|
|
|
 Re: جائزة أوسخ دولة في العالم (Re: عمر التاج)
|
للاسف الولايه ماشايفه شغلها لا خدمات وتطبيق قانون ورقابه بواسطه السلطات المحليه لحسم المظاهر السالبه
المواطن شريك فى جانب السلوك وقصور الوعى
حاليا فى مبادره (نظافه العاصمه القوميه) ناس بتحاول تعمل شىء
لكن مع عقليات الجمهور وسلبيه الولايه
بيبقى مجهودهم زى محهود ابو الدرداق عشان عرس القمره
.
كل سنه وانت طيب وعودا حميدا
| |
 
|
|
|
|
|
|
|
 Re: جائزة أوسخ دولة في العالم (Re: Asim Ali)
|
اخي عمر التاج
ان كنت لا ترى شيئا جميلا في السودان فدعك منه وابقى حيثما انت .. رسل المصاريف للاهل وابقى خارج السودان
السودان لن يستفيد من امثالك في شئ
الانتقادات اللاذعه (باستمرار) لن تعيد لك اصحاب العهد المقبور
تحياتي
| |
|
|
|
|
|
|
|
|
|
Re: جائزة أوسخ دولة في العالم (Re: طارق محمد الطيب)
|
حبابك عاصم وكل عام وانت بخير ،
Quote: للاسف الولايه ماشايفه شغلها لا خدمات وتطبيق قانون ورقابه بواسطه السلطات المحليه لحسم المظاهر السالبه
المواطن شريك فى جانب السلوك وقصور الوعى
حاليا فى مبادره (نظافه العاصمه القوميه) ناس بتحاول تعمل شىء
لكن مع عقليات الجمهور وسلبيه الولايه |
المسؤولية لاشك جماعية ، والمشكلة في الأساس مشكلة ثقافة مجتمعية
ولكن لخطورتها لابد للسلطان ان تقوم بواجبها كاملا نحو التغيير
ولا بد للدولة ان تعمل على توفير آليات النظافة الراتبة وتقوم بترحيل الأوساخ بعيدا عن الأسواق والمجمعات السكنية
الحكومات المحترمة في كل العالم تخصص موازنة ضخمة للنظافة
وتوفر عمالة وافرة لنظافة الشوارع والطرقات وحمل وتفريغ براميل القمامة من وسط الأحياء والطرقات
ومن ثم فرض النظافة بالقانون والإجراءات الرسمية حتى يتشبع المواطن بروح النظافة والنظام.
| |
|
|
|
|
|
|
|
|
|
Re: جائزة أوسخ دولة في العالم (Re: عمر التاج)
|
تحياتي اخ طارق
Quote:
الانتقادات اللاذعه (باستمرار) لن تعيد لك اصحاب العهد المقبور
|
الوجه المشرق اعكسوه انتم يا طارق ، وخذوا مقابل ذلك ماطاب من مكافآت وحوافز ووظائف
عافيها ليكم ..
بس كمان الأوضاع السالبة اذا انتو شايفنها وعاجباكم .. نحن ما عاجبانا
واذا انتو ما شايفنها ، نحن بنعكسها ليكم عشان تشوفوها فتغيروها وتصلحوها
الوطن ما وطنك لوحدك ولا وطن العهد الباقي أو المقبور
الوطن للجميع، ومن حق الجميع أن يبشروا بالسمح وينتقدوا الشين
واذا ده ما ما عجبكم فالعيب أكيد فيكم
| |
|
|
|
|
|
|
|
|
|
Re: جائزة أوسخ دولة في العالم (Re: muntasir)
|
سلام ي عمر التاج
أ. طارق خاطبك بصفتك فرد : (الأخ عمر التاج).
أنت رديت عليه:--
| Quote: انتو شايفنها وعاجباكم .. نحن ما عاجبانا |
إششش معنى؟ هل هل أنت في لاوعيك مقسم الناس لي إنتو VS نحن؟
من هم (نحن)؟ و من هم (إنتو) ؟
و عندك بوست بعنوان (س نعبرو)، فهل (ناس نحن) س يعبرو و ناس( إنتو) لا؟
| |
|
|
|
|
|
|
|
|
|
Re: جائزة أوسخ دولة في العالم (Re: نعمات عماد)
|
https://fb.watch/758AFB95GI/
حبابك نعمات ..
