|
|
|
 Re: مريم الصادق يجب أن تحال للتحقيق فورا (صـور (Re: نزار عبد الوهاب)
|
شكرا أخ نزار.. شلت جزئية العلم وما زال الموضوع فى مكانه بضرورة التحقيق مع الوزيرة. ال setting بتاع الإجتماع هو للوزارة وأعضائها. لأن الوزيرة مريم تجلس معهم على يمين الوزير وليس فى الجهة المقابلة كما فى البروتوكول.
هل حمدوك كان على علم بالإجتماع. وماذا قيل فيه؟
| |
 
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: ABUHUSSEIN)
|
| Quote: فعلا كلام علاء صحيح..الاجتماع التنسيقي في نيويورك قبل جلسة مجلس الامن |
يا أخ أحمد ، تنسيقى او ما تنسيقى، هذا إجتماع بين دولتين.. وزيرى دولتين ذات سيادة.. لماذ سامح شكرى يترأس الإجتماع وتكون وزيرتنا ضمن عضائه؟ أى إجتماع بين مسؤلى دولتين
هناك بروتوكول لمواقع الكراسى..
طاولة مستطيلة مثل هذه. وفى هذه الحالة يجلس رئيس كل فريق من الدولتين فى الجهة المقابلة بحيث يواجهون بعضهم ويجلس أعضاء الفريقين على جانبى رئيسهم. هنا تظهر الندية والمساواة.
هذا البرتوكول معمول به حتى لو عندك ضيوف فى البيت وتحولتم لطاولة الغداء او العشاء,, صاحب البيت والضيف أو كبير الضيوف يكونوا متقابلين على طرفى الطاولة والبقية فى الجانبين.
لكن شوف الصورة.. الوزير المصرى متصدر الإجتماع والوزيرة السودلنية قاعدة وسط المصريين كأنها عضو معهم وليست وزيرة تمثل دولة فى االإجتماع التنسيقى بين دولتين.
| |
|
|
|
|
|
|
|
|
 Re: مريم الصادق يجب أن تحال للتحقيق فورا (صـور (Re: Abureesh)
|
سلام عليكم
اعتقد مهما كان الوضع مهم يعنى كل وفد يجلس على طول الضلع الطويل فى المائده ويتوسط هم المسئول الاكبر بحيث يكونو متواجهين
الملاحظه التانيه السودانيين التلاته زى الطالب الماحل الواجب
لازرقه ولا ناب حتى يدل على الاهتمام والدقه فى الترتيب والاستعداد
والمصريين ورق وولابتوبات
يعنى شغل مابيخلى تفصيله ونظام
هل دا فعلا بيعطى دلاله واضحه انو كل شىء فى الوفد المصرى والوفد السودانى (تمومه جرتق)؟
.
قصه تحكى عن الزعيم الازهرى ان حقيقيه او مجرد قصه خياليه ليها طابع سياسى يعبر عن رساله وموقف شعب فمجرد سماع القصه للونسه ساى يخلق حاله نفسيه ويطلق شراره وعى
يقال انو الازهرى فى زياره لمصر وفى الصبح جا الحلاق للزعيم فى غرفتو وحبق ليهو وبعد ما انتهى
قال الحلاق المصرى للزعيم (اخد ليك دقنك يابيه ؟ -اى لحلقها ليك برضو؟)
كان رد الزعيم (مابسلمش دقنى لحد)
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Asim Ali)
|
| Quote: تبقى مصيبة لو الدبلوماسي لا يعرف البروتوكول |
بالعكس اخ السندة.. المصيبة هى ناس المراسم (فى الخارجية وفى السفارات ) ما شايفين شغلهم.. ناس المراسم هم المسؤولين عن إجلاس الوفود (الدبلوماسية)، وكل عضو من الرئيس حتى العضو العادى ناس المراسم
يكونوا حددوا ليه موقع الكرسى بتاعه قبل وصولهم. وتحديد مواقع الجلوس يحكمها بروتوكول صارم. موش طبطبة على الأكتاف وتعالى اقعدى هنا. مهمة الدبلوماسيي هى الكلام والدعاية للسودان والدفاع عنه فى المنابر
الدولية وليس إجلاس عضويتهم. فى هذه الحالة ناس المراسم المصريين هم المسؤولين عن إجلاس الوفد السودانى ولم يلتزموا بالبروتوكول لأنهم لا يعترفون بالسودان دولة مستقلة عنهم أصلاً. وقبلت المنصورة الإهانة.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
اتفق تماما مع الاخ ابوالريش
مفترض ان تكون الجلسة وجها لوجه الند بالند وليس التابع والمتبوع.
واذا كان الوفد المصري او اي وفد يريد التنسيق مع الوفد السوداني.
يجب ان يزور مقر البعثة السودانية وليس العكس (وقال المثل: العايزنه يجينا والعايزنه نمشي ليه).
وهذا النوع من الاجتماعات او بالاصح الاستدعاءات هي لفرض التعليمات والسمع والطاعة.
وللاسف وزيرة الخارجية تجلس بانكسار بينما يجلس الوزير المصري متسيدا ( ولغة جسده تقول الكثير).
وللاسف ايضا يتفحص الموظف السوداني المرافق موبايله وهو لا يبالي بالاجتماع.
