|
Re: معقول .. خروف الضحية بالأقساط .. مشكلتنا كب� (Re: علي عبدالوهاب عثمان)
|
نحن حتى في الاغتراب نختلف عن باقي الجنسيات المصريين والشوام والهنود ... الخ يوم العيد عندهم عادي صلاة العيد وكفى رغم غلاء الاضاحي هذه السنة في جدة وما حولها ولكن الموضوع عندنا وأكبر من الواجب لازم الذبيحة وكمان مجموعة العزاب ناس الجمعية لأن نحن ناس ضواحي الدنيا ديل كل قرية لديها جمعية خاصة بها توزيع على البيوت .. غداء وعشاء ونسة وكوتشينة والمدام تكون أكثر من 18 ساعة عمل متواصل وتكون في غاية السعادة لتقديم الخدمة لأننا كلنا صلة رحم ممكن الجد الرابع واحد
كمان نحن في العمارة السكنية نكون مصدر ازعاج والاحذية بالكوم في باب الشقة ( السوادنة )
ولكن رغم ذلك نعتبره من الجماليات .. نستحضر الوطن في الغربة في نهاية اليوم نكون مبسوطين ..
| |
|
|
|
|
|
|
Re: معقول .. خروف الضحية بالأقساط .. مشكلتنا كب� (Re: علي عبدالوهاب عثمان)
|
سلام استاذ علي طبعا انا مزعلنى محدودية تفكير الناس في المدن. تعرف جلد الخروف عادى ممكن يتشر في الحبل يومين مع شمسنا الحارة دى و حتجف. علي اسوأ الفروض حتى لو الواحد ما عارف يستخدمها لاى غرض, ممكن تفاديا للعفانة يعقلها في الحبل بدل يكوموها تعفن. بعض الاستخدامات عندنا في الخلا هناك ان يتم دباغته و استخدامه ك مصلاية.
| |
|
|
|
|
|
|
Re: معقول .. خروف الضحية بالأقساط .. مشكلتنا كب� (Re: Mahjob Abdalla)
|
Quote: بعض الاستخدامات عندنا في الخلا هناك ان يتم دباغته و استخدامه ك مصلاية. |
حبيبنا محجوب .. تحياتي يا جميل نفس الحكاية عندنا في ضواحي الدنيا قبل سنوات في جماعة متخصصين في دباغة الجلود من أهلنا يصنعوا المصلاية من الجلد وبالنوبية ( بريس baris ) وما تنسى يا محجوب عندنا البرد احياناً يصل قريب التجمد كان يصنعوا من الجلد الفروة كنا نتغطي بها ثلاثة اربعة اطفال في عنقريب واحد .. الفروة دافئة جداً
تحياتي الحبيب محجوب .. انا استغرب موظف يدفع اقساط الذبيحة لشهور طويلة من راتبه .. والموضوع يكون انتهى في 24 ساعة
تحياتي دائما حضورك جميل يا راقي
| |
|
|
|
|
|
|
Re: معقول .. خروف الضحية بالأقساط .. مشكلتنا كب� (Re: علي عبدالوهاب عثمان)
|
ابو علوة سلا م ليك ولمحجوب وكل سنة وانتو طيبين الضحية بالاقساط من الابداعات السالبة للانقاذ وهو ما يتماشى والتباهي المزروع في جيناتنا علما بان الاضحية سنة للقادر عليها ومن الابداعات السالبة للانقاذ ان مكافاة المعاش النقدية تتدخل فيها نقابة العمال او الموظفين وتعرض عليك ادوات كهربائية مختلف الخيارات من متجر محدد لتقوم انت بشرائها ثم بيعها بثمن لانك تستبدل جزء من معاشك للحصول على عائد نقدي وليس عيني في السودان مبدعون في هذا المنحنى يستحقون براءة اختراع
| |
|
|
|
|
|
|
Re: معقول .. خروف الضحية بالأقساط .. مشكلتنا كب� (Re: Ali Alkanzi)
|
حبيبنا الجميل الكنزي .. كل عام وانت بخير
دائما الاقساط للاشياء التي تبقى في منزل وليس الأكل والتفريغ غريب أمر
Quote: ومن الابداعات السالبة للانقاذ ان مكافاة المعاش النقدية تتدخل فيها نقابة العمال او الموظفين وتعرض عليك ادوات كهربائية مختلف الخيارات من متجر محدد لتقوم انت بشرائها ثم بيعها بثمن |
تصرف غريب جداً .. نحن مبدعين في مجال السمسرة
شكرا على هذه المعلومة الغريب جداً
تحياتي الحبيب الكنزي
| |
|
|
|
|
|
|
Re: معقول .. خروف الضحية بالأقساط .. مشكلتنا كب� (Re: Mahjob Abdalla)
|
الحبيب محجوب .. شكرا .. حضورك دائما مفيد تخيل يا الحبيب محجوب أن الاقساط دائما للاشياء ذات الجدوى والتي تطول الاستفادة منها مثال : منزل ، ثلاجة ، سيارة ، مكيف ... الخ لا يمكن لشخص يدفع اقساط في شيء يتم استهلاكه في أقل من يوم والنتيجة ( زيرو) كما ذكرت وسخ وقرف
تحياتي الحبيب محجوب
| |
|
|
|
|
|
|
Re: معقول .. خروف الضحية بالأقساط .. مشكلتنا كب� (Re: علي عبدالوهاب عثمان)
|
سلام عليكم موضوع انو الضحيه المجتمع مابتعامل معاها كعباده حتى ايام الرخاء مفروض تتقسم تلاته اقسام لكن الناس اعتادت على تبادل اللحم وتقطيع الشرموط و حتى الراس يمشى بيهو احيانا الضباح (للناس فى المدينه) يعنى تقريبا الضحيه يتنفى فيها توزيع نصيب التصدق . قبل سنوات طويله اعجتنى طريقه تعامل شاب هندى كان يعمل فى السودان ساكن قريب من محل الاتصالات اللى كان عندى فى التسعينات الشاب دا يوم الضحيه رغم انهم كم واحد هندى ساكنين مع بعض بكن الضحيه بتاعتو بعد الصلاه ضبحها برا البيت واتصدق للمساكين كتير بسال هل مستعدين نشيل نص الضحيه او تلتها ونوزعها على اقاربنا الفقراء منها تصدق ومنها صله رحم او اى فقرا فى الحى ؟؟
| |
|
|
|
|
|
|
Re: معقول .. خروف الضحية بالأقساط .. مشكلتنا كب� (Re: Asim Ali)
|
الحبيب عاصم .. تحياتي شكرا لحضورك .. مداخلاتك اثراء للبوستات عموماً احب مداخلاتك لأنني اقرا من خلالها الواقع اليومي للوطن
أنا استغرابي كيف يدفع الشخص اقساط لذبيحة لحمها يستهلك ليوم أو وجبتين ويستقطع من راتبه لشهور
لدينا ممارسات عجيبة مثل ( حفل تخرج من الروضة )
تحياتي الحبيب عاصم
| |
|
|
|
|
|
|
|