السلام عليكم الاخوه فى المنتدي العام فى الموقع الرائع سودانيز اون لاين كيف لو صحيت يوم من الصباح ولقيت نفسك اوف لاين ومافي نت اتلغي النت من الوجود وكيف تكون حياتك بدون انترنت ماذا لو أنقطع الإنترنت بشكل نهائي!!؟ كيف ستكون حياتك؟؟ وقد أصبح الإنترنت جزءاً من حياة الكثير من الناس في العالم ولا يمكن الاستغناء عنه. ابدا حيث أصبح التعامل التجاري عن طريقه وأصبح نقل الرسائل وحجز التذاكر والفنادق والاتصال بالاهل والدلفري بتاع الاكل وكل شي بقي مربوط بالنت والشوشال مديا انت فى امريكا وبتشوف زول فى امدرمان وانت فى كندا وبتتكلم مع زول فى مدني صوت وصوره وتبادل المعلومات وتسديد الفواتير والاستفادة من الثقافة والبحوث والتعليم عن بعد والدراسه ايام كرونا والكثير من الأمور التي لا تتم إلا عن طريق الإنترنت والشوشال مديا وبعده كلوا بسالك السوال واريد الاجابه بكل شفافيه ماذا لو انقطع النت بشكل نهائي حيث لا يوجد إنترنت ولا وسائل اتصال كالمسنجر وغيرها ولا فيس واواتس ولا ايمو ولا بوتم ولا تلغرام ولا ماسنجر ولا دو ولا اي برنامج ولا منتديات ولا مواقع ولا سودانيز اون لاين ولا ركوابه ولا عكس الريح ولا يوتيوب ولا اي برنامج ثقافية أو غيرها ..و انقطع الاتصال مع الاهل والاصدقاء الى الابد كيف ستكون حياتك؟ كيف سنعيش بدون إنترنت ؟ بالطبع الوضع سيكون لدى البعض صعب جداً ومحزن وتجيهم نفسيات عديل كده وانا اول زول لكن انتوا كيف لأنه هناك الكقير منا يجلس أمام النت ساعات طويلة .. والبعض سيكون الأمر طبيعي لأنه سيعود إلى حيث كان في السابق أي لا إنترنت ولا منتديات ولا مواقع ولا غيرها ..ولا سودانيز اون لاين وتاني نرجع للجوابات عن طريق البوسته وممكن تاني نرجع لتوصيل الرسائل بالحمام الزاجل طبعا مامعروف مع الوضع المتردي فى السودان الحاصل الان ممكن كلامي ده فى يوم قريبا يكون حقيقه ماهي وجهة نظرك لو انقطع الإنترنت ؟؟ وكيف تكون الحياة بدون نت ونحن الان فى عصر النت والكثير منا لايعرف كيف يستفيد من وقتة فى النت وممكن طبعا نتعلم من النت الكثير ونجني الاف الفوائد وصيه اخيره والان عندك نت وعندك وقت وعندي صحه وفى كامل عقلك اخي الغالي المحترم اوصيكم ونفسي اجعل من النت اجرا لك وواكتب وارسل الفوائد للناس فى كل صوب وكل اتجاه ممكن تعلم الناس اللغات وممكن تكتب فى اختصاصك فوائد للناس فى شتي الامور اخي الغالي لاتجعل النت سيئات تكتب عليك فى انتظار ردكم والتفاعل مع الموضوع
مع تحياتي
مصطفي نور
06-09-2022, 01:09 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
السلام عليكم انا اكتب البوست ووارد على نفسي والله انا بيكون مبسوط لو بقي مافي نت ولا كهرباء ولا موبيل ولا مكيفات ولا عربات والله كرهت المدنيه والحياه فى المدينه والحياه بتاعت السفر والغربه شكل الحياة بدون إنترنت: 1- العودة إلى قراءة الكتب: ... 2- توفير الوقت: ... والحياه تبقي حلوه ويكون عندك زمن للعيال والاهل والجيران 3- عودة التواصل ورؤية الأهل والأصدقاء: ... 4- ممارسة الهوايات: ... بدل الجلوس على النت طول اليوم والجلوس فى الكرسي 5- الحفاظ على الوزن: ... 1- ارتفاع أسعار الإتصالات: ... 2- فقدان الكثير لوظائفهم: ... 3- صعوبة السفر والإنتقال داخل نفس البلد: ده المشاكل منها المحاسن والسلبيات والايجابيات
06-09-2022, 01:14 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
