|
Re: ♧ ناكل لوبة £ (Re: دفع الله ود الأصيل)
|
من كتاب: "الرحيق الأقحواني : جماليات الحكي بالعامي السوداني" .. الكاتب بعرفوا ول أبا ود الأصيل
نأكل لوبة أهااا، بعد الفواصل، ممكن نرجع لموضوعنا، اللي هو "ناكل لوبة" عدييييل كدي!! نان وتيب، ومالو ياخي؟! موش ترا قالولنا بروتين (برمائي)؟! أخير لينا من حاجة قرففف اسمها: (جلافيط القعونج) اللهو ظاطو لمن سمع تصريحات عمك مامون حِمَّيْدَة النارية إياها ديك. وقام يتعزز الليمون، وصابو هلع جري الخلا لبد اندس عمل نظام بيات شتوي قبال أوانو. أها ملاحظين إنو ورغم عنف الخريف دا وكترت الطمل في حلتنا ولا قعونجاية واحدة ما سمعناها تاني قالت (غوووغ)، تحين ما قلتو نوبة؟! أها عاد تحين جنس دا ما خير منو ناكل نيم ونحلي قرض راسو عديل!!؟
وأما بالنسبة لسوعالك عن اللوبة؛ فلو قصدك بايتة هي،فلازم تحدد. لو زول جروف عندنا الفوك (لوبة عفن) دي نفاخا قبض أيد. وكان زول تقانت عندنا لوبة عدسي دي لبليلة رمضان؛ غايتو مع الصيام ما بتنفع، علا كان تربطلك (كوز) موية غليد كدا في صرتك مع حقة الصعوط ومحكاكة الملود . وأما لو قصدك الزول الماكلا يكون بايت القَوَىْ، فذاك شأن آخر، خسوسن كمان، لو رقد ليك رقدت الشيح وعكس مراقد الريح؛ لأنها بتفرز حامض (Lobic Acid)؛ ودا بقى أخطر من غاز ثاني أوكسيد اللعوتيك الفتاك. ومحرم تداوله دولياً باعتباره سلاح دمار شامل وتناوله وقد يرقى إلى جريمة ضد الإنسانية. وأما عن كترة الأسامي ففعلا أنت تاريك ناقشا كويس شكلك مجرب ياخوي، وبتنفع لشغل الطواقي والشيكات الطايرة. ولو ملاحظ حتى الانتماء العرقي برضو صحن فتة. دا كلو لزوم سهولة المناورة، عند حالاتالضرورات التي تبيح المحظورات. ياخ، ولا خليــك؛ أنت ماكعارف الباقية ساكت!
بشة ي عمگ، يعني مداقرننا حتي في اللوبة عفن دا؟؛ ياخ دا قاعدين يداعبونا بيهو. وكتين يشوفوگ مطنقر عامل زعلان وما دايرين بهببوگ، ترا يقولولك: "إن شاء الله نوفاخ اللوبة الفوك الما ينفك". أها عاد كان كدي علا الواحد تاني يضرب الخلا والصيسااه ؛ يعيش نباتي مع الطبيعة؛ يعني كان يشوفلو ضريصاء ولا بيت نمل؛ يتعشا بشوية رشوشة من (صلب) نملة، مگشنة بي بصل كلاب؛ وعليها تلاتة (كيزان) موية گدي غولاد من ترس الحقنة، يطفحا بيهن. بعدين يظبطا ليك بي شاي مدنگ گدا، وگمان مقنن بلبن عوشر. ويلا من ثمة يمش ينبطح يرقد ليگ تحت الشدرة، مراقد الريح ؛ ويسويلگ عاد، سوات ( الشيح) ومراقد الريح.
طيب على حس اللوبة والحديس طبعن دايمن بجيب باقي الحديس!! فتعال نگرم مثواگ بشوية طرايف من حلتنا. ناكل لوبة با سليقة بي مهيوبة!! فمن شر البليلة ما يضحك! وقبال ما نخش في غريق اللوابي وكدي، قالگ: واحد من عروبنا ديل (معطرب) وشالق متل صاحبي قشير دا، جايب أبناهو وجاي من الخليج كرت كرتونة؛ ومخلي رحاب الحرمين الشريفين وراه وقال داير يقضي العشرة اللواخر وسط العشيرة في ربوع تاس (أم صفقن عوراض)، غادي من تبول واتا مصبح على جبل اللبايتور. فتاني يوم بدا يدق جرس. قال جاهو ملل شديد من ثالوث المعاناة: (عطش+ كتاحة + نمطية حياة ريفية). العصار يقوم من نص صنقورك ؛ مع جو الرتابة موت بطيء، من كثرة التكرار في كل شيء. فلاحظ إنوالحلة دي عن بكرة أبيها تقريباً، عدا من رحمه وفتح عليه ربك بقرشين حلوين، يصومون ويفطرون علي صنف واحد فقط لا غير، هو (السليقة): يمرقو كل صباح على الجزارات ريقان ريقان، يجيبو ربع أوتمن الكيلو دا شايلنو مصرور مضارينو في تيابم، متل (فسحة الفحص) عند الدكتور، وعليه فرطاقة بصلة وسلقة ملحة وشوية موية. والبعدم خالس، ممكن يضبحو لوبة تمشي حاجتين ( بليلة + ملاح) يضربوه مع جك من الشيء وضده آبري (حلومر). ويلا عليها! بعد داك يا التراويح جوك ناس، متعودين يصلوها بالفاتحة ومعاها بس سورة فرد واحدة من الخفايف متل ناس الإخلاس (قل هو الله أحد ) أوالكوثر ( إنا أعطيناك ا لكوثر ) عشان يرجعوا فسراع فسراع يتكاملو النوم دايخين متل جداد سمير. الساعة تمانية دي شفتا لوفي جنازة ما تلقى طفاي النار البسترا . ياخي ديل قال ليك، مرة كدا عمك إمامن الراتب شكلو تقل ليك العيار في السليقة شوية و(بطنو مگركبة). فقامو بالعدم، جبدولم واحد أظنو ضيف جايبوالدرب ساه قالولو يصلى بيهم. عمك داقس كدا، ما كان ناقش النظام عندهم: إنو كل الركعات من قولة تيت للنهاية بنفس الوتيرة فقام هبش ليك راس (والضحى والليل إذا سجى). فتعالت أصواتهم محتجين من خلفه يزجرون وكادو يضربونه لامن اتلخبت ظاطو. قام اتنحنح ونضم في الصلاة قال ليهم: في شنويا جماعة مالگم ؟! فردو ليك بي حس فرد گورالي واحد " يا زول، دي مي ياها السورة القريت بها مع الفاتحة دي".