ايضا نتسال اين وفد المقدمة والبرتكول والمراسم واين بعثة السودان في الامم المتحدة
وهل خضعت وزيرة الخارجية لدورات تعريفية بالبرتكول وغيره؟
وللاسف احتفلت كل المواقع المصرية بهذه الصور المزلة
  
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: أحمد محمد عمر)
|
| Quote: بعد 3 وزراء خارجية مواسير في عهد الثورة أخشى يجينا اليوم النقول فيه يا حليل غندور |
يجينا اليوم يا احمد؟!! غندور الوقف ضد المصريين فى موضوع حلايب أفضل من مريم الصادق الف مرة..
فى الصورة أدناه، شايفين المصرى أقصى اليمين ولابس نظارات، مواجه وزير الخارجية سامح شكرى.. هذا هو المقعد الذى كان المفروض تجلس فيه مريم.
هى ما عارفة البيدى فرص الأسئلة فى مؤترها منو.. تعرف ليك تقعد وين؟
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: اسماعيل عبد الله محمد)
|
يا أخوانا تشاورى ايه و رسمى ايه و شعبى ايه
والله تعد هذه ابلغ تصوير و تجسيد وتوضيح للعلاقة غير المتوازنة بيننا وبينهم
وصدق القال الصورة ابلغ من مئات المقالات و الشكوى والبكاء والسكليبة
ياخ نحن فى المؤسسات العادية وحتى غير الحكومية للجلوس بروتكولا ومعنى يعرفه الجالس والواقف
عذبتينا يا وزيرة والله
اسوأ تصرف لها so far
وانا لست كارها او حتى معارضا لها ولوجودها
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: محمد حمزة الحسين)
|
| Quote: وانا لست كارها او حتى معارضا لها ولوجودها |
ولا أنا.. ولا أعتقد فى زول يكره الحبيبة مريم.. كأخت هى تاج على العين والرأس..
أما فى السياسة لو أصرت مرمغـة وجه السودان فى التراب وتحت أقدام المصريين فلتكن مستعدة للحرب للنقد.. ما عاوزة نقد تقعد فى بيتها ما تجيها عوجة.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
يا محمد البشرى، هات تأ ريخ الصورة دى..
بعد الكتابات دى ممكن يجيبوا ليها الرئيس عبدالفتاح السيسى شخصيا وتقعد فى الكرسى بتاعه ويصوروه وهو يصب لها الشاى.. عشان يرضوا الشعب السودانى الطيب ويرفعوا
الحرج عن الأخت الصغرى. هذا لو كانت الصورة ما مدبلجة..
الأهم من دا كله أن الوزير شكرى تصدر الإجتماع وختوها مع المسؤولين المصريين.. ولما جاء وقت السفسفـة أدوها الزعامـة.. غايتو من يوم قالت أخى الكبير تانى يحلها منه الحل بلة.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
ايوة يا ابو الريش بكونوا قروا البوست بتاعك دا في سودانيزاونلاين وعملوا المسرحية دي و عقدوا الاجتماع دا مخصوص الفيه شكري و اللجنة العربية لمتابعة موضوع السد و استأذنوا المندوب العراقي و الجزائري و السعودي انهم يقعدوا القعدة دي بالترتيب دا بعد قروا بوستك و اتحسسوا من النقد وخافوا من مطالبتك بالتحقيق!
ثم قاموا دبلجوها كمان
| |
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
هذا اجتماع (تنسيقي) مصري من ساسه إلى رأسه، حسب الصورة التي أنزلها أبو ريش.
أموت وأعرف انهيار كبار المسؤولين السودانيين أمام المصريين. نحن العنقالة ديل قاعدين نجلبغ في البر ونمد أصبعنا في أجعص مصري، لكن الناس البتبقى وزراء ومسؤولين كبار ديل في شيء بخليهم ينبطحوا لمصر، وعلمه عند الله والمصريين وكبار المسؤولين السودانيين. ياخي شيخ السودان البرهان لا شعورياً دق تعظيم للسيسي!!!!، وحميدتي كرعينو اتحفّن من الجري لمصر. الناس ديل ماسكين على قادتنا شيتاً كعب ظنيتو، والله يكضب الشينة.
التنسيق دا مصري صرف، ونحن فيه a cog in a gigantic machine ... ونحن شن خبّرنا الmachines
الصورة دي يا أخانا أبا الريش فعلاً مريبة. وزيرتنا قاعدة وسط دستة من المصريين في دار مصرية (العلم ظاهر فوق) وهي مبسوطة.
الله يستر.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Shinteer)
|
| Quote: ايوة يا ابو الريش بكونوا قروا البوست بتاعك دا في سودانيزاونلاين وعملوا المسرحية دي |
محمد البشرى
أخيرا فارقت الموضوعية وبقيت تتمسخر.. لكن برضو يحمد ليك تمثيل الموضوعية والإحترام الزمن دا كله.. هذا قسمك فيما تملك فلا نلومك فيما ما لا تملك.
شوف البوست دا قرأه قريب من 2200 فى حوالى 24 ساعة فقط. هل ديل أنت وجماعتك فقط؟ هل تعلم أن المقصود من البوست الى جانب تنبيه مريم للخط السيئ الذى نتنهجه، المقصود
أيضا توجيه رسالة للمخابرات المصرية.. هل تعتقد أنهم لا يقرأون المنبر فى المواضع المتعلقة بالعلاقات السودانية المصرية؟ وهل تعرف سياسة المسؤولين المصريين تجاه التعامل مع السودانيين.
