|
Re: علم للمثليين في العملة المصرية الجديدة (Re: adil amin)
|
عدولي يا بطة كيفنك
تعرف يا عدولي بوستاتك الدشليون دي كان ممكن حصرها في بوست واحد و بالمناسبة كده بكون جاملتك لانو اصلاً مافي موضوع و لا فكرة عندك مقدساتك الخمسة دي اكل الدهر عليها و شرب و استفرغ ما عارف ليه انت بتذكرني اهل الكهف !! ياخ معطتنا ارحمنا الله يرحم والديك و يرحمنا انحنا ذاتنا من التكرار الممل دا اصحى يا حبيب انحنا على مشارف القرن ال22 انا بعرف لما واحد يشرع في كتابة موضوع بحدد الفئة المستهدفة انت مستهدف منو بالتحديد ؟ لو جيلنا انسى و لو العشرين جيل الأخيرين كمان انسى نفس العبارات و نفس الصور و الصور لو قلت برضو و كل ذكرة ريد جميلة شيلا لاحظ عدد المتداخلين معاك في بوستاتك المهببة دي تلقاهم مقارنة بعدد بوستاتك صفر كبير و رغم علمك التام انت مُصر تواصل كل ما تكتبه اصبح تاريخ و كتابة التاريخ ليست مثل كتابتك هذه ..معط بس الآن نحن في عصر الناس ماشين يسكنوا في القمر غايتو بطريقتك دي ح افكر اعيش في القمر اخلي ليك الأرض كلها بما رحبت امعط باقي الخلق ديل ما تخلي ليهم جنبة يرقدوا عليها بالميت كده اعمل ليها جلطات صدقني ما حتصل لي شئ بالذات مع جيل الثورة دا , دا الجيل الراكب راس مرة اصحاب ولدي زارونا في البيت و كان واحد من بوستاتك المهببة دي مفتوح قدامي سألتهم من شخصياتك الماعطنا بيهم ديل , قالوا و لا عمرهم سمعوا بيهم حتقول لي جهلة اقول ليك اوعى من و اوعى منك مركزين في الواقع العايشنو و يرنوا الى المستقبل فشنو يا بطة ارحموا من في الارض يرحمكم من في السماء ممكن ترد بضمير لكن ما تنبذ :)
|
|
|
|
|
|
|
|
|