|
Re: ٣٠ يونيو ٢٠٢١ والدعوة لاسقاط المسار السيا (Re: محمد حيدر المشرف)
|
يا سلام عزيزنا المشرف ... ٤ نقاطك دي مفاهيم وقناعات الغالبية الصامتة والمراقبة جيدا لما يحدث أمامها ... هذا الشعب الذكي المسالم بالتأكيد لن ينجر لما يخطط له الأيديولوجيين تحديدا لتحقيق احلامهم في امتلاك السلطة ولو على أشلاء أبناء الوطن وهذا هو حلهم الوحيد لإسقاط المسار الدستوري والسياسي الراهن ...
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: محمد حيدر المشرف)
|
صديق سلامات ويبلغ يا عزيزي
تحياتي عزيزي صلاح
يتم اصدار تعميمات خاطئة ويتم تصديقها بصورة رغبوية
اي حديث عن الشعب او الجماهير .. ومن كل الاحزاب .. يجعلني اتحسس عقلي
المسألة الثانية ضرورة التمييز الدقيق بين تأييد الخط السياسي والالتقاء مع هدف مطلبي او الاستفادة من حالة سخط .. التمييز مهم اذا كنت تمتلك رؤية كاملة ذات بعد ايدلوجي وتصورات كاملة تحتاج لعمق مجتمعي لانفاذها
المسألة الثالثة وضع خارطة طريق عملية وواقعية تمتد لما بعد الإسقاط..
الأهم من ذاك ان مجمل هذا الطريق حتى في حالة فشله فهذا الفشل ممتد نحو أضعاف المكون المدني لثورة ديسمبر .. باختصار لن تفشل لوحدك بل تتسبب في فشل مجمل المكون المدني لثورة ديسمبر ممن وفقط لا يوافقون على خطك السياسي بطبيعتو الايدلوجية
عموما الوضع شديد التعقيد ومن الصعب جدا فك الخطوط المتشابكة..
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: محمد حيدر المشرف)
|
حباب طلت سيدنا المشرف ,,
عزيزي الوضع اذا لم تسقطه مظاهرات او اعتصامات فهو ساقط كسقوط الرواكب في الخريف بعد ان تقيف المطر لافتقادها مقومات الصمود ,,, الوضع الان في الخرطوم متدحرج نحو اللا حكومة (حتى وان بقيت المسميات) الخيار لانقاذ البلد (اتجاه واحد لا غير) استقالة المجلس السيادي بشقيه مدني عسكري و تحويل الحكومة الحالية (لسد الفراغ) الى حكومة تسيير مهام واجراء اصلاحات في الوثيقة الدستورية وعمل استفتاء عليها ,,,
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: Gafar Bashir)
|
Quote: المسألة الثالثة وضع خارطة طريق عملية وواقعية تمتد لما بعد الإسقاط.. |
وينا خارطة الطريق بتاعتك شخصيا ؟؟ والوثيقة الدستورية ولدت مشوهة ولن يصلح االعطار ما افسده الدهر ودستور 2005 والمحكمة الدستورية ورؤية الحركة الشعبية الاصل افضل من عواطلية قحت ديل كلهم الفلول استدرجو الشيوعيين لي مشروع الفوضي الخلاقة وكلاهما عميل رخيس للخارج المفضوح والجماهير الملت الساحة الخضراء 2005 ما مرقو لي مطرب مرقو لي صاحب رؤية مؤسسة بي دستور ووصلتنا انتخابات 2010 فشلا الفاشلين والساقطين القاعدين في راسنا كل واحد الليلة عامل ليه بوتيك بس وينعق
وينا خارطة الطريق بتاعتك ولي انت عاجبك المصطلح بس وقاعد تتمسخر كمان قايل نفسك الوحيد العندك مخ في البورد وفي السودان وينو اعلامك الواعي البربط الملايين بي خارطة الطريق بتاعتك يا اخوي المحاصصة دي انتهازية وقحة ترجع الاقاليم الخمسةفقط وانتخابات مشروحة هنا من 2010 باشراف المحكمة الدستورية والمراجع العام فقط نقطة سطر جديد او الفوضي الخلاقة واللفصل السابع بعثي ناصري شيوعي كوز سلفي ما بتجيبو الانتخابات يختانا بس دي امراض نفسية من الاساس وليست مشاريع سياسية واالسودانيين اطلاقا ما عرب من الاول وقرررط علي كده
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: محمد حيدر المشرف)
|
Quote: عادل سلامات انت قابلني متورم ذاتيا زيك عشان اخلف رجلي واحك مكان الصوف واقوم انجر لي ذات أمسية عدنية او في المكلا خارطة طريق وحيدة للشعب السوداني ؟! |
وانت عندك مخ من الاساس عشان تنجر والتورم الذاتي حصل للخرتوم بتاعتك دي بسبب الامراض النفسية دي الشيوعي والبعثي والناصري بعاعيت مايو وايتام العميل بابكر عوض الله والكوز والسلفي ايتام الترابي ومعاه السلفيين دي الامراض النفسية في السودان اي قرد في البورد ده عارفني بمجد الاربعة العظام السيد علي السيد عبدالرحمن الاستاذ محمود د جون قرنق وبرنامجهم ايضا ما في حاجة من عندي انا لا كتبت دستور 1973 ووقوانين 1974 ولا دستور 2005 ولا اخترعت المحكمة الدستورية دي كلها برنامج سودانية اكبر من دماغك وشعارك البائس والخرطة المشهوة وقحت لمة بلا مشروع انا وريت خارطة الطريق بتاعتي للتحول الديمقراطي انت وينا خارطتك بعدين اكون وين ما مشكلة انا مرقت من بلدي واعي مش قاعد في الخرطوم العفنةوارفس في اعلام الفكر السوداني جون قرنق ومحمود محمد طه تحت جذم المخابرات المصرية لحدي هسة ما علاقة قرود السيرك الخمسة الشيوعي البعثي الناصري الكوز السلفي بي السودان وبي الديمقراطية وبي والانتخابات عشان احرسهم في متاهة شعب اسود قحت خستكت عندك شنو تاني ؟؟؟