ألم يتنازل عبدالمناصر فى باندوق ويعترف بأزهرى كممثل للسـودان بعد محاولته الفاشلة لضمه للوفد المصرى؟ ألا تعلم كيف أن عبد الناصر خرج من حلايب بعد تهديد عبدالله خليل..
أدرس التأريخ لكى تعلم سياسـة النفس الطويل التى تنتهجها مصر تجاه الحكومات السودانية.. حينها تعرف لماذا وضعوا مريم فى المقعد الرئيسى وانزوى شكرى فى الكورنر وقت السفسفـة،
حين كانت ضمن المسؤولين المصريين فى الإجتماع الأساسى وكان شكرى هو زعيم ورئيس الإجتماع,, ولم يكن إجتماع أنداد.
أخيرا المسخرة ما بقروش، ولا تحتاج لتفكير..
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: محمد البشرى الخضر)
|
الزهجان
انت ما ملاحظ انك بقيت عصبي كدة وزهجان. وبصراحة بتوجه كلمات
للاعضاء فيها استفزاز واتهام ضمني وفي نفس الوقت العضو برىء
لدرجة الواحد بقى يتجنب يوجه ليك اي كلام ولو من باب المجاملة
لانك بتاخد اي امر بالمعكوس وبتفسر بى طريقة خاطئة .
مالك في شنو؟ اهدأ شوية.. وامسك الطرف البسيط والجميل من اي نقاش
اقرب مثال دكتور ياسر الشريف ...ييناقش بكل انسانية وفهم وفكر
ومستوى اخلاقي عالي..مهما كانت حدة المناقشة او الكلام الموجه له
من وجهة نظر الجميع..دي طباع واخلاق الجمهوريين في سلوكهم ومناقشاتهم
تلقى الواحد يتكلم كانه يهمس همسا.
انت ما جمهوري ؟!!
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
موجه ليك انت يا أبو الريش
مرات بتخيل لي إنك بتجهز الحجار الحتفلق بيها المتداخلين قبل ما تجهز البوست
أخلاقك ضيقة شديد وما عندك أي قدرة على تحمل الآخر المختلف
فتحت البوست بتاع تطبيق التجارة الالكترونية 3 مرات وانا عندي البقدر أضيفه في البوست
كل مرة بعد ما أكتب الرد أقفل المتصفح قبل الإرسال لأني متأكد إنك حتفهمني غلط
التعامل مع بوستاتك بالنسبة لي طريق اتجاه واحد
لو متفق مع رؤيتك 100% ممكن اتداخل، لكن لو مختلف معاك اختلاف بسيييييط ببعد من البوست وأغنيلو
دة طبعاً لا يقلل من قدر موضوعاتك بل بالعكس بتطرح قضايا مهمة وآراء واضحة وبوستاتك دايماً مضغوطة لا حشو فيها ولا مطاولات ولا آراء مطاطية
بس مشكلتك الوحيدة كوم الحجار البتفلق بيه المتداخلين دة
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: أحمد محمد عمر)
|
طيب يا اخ احمد.. ممكن تنصر اخاك ظالما أو مظلوما.. يعنى كلامك أدناه ما ختيت يدى فى خطأ محدد عشان اصلحه وأشكرك.
نحن طلاب حقيقة وما فى زول ما يغلط.. عشان كدا لو لقيت خطأ ف. كلامى نت صباعك عليه. تكون خدمتنى.. أن لم تفعل لم لتنصح لأخيك.
الكلام المنصص ادناه زى ما شايفه كلام عام.. وانطباعات.
بعدين يهمنى جدا رايك ف. التجارة الإلكترونية وانا أبحث عن جهة.. شركة أو فرد عشان اديه نسخة مجانية
وتجربتها على الطبيعة.. يللا اى سؤال مرحب ليك.
Quote: موجه ليك انت يا أبو الريش
مرات بتخيل لي إنك بتجهز الحجار الحتفلق بيها المتداخلين قبل ما تجهز البوست
أخلاقك ضيقة شديد وما عندك أي قدرة على تحمل الآخر المختلف
فتحت البوست بتاع تطبيق التجارة الالكترونية 3 مرات وانا عندي البقدر أضيفه في البوست
كل مرة بعد ما أكتب الرد أقفل المتصفح قبل الإرسال لأني متأكد إنك حتفهمني غلط
التعامل مع بوستاتك بالنسبة لي طريق اتجاه واحد
لو متفق مع رؤيتك 100% ممكن اتداخل، لكن لو مختلف معاك اختلاف بسيييييط ببعد من البوست وأغنيلو
دة طبعاً لا يقلل من قدر موضوعاتك بل بالعكس بتطرح قضايا مهمة وآراء واضحة وبوستاتك دايماً مضغوطة لا حشو فيها ولا مطاولات ولا آراء مطاطية
بس مشكلتك الوحيدة كوم الحجار البتفلق بيه المتداخلين دة |
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: محمد الزبير محمود)
|
الخوف
عدة مرات... اكتب مداخلة ما او رد او تعليق لهذا الزهجان
واثناء الكتابة الغى كلمة هنا او هناك وامسح جملة ...عشان
الفهم الغلط.. وتخيلوا الرد لا يتعدى سطرين ..بياخد وقت
في التعديل... والمراجعة . وفي الاخر . الغي المسالة كلها
وافضل عدم المشاركة . خوفا من الكلام الجارح او الما في محله
اديكم مثال..في البوست دا في كلمة شاذة واصلا هي مقصودة
وموجهة( حراق روح ).
