|
|
 Re: ادبيات الثورة (Re: عاصم الطيب قرشى)
|
* دخان فض الإعتصام*
عاصم الطيب قرشي
كامل و عادل و جمال و جلال ممثل و قاص و مغني و رسام، طباعهم كالنار و الماء و الهواء و التراب، يمثلون جنوب السودان و شماله و شرقه و غربه، ولدوا و عاشوا بين غابات الاستوائية و الصحراء الكبرى و البحر الاحمر و جبل مرة. كامل من النيل الأزرق، استوائي القامة زنجي التفاصيل، عادل نوبي كوشي عربي الملامح، جمال بجاوي صوفي ختم القرءان في همشكوريب، اما جلال فدارفوري نوباوي ماركساوي. جلس الاربعة على ضفتي الاعتصام الشرقية و الغربية اللتين لا يفصل بينهما سوى قضيب من السكة الحديدية ينقر عليه صباح مساء و ليل نهار "سقطت ما سقطت صابنا". كان الاربعة يتراشقون و يتراهنون على الحب و الإنسانية و الكونية و السودانوية و يندهون روح العدالة والسلام و الحرية. في الجانب الأيسر من الرجولة و الإنسانية و السودانوية، كانت كتائب الظل تتآمر في غرفة مظلمة بقيادة زعيمهم لوسيفر الماسوني وهو يملئ عليهم آخر سطور القرن الترابي. في الصباح سيسفكون دماءا زكية و يزهقون أرواحا طاهرة، لكن المساء سيشهد اعراسا لشهداء بنين و بنات تعانقت أرواحهم في سماء الخرطوم، أعلام الكرامة هتافات ترفرف في كل الآفاق، ما عادت الحرية
سرا مكتوما و لا بحت الأصوات التي تجلجل "حرية سلام و عدالة و الثورة خيار الشعب". ثم ان عدالة "الدم قصاد الدم ما بنقبل الدية" لا تقابلها إلا قصاص النفس بالنفس و العين بالعين و السن بالسن و الجروح قصاص، او كمال قال الرقاص.
قال عادل موجها حديثه لكامل بحب يتجلى اشراقا: ماشاء الله يا كامل، حتى ضلك عملاق زيك، يشبه ملامحك الزنجية و رشاقته تتمايل بيك زي أشجار الاستوائية.
كامل(بأسى): ضلي انا! ضلي ضاع زمان، راح مني يا عادل، صحيح لونه كان أسود أكتر من بشرتي دي، بس ادق أوصافه إنو ما كان بشبهني في أي شيء،.... . تتصور يا عادل ضلي كان أسرع مني بكتييير! كان بيمشي بخطوات سريعة جدا نحو المطلق و المجهول، لكنو بعد ده كووللو كان طائعني جدا جدا، اقيف يقيف، أمشي يمشي، اقعد يقعد، و لما أنوم ألقاهو نايم تحتي. ضلي كان بيحب لي الخير لي درجة إنو رافعني لي أبراج الإستشراف مما إتولدت وهو مرمي على الأرض تحت قدمي، قدامي و وراي و بالجنبات، شفت التواضع ده كيف؟
جمال: الغريبة يا كامل انا شايف ضلك ده... شايفو حاضر بكل حواسو و طاقاتو الروحية. شايفو بيلمع بي ضو أسود و ألوان نارية متخفية تحت لونك الأسود و نيتك البتشبه جلابيتك البيضا الويحيدة دي.
كامل: يا سلام يا جمال، دا بس من ذوقك لأنك شفاف، إنت قادر تشوف الما بتشاف....... لكن ضلي أنا راح مني زمااان قبال تلاتين سنة و ضاعت معاهو أحلام كتيرة و آمال عظيمة ليها ضل.
فجأة سمعوا همسة خاطر تسربت لآذانهم من تحت أقدامهم بصوت ظلي ناعم، كان ذاك همس ظل كامل الذي فاجأهم بالنطق لأول مرة فتلجموا دهشة : سامعكم وشايفكم يا عميانين البصيرة، أنا إضني المرسومات ديل بيشوفن همس الخواطر و عيني بيسمعن ورا و قدام.
