|
Re: أسطورة الهلال كابتن مصطفى النقر (النقر جا� (Re: Emad Ahmed)
|
https://top4top.io/ صور جماعية بين منتخبي مصر والسودان في تصفيات أولمبياد لوس انحلوس 1984م في مبارة الإياب بملعب المقاولون العرب وانتهت نتيجتها بفوز مصر 1/2 واحرز اهداف مصر عماد سليمان ومحمود الخطيب واحرز هدف السودان مصطفى النقر
وقوف من اليمين : المرحوم تابت البطل, حامد بريمة, المرحوم إبراهيم يوسف, المرحوم سامي عز الدين, عماد سليمان, محمود الخطيب, مصطفى النقر, شوقي غريب, عادل امين, مجدي عبد الغني, جلال كباتا, علي شحاتة, أسامة الثغر. جلوس من اليمين : طارق احمد ادم, طاهر ابوزيد, مازدا, ...., الصادق إسماعيل, ربيع يس, مصطفى سيماوي, ماهر همام, صديق الرميلة.
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: Emad Ahmed)
|
https://top4top.io/ الفريق القومي السوداني 1983م :
وقوف من اليمين : مازدا, طارق احمد ادم, مصطفى النقر, أبو عبيدة ادم, المرحوم سامي عز الدين, جلال كباتا جلوس من اليمين : الصادق إسماعيل, المرحوم عز الدين الصبابي, حامد بريمة, المرحوم مصطفى سيماوي, عادل أمين
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: Emad Ahmed)
|
https://top4top.io/https://top4top.io/صورة جماعية للفريق القومي السوداني والمنتخب ... 1983م : دورة الصداقة بدولة كوريا الجنوبية
وقوف من اليمين : مازدا, أبو عبيدة ادم, المرحوم سامي عز الدين, عثمان الله جابو, المرحوم عز الدين الصبابي, عوض دوكة, طارق احمد ادم جلوس من اليمين : مصطفى النقر, عبد العظيم الجار, المرحوم مصطفى سيماوي, جلال كباتا
(عدل بواسطة Emad Ahmed on 09-17-2021, 11:41 AM)
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: Emad Ahmed)
|
النقر في رابط علاء قال جاء من المطار للاستاد للعب ضد المريخ، أبو زعبل في لقاء تلفزيوني قال أول هدف للنقر في شباك المريخ كان سنة ٨٠ بعد عودته من السعودية.
لقاء ابو زعبل موجود في اليوتيوب
إذا كان كلامك صحيح بعودة النقر سنة ٧٨ في حاجة منعته من المشاركة مع الهلال باقي ٧٨ وكل سنة ٧٩
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: أبوبكر عباس)
|
Quote: النقر في رابط علاء قال جاء من المطار للاستاد للعب ضد المريخ، أبو زعبل في لقاء تلفزيوني قال أول هدف للنقر في شباك المريخ كان سنة ٨٠ بعد عودته من السعودية.
لقاء ابو زعبل موجود في اليوتيوب
إذا كان كلامك صحيح بعودة النقر سنة ٧٨ في حاجة منعته من المشاركة مع الهلال باقي ٧٨ وكل سنة ٧٩ |
بخصوص رابطة علاء سيد احمد مع كامل الاحتارم والتقدير للكابتن مصطفى النقر لكن الاحداث متضاربة
لديه لدرجة انه ذكر في حوار تلفزيوني موجود في اليويتوب أنه هو هدف مباراة كاس العودة ومعلوم
للجميع بان الكابتن التاج محجوب أحرز هدفي مباراة كاس العودة فيما احرز هدف المريخ مازدا.
اضافة لكلام ابو زعبل حصل ليك تشويش في المعلومات يا مستنير
مصطفى النقر لعب للهلال من العام 1978م الى أن تم شطبه في العام 1985م وعندي صور له
له وهو يلعب للهلال في تلك السنوات لاحقا بنزلها ليك شوية شوية عشان نرفع بيها البوست
خليك متابع ..
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: أبوبكر عباس)
|
Quote: تقدر تجيب يا عمدة، أي مباراة لعبها النقر مع الهلال سنة ٧٩
شكراً على طولة بالك الناس هنا ما قاعدين يتحملوا عباطتي لفترة طويلة؛ بدوني بالجنبة الفيها الحديدة |
يا مستنير برجع لطلبك بالمعلومة والصورة
بالعكس والله في غاية السعادة لتواجدك في المنشور
وحضورك أعطى البوست تشويق واثارة
حبابك ديشيليون
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: Emad Ahmed)
|
https://top4top.io/ المريخ في العام 1979م :
وقوف من اليمين : عادل تولا, عمار خالد, المرحوم عبد العزيز الجيو, المرحوم سامي عز الدين, عطا أبو القاسم, مازدا, حامد بريمة. جلوس من اليمين : كمال عبد الغني, فتحي فرج الله, عادل أمين, الفاضل سانتو, سليمان عبد القادر. https://top4top.io/ الهلال في العام 1979م :
وقوف من اليمين : احمد ادم, عز الدين الدحيش, ابراهومة الديسكو, مصطفى النقر, المرحوم قاسم أحمد عثمان جلوس من اليمين : متوكل عبد السلام, التاج محجوب, بارودي (الأبيض), المرحوم حافظ عبيد, إبراهيم سنار
ملاحظات على الصورتين :
الصورتين الأعلى للمريخ والهلال كانت في مباراة دورية بينهما في العام 1979م انتهت نتيجتها بالتعادل السلبي.
وهي أول مباراة للكابتن عز الدين الدحيش بعد شطبه من المريخ وعودته للهلال ويلاحظ في الصورة زيادة وزنه جراء توقفه من اللعب لعام كامل طوال فترة وجوده في المريخ ودي المباراة الوحيدة الرسمية التي لعبها للهلال بعد عودته.