المهم
نوعية الزهجان دا ﻻ يقبل ولا يرضى المناصحة لانه يرى نفسه
انه هو الوحيد الصاح.
...
ما عارف امسح ولا ارد
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Ahmed Yassin)
|
| Quote: وهذا النوع من الاجتماعات او بالاصح الاستدعاءات هي لفرض التعليمات والسمع والطاعة. |
أتفق معك أخ عزالدين عبدالرحمن.. إجتماع مسؤولين مصريين برئاسة وزير الخارجية، وقاعدة معاهم مريم الصادق الصديق عبدالرحمن محمد أحمد المهدى. وقد حظيت بالجلوس بالقرب مع أخيها الكبير سامح شكرى.
أقول للبعض، وكما للكيزان والشيوعيين ذباب الكترونى، أيضا الطائفيون عندهم درق سيدو.. واحد متبرع لتلقى الضربات نيابة عن سيده، مثل الدرقـة.. لكن أبو الريش للبيحرك ضنبو يضرب الرأس. ومن هنا سيكون
الحديث عن الزعماء الطائفيين وكيف أضاعوا السودان بسبب أطماعهم وجهلهم بالحكم.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
Quote: يا محمد البشرى، هات تأ ريخ الصورة دى..
بعد الكتابات دى ممكن يجيبوا ليها الرئيس عبدالفتاح السيسى شخصيا وتقعد فى الكرسى بتاعه ويصوروه وهو يصب لها الشاى |
تفتيحة يا أبو الريش وما بتفوت عليك ألاعيب المصريين.
وكمان عشان مزيد من التوضيح: الصورة إتعملت بطلب من ود البشرى. وحتى كمان ود البشرى لما رسل رسالة واتساب لسامح شكري يطلب صورة تكون فيها مريم في مقعد القيادة عشان يخرس المنتقدين في سودانيزاونلاين،
سامح شكري رد لود البشرى وقال ليهو: معندناش صورة وشوف شغلك مع العيال في سودانيزاونلاين.
وبعدها ود البشرى ضرب تلفون للسيسي متحججاً بأن أقصى حدوده التي تم تدريبه عليها هي مغالطة أحدهم بس.
السيسي قام سأل ود البشرى: هو مين اللي كتب البوست؟ لما ود البشرى قال ليهو ابو الريش، السيسي طوالي ضرب لسامح شكري وقال ليهو: أعمل الصورة يا سامح وبلاش لكاعــة، الواد بورريش ديا مِش هـيقيبها لبرة.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Hafiz Bashir)
|
المسخرة دى كلها يا أخ حافظ لا تغير حقيقة أن مريم تمارس منذ فترة سياسة الذيلية لمصر.. شنو معنى العمالة لو وزيرة الداخلية
تقول لوزير دولة تحتل أرضها بالقوة انه أخوها الكبير وان المصريين كتار وما عندهم ارض أو ماء كفاية.. حرام.. يجوا عندنا بس.
وهنا فى نيويورك تمشى تقعد بأدب وسط المسؤولين المصريين فى إجتماع يترأسه وزير الخارجية المصرى.. بدل تصر أن تكون شامخة
الرأس مرفوعة الهامة وتجلس قدامه فى الجهة المقابلة للطاولة.
أهو يا حافظ.. كلما حاولتم تحرفوا البوست نرجع ليه ونواصل فيه.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: عزالدين عبدالرحمن)
|
| Quote: أقصى حدوده التي تم تدريبه عليها هي مغالطة أحدهم بس. |
أحدهم يلملم عفشه. تاني اتغالطوا براكم :)
خلاص وقعت العقد الجديد .. داخل بس اشوف لو في زول عندو عندي باقي
كنت شغال متطوع مع منظمة ماسك ليهم سيرفراتهم، ولما تفتح تذكرة دعم لي ناس مايكروسوفت بقوموا يتصلوا بيك تلفون يحلوها ليك
أها مرة سايق ومعاي المدام قام التلفون ضرب وبرنامج true caller كتب المتصل microsoft support داير ارد بالبلوتوث عادي المدام بقت تقول لي لا لا أقيف اركن على جمبة عشان تتكلم بي راحتك
المهم ركنت برة الشارع المزدحم وكملت المكالمة لقيتها بتعاين لي بي تلهف كدة: أها قالوا ليك شنو؟
قلت ليها كيف قالوا لي شنو! ما مكالمة دعم فني عادية وريتهم المشكلة وحلوها
قالت لي أنا قايلاهم ديل ناس وظيفة قدمت ليها
قلت ليها يا بت الناس أنا كان اشتغلت في مايكروسوفت تاني بمشي معاكم في الواطة؟ علي الحلال أمشي مهوّي :)
قالت لي دة على أساس إنك هسة ماشي معانا ولا شايف في زول احسن منك يعني؟ 
هسة الواحد بعد ما بقى specialist في الـ UN بحاول يخت كرعينه في الواطة لكن ما عارفن ما دايرات يصلن لشنو؟
رغم إنه عقد مؤقت لمدة نصف عام فقط لكن كافي لتركيب المكنة 
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: أحمد محمد عمر)
|
من جهة خارج المنبر.