صمت ببيان مدهش أو دهشة صامتة بليغة بديعة جمدت الكلمات في الثغور فتراجعت حتى إلتوت الأفواه من إحتشاد المعاني التي رسمت إبتسامات كوميدية تترجم البلاهة و الذكاء في آن واحد.
قطع كامل الصمت: يااااه إنت موجود الزمن ده كلو يا ضلو؟ طيب ليه أنا ما قادر أشوفك يا صاحبي و غافلي و حاضري؟ هل ده معناه أنا لسة حي! لكن ده برضو معناه إني لسة بعيد عن الله و ما شفاف.... معتم عتمة ليها ضل!
*************
رد الظل بعد صمت و كأنه كان يفكر في شيء آخر : آ أيوة... أيوة... طبعا طبعا يا كيمو، مشوارك كان طويل جدا و شاق جدا جدا، كلو ظلال و ظلم و ظلمات بعضها فوق بعض. لكن إنت خلاص خلصت رسالتك و إشتقت لي ربك و إشراق بهاء الكامل و جلالو و جمالو؟ عايز ترحل مني لي عوالم النور الما فيها ضل غير ضل الله؟ عايز تفكني عكس الهوا يا قريني؟
قبل أن يرد كامل على ظله سمع جمال يرتل على مقام الحجاز المحمدي ترتيلا عبر به تماما عن أشواقه للانعتاق "وأشرقت الأرض بنور ربها و وضع الكتاب و جيء بالنبيين و الشهداء و قضي بينهم بالحق و هم لا يظلمون"
هتف كامل بوجد و شوق وحضور و هو يتلوى من ألم طلقة مطاطية ضربته في ساقه الأيسر "حرية حرية حرية". دفعت حدة الألم كلمات الإستحسان متأوهة فأعقب و هو ينظر لجمال الذي وقف مشدوها: آآه أحسننننت يا جماااال يا سلااااام، يا اللاااااااه، ينصر دينك شوفتني المشهد ده و شوقتني لي شهادة أعظم من شهادات ال
دكترة و المسخرة و جامعات السراب و الخراب، سمعت إشراق نور الله و شفتو و ضقت حلاوة روح آية الإشراق يا جمال يا جمييييل!
الظل لكامل: أدركت الإشارة إذن يا فردة، فلنصلي قبل أن يصلى علينا.
كامل: أنا شكلي مكسور يا ضلو و إنت أطهر مني، يلا قوم جدد وضوك و أنا بتيمم بي إلتصاقي بيك من نجاسة تلاتين سنة.
الظل: حاااضر، أسمعني، أثناء التيمم بوس يد صنع الله المكمل و بعدو وقبل الصلاة وأثناءها و بعدها، بوس إيدك اليمين بي نية تقبيلو و الباقي خلي على الله، بعدين برضو أمدح روح المكمل المجمل: تاتي أصوات مديح من رنة موبايل قتل صاحبه و تركه مفتوحا فتنزل بردا و سلام على أذني كامل و هو ما زال يتأوه و يقتسم الآلام بين التلوي إثر ضربة الساق و حوار الظل و مشهد الدماء التي أريقت فجأة في ميدان الحرية. ماج صدى رنة الموبايل على لحن خماسي يشبه ألحان حقيقة الفن و نقر دف أنيق و رق رقيق على غرار حقيبة الفن:
المكمل
محمد
سيد الرسل
المجمل.
كان ألم الضربة قاسيا لدرجة تجاوزت اللحم و العظم و العصب للروح فالتحم كامل بنفسه و تعاظمت رؤيته للحقيقة و تعصب لحريته حتى تطهرت روحه بالتدفق من شريانه التاجي و إرتعاش أصابع قدمه اليسرى.
بينما كامل على ذلك الحال وقف الظل و استوى على عود صاحبه ثم استقام معتدلا أكثر من إستقامة العود نفسه. لم يكن وضوء الظل غير إسباغ تراب على هواء حمل روح كامل بعيدا لتصلي في الكعبة السوداء. هناك ألفت الكعبة سواد بشرته فجذبته و ضمته عليها بينما اقترب الحجر الأسود من روحه نجيا.