كل شهر يتصفح 390 مليون إنسان الإنترنت في الولايات المتحدة، ووفق آخر الإحصائيات يقضي الشخص نحو 27 ساعة شهرياً "أون لاين". عدد رسائل البريد الإلكتروني المرسلة يومياً عبر الإنترنت نحو 294 مليار رسالة بواقع 2.8 مليون رسالة ترسل كل ثانية، وكل سنة تبلغ هذه الرسائل 90 تريليون رسال جوجل، هو أوسع أدوات البحث انتشاراً ويستقبل أكثر من مليار استفسار وسؤال يومياً، ويستخدم نحو سدس إجمالي سكان العالم الإنترنت مرة واحدة شهريا على الأقل، ويستقبل تويتر نحو 200 مليون تغريدة يومياً، ويحتاج الأمر إلى مليار قرص دي في دي DVD لتخزين كل المعلومات المتاحة على الإنترنت، وفي كل دقيقة يتم تحميل أكثر من 70 ساعة من اللقطات على اليوتيوب، من مختلف أنحاء العالم. الحياة إذا نزعت "توصيلة" الإنترنت من حياتنا سنواجه مشكلة كبيرة لأننا أصبحنا معتمدين على الإنترنت في معظم ما نريد القيام به، من تسوق، ومن تواصل اجتماعي، ومن ترفيه، فالإنترنت أصبحت وسيلة حياة لكثير منا، وفي حالة غياب الإنترنت ستكون العواقب وخيمة، ودعونا نرى وقع هذا الاختفاء على جوانب حياتنا المهمة. أسلوب يتوقف تأثير اختفاء الإنترنت على نمط حياتنا بصفة عامة، وعلى عدد مرات استخدامنا لها، فإذا كنت "مدمناً" على الإنترنت ستصبح حياتك جحيماً لا يطاق أو "سيارة توقفت على منحدر"، وستتوجه إلى مكتبتك إذا رغبت في تحديد مكان ما على خريطة العالم. ومع اختفاء تسهيلات الإنترنت سيضيع علينا وقت طويل، في الوقوف على شكل صفوف طويلة أمام المصارف، ومكاتب البريد، والإدارات الحكومية، وربما سيكلفك ذلك الانتظار أياماً أو أسابيع حتى يصل بريدك المرسل من مكان آخر من عالمنا، وفجأة ستتبين أن حياتك السريعة أصبحت بطيئة كسلحفاة مريضة.
06-09-2022, 05:27 PM
Abureesh Abureesh
تاريخ التسجيل: 09-22-2003
مجموع المشاركات: 30182
ما عارف يا ود رعية سنة 2012 انت كنت فى امريكا واللا برة.. المهم ضربنا ليك أعصار (هوريكين) ساندى لو تتذكر.. ظلام دامس ومافى أى كهرباء فى أى حتة لمدة اسبوعين تقريبا.. قريب من 350 الف منزل تدمرت.. والعشرات قتلوا.. أذكر مواطنين بيض وسود واسيويين واقفين فى صف طويل فى جورنال سكوير عشان يشحنوا تلفوناتهم من فيش وحيد قدام المطافى شغال بجنريتور.. من المغرب حظر تجول رسمى حتى السادسة صباح والشوارع المظلمة فى جيرسى ونيويورك ما تمشى فيها غير عربات البوليس عشان يحموا المحلات التجارية من النهب. الناس نسيت الإنترنت وبقت على وين يلقوا الخبز واللبن والموية.. الدكاكين فرغت من محتوياتها بعد أول يومين.. أكتر ناس ما تأثروا كانوا أهلك الآميش.. فى الولاية القريبة مننا بنسلفانيا.. ناس ال اآميش عايشين حياتهم الطبيعية لأنهم اساسا لا يستعملون أى تكنولوجيا حديثة.. لا تلفونات لا تلفزيون لا كمبيوترات.. يزرعون ولا يستعملون السماد.. ويستعملون الفانوس والجاز.. الكهرباء ممنوعة عندهم.. السفر عندهم بعربات الحصين.. إلا فى حالات الطوارئ. الفيديو أدناه قصة وأشخاص حقيقيين.. بنتين من الآميش قرروا يسافروا فلوريدا ويطلعوا من مجتمعهم.. فى المطار ولأول مرة يشوفوا مطار.. ما عرفوا كيف يطلعوا من الباب الدوار. المهم رجعوهم من المطار لأنهم ما عندهم بطاقات أو رخص سواقة عشان يقطعوا التذاكر .. عندهم ممنوع التصوير وطبعا سواقة العربات اللى ما عندهم أساسا.. دا فلم وثائقى والبنات حقيقيات ما تمثيل..
06-09-2022, 05:54 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
الاخ الغالي ابوالريش والله انت زول رائع وكل رد بيكون جميل انك والله عشان كده انا كرهت السفر وانو اعيش فى بلدان كلها شغاله بريمونت كنترول عايش ارجع باقي عمري ده عندنا اراضي كبيره فى رفاعه فاتحه على النيل مباشره عايز اعمل لي قطاطي وخرفان وشويه غنم ووازرع ملوخيه وباميه ورجله وشويه باذنجان وكر بتاع دجاج وشويه حمام وكم شجره ليمون ونيم واقضي باقي عمري فى الوضع ده وعايز لو فى طريقه فرمتته للمخ افرمت كل الفي المخ واخلي الحاجات البتنفع الزول فى الاخره كل حاجات الدنيا دي اعمل فرمته وانت متخصص فى الشغل ده ممكن مساعدتك مع تحياتي
مصطفى نور
06-09-2022, 06:38 PM
Abureesh Abureesh
تاريخ التسجيل: 09-22-2003
مجموع المشاركات: 30182
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
Abureesh
فيس بوك
تويتر
انستقرام
يوتيوب
بنتيريست