Quote: #وزيرة_الخارجية_السودانية
شغلتك دي بطبطة فارغة ساي ، عدو السودان الاول هو مصر التي تحتل ارض حلايب وتزرع الفتن داخل السودان وتنهب ثرواتنا واثارنا وتدمر اقتصادنا ، خلافنا الفعلي مع اثيوبيا كان بمنطقة الفشقة واستعداناها، وخلافنا مع اثيوبيا في مسألة ملأ سد النهضة يمكن تجاوزه بالبعد عن مصر وزيادة حصتنا المائية وتنسيق عمليات الملأ بتبادل المعلاومات والمنافع مع اثيوبيا فيمكن تخصيص جزء من الانتاج الكهربائي من هذا السد للسودان بجانب كثير من الفوائد منها درئه لخطر الفيضانات وضمان منسوب مستقر لتدفق النيل الازرق ولاتهمنا حصة مصر ومعضلاتها ، كما يجب ان نعامل مصر معاملة عدو محتل لأرضنا في حلايب ونستعد عسكريا لاجتياح واسترداد ارض حلايب ونضغط على مصر بملف سد النهضة وتحديدحصتها المائية التي لابد ان تخفض للنصف، وارغامها على دفع متأخرات فائض المياه التي ظلت تتدفق اليها بالمجان طيلة النين الماضية، ياوزيرة الخارجية ياتتكلمي كلام نجيض ولا تشوفي ليكي شغلة تانية تقضيها بلاش مجمجة فارغة. |
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
| Quote: جبت الكلام دا من وين با مولانا! |
كلمني السيسي
أنا مذدوج يا عمك
وباي ذا وي، إبليس الكتابة قال لي في المداخلة السابقة أكتب "تفتيحة يا أبو الريش وما بتفوت عليك ألاعيب المصريين وأذيالهم"
لكن أنا وقفت الف احمر في كلمة أذيالهم دي، وقلت ليهو عيب ولا تجوز في حق الزميل ود البشرى.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: ABUHUSSEIN)
|
مرحباً بأمة الأمجاد والماضي العريقِ.
حتى من دون هذه الاجتماع الذي لا نعلم عنه شيئاً، مصر راكبة فوق راسكم ومدلدلة كرعينها، ولا كتّر خيركم.
والله ما تقدروا تتخارجوا من مصر دي إلا بمعجزة إلهية. مصر يا أخت بلادي يا شقيقة. مصر لاعبة بالسودان سيجة.
هل يقدر مسؤول سوداني يقل أدبو على مصر؟ حيكون انتحار سياسي، إن لم يكن انتحاراً جسدياً.
والغريب أن كل السياسيين على هذه الشاكلة، حزب أمة أو اتحادي لا فرق. طيب ليه ما نتوحد سوا مع مصر ونقول نعلة الله على جمال عبد الناصر الذي فصل بين شطري وادي النيل؟
جمال كان صادق زي المصريين الآخرين في نظرتهم إلى السودان، فذهب ليؤسس اتحاداً مع سوريا التي في آخر الدنيا ووافق على انفصال السودان الذي يقع جغرافياً في مؤخرته.
اليوم تجد مصريين يقولون إن السودان جزء من مصر، وما في حاجة اسمها السودان، والسودان ليس سوى جغرافيا هاملة.
فعلاً السودان جغرافيا هاملة، إذا كنا نسمع كل يوم اقتتال في لا شيء داخل السودان.
يبدو لي أن الأفضل أن نؤجّر هذه الأرض الخاملة للصينيبن أو أي دولة غير مصر، ونعيش مرتاحين مع ستات الشاهي وهواة اللغو المباح.
نحن بين فكّيْ مصر والحبشة. والأقوى سيفوز بأكبر قطعة من الكعكة السودانية. ويمكن "الشغيغة" إريتريا تلقالها شلِيّة في التقاة.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: ABUHUSSEIN)
|
يا ابو حسين انت السؤال عن مدى معرفة حمدوك عن إجتماع الذل والهوان والخيانة التى به المنصورة لطخت وجه السودان
عن مدى معرفة حمدوك بهذا الاجتماع بصفته رئيس مريم وهى خادمة الحكومة التى يرأسها ومهمتها تنفيذ اجندة حمدوك فى السياسة الخارجية والإئتمار باوامره او الاستقالة.. وتساؤل المواطنين عن مدى ضبط حمدوك لأعضاء حكومته ومدى تنفيذهم لسياساته.. تعتقد كل هذا شمارات.
المهم يا زول انت حر وما فى زول فى الدنيا يقدر يحدد ليك تتكلم كيف وكل ما أقدر اقوله ليك هو الناس ما كلها تفكر زيك..
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
Quote: يا ابو حسين انت السؤال عن مدى معرفة حمدوك عن إجتماع الذل والهوان والخيانة التى به المنصورة لطخت وجه السودان
عن مدى معرفة حمدوك بهذا الاجتماع بصفته رئيس مريم وهى خادمة الحكومة التى يرأسها ومهمتها تنفيذ اجندة حمدوك فى السياسة الخارجية والإئتمار باوامره او الاستقالة.. وتساؤل المواطنين عن مدى ضبط حمدوك لأعضاء حكومته ومدى تنفيذهم لسياساته.. تعتقد كل هذا شمارات.