عندما وقفت روح كامل بين الحجر الأسعد و الملتزم تداخلت تكبيرات عيد الفطر السعيد الشقي مع هتافات ثورة السلام و الحرية و العدالة فصار ظل كامل يجري هنا و هناك يقبل الحجر الأسود و يتمرغ في أرض الإعتصام. كان الظل يجري عجولا بخفة الضوء على خلفية صوت نفير عربة الإسعاف التي منعت من الدخول لأرض المعتصمين بحبل الله و أرض الوطن. رويدا رويدا صار الظل يثقل و يتثاقل على روح كامل اللطيفة حتى انفصلت عنه و رفرفت بحرية بينما هبط الظل هبوطا ناعما ليتوارى تحت قاع الأرض في أولى محاولات كامل للانعتاق. تمدد جسد كامل على أرض الإعتصام فركت عليه كل أرواح الشهداء في حفل بهيج. من تحته رقد ما تبقى من أشلاء ظله الظليل يمده بمدد الأولين و الآخرين. تحت الظل سالت بركة دم خضبت الأرض خضاب عرس، حينها عرجت روح كامل الشفافة و هبط الظل شبحا معتما.
لم تكن الطلقة المطاطية وحدها كافية لإنتزاع روح كامل مع سبق الإصرار و الترصد لإقتناص أرواح البشر، فلقد كان آخر ما سمعه كامل هو صوت رصاصة غادرة و هتاف قناصة بالقتل هادرة "كتلتو" و حدس ما حدس، بيد أن آخر ما أحس به هو لسعة بعوضة حاقدة في جبهته الوطنية.
عاد الظل لجسد كامل متلصصا حين جاء القناص و قلبه للتأكد من موته و قبل أن يقذف به في قاع النهر المقدس.
همس كامل لظله في تلك اللحظة و هو يحتضر، كان ذلك بعد تردد عجل بنفس سؤاله على لسان عادل و جمال و جلال في وقت واحد: الحاصل شنو يا جماعة؟! لقد اشتد الضرب على عادل و جمال وجلال بالعصي و السب و السبي حتى تفرقت بهم الإتجاهات فذهب عادل الى الشمال ناحية كبري الحديد و جمال إلى الشرق ناحية بري و جلال في الغرب ناحية شارع الجمهورية. أما الجنوب فقد كان من نصيب كامل الذي انفصلت روحه عن جسده.
تكرر السؤال من ثلاثتهم و رابعهم خاطرة توقفت حبيسة في عقل كامل الذي تبقت له ثوان معدودة للتوقف الكامل: الحاصل شنو يا جماعة؟!!!
زفر الظل زفرة خرجت مع آخر شهقة لكامل و صرخ لأول مرة صرخة صامتة لكنها تسللت لقلوب مردة السفاحين و قصورهم: آآآه يا أصدق الأصدقاء يا وطني ..... أنت الآن بين يدي رب رحييييييم لاااااا الااااااااه الا الله، رزيق قتل زريق للمرة البليون، زريقة ست الشاي شاتوها معاك في نفس اللحظة، قبلك بي تسعتاشر ثانية أبادوا دي سي السودانية عن بكرة أبيها و جدعوهم في النيل الأحمر، بعدك بي تلاتة ثواني و تلت واحد بي نفس لونك ده شاتوه في كبري الحصحاص الواصل بين رفاعة و الحصاحيصا.
تساءل كامل في هذيان صامت و شبه أحلام دارت في دهاليز العقل الباطن: كيف الكلام ده؟ ما قالوا طيبة طابت؟ ما قالوا ح يعملوا محاصصات و يخصصوا حصص حب صوفي يصافي الشرقي و الغربي، و قالوا محاكم الغربان النبيهة حققت و محصت و شخصت للمرة الدشليون في مذبحة هابيل و قابيل.
الظل: قلت ليك.... قطاع الطريق كتلوا زريق...قال حريتو بتقطع الحبل السري الواصل بين أحلامم و جبل الدهب المجمر بالحريق. تصدق قطعوه بي نفس السكين القطعوا بيها قلوب الأمهات تلاتين سنة و رموه بالمنجنيق.
كامل: كلامك بقى ما زين، بره الشبكة و مغتغت و مرمز، ما قالوا زمن الغتغتة و الدسديس إنتهى، يلا خليك زي الشمس و اكشف لي الإمتحان، لقد مضى كل الوقت.
