|
Re: مابين جبر الخواطر وكسير المجاديف- قصة الف� (Re: زهير عثمان حمد)
|
الناس المنتقده دى لو مسكنا منهم عينه تلقاهم ممكن يصرفو المبلغ واكتر منو فى حفله لفنان /فنانه هابط او شراء موبايل ( اخر موضه ) لا لشىء للتضييع الزمن على الفيس ومثالو زى حاله التنمر البعملوها دى وبالمناسبه التنمر واسوء منو بيحصل فى صفحات البحث عن عمل تلقى واحده تبحث عن فرصه عمل اى عمل عشان تكمل دراستها او تساعد اسرتها فى ظل الظروف وتعال شوف كميه التعليقات يمكن اخفها (شوفى ليك عريس) دا غير التحرش والكلام الجارح رونى صباحى نقلت الظاهره الى منطقه الضوء عشان على الاقل يكون فى راى عام مضاد للتنمر يقاومو بدل الصمت والحمدلله رونى مش بس لوحاتها بل حتى اعمالها من الامس لليوم انتشرت بشكل كبير ودا فى حد ذاتو درس للمتنمرين والمتسكعين فى زقاقات الشبكه العنكبوتيه
|
|
|
|
|
|