Quote:
سلام ي عمر التاج
أ. طارق خاطبك بصفتك فرد : (الأخ عمر التاج). |
وانا رديت عليه بصفة الإخوة قبل كل شئ (اخ طارق)، راجعي المداخلة
| Quote: هل أنت في لاوعيك مقسم الناس لي إنتو VS نحن؟ |
من خصائص اللغة العربية استخدام اسلوب الجمع للمتكلم أو المخاطب الفرد لاغراض معينة ..
الله سبحانه وتعالى الفرد الصمد خاطب عباده في كثير من الآيات بقوله تعالى (نحن)..
اخ طارق صرح لي في وسط مداخلته بأداة الجمع (كم)
بينما ردي المبني على الجمع هو مجرد فرز لكيمان من يقبلون بالعمل الجمعي من أجل الاصلاح
ومن يرفضون مجرد النصح والنقد الخطابي ويعتبرونه نقد موجه من جماعة ما ..
أما كلمة س نعبر ..
فمن الافضل ان تفسريها حسب انطباعك عندما تسمعيها بصوت "المؤسس" أو "المؤسسة"
أو قولي " معالي دولة"
| |
|
|
|
|
|
|
|
|
|
Re: جائزة أوسخ دولة في العالم (Re: muntasir)
|
Quote: انا اتفق في وساخة العاصمة بس سؤال الوساخة دي من زمان ولا حاجة جديدة لفتت نظرك في آخر سنتين تلاتة
|
ههههههه بالغت يامنتصر
الناس قالوا ازمة اقتصادية ... قالوا دي اززمة من زمان
قالوا صفوف خبز ... قالوا اصلا دي صفوف من زمان
قالوا مافي بنزين .... قالوا دي اصلا مافي بنزين من زمان
كمان في النضافة نقول ليهم ،،، اصلا انتو وسخانين ومعفنين من زمان
طيب شنو فايدة الثورة .... نضافة الله الواحدة ،،، منظر ساي يقول في تغيير في البلد ولو صوري
موضوع التعقيدات والاولوليات والتمويل وشركات النضافة العالمية وووووو كل الامور دي بتاعت الحكومة
الزول بس عايز نتيجة بلد علي الاقل تكون نضيفة اضعف الايمان ،،، ما قالوا نيويرك لكن كمان اوسخ مدينة في العالم صعبة شوية
| |
|
|
|
|
|
|
|
|
Re: جائزة أوسخ دولة في العالم (Re: muntasir)
|
القاذورات التي يجب كنسها أولا هي أحزاب السجم
ونشطاء الأحزاب والتحزب
وبكنسها سينصلح الحال
والله لو إبليس موش من يظن بأنه كوز فتح بوست
وطرح مشكلة لكنت أرى الواجب أن نحاور
ابليس هذا في أصل موضوع البوست وليس
في كونه ابليس وابليس الذي هو كذا وكذا
و ما عارف ايه
ناهيكم عن مواطن شريك وزميل في البورد
انتو بالعبط البسوو فيهو دا بتخلوا الشعب
يصبح معظمه لقمة سائقة للكيزان البنكرهم
موت و تتجمل صورتهم في نظر غالب الناس
الطريقة البتردو بيها علي عمر التاج دي تعبر
عن عبط وجهل أكبر المستفيدين منه ييكونون
هم الكيزان!
| |
|
|
|
|
|
|
|
|
|
Re: جائزة أوسخ دولة في العالم (Re: muntasir)
|
حبابك منتصر..
| Quote: انا اتفق في وساخة العاصمة |
الحمد لله، اول مرة تتفق معي
بس انا لا اتفق معك في وساخة العاصمة، انا اقصد قذارة شوارعها واسواقها
| Quote: سؤال الوساخة دي من زمان ولا حاجة جديدة لفتت نظرك في آخر سنتين تلاتة |
والله انا لي سنتين ما شفت العاصمة على ارض الواقع
وقبلها ما كانت في حكومة ..