الظل: شمس! شمس وين يا؟ أنا ضل... عمري ما ح أكون شمس الدين و لا شعاع ضو و لا حتى بصيص أمل، بعدين ويييين الشبكة الزين البتتكلم عنها دي يا مشبوك في غصن شوك اليانكي؟ ضيعت قروشك لي ناس الشبكة قشروك للسي آي إس سنترال إنتلجنس أوف سودان و قاشروك بالشين. غايتو شبكوك بي جنس شبك يا صاحبي، يحلها الشربكها... الليلة حووووبتك يا الشيخ فرح ود تكتوك يا حلال المشبوك، بي بركتك يفزعني ضل حدية تختف لي روح القناص و أنا آخ تف في ضل الرقاص.
كامل: بعد ده يحلها الشربكا....... أها روح الشيخ فرح جات و قالت آخر الزمن البلد إما شلعوها العرابة ولا حكموها العبادة.
الظل: كدي اقرأ ليك الخبر ده يا كيمو أسمعو بي آخر ضربة قلب و نفس و ضخة دم، ورد الآن في أثير جريدة الحرية الموؤودة أن السياسيين وسوسوا لثوار المقاومة بالوسواس القهري و سيسوهم بالسيسي و سوسوهم بالسوسة فقاموا بتتريس المتاريس في الشوارع و أشرعوا شراع شرعية بلا قوائم حرية فانكسرت الشرعية و انفتح صندوق العسكر الشعيرية المتمترسين خلف الدروع البشرية، المتخندقين وراء الأسلحة النارية و زوارق شعبهم راسية بالقرب من سفينة جيش البحرية و طائرة القوات الجوية. في صباح أول عيد شقي قتلوا الأبرياء و استحلوا النساء بين ضرب و ذبح و اغتصاب. لم يميزوا بين الشفقة و الفشقة و لا حتى مهمومين بي حلاتين و شلايب سودانية و لا مصرية.
كامل: كدي أسأل لي الشيخ فرح ود تكتوك مش قال "آخر الزمن الخرطوم يا حرقة يا غرقة" أها الإتنين بقن علي، حرقة و غرقة، ربي شرفني بي شهادة شهدت بيها الحاضرو و الما حاضرو. جاييكم طوفان يسد النية و يغرق النهضة و يسد أفقها و شفقها، كلموا أرض الدهب في بني شنقول قولوا ليها كلام الله كان تسمعو "يا أرض أبلعي ماءك" حتى يغيض الماء و تستوي على الجودي و تقولوا بعدا للظالمين.
بينما كامل يهذي و هو يحتضر، كانت روح الشيخ فرح تلوح له و تروح فصار يتكلم بلسان العارفين في هذيان: قولوا للثوار الجايين السياسة سيسة و سوسة دواها المؤسسة. قولوا ليهم ود تكتوك قال ليكم تاني العندو ﺣﺒﺔ ﻣﻦ ﺍﻟﺮﺋﺎﺳﺔ ﻣﺎ ﺗﻜﻤلوا ﻣﻌﺎﻫﻮ ﺍﻟﻔﺮﺍﺳﺔ، قولوا لي أولادكم إتوضو ﺻﺤﻴﺢ.. وصلوا ﺻﺤﻴﺢ... ﻭﺇﻥ سأﻟﻮكم ﻗﻮلوا ﻗﻮﻻ ﻧﺼﻴﺢ... قول للبخيل ﻣﺪ ﺇﻳﺪﻙ ﻻ ﺗﻜﻮﻥ ﺷﺤﻴﺢ... ﺷﻮﻑ ﻳﻮﻡ القيامة ﻛﺎﻥ ﻣﺎ ﺗﻘﻮﻡ ﻧﺼﻴﺢ،
قولوا للعيال عفيناكم من شيل اﻟﺴﻜﻴﻦ من ﺍﻟﺴﻠﺐ و ﺍﻟﻌﺼﺎية ﻣﻦ ﺍﻟﻜﻠﺐ، أقدروا علي ﻓﻜﺔ ﺍﻟﺮﻳﻖ ﻣﺴﻤﺎﺭ ﺍﻟﻘﻠﺐ ﻭ مابي ﺍﻟﺠﻮﺩﻳﺔ ﻻﺑﺪ ينغلب.