المهم يا زول انت حر وما فى زول فى الدنيا يقدر يحدد ليك تتكلم كيف وكل ما أقدر اقوله ليك هو الناس ما كلها تفكر زيك.. |
أكيد ما كل الناس تفكيرها زي بعض ما أبو حسين فقط
بعدين تعال إنت الحكومة قايلا شلة قاعدة تحت عمود كهرباء و بتونسو و ل كيف ...؟؟؟
وزيرة خارجية بتتحرك بي أوامر رئيس الوزراء ما حسب مزاجها هي و ل إنت منتظرم يقروا أوامرك إنت و ينفذو
كمان عايز تعرف بقولو في شنو ..؟؟؟؟؟ بي صفتك شنو ....؟؟؟؟
لو أصلو كل وزير بقعد يقرأ زي كلامك دا و يرد عليه معناها ما يشتغلو يقعدو ينتظروك إنت و أمثالك و هم كتيرين المنظرين زيك و يخلو شغلهم و يتفرغو ليكم
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: ABUHUSSEIN)
|
تحتاج تعرف اكتر عن علاقة الحاكم بالشعب. ومن هو السيد.. وارجو لا تشخضن النقاش .. الشعب هو السيد والحكام خدم.
الشعب قلع البشير وعين حمدوك. والشعب له كامل الحق ان يعرف ماذا تفعل الحكومة بحياته ومستقبله.. هذا منبر صحفى الكترونيى وأى عضو له الحق ان يسأل اى مسؤول.. ليس عن شخصه وحياته وانما عن عمله الرسمى.
لو مريم اهانت السودان من حين لاخر وهى مستخدمة قانونا من قبل حمدوك فإن اى مواطن له الحق فى التحقق من رضاء حمدوك عن أدائها من عدمه.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
Quote: تحتاج تعرف اكتر عن علاقة الحاكم بالشعب. ومن هو السيد.. وارجو لا تشخضن النقاش .. الشعب هو السيد والحكام خدم.
الشعب قلع البشير وعين حمدوك. والشعب له كامل الحق ان يعرف ماذا تفعل الحكومة بحياته ومستقبله.. هذا منبر صحفى الكترونيى وأى عضو له الحق ان يسأل اى مسؤول.. ليس عن شخصه وحياته وانما عن عمله الرسمى.
لو مريم اهانت السودان من حين لاخر وهى مستخدمة قانونا من قبل حمدوك فإن اى مواطن له الحق فى التحقق من رضاء حمدوك عن أدائها من عدمه. |
انت المحتاج تعرف العلاقة بين الحاكم بالشعب العايز تعرف الوزيرة قالت شنو ؟؟؟
كمان عايز تعرف اذا كان حمدوك راضي عنها ام لا ... ؟؟؟
و تعال وين انا شخصنت النقاش .. ؟؟؟
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: ABUHUSSEIN)
|
أظن يا ابو حسين كل واحد فينا قال رأيه.. من ناحيتى لو كتبت أى شئ تانى سيكون تكرار.. هدف النقاش الأساسى هو تبادل الأراء وليس ضروريا الإتفاق.. هى دى مشكلتنا نحن السودانيين
لازم يتفقوا على رأى أحدهم ولو ما أتفقوا السكاكين تدور.. ما عندنا ثقافة إبداء الرأى والقعاد فى الضل وإعطاء الفرصة للقراء ليحكموا بأنفسهم.. الكلام الأخير دا ما ليك ولكن للزملاء الكرام.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Hafiz Bashir)
|
| Quote: من قال ود البشرى ذيل.. (لا تجاوب بسؤال طيب تقصد منو) جاوب مباشرة. |
إبليس الكتابة هو القال لي أكتب أذيالهم، في إشارة واضحة منه لود البشرى:.
فهل أنت إبليس كتابتي يا أبو الريش؟
عليك الله يا أبو الريش في ردك على سؤالي عن هل هل أنت إبليس كتابتي قول لي "ذلك شرف لا أدعيه"
آند تيك إت إيزي يا عزيزي.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Hafiz Bashir)
|
ـ لأبي الريش
غندورك دا أسوأ وزير خارجية وهو والبشير وكرتي ونافع وعلي عثمان من
أسوأ الساسة في تاريخ الوطن
- هم من فرطو في التراب والسيادة الوطنية ـ في حلايب والفشقة
وهم من حشدو الشباب والجيش السوداني ليحاربو بالوكالة باليمن
وهم من عزلو السودان وربطوه بالتطرف والإرهاب
-وهم من سمحو لإسرائيل بذلهم وهوانهم وتدخلهم فيما لايعنيهم لإسرائيل لتضرب شرق السودان خمسة مرات ـ أيام الواطة ضلمة والطيارة طافية نور !
وتختم الضرب في مجمع اليرموك علي بعدبضعة أميال من القيادة العامة والقصر الجمهوري !