الان في حكومة ، وحكومة ثورة وتغيير كمان
فهل تفترض ان حكومة الثورة والتغيير تكون إنجازاتها في مجال الصحة بهذه الطريقة
انظر يا منتصر هذا المشهد المصور قبل أيام واحكم بنفسك واجب على أسئلتي وأسئلتك
https://fb.watch/7584LQt_Ed/
حد شاطر بيتصفح من لابتوب بالله ينزل الفيديو ..
| |
|
|
|
|
|
|
|
|
|
Re: جائزة أوسخ دولة في العالم (Re: Osama Mohammed)
|
بركاتهم دي والله كنا عايزنها تواصل معاكم في دعم السلع، استتباب الامن، الكهرباء، المنشآت ..الخ
لكن الوسخ والفساد والاعتقالات والمحسوبية والمحاصصات ..الخ
ده شغل مافيه بركات ، دي الأخطاء الكنا عايزنها تتغيير بمجرد زوال النظام السابق
| |
|
|
|
|
|
|
|
|
 Re: جائزة أوسخ دولة في العالم (Re: عمر التاج)
|
تحياتي يا جعفر ..
في البدء غرضي والله شريف جدا..
كل العايزو ان الحكومة تعرف وتعترف ان عاصمتها وسخانة جدا
ولا تتناسب مع فكرة الثورة والتغيير والعبور والرفاهية والموارد الضخمة
وكل الامنيات ان تلتفت الحكومة لهذا المهدد وتنظف العاصمة ..
الموضوع ما صعب، لكن عايز عزيمة وطموح وشوية قريشات ممكن تتوفر لو باعت الحكومة اسطول واحد فقط من قادتها أو وزرائها
على حكومة الثورة ان تزيل جبال القمامة هذه وتؤسس لنظام صحي متكامل
وستجد منا كل دعم وترحيب .. أو على الاقل سكات كما طلب اخونا طارق وخالتنا نعمات وجه باسم
Quote: الناس قالوا ازمة اقتصادية ... قالوا دي اززمة من زمان
قالوا صفوف خبز ... قالوا اصلا دي صفوف من زمان
قالوا مافي بنزين .... قالوا دي اصلا مافي بنزين من زمان
|
اذا سارت الحكومة بنهجها الحالي
فاتوقع لما تجي الصيحة والناس تبدأ تموت
يطلع علينا منتصر ويقول " ملك الموت ده ورثناه من الكيزان"
| |
|
|
|
|
|
|
|
|
|
Re: جائزة أوسخ دولة في العالم (Re: عمر التاج)
|
Quote: القاذورات التي يجب كنسها أولا هي أحزاب السجم
ونشطاء الأحزاب والتحزب
وبكنسها سينصلح الحال
والله لو إبليس موش من يظن بأنه كوز فتح بوست
وطرح مشكلة لكنت أرى الواجب أن نحاور
ابليس هذا في أصل موضوع البوست وليس
في كونه ابليس وابليس الذي هو كذا وكذا
و ما عارف ايه
ناهيكم عن مواطن شريك وزميل في البورد
انتو بالعبط البسوو فيهو دا بتخلوا الشعب
يصبح معظمه لقمة سائقة للكيزان البنكرهم
موت و تتجمل صورتهم في نظر غالب الناس
الطريقة البتردو بيها علي عمر التاج دي تعبر
عن عبط وجهل أكبر المستفيدين منه ييكونون
هم الكيزان! |
شكرا اخونا منتصر على الوعي الموضوعي الذي تكتب به وحيدا في هذا المنبر ..
اغلب الخموم جهة اليمين أو اليسار في هذا المنبر لاينظرون ابعد من كروشهم ..
تقول لهم هذا خطأ فيقولون لك هو صحيح طالما كنت تراه خطأ
أمثال هؤلاء لا يمكن ان تتجسد فيهم الوطنية ابدا
ولن يكونوا أدوات للإصلاح أو التطور اذا لم نغيير فيهم عقلية القطيع هذه
موضوع النظافة موضوع قومي ووطني جدا ..