قولوا ليهم آﺧﺮ ﺍﻟﺰﻣﺎﻥ ﺑﺮﻕ ﺍﻟﻘﺒﻠﺔ ﻳﺨﻴب، ﻭﺍلأﺭﺽ ﺗﺸﻴﺐ و ﺍﻟﺤﺮﺓ ﺗﻌﻴﺐ ﻭﺍﻟﻌﺎﻗﺔ تجيكم ﻣﻦ ﺍﻟﻘﺮﻳﺐ.
كلموا التاجر ﻳﺘﻢ ﻣﻴﺰﺍنو، ﻭﻳﺤﻠﻰ ﻟﺴﺎﻧﻮ، يشوف أﻛﺎﻥ ﻣﺎ ﺇﺗﻤﻼ ﺩﻛﺎنو.
قولوا للناس أﺩوا ﺍﻟﻠﻘﻴﻤﺔ، ﻭﻋﺪوا ﺍﻟﻜﻠﻴﻤﺔ ﻭ ﺯيلوا ﺍﻟﺼﺮﻳﻤﺔ ﻭآﺧﺮ الليل أﺧﺪوا ليكم ﻗﻮﻳﻤﺔ، شوفوا أﻛﺎﻥ ﻣﺎ ﺗﺒﻘوا ﻣﻦ أﻫﻞ ﺍﻟﻨﻬﻴﻤﺔ.
|
|
 
|
|
|
|
|
| العنوان |
الكاتب |
Date |
| ادبيات الثورة | عاصم الطيب قرشى | 07-11-21, 04:00 PM |
| Re: ادبيات الثورة | عاصم الطيب قرشى | 07-11-21, 04:24 PM |
| Re: ادبيات الثورة | عاصم الطيب قرشى | 07-11-21, 04:28 PM |
| Re: ادبيات الثورة | بدر الدين الأمير | 07-11-21, 04:56 PM |
| Re: ادبيات الثورة | عاصم الطيب قرشى | 07-11-21, 05:14 PM |
| Re: ادبيات الثورة | عاصم الطيب قرشى | 07-11-21, 05:26 PM |
| Re: ادبيات الثورة | عاصم الطيب قرشى | 07-11-21, 05:41 PM |
| Re: ادبيات الثورة | عاصم الطيب قرشى | 07-11-21, 06:06 PM |
| Re: ادبيات الثورة | عاصم الطيب قرشى | 07-11-21, 06:15 PM |
| Re: ادبيات الثورة | عاصم الطيب قرشى | 07-11-21, 06:19 PM |
| Re: ادبيات الثورة | عاصم الطيب قرشى | 07-11-21, 06:36 PM |
| Re: ادبيات الثورة | عاصم الطيب قرشى | 07-11-21, 06:57 PM |
| Re: ادبيات الثورة | عاصم الطيب قرشى | 07-11-21, 07:06 PM |
| Re: ادبيات الثورة | الشيخ سيد أحمد | 07-11-21, 07:41 PM |
| Re: ادبيات الثورة | عاصم الطيب قرشى | 07-11-21, 08:08 PM |
| Re: ادبيات الثورة | عاصم الطيب قرشى | 07-11-21, 08:40 PM |
| Re: ادبيات الثورة | عاصم الطيب قرشى | 07-11-21, 08:57 PM |
| Re: ادبيات الثورة | عاصم الطيب قرشى | 07-11-21, 09:23 PM |
| Re: ادبيات الثورة | عاصم الطيب قرشى | 08-04-21, 11:53 AM |
| Re: ادبيات الثورة | عاصم الطيب قرشى | 08-07-21, 04:19 AM |
| Re: ادبيات الثورة | أبوذر بابكر | 07-11-21, 09:07 PM |
| Re: ادبيات الثورة | عاصم الطيب قرشى | 07-11-21, 09:29 PM |
| Re: ادبيات الثورة | عاصم الطيب قرشى | 07-11-21, 09:50 PM |
| Re: ادبيات الثورة | خضر الطيب | 07-12-21, 07:10 AM |
| Re: ادبيات الثورة | عاصم الطيب قرشى | 07-12-21, 08:12 AM |
| Re: ادبيات الثورة | عاصم الطيب قرشى | 07-12-21, 08:06 AM |
| Re: ادبيات الثورة | عاصم الطيب قرشى | 07-12-21, 08:07 AM |
| Re: ادبيات الثورة | عاصم الطيب قرشى | 07-12-21, 08:07 AM |
| Re: ادبيات الثورة | عاصم الطيب قرشى | 07-12-21, 08:27 AM |
| Re: ادبيات الثورة | عاصم الطيب قرشى | 07-12-21, 08:35 AM |
| Re: ادبيات الثورة | عاصم الطيب قرشى | 07-12-21, 08:55 AM |
| Re: ادبيات الثورة | عاصم الطيب قرشى | 07-12-21, 09:16 AM |
| Re: ادبيات الثورة | عاصم الطيب قرشى | 07-12-21, 09:16 AM |