ارتدي الكابتن مصطفى النقر الرقم (14) في تلك المباراة بدلا من الرقم (10) الذي قام بارتدائه الكابتن عز الدين الدحيش لاقدميته.
شهدت المباراة مشاركة الكابتن الفاضل سانتو مع المريخ بعد انتهاء فترته الاحترافية مع فريق النصر الاماراتي حيث لعب للمريخ موسم و احد بعده لعب لاتحاد مدني موسمين وأعتزل الكرة.
من الاحداث الشهيرة لتلك المباراة ضياع الكابتن سليمان عبد القادر لضربة جزاء.
شهدت المباراة مولد نجومية الكباتن كمال عبد الغني وعادل أمين حيث تم تسجيلهما للمريخ في نفس الموسم 1979م.
بجيك راجع يا مستنير بالمزيد من صور مصطفى النقر في موسم 1979م ان شاء لله.
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: أبوبكر عباس)
|
Quote: كدا أقنعتني فضل حاجة صغيرة؛ هل للنقر هدف في شباك المريخ قبل مباراة سنة ٨٠ القال عليها أبو زعبل؟ |
لم يحرز مصطفى النقر اي هدف في شباك المريح قبل سنة 80
أحرز مصطفى النقر أربعة اهداف في شباك المريخ تفاصيلها كالاتي :
- فاز الهلال 1/صفر (مصطفى النقر), ودية في يونيو 1980م. - فاز الهلال 1/صفر (مصطفى النقر), دوري السودان في يونيو 1981م. - فاز الهلال 1/صفر (مصطفى النقر), دوري السودان سبتمبر 1983م. - تعادل 2/2 احرز للمريخ أبراهومة المسعودية والمرحوم صلاح الأمين وللهلال الديبة ومصطفى النقر, دوري السودان في سبتمبر 1984م.
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: علاء سيداحمد)
|
تعرف يا علاء، كنت ضامن الغلاط دا مائة في المائة باعتبار الأيام دي شغال في مكان واحد مع كابتن ياسر حداثة وكل يوم تقريباً بتكلم مع قاقرين هنا بأمريكا، يعني قلت عادي ممكن نجيب تلفون النقر ونتصل بيهو ونطقطق عمدة دا في قبولو، لكن عمدة جانا وقال لي؛ كلام النقر من خشمو برضو غلط المهم في النهاية فرّح فيني الشمات ناس مشرف وفي واحدين كتار تاني بكونوا مبسوطين
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: بسمات الشيخ)
|
Quote: الاستاذ عماد احمد لماذا لا توثق لنا حياة الفنان محمد حميدة ( الثنائي الوطني)'والذي كان يشدو مع رفيقه " امتي يا امة الامجاد... " وقد توفى الى رحمة الله بوم الاحد بمدينة الدامر |
سلامات بسمات الشيخ
الصور موجودة والمعلومات غير مكتملة
بحاول اكملها ونعمل ليهو بوست في القريب العاجل
له الرحمة والمغفرة والمبدع محمد حميدة
تحياتي للاميرات الغائبات دكتورة اميرة السيد وامتثال عبد الله
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: Emad Ahmed)
|
Quote: تعرف يا علاء، كنت ضامن الغلاط دا مائة في المائة باعتبار الأيام دي شغال في مكان واحد مع كابتن ياسر حداثة وكل يوم تقريباً بتكلم مع قاقرين هنا بأمريكا، يعني قلت عادي ممكن نجيب تلفون النقر ونتصل بيهو ونطقطق عمدة دا في قبولو، لكن عمدة جانا وقال لي؛ كلام النقر من خشمو برضو غلط المهم في النهاية فرّح فيني الشمات ناس مشرف وفي واحدين كتار تاني بكونوا مبسوطين |
الكابتن ياسر حداثة كان ماشي في مجال التدريب بصورة جيدة
وكان مشروع مدرب ناجح له لو استمر في المجال ده
له التحايا عبرك
دكتور المشرف وعلاء الدين بيمزحوا لمكانتك الكبيرة في نفوسهم
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: Emad Ahmed)
|
الاستاذ عماد الزميلة والصديقة امتثال غادرتنا الى بلاد العم سام قبل ثلاثة ايام ووصلت هناك بخير لتكملة العلاج في بلد العلاج ، وقد بلغناها تحياتك اليوم عبر الهاتف اما الدكتورة اميرة فهي لا زالت تستمتع بشمس الشمالية ... ومنتظرين توثيقك للثنائي الوطني في بوست منفصل ..
| |
|
|
|
|
|
|
Re: أسطورة الهلال كابتن مصطفى النقر (النقر جا� (Re: بسمات الشيخ)
|
Quote: الاستاذ عماد الزميلة والصديقة امتثال غادرتنا الى بلاد العم سام قبل ثلاثة ايام ووصلت هناك بخير لتكملة العلاج في بلد العلاج ، وقد بلغناها تحياتك اليوم عبر الهاتف اما الدكتورة اميرة فهي لا زالت تستمتع بشمس الشمالية ... ومنتظرين توثيقك للثنائي الوطني في بوست منفصل .. |
سلامات بسمات
بالنسبة للراحل محمد حميدة شبه جاهز البوست مع الصور
وفردته يوسف السماني عندي ليهو صور والمعلومات غير مكتملة
وعد مني لاحقا بكمل المعلومات وبنزل البوست هنا
معذرة للرد المتاخر تعمدت طوال الفترة عدم رفع بوستاتي لكي نعطي
المنشورات الاخرى والتي تتناول الشأن السياسي لبلادنا المساحة المطلوبة
من النقاش والحوار ولك العتبى.
تقديري واحترامي
| |
|
|
|
|
|
|
|