وكل من يراه من باب المزاح أو الكيد فهو بالطبع أما ساذج أو حاري أو منتفع
| |
|
|
|
|
|
|
|
|
|
Re: جائزة أوسخ دولة في العالم (Re: نعمات عماد)
|
سلام عليكم
فى مواضيع مفروض نناقشها من مداخلها الصحيحه بدل جرها لجدل سياسى يقلل من جدوى الموضوع وعرضو
بعدين البلد لوفيها صحافه حقيقيه حنلقى اغلب كتابتهم فى نفس مسار عمر التاج صحافه تسبر غور المجتمع ومشاكلها وتسلط الضوؤ على جميع الوجوه فى المجتمع
موضوع النظافه موضوع مهم جدا ومافى طرف من الاطراف درجه مسئوليتو اقلمن الاطراف الاخرى
انقل ليكم صوره فشل فى موضوع النظافه غير مبشر
الجامعه مكان الوعى والتنوير كم مثال عندنا فى مبنى مجمع المعامل سلالم توصل مباشره لابواب المعامل وسلالم جانبيه (حركتها بسيطه بتوصل لممرات واوبلكونانت جانبيه مفتوحه وعالبا السلام مكان ونسه تناول بارد ووفى اوقات متاخره فى اليوم مكان متعه عابره احيانا
السلالم دى تحولت لمكب نفايات وكل بسطه عباره عن كوشه بل حتى القاعات والمعامل مكان اعتاد الطلاب تناول الطعام والبارد وترك البقايا فيها والادارات لاتسعى لحسم الظاهره.
هنا القصور مشترك الطلاب (بل بعض الاساتذه) والتعامل مع بقايا السندويشات وفارغ البارد والمحارم الورقيه المستهلكه واوراق الملخصات بعد كل امتحان ودا من جهه تانيه قصور اداره الخدمات عن القيام بدورها وادارات الكليات وحتى الاساتذه من دور يدفع لاصلاح الاحوال
من الامثله تجولت جدران كل الاماكن حتى جدران القاعات الخارجيه لمكان للكتابه بالبوهيه لشعارات سياسيه وتشويه المظهر العام
هل دا سلوك حميد فى مجتمع مفروض يكون فصيل وعى وتنوير (مؤسسه او طلاب او اساتذه) ؟
اذا دا الحال فى الجامعات فكيف الحال بالمجتمع بكل شرائحو باختلاف درجات وعيها ؟
با ناس فى مشكله ولازم تتناقش بعمق ولكل الجوانب
----
حتى المبادرات المجتمعيه لاوجود وانتشار مجتمعى على مستوى القاعده او المستوى النوعى ويبدو على اغلبها انها مجرد لمه حناكيش (يعنى مثلا حمله قو قرين ونظافه النيل من البلاستيك) -شخصيا شايفها كانت اقرب لفسحه على النيل اكتر منها حمله تفعل وتؤثر وتحفز - هل المجتمع كان عندو فكره
حقيقه محتاجين اولا تكامل بين المبادرات على الساحه ووضع برامج وصول للمجتمع للتوعيه وطرح افكارللتطبيق عشان تتحول العاصمه الى عاصمه بمظهر حضارى زاهى وفى نفس الوقت ممكن يشكل جسم المبادرات الجامع دا اداه ضغط على الولايه والتنسيق معها عشان تكون مجهودات تالمبادره متكامله مع دور الحكومه الولايه الخدمى والرقابى سواء فى القطاع السكنى او الاسواق والتجمعات
----
فى صفحه مبادره نظافه العاصمه طرحت مقترح ان مثلا يكون يوم جمع النفايات هو يوم العطله حتى يكون الجميع حاضر (احبانا بيوت كل اهلها عاملين وطلاب) ويكون موعد مرور عربات النفايات فى موعد محدد (بين 7 - 9 صباحا مثلا )وتكون الحركه بسيطه وتعويض ا نقص فى قوه سيارات جمع النفايات بعربات حكوميه مناسبه لجمع النفايات زى دفارات شرطه الشغب مثلا
فكره مطبقه فى بعض عواصم افريقيا اللى تعتبر ناشئه مقارنه بالخرطوم