| Re: ادبيات الثورة | عاصم الطيب قرشى | 07-12-21, 09:27 AM |
| Re: ادبيات الثورة | عاصم الطيب قرشى | 07-16-21, 04:26 AM |
| Re: ادبيات الثورة | عاصم الطيب قرشى | 07-16-21, 04:26 AM |
| Re: ادبيات الثورة | عاصم الطيب قرشى | 07-16-21, 05:17 AM |
| Re: ادبيات الثورة | صباح حسين طه | 07-16-21, 05:20 AM |
| Re: ادبيات الثورة | عاصم الطيب قرشى | 07-16-21, 05:53 AM |
| Re: ادبيات الثورة | عاصم الطيب قرشى | 07-16-21, 06:03 AM |
| Re: ادبيات الثورة | عاصم الطيب قرشى | 07-16-21, 09:02 AM |
| Re: ادبيات الثورة | عاصم الطيب قرشى | 07-16-21, 09:39 AM |
| Re: ادبيات الثورة | عاصم الطيب قرشى | 07-17-21, 11:05 AM |
| Re: ادبيات الثورة | عاصم الطيب قرشى | 07-17-21, 02:15 PM |
| Re: ادبيات الثورة | عاصم الطيب قرشى | 07-17-21, 02:30 PM |
| Re: ادبيات الثورة | عاصم الطيب قرشى | 07-18-21, 02:31 AM |
| Re: ادبيات الثورة | عبدالغني محمد الحاج | 07-18-21, 01:06 PM |
| Re: ادبيات الثورة | عاصم الطيب قرشى | 07-18-21, 03:42 PM |
| Re: ادبيات الثورة: حكايات | عاصم الطيب قرشى | 07-18-21, 03:51 PM |
| Re: ادبيات الثورة: حكايات | صباح حسين طه | 07-18-21, 07:10 PM |
| Re: ادبيات الثورة: حكايات | عاصم الطيب قرشى | 07-19-21, 09:08 AM |
| Re: ادبيات الثورة: حكايات | عاصم الطيب قرشى | 07-19-21, 10:03 AM |
| Re: ادبيات الثورة: حكايات | عاصم الطيب قرشى | 07-19-21, 04:48 PM |
| Re: ادبيات الثورة: حكايات | عاصم الطيب قرشى | 07-21-21, 04:18 AM |
| Re: ادبيات الثورة: حكايات | عاصم الطيب قرشى | 07-22-21, 10:21 AM |
| Re: ادبيات الثورة | عاصم الطيب قرشى | 08-09-21, 09:21 AM |
| Re: ادبيات الثورة | أبوذر بابكر | 07-22-21, 11:58 AM |
| Re: ادبيات الثورة | عاصم الطيب قرشى | 07-24-21, 04:48 AM |
| Re: ادبيات الثورة | عاصم الطيب قرشى | 07-24-21, 06:32 AM |
| Re: ادبيات الثورة | بكرى ابوبكر | 07-24-21, 05:01 PM |
| ادبيات الثورة الثورة السودانية بقلم الفنان عاصم الطيب قرشي | بكرى ابوبكر | 07-24-21, 05:12 PM |
| Re: ادبيات الثورة الثورة السودانية بقلم الفن� | عاصم الطيب قرشى | 07-26-21, 10:14 AM |
| Re: ادبيات الثورة الثورة السودانية | عاصم الطيب قرشى | 07-26-21, 10:53 AM |
| Re: ادبيات الثورة الثورة السودانية | عاصم الطيب قرشى | 07-26-21, 01:17 PM |
| Re: ادبيات الثورة الثورة السودانية | عاصم الطيب قرشى | 07-26-21, 01:31 PM |
| Re: ادبيات الثورة الثورة السودانية | عاصم الطيب قرشى | 07-27-21, 04:35 AM |
| Re: ادبيات الثورة الثورة السودانية | بكرى ابوبكر | 07-27-21, 05:00 AM |