* وغندور يبكي ويجعر لأن البشير نجا من الإعتقال في جنوب أفريقيا
وغندور الطرطور فشل في رفع السودان من قائمة الدول الراعية للإرهاب
-وفشل في تحريك شكاوي السودان في المنظمات الدولية فيما يتعلق بحلايب
- الموضوع مش جعجعة غندورية إستعراضية لاتقتل ذبابةأمام مصر وإنما العجز عن الفعل
-ـ غندور كمنظومة ونهج هم سباب دمار سياستنا الخارجية
= فشل حزب غندور في وضع دراسة ـ علمية وجيلوجية وبئية ومواردية ـ وبالإستعانة بخبراء دوليين في مجال السدود وأثارها وتبعاتها علي الوطن
وأكتفي بردود الأفعال طورا يميل لمصر وطورا يميل لأديس أبابا
لو قامو بوضع دراسة وخطة تراعي مصالح الوطن وبناء موقف مركزي تجاه
السد إبتدأ لكفونا هذا التخبط ـ
-مريم المهدي ماب تتشكر ـ المنصب أكبر بل موقفها ينافي مواقف حزب الأمة التاريخية تجاه مصر
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Ahmed Yassin)
|
| Quote: يعني فيها شنو لو فوَّت الخطأ دا لمولاكم؟ |
صعبة يا مولانا!
رغم انو ضرسة الذال نفسها لو جات من ابوحسين او احدهم أو اي من سابلة و عوام البورد لكن اهو كدا كدا بالليمون بالحلبة ممكن الواحد يستحملها.
لكن ذالك - تقرأ ذيلك  - غلبتني النصيحة لله يا مولانا ما بتتبلع!
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
أبو الريش !
دفاعك عن الثعبان الأملس غندور هنا وقبلها يعني أنك مناصره
ـ أنا كتبت بلغة المشافهة الدارجة ـ لما زول يفضل شخص ما أو يدافع عنه
يقال له "زولك دا " كذا وكذا ...
ـ شوف ودا كلام عام:-
إي زول يدافع عن الإنقاذ ـ نهجا أو ممارسة أو رموز ـ ولو من باب المقارنة والمقاربة ـ يتحمل تبعات دفاعه ـ وعليه تسديد فواتير مواقفه ـ فكريا وسياسيا
-لاشتما أو إساءة فالأرشيف والمواقف التاريخية والسابقة لكل منا تجاه الإنقاذ هي الردوالمرجع للحكم علي شخص ومحاكمته فكريا متي مادعت الضرورة
*-التسويق للإنقاذ نهجا أورموزا ـ نهج خطير وخصوصا إن كان الرمز يرفض الثورة وخيار الشعب ويسعي لإعادة عقارب الساعة للوراء ـ
-* مريم الصادق ـ ووالدها قبلها ـستظل محل نقد وإختلاف حاد وجوهري
ـ ودا حق مشروع ـ وهذا ماتخصص فيه أخونا يحي قباني منبريا ولكن بحصافة
وعمق ووعي جعل من الإنقاذ ورموزها خارج المعادلة ـ بعيدا عن عقلية حليل
كرتي ونافع وغندور الطرطور !
--ـ الإنقاذ رموزا وممارسة هي الأكثر تفريطا في السيادة والتراب ويليها
من أغرق حلفا ـ عبود ثم نميري التكامل ـ العسكر عالميا يعدون من صقور وجوارح ـ الدفاع عن السيادة والتراب ـ أما في السودان فهم الأكثر تفريطا
فيها إبتدأ من عبود وإنتهاء ببرهان وحميدتي ـ ناس محور عاصفة الحزم !
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: علاء سيداحمد)
|
| Quote: لا حولااااا لو ما مولانا صححنا كنا للآن نكتب مزدوج بدلاً عن مذدوج 😂😂 |
🤣🤣🤣
هسه عليك الله يا دكتورة شنو البخلي نموذج تكون بالذال ومزدوج تكون بالزين، إذا ما لولوة بتاعة عرب ساي؟
المشكلة في ذالي إنها فتحت نفاج لود البشرى للهروب من الذيلية كما هرب الطريفي ولد بكري من عقاب الناظر يوم خطوبة الزين للنعمة بت حاج إبراهيم.
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Hafiz Bashir)
|
يا شباب أستأذنكم في مجاملة أبو الريش بالدخول في لب البوست
| Quote: خلافنا الفعلي مع اثيوبيا كان بمنطقة الفشقة واستعداناها، وخلافنا مع اثيوبيا في مسألة ملأ سد النهضة يمكن تجاوزه بالبعد عن مصر وزيادة حصتنا المائية وتنسيق عمليات الملأ بتبادل المعلاومات والمنافع مع اثيوبيا فيمكن تخصيص جزء من الانتاج الكهربائي من هذا السد للسودان بجانب كثير من الفوائد منها درئه لخطر الفيضانات وضمان منسوب مستقر لتدفق النيل الازرق |
المقتبس أعلاه من كتابة لكاتب محجب اوردته أنت في مداخلة لك في هذا البوست..
وتعبير كاتب محجب ليس من إنتاجي، بل صادفني في مداخلة من مداخلاتك يا أبوالريش في بوست لزهير عثمان حمد معنون بإسمك ضمن أسماء أخرى.
وعشان ما يجي زول يتهمني بسرقة تعبيرات ابو الريش ونبقي في قصص بتاع سرقة أدبية وحاجات ما بتشبه مولانا دا رابط المداخلة بتاعة ابو الريش
Re: يا اسماعين وابو الريش ودالامير تعالو اقراRe: يا اسماعين وابو الريش ودالامير تعالو اقرا
المهم أنا ما متفق مع أبو الريش في إمتناعه عن التعليق على رأي كاتب محجب.
لو المداخلة تحتوي على خبر فمعرفة المصدر مهمة قبل أي تعليق لأن التعليق يعتمد جزئياً على الثقة في مصداقية مصدر الخبر.