| |
|
|
|
|
|
|
|
|
|
Re: جائزة أوسخ دولة في العالم (Re: Mahjob Abdalla)
|
يا مرحب اخ عمر
الخرطوم مدينه تعانى من تراكم النفايات بمختلف تصانيفها ويزاد الحال سوء فى موسم الامطار ل عاصمه لاتملك قنوات تصاريف ولا مجارى موسميه كما كانت تفعل وزاره الأشغال فى عهود قبل كارثه الانقاذ فد قبل بدايه موسم الامطار فى كل مدن السودان
عنوان كما فهمت من باب Provocation
وهنا يختلف الناس فى التعامل معه وهو امر عادى ومتوقع
لكن الاختلاف الحقيقى ان كاتبه عمر التاج الرجل الذى توحى وتؤكد كتاباته تعلق قلبه ب الحركه الاسلاميه ونقده الظاهر لايخفى مكن الولاء بل والاشواق لعوده اخوان الصفاء وخلان المكر ل سده الحكم ومن هنا كان الرفض العام لفكره البوست رغم سلامه المحتوى.....اعلام الكيزان يا عمر كان فتره حكم الصادق المهدى كان شرس وكذوب وما زال....واستطاع تأليب الشارع وخلق حاله هلع وخوف من جون قرنق والجنوبيين(الحاقدين) ولاحقا الغرابه والعلمانيين والخوف على بيضة الدين والى اخر مسلسل الكذب وبكل اسف نجح اعلامهم فى تضليل الراى العام وقطاع كبير من اهل القلم. ..وبعدها دخل السودان عهود الظلام وتراجع كل شئ ليست نظافه الخرطوم التى تزرف دمع من اجلها وتعيب بها حكومه إنتقاليه فى عامها الثانى...وحتى لا يلدغ المواطن مره اخرى يجب التصدى بحزم للنقد الهدام مع إلتقاط المفيد قدر الإمكان وما اكثر السم فى دسم بكائبه الوطن الكيزانيه ومازالت اعجب من الاستمرارا الناجح للاستاذ حسين خوجلى فى مجال الاعلام بل ومن عدم تحرج كبار المعارضين امثال دكتور النور حمد والأستاذ دالى من الظهور فى قناه تلفزيونيه يملكها الاستاذ حسين خوجلى
تعليقى المختصر لفكره البوست ان تخرج انت يا عمر من وقفتك فى ظل النقد البارد وتقدم تصورك لحل المشكله بدلا من الشكوى والشنيف ومن نافل القول إن الدعوه تشمل كل من يهتم ب الشأن العام
وبما ان النظافه سلوك حضرى يجب ان نبدأ فى البيت والمدرسه
وإن نتعامل بمسؤوليه تجاه الشارع والمحلات العامه...حتى الان نظره معظم الناس بعدم المسؤوليه المباشره وإن هناك جهات رسميه يجب ان تهتم ب النظافه وهذا خطأ فادح اوصلنا الى مخاطر صحيه ستزاد سوء وستجذب مكبات النفايات العشوائية حشرات وقوارض ناقله للامراض
فى عطلات السودان كان الاصدقاء يسخرون من حركات الخواجات من جانبى وانا ابحث عن صندوق نفايات لوضع منديل ورق او ما شابهه وكنت فى بعض الاحيان اضعها فى جيبى لحين ميسره :)
كتبت هذا المثال لتوضيح ان السلوك الشخصى فيه جانب تراكمى مجتمعى ينتقل إليك ويصبح نمط حياه من غير جهد
المحرج فعلا فى اصطحاب الأطفال وهم بطبعهم يملكون لسانا صادقا وفى حاله مراقبه وملاحظه مستمره:)
كنت حكم محايد لم اجامل وانا افسر لهم ما يرون من تجاوزات واحبانا فى حضور عمو ملقى النفايات....فالتزم عمو وخالتو بسبب ملاحظه صادقه من عقل برئ
| |
|
|
|
|
|
|
|
|
|
Re: جائزة أوسخ دولة في العالم (Re: Abdelrahim Mohmed Salih)
|
| Quote: في إنتظار الإجابة على أسئلتي |
جاوبتك فوق يا دكتورة، وازيدك بيتا ..
