرية فيها متطوعين يعملوا على تفيش الغرباء واثبات هوياتهم (خاصة الدهابة ) وارجاعهم الى العاصمة اذا كانوا اجانب بدون إذن ( زي الجوازات عندنا هنا في الخليج) صورهم في القروبات وهم يمارسون نشاط الشرطة والامن
تحياتي الاحباب الكرام .. التحية للحبيب أبوسن .. عودة كانت مهمة للمنبر
| |
|
|
|
|
|
|
Re: سيصرخون (Re: النذير بيرو)
|
تاني ثورة يا عاصم علي ... لا ..لا ..ياخ الله يرضي عليك ... عموماً بوست صادق بما فيهو مشاركة طلحة تنظير ...
| |
|
|
|
|
|
|
Re: سيصرخون (Re: محمد حمزة الحسين)
|
Quote: موضوع حزام او غيروما اظن يكون تصور درجه الجهل فى نقاش نقطه زى دى من البديهيات ياخى ماتطلقو فينا الوجع زياده ويترفع الضغط فى حاجه غلط ولازم تتعدل
|
يا عاصم الله يرضى عليك ما تكورك فينا ههههههه موضوع موية قاطعة ووجع ضروسكم ورغيف مافي دا جزء آخر من البوست أنا أصلا ما ناقشتو ... انا فطيت كل شكاوي سيد البوست بغض النظر عن اتفاقي أو اختلافي معاه واقتبست دا بس Quote: مخالفة نسيت رخصة القيادة عشرة الف ج ودقداقة |
وقلت الحل ما تنسى الرخصة وتربط الحزام تجي أنت تشبكني وجع وموية قاطعة ودفاع عن حكومة وما عارف شنو ؟ ياخ لو أصلا أنا عايز اناقش في الحتة كانت اقتبست كل كلام أبوسن . كلامك الفوق دا كلو ما تبعي وعشان كدا المفروض ما أرد ليك عليهو لكن بس عايز أفهمك أنو أنا حددت جزئية معينة صغيرة في البوست ووضعت ليها الحل ببساطة . كلامك الباقي كلو تبع سيد البوست أبو سن ياخوي اللهم إلا اذا عايز بس بمناسبة ودونا تقول لي بتدافع عن الحكومة و(تطلق فينا الوجع زيادة وترفع لينا الضغط ) ؟؟ ساي كدا شايل العبارة المقوسة دي وما لاقي ليك زول تلصقا فيهو وعترت ليك أنا المسكين دا في السكة .. خخخخخخ
| |
|
|
|
|
|
|
Re: سيصرخون (Re: طلحة عبدالله)
|
Quote: يعني يا طلحة في رأيك ذا أنا نسيت الرخصة أو ما ربطت الحزام مثلا وقبضوني وخالفوني وحكموا علي بالإعدام شنقاً حتى الموت، ما أحتج
|
بتكلم عن مخالفة نسيان الرخصة وعدم ربط الحزام يا حافظ هي دي عقوبتا الاعدام شنقا حتى الموت واللا شنو ؟؟
| |
|
|
|
|
|
|
Re: سيصرخون (Re: طلحة عبدالله)
|
ماهو موضوع الحزام دا حتى الوقع القرار بالحمله وافراد الحمله وضاطهم ماشغالين بيا فى عرباتهم فى خلل حتى الجزئيه دى وشغل همبته من جهه انفاذ القانون فقط للتفوق على الربط المتوقع ليهم تعال شوف المحطه الوسطى بحرى خيمه عساكر قوات مشتركه ودفارات وبكاسى متعطلين عشان نهب الشعب بالقانون باسم المخالفات والبلد التفلت ماليها ومافى انتشار امنى يحمى المواطن فى جزئيات اهم وفى ( كل ) اكتر اهميه
| |
|
|
|
|
|
| |