أما لو أن المداخلة تحتوي على رأي او تحليل فلا توجد أهمية لشخصية صاحب الرأي بقدر منطقية الرأي او التحليل نفسه ومدي إعتمادهم على بيانات صحيحة وإتباعهم لمنهج تحليلي صحيح.
ما عندي مشكلة في أن يكون لأبي الريش منهجية مختلفة في التعامل مع المداخلات ولكني أرجو منه الإتساق في ما يتعلق بالكاتب وحجابه.
في رأيي أن الكاتب المحجب الذي إقتبس منه أبة الريش ينطلق من منطلق التعالي على إثيوبيا وسكانها مِن مَن نطلق عليهم الأحباش في لغتنا وكما ورد في الحديث "ولو أُستعمل عليكم عبد حبشي."
فالكاتب يظن أن أثيوبيا ستقدم مصلحة السودان على مصالحها. وإلا فما الداعي للظن بأن إثيوبيا ستخصص جزءً من كهرباء سد النهضة للسودان ما لم تكن هنالك إتفاقية ملزمة.
في عام 2019 نصيب الفرد السوداني من الطاقة الكهرابية في السنة هو 268 كيلوات ساعة في السنة
و نصيب الفرد الإثيوبي من الطاقة الكهرابية في السنة هو 80 كيلوات ساعة في السنة.
إنتاج الطاقة الكهربائية المتوقعة من سد النهضة هو 153 16 جيجاوات في السنة
لو تم توزيع هذه الطاقة في إثيوبيا فسيرتفع معدل نصيب الفرد في إثيوبيا إلى 223 كيلووات ساعة.
وهذا المعدل أقل من معدل من نصيب الفرد في السودان من الطاقة الكهرابئة والبالغ 268 كيلووات ساعة في السنة.
وأقل كثير جداً من متوسط نصيب الفرد في العالم والبالغ 081 3 كيلوات ساعة
ما الذي يجعلنا نظن أنه من السهولة أن تمنحنا أثيوبيا الكهرباء من غير إتفاقية ملزمة سواء تعالينا على الأحباش والظن بأنهم سيقدمون مصالحنا على مصالحهم؟
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Hafiz Bashir)
|
| Quote: ما الذي يجعلنا نظن أنه من السهولة أن تمنحنا أثيوبيا الكهرباء من غير إتفاقية ملزمة سواء تعالينا على الأحباش والظن بأنهم سيقدمون مصالحنا على مصالحهم؟ |
أهلا حافظ..
طبعا فيما يختص بالكهرباء فإن إثيوبيا غير ملزمة عرفا ولا دوليا أن توقع إتفاقية ملزمة بخصوص توزيع الكهرباء.. ولكن توزيع المياه فيمكن البحث فى القانون الدولى الخاص بالأنهر العابرة للحدود، وليست عندى معلومات عن هذه.
الكهرباء إنناج وصناعة ومافى دولة ملزمة ببيع منتجاتها لدولة أخرى.. أما مياه الله دى فإن الأنهر العبارة للحدود.. وفى رواية أخرى الأنهر المشتركة فيحكمها قانون دولى.
فى كتير من الولايات المتحدة جمع مياه الأمطار حتى داخل البيوت ممنوع بالقانون.. يعنى لو ختيت طشت فى الحوش لجمع موية المطرة والحكومة عرفت حتكون عندك مشكلة وممكن تمشى السجن. (دى تخريمة للتوضيح)
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: Abureesh)
|
وما لنفسى أصبحت مُغرمةً بحرف الذال
لِمَ لا وقد تسببت فى سجالٍ مفعمٍ بطيب قولٍ من دهاقنةِ البورد.
حبيبنا ود البشرى عليك الله تغاضى عن كلمة ( قد ) لأنها عند الأدباء
تؤدى إلى ركاكة الحديث .
حبيبنا أبوالريش مالى أراك متحاملاً على الكنداكه المنصوره .
| |
|
|
|
|
|
|
|
|
|
Re: مريم الصادق يجب أن تحال للتحقيق فورا (صـور (Re: ABDALLAH ABDALLAH)
|
| Quote: حبيبنا أبوالريش مالى أراك متحاملاً على الكنداكه المنصوره . |
مولانا عبد الله.. أحيلك لمداخلتى هذه أعلاه فى هذا البوست
| Quote: وانا لست كارها او حتى معارضا لها ولوجودها |
ولا أنا.. ولا أعتقد فى زول يكره الحبيبة مريم.. كأخت هى تاج على العين والرأس..
أما فى السياسة لو أصرت مرمغـة وجه السودان فى التراب وتحت أقدام المصريين فلتكن مستعدة للحرب للنقد.. ما عاوزة نقد تقعد فى بيتها ما تجيها عوجة.
| |
|
|
|
|
|
|
| |
Abureesh
نزار عبد الوهاب
علاء سيداحمد
Ahmed Yassin
ABUHUSSEIN
Al Sunda
Asim Ali
بدر الدين الأمير
محمد البشرى الخضر
اسماعيل عبد الله محمد
علاء خيراوى
محمد حمزة الحسين
Shinteer
Hafiz Bashir
كمال عباس
نعمات عماد
ABDALLAH ABDALLAH
فيس بوك
تويتر
انستقرام
يوتيوب
بنتيريست