الفوضى في ادارة المركز الثقافى السودانى بالدوحة بعد تحريره من الكيزان

Quote: استعراض كتاب عبدالله بولا القاعة الكبيرة الخارجية فيها امسية فنية لرابطة القانونين مزازيك وكدا في الحوش يوجد عزاء ورفع فاتحة في الطابق الفوق مجتمعة لجنة تسير الجالية

Quote: مافى فحص كرونا للداخلين على المركز

Quote: الهردبيس ده ما مشحودين عليه عادة ومحن سودانية

Quote: يبدو فى الامر بزنس

Quote: والله السودان كولوا بعد التحرير بقي هردبيس وفوضي ... هي بقت علي حته مركز في الدوحة ...

Quote: منتصر يامطرطش اوعك تتكلم في الممنوعات المطعم يتبع للمدير الادارى بالسفارة السنى مابقدر يحرك فيه كباية شاى عندك اي اقتراحات امش قدمها للجنة التفكيك ووجدى صالح قال عندهم خط ساخن

Quote: بالعكس يا منتصر، المفروض كل المركز يتحول لكافتيريا أنيقة ومكان ترويح والبعد نهائياً عن ما يسمى بالأنشطة الثقافية المملة ديك، ويتم حصر الثقافة في ليالي غنائية شبابية الطريقة القديمة بتاعت تثقيف الناس عفى عنها الزمان يا أخي، ما دي بس في كليات كثيرة بالجامعات يجب قفلها التلفزيونات الرسمية للدول يجب قفلها التمثيل المسرحي انتهى المحاضرات الدينية؛ زمنها فات وزي ما بقول رمضان زايد؛ خليكم مع الزمن

Quote: سلام ومودة لكل الاحبة نعمل فعاليات يقولوا في جوطة وخرمجة وزحمة في المركز ما نعمل انشطة يقولوا ديل ده ما مكانهم نحاول نضبط نفسنا يقولوا بقينا سلطة عملنا موجهات من من المحاذير الصحية الي اداب المشاهدة قالوا عايزين تعلمونا كيف نحضر الفعاليات الود الحارس محمد اقبال يقول لي الناس البسوا الاقنعة وما تبصقوا السعوط على الاض يتهجموا عليه وقال ليهو دي ارض سودانية ابعد يا بنغالي عمل اوراق انو ده مركز ثقافي ليهو احترام كل هذه الافعال من سلوك يمارسها الناس وليس ممارسة ادارة المركز يحضروا لللمركزيوميا بازياء و لبس هردبيس ولامن تسالهم يقولوا ليك نحن ماشين المطعم ...عندنا صالتين مشغولات لحدي نهاية العام وبجوا ناس يقولوا ليك عايزين نعمل عزاء ومافي مكان معروف غير المركز والعزاء لمساعدة الناس وخاصة المسافر والعزاء بتعملل في الصالاات اليوم الكان فيهو فاعليتين اتعمل العزاء في مساحة مكتبة بشرى وهي مكتبة مفتوحة للناس لشراء واستعارة وتقدم يومنيا برامج توعوية من افلام ومسامرة في المساحة الصغيرة التي منحتها لزميل لهم ليقيم العزاء ، االمركزمن خمسة سنوات لم يقدم الفعاليات والانشطة التي قدمت في اسبوع عددا وقيمة ومعنى برغم التنظيم الذي يضرب به جمهور المركزعرض الحائط المركز يقدم اعماله من خلال لجنة تنفيذية تطرح عليها البرامج لاجازتها وليس من صنعي نحن نعمل بروح الفريق وليس البطل الفرد كل الخرمجة مقدور عليها ولكن اين رايكم في مصمون ما قدم من منتديات رياضية وصحية ونفسية ووثقافية وبروفات الفرق الموسيقية والمسرحية وفرقة الفنون الشعبية وبلو مزار ونادي السينما للأطفالوالكبار كل هذا العمل ولا نرى سوى الخرمة شكرا لنقدكم البناء وشكرا للطاقة الايجابية التي وصلتنا لنقوم بعمل اجمل من ما قدم سيكون المركز مركزا ثقافيا بعضوية تلتزم بلوائح وموجهات الثقافة والفنون والتراث مركزا يفتح ابوابه للحضارة اوالثقافة والفنون والتراث السوداني اللسودانيين والقطريين والمقيمين، ابوابه مفتوحة لصداقة الشعوب ليعرفوا حضارتنا وثقافتنا ،عضوية تشارك في كل الفعاليات وليس مجرد فراجة يشربون في الشاي ولا يكلفوا نفسهم مشاهدة واو المشاركة في المحاصرات او المنتديات حتى ولو من باب الفضول لانهم في مركزثقافي وليس نادي شكرا لك يا بدرو ومنتظرين منك البوسترات التي وعدت بطباعتها اتمنى ان تطبع الموجهات حتة يلتزم جمهور المركز بكل ما كتبتم عنه بانه خرمجة