---- بتصرف
بريمة
|
|
|
|
|
|
|
العنوان |
الكاتب |
Date |
♧ نـــــــاكل لــــــــــــوبة £ | دفع الله ود الأصيل | 07-06-21, 12:57 PM |
Re: ♧ ناكل لوبة £ | دفع الله ود الأصيل | 07-06-21, 01:05 PM |
Re: ♧ ناكل لوبة £ | دفع الله ود الأصيل | 07-06-21, 01:15 PM |
Re: ♧ ناكل لوبة £ | دفع الله ود الأصيل | 07-07-21, 03:35 AM |
Re: ♧ ناكل لوبة £ | دفع الله ود الأصيل | 07-07-21, 09:24 PM |
Re: ♧ ناكل لوبة £ | دفع الله ود الأصيل | 07-08-21, 08:46 AM |
Re: ♧ ناكل لوبة £ | الشيخ سيد أحمد | 07-08-21, 05:01 PM |
Re: ♧ ناكل لوبة £ | Shinteer | 07-08-21, 11:24 PM |
Re: ♧ ناكل لوبة £ | Shinteer | 07-09-21, 01:23 AM |
Re: ♧ ناكل لوبة £ | دفع الله ود الأصيل | 07-09-21, 08:34 AM |
Re: ♧ ناكل لوبة £ | دفع الله ود الأصيل | 07-09-21, 12:03 PM |
Re: ♧ ناكل لوبة £ | Shinteer | 07-09-21, 09:50 PM |
Re: ♧ ناكل لوبة £ | دفع الله ود الأصيل | 07-09-21, 10:49 PM |
Re: ♧ ناكل لوبة £ | دفع الله ود الأصيل | 07-10-21, 09:18 AM |
Re: ♧ ناكل لوبة £ | دفع الله ود الأصيل | 07-11-21, 04:10 AM |
Re: ♧ ناكل لوبة £ | دفع الله ود الأصيل | 07-16-21, 02:54 AM |
Re: ♧ ناكل لوبة £ | دفع الله ود الأصيل | 07-16-21, 12:30 PM |
Re: ♧ ناكل لوبة £ | عبدالله ود البوش | 07-25-21, 12:04 PM |
Re: ♧ ناكل لوبة £ | دفع الله ود الأصيل | 07-25-21, 09:57 PM |
Re: ♧ ناكل لوبة £ | دفع الله ود الأصيل | 07-31-21, 01:31 AM |
Re: ♧ ناكل لوبة £ | دفع الله ود الأصيل | 04-23-22, 11:17 AM |
Re: ♧ ناكل لوبة £ | دفع الله ود الأصيل | 04-23-22, 12:10 PM |
Re: ♧ ناكل لوبة £ | Biraima M Adam | 04-23-22, 01:03 PM |
Re: ♧ ناكل لوبة £ | Biraima M Adam | 04-23-22, 01:33 PM |
Re: ♧ ناكل لوبة £ | دفع الله ود الأصيل | 04-23-22, 02:16 PM |
Re: ♧ نـــــــاكل لــــــــــــوبة £ | أبوذر بابكر | 04-23-22, 04:33 PM |
Re: ♧ نـــــــاكل لــــــــــــوبة £ | دفع الله ود الأصيل | 04-23-22, 07:25 PM |
Re: ♧ نـــــــاكل لــــــــــــوبة £ | أبوذر بابكر | 04-23-22, 07:35 PM |
Re: ♧ نـــــــاكل لــــــــــــوبة £ | صديق مهدى على | 04-23-22, 08:22 PM |
Re: ♧ نـــــــاكل لــــــــــــوبة £ | دفع الله ود الأصيل | 04-23-22, 09:33 PM |
Re: ♧ نـــــــاكل لــــــــــــوبة £ | صديق مهدى على | 04-23-22, 10:55 PM |
Re: ♧ نـــــــاكل لــــــــــــوبة £ | دفع الله ود الأصيل | 04-25-22, 08:21 AM |
Re: ♧ نـــــــاكل لــــــــــــوبة £ | دفع الله ود الأصيل | 04-26-22, 12:54 PM |
Re: ♧ نـــــــاكل لــــــــــــوبة £ | دفع الله ود الأصيل | 05-09-22, 09:02 AM |
Re: ♧ نـــــــاكل لــــــــــــوبة £ | دفع الله ود الأصيل | 05-19-22, 02:33 PM |
Re: ♧ نـــــــاكل لــــــــــــوبة £ | دفع الله ود الأصيل | 05-21-22, 07:20 AM |
|
|
|