استخدامي لصيغة الجمع نابعة من احساس بقطاع عريض من الشعب لا تقترب منه كاميرات الإعلام الرسمي..
نشكل معا موجة من الشفافية ترفض أي فعل قبيح أو شغل ني ، وتسعى لإصلاحه أو تغييره
في المقابل هم من يحاولون غطغتة العيوب والهاء والتبرير للنواقص والسيئات نصرة للنظام الحاكم بالباطل.
حدث كأكوام النفايات هذه ما كان له ان يكون لولا غياب الإعلام عنه
وماكان للحكومة ان تتحرك في لولا طرقه في منابر الإعلام والميديا
ومما يحمد له ان حكومة ولاية الخرطوم تحركت بالأمس على نحو كبير
وبدأت في حملة نظافة مؤقتة لتلافي الآثار الكارثية للاوساخ.
| |
|
|
|
|
|
|
|
|
|
Re: جائزة أوسخ دولة في العالم (Re: Asim Ali)
|
Quote: فى مواضيع مفروض نناقشها من مداخلها الصحيحه بدل جرها لجدل سياسى يقلل من جدوى الموضوع وعرضو
بعدين البلد لوفيها صحافه حقيقيه حنلقى اغلب كتابتهم فى نفس مسار عمر التاج |
شكرا عاصم،
لا ننكر ان بعض أدوار الإعلام تتمثل في عكس الجانب المشرق للبلد
وهذا ماتقوم به حوالي ٩٩% من وسائل الإعلام الحكومية
وتبقى مهمة تسليط الضوء على السلبيات وفضح المخالفات مهمة أساسية على الإعلام الحر وهدف أساسي للجادين على مصلحة البلد
Quote: فى صفحه مبادره نظافه العاصمه طرحت مقترح ان مثلا يكون يوم جمع النفايات هو يوم العطله حتى يكون الجميع حاضر (احبانا بيوت كل اهلها عاملين وطلاب) ويكون موعد مرور عربات النفايات فى موعد محدد (بين 7 - 9 صباحا مثلا )وتكون الحركه بسيطه وتعويض ا نقص فى قوه سيارات جمع النفايات بعربات حكوميه مناسبه لجمع النفايات زى دفارات شرطه الشغب مثلا
فكره مطبقه فى بعض عواصم افريقيا اللى تعتبر ناشئه مقارنه بالخرطوم |
في مجتمع محدود مثل الجامعة يمكن السيطرة على موضوع النفايات بقرارات حاسمة ومتابعة من إدارة الجامعة- اذا كانت حادبة على النظافة- وطبعا فإن ثقافة المجتمع مؤثرة جدا في الاستجابة لهذه القرارات والتعاون معها ..
أما في مجتمع عريض كالعاصمة أو الدولة ، فإن مشروع النظافة يجب أن يكون قوميا، ولكي يحقق النجاح لابد من التخطيط له وتنفيذه كنظام متكامل تشرف عليه جهة سيادية وتنفيذ بمستوى احترافيا مستقبليا، بخلاف ما يتم الان من تنفيذ جزئ لبعض المشاريع على طريقة علوق الشدة .
| |
|
|
|
|
|
|
|
|
|
Re: جائزة أوسخ دولة في العالم (Re: عمر التاج)
|
| Quote: الخرطوم مدينة وسخانة و بقية اراضى السودان الشاسعة نضيفة رمالها و ضفاف نيلها. |
ليست الخرطوم وحدها يا محجوب..