| Re: ادبيات الثورة الثورة السودانية | عاصم الطيب قرشى | 07-27-21, 05:17 AM |
| Re: ادبيات الثورة الثورة السودانية | عاصم الطيب قرشى | 07-27-21, 05:57 AM |
| Re: ادبيات الثورة الثورة السودانية | عاصم الطيب قرشى | 07-27-21, 04:01 PM |
| Re: ادبيات الثورة الثورة السودانية | عاصم الطيب قرشى | 07-27-21, 04:30 PM |
| Re: ادبيات الثورة الثورة السودانية | صباح حسين طه | 07-27-21, 04:43 PM |
| Re: ادبيات الثورة الثورة السودانية | عاصم الطيب قرشى | 07-27-21, 05:19 PM |
| Re: ادبيات الثورة الثورة السودانية | عاصم الطيب قرشى | 07-27-21, 05:19 PM |
| Re: ادبيات الثورة الثورة السودانية | نعمات عماد | 07-27-21, 05:54 PM |
| Re: ادبيات الثورة الثورة السودانية | عاصم الطيب قرشى | 07-28-21, 04:20 AM |
| Re: ادبيات الثورة الثورة السودانية | عاصم الطيب قرشى | 07-28-21, 04:45 AM |
| Re: ادبيات الثورة الثورة السودانية | عاصم الطيب قرشى | 07-28-21, 05:17 AM |
 Re: ادبيات الثورة الثورة السودانية | عاصم الطيب قرشى | 07-28-21, 07:51 AM |
| Re: ادبيات الثورة | أبوذر بابكر | 07-28-21, 08:02 AM |
| Re: ادبيات الثورة | عاصم الطيب قرشى | 07-28-21, 08:15 AM |
| Re: ادبيات الثورة | عاصم الطيب قرشى | 07-28-21, 12:36 PM |
| Re: ادبيات الثورة | عاصم الطيب قرشى | 07-28-21, 01:44 PM |
| Re: ادبيات الثورة | عاصم الطيب قرشى | 07-28-21, 02:26 PM |
| Re: ادبيات الثورة | عاصم الطيب قرشى | 07-28-21, 02:43 PM |
| Re: ادبيات الثورة | عاصم الطيب قرشى | 07-28-21, 03:52 PM |
| Re: ادبيات الثورة | عاصم الطيب قرشى | 07-29-21, 05:19 AM |
| Re: ادبيات الثورة | عاصم الطيب قرشى | 07-29-21, 06:27 AM |
| Re: ادبيات الثورة | عاصم الطيب قرشى | 07-29-21, 07:23 AM |
| Re: ادبيات الثورة | عاصم الطيب قرشى | 07-29-21, 01:27 PM |
| Re: ادبيات الثورة | عاصم الطيب قرشى | 07-29-21, 04:32 PM |
| Re: ادبيات الثورة | عاصم الطيب قرشى | 07-29-21, 05:00 PM |
| Re: ادبيات الثورة | علي دفع الله | 07-29-21, 05:11 PM |
| Re: ادبيات الثورة | عاصم الطيب قرشى | 07-30-21, 04:08 AM |
| Re: ادبيات الثورة | عاصم الطيب قرشى | 07-30-21, 04:44 AM |
| Re: ادبيات الثورة | عاصم الطيب قرشى | 07-30-21, 06:28 AM |
| Re: ادبيات الثورة | عاصم الطيب قرشى | 07-30-21, 07:08 AM |
| Re: ادبيات الثورة | عاصم الطيب قرشى | 08-03-21, 03:35 PM |
| Re: ادبيات الثورة | أبوذر بابكر | 07-30-21, 07:39 AM |
| Re: ادبيات الثورة | عاصم الطيب قرشى | 07-30-21, 07:54 AM |
| Re: ادبيات الثورة | عاصم الطيب قرشى | 07-30-21, 08:56 AM |
|
| |
فيس بوك
تويتر
انستقرام
يوتيوب
بنتيريست