بل اغلب مدن السودان وأسواقها تغرق في الخريف في النفايات والذباب
الموضوع اكبر من الخرطوم - رغم انها العاصمة ويفترض أن تعكس الوجه المشرق والحضاري للبلد-
الا ان الأوساخ والتلوث أصبح سمة أساسية لكل أوجه حياتنا
الشوارع، الحدائق، الأسواق ، الشواطئ، المياه، الخيران .. اغلبها يشكي من التلوث والاوساخ
| |
|
|
|
|
|
|
|
|
|
Re: جائزة أوسخ دولة في العالم (Re: عمر التاج)
|
مرحبا اخ عبد الرحيم
| Quote: الخرطوم مدينه تعانى من تراكم النفايات بمختلف تصانيفها ويزاد الحال سوء فى موسم الامطار ل عاصمه لاتملك قنوات تصاريف ولا مجارى موسميه كما كانت تفعل وزاره الأشغال فى عهود قبل كارثه الانقاذ فد قبل بدايه موسم الامطار فى كل مدن السودان |
المشكلة كما قلت قديمة ، ولكنها تزداد صعوبة مع الايام.. بينما كنا نتوقع ان تخف حدتها بل تنتهي تماما مع التغيير الحاصل في البلد ، والسؤال الذي يفرض نفسه الان : حتى متى تظل مشكلة الأوساخ والبعوض والذباب تفرق المواطن السوداني بهذه الطريقة ..
صدقني يا عبد الرحيم ان الذباب واحد من الأسباب الخلتني أهرب من البلد قبل ٨ أعوام.. ما بقدر نهائي اتعايش في منطقة فيها ذباب، واذا شاهدت ذبابة في مطعم أو بيت لا آكل فيه نهائيا..
Quote:
عنوان كما فهمت من باب Provocation
وهنا يختلف الناس فى التعامل معه وهو امر عادى ومتوقع
لكن الاختلاف الحقيقى ان كاتبه عمر التاج الرجل الذى توحى وتؤكد كتاباته تعلق قلبه ب الحركه الاسلاميه ونقده الظاهر لايخفى مكن الولاء بل والاشواق لعوده اخوان الصفاء وخلان المكر ل سده الحكم . |
اعلام الكيزان أنا اعمل في معزل عنه، ولا يهمني من قريب أو بعيد كونهم في الحكم او المعارضة، هذه الإفادة كررتها لأكثر من مرة ..
كتاباتي هنا تمثلني انا فقط ، وأنقد فقط الممارسات التي أراها سيئة ، فإذا كان المحتوى جيد كما تقول فالحق أحق بالاتباع لو صدقت نوايا القراء..
| |
|
|
|
|
|
|
|
|
|
Re: جائزة أوسخ دولة في العالم (Re: Asim Ali)
|
تحياتي عاصم،
استنفار الجهد الشعبي مطلوب في مثل هذه الأمور
ولكن الشغل الرسمي يفترض هو الأساس
المسؤولية اولا واخيرا تقع على عاتق الحكومة
لان بيدها سلطة الأمر والتشريع وتنفيذ القوانين
وفي يدها المال وكل موارد الدولة
واذا ما اتصرفت جزء من الموارد الضخمة الناتجة عن رفع الدعم وزيادة الضرائب والرسوم
اذا ما انفقت على صحة البيئة وظهرت في هيئة نظافة البلد ..حاتظهر وين تاتي؟
| |
|
|
|
|
|
|
|
|
|
Re: جائزة أوسخ دولة في العالم (Re: عمر التاج)
|
بالنسبة للسوق المركزي برضو بتجد على طول الشارع المؤدي
للميناء البري خصوصا بين السوق المركزي واشارة الصحافة شرق
تجد كل أو معظم بلاعات الصرف الصحي مفتوحة تنتظر واحد
ما منتبه أو نظرو تعبان عشان يقع فيها
كأنها شرك منصوب !
هملة ما ليها حدود!
بعدين لماذا حملات نظافة؟!
المفروض النظافة شغل يومي زي زمان
قبل يجونا الكيزان ويعقبهم القحاطة
| |
|
|
|
|
|
|
| |
عمر التاج
Asim Ali
طارق محمد الطيب
Osama Mohammed
نعمات عماد
منتصر عبد الباسط
Mahjob Abdalla
Abdelrahim Mohmed Salih
محمد حمزة الحسين
فيس بوك
تويتر
انستقرام
يوتيوب
بنتيريست