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: adil amin)
|
Quote: عشان اخلف رجلي واحك مكان الصوف |
اها دابك جاييي تلعب في بيت اللعب وانت ما وش الكلام ده ولا قدرو المسخرة زي دي خليها لسفهاء عطبرة معاوية المدير وحيدر الزين مكان الصوف كثير في الرئيسيات الهاي براميت وفي حتات كثيرة والقمل كمان .... والحك الحسي هسة خلي ركز في الحك الفكري بس لكن هل عندك تفسير للرجال البتمسحو بي الكريمات في المركز ديل ؟؟؟ مشكلتهم شنو ؟؟؟؟ هسة نحن في السودان ننتظر زي نوعك وخالد سللك والطيب مصطفي وصديق يوسف والسنهوري والاصم ومدني عباس يحلو مشكلة السودان ومن الخرطوم كمان ... حكمة والله وحكاية فعلا من وضع الوثيقة الدستورية واخترع المحاصصة كلب حر ساقط ليس الا ومافي ثورة في العالم بكون في راسك قاعدين خمسة جنرالات ومجرمين كمان وتدار بالاستخبارات الاقليمية نحن ما في 1964 نحن في 2021 هل سمعتو كلام علي حسنين هل اعتمدو خارطة الطريق بتاعوا وعلمو يا عاطلين عن المواهب هل سمعتو كلام ابراهيم منعم منصور في الملف الاقتصادي وفضحتو همبتة الشركات المصرية في الاعلام التافه بتاع قحت ده هل سمعتو كلام د منصور خالد انه غير الفدرالية ما حل ونيفاشا هي خارطة الطريق الوحيدة عليك الله اباري ديل ولي ساطع ؟؟؟
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: adil amin)
|
عادل سلامات
Quote: لكن هل عندك تفسير للرجال البتمسحو بي الكريمات في المركز ديل ؟؟؟ |
ههههه دي حرية شخصية يا عادل .. مش البتمسحو وبس .. الدائر يعمل نخرتو زي نانسي عجرم وشلاليفو زي كيم كارديشيان برضو حرية شخصية .. انت زول اوبسيليت يا عزيزي .. منتهي الصلاحية :)
من ناحية سلوكية يا عادل احمد لك جدا انك بقيت تخجل من التعبير المباشر عن العنصرية الراسخة فيك .. ودي حاجة كويسه انو الواحد يخجل شويه من التعبير الفج عن العنصرية الجواهو ويستعيض عن ذلك بالتعبير غير المباشر .. يعني بدل ما تقول اولاد وبنات الخدم والعبيد بقيت تتكلم عن الناس البتتمسحو بالكريمات لتغيير لون بشرتهم .. ولكن الا ترى يا عزيزي انك بذلك مركز شديد في قصة الخلفية الاثنية الاكثر سوادا ؟!
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: محمد حيدر المشرف)
|
Quote: ههههه دي حرية شخصية يا عادل .. مش البتمسحو وبس .. الدائر يعمل نخرتو زي نانسي عجرم وشلاليفو زي كيم كارديشيان برضو حرية شخصية .. انت زول اوبسيليت يا عزيزي .. منتهي الصلاحية :) |
يا محمد انا ما عنصري وانت اوت اوف ديت لانك ما بتعرف علم النفس السياسي ديل مازومين عايزين يكونو عرب بالقوة ومن خرج من جلدو جيف وشايفين الجنوبيين عبيد والمسوح بالايدولجيات القومية الناصري والبعثي والشيوعي بعاني من مركبات نقص في المركز ده غير السفير اليمني ما في عربي واحد وازمة السودان النفسية تتحل اول حاجة بتتحل الازمة السياسية لانه الكعوك ديل خاتننا تحت جذم المصريين والمخابرات المصرية من اول انقلاب لي اخر انقلاب تعريف العنصري في البورد وفي السودان ... هو البعاتي الشايف الجنوبيين عبيد وفرحان عشان انفصلو ( وجلهم من الرجال البتمسحو بي الكريمات) والبوست ده قاعد تعال هناك الراس بي الراس والرجال تموت متوافية عشان امعطك معط الفيلة الرجال البتمسحو بي الكريماتالرجال البتمسحو بي الكريمات
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: Gafar Bashir)
|
الأخ العزيز جعفر بشير تحية طيبة واحتراما
Quote: هل تفتكر ان تقويم المسار الحالي يحتاج الي مسيرات دعم او مسيرة تنادي باسقاطه؟
|
لا هذا ولا ذاك يا صديقي
المسار الحالي لا يحتاج لمسيرات دعم او اسقاط يحتاج لحالة ثورة ملحمية راشدة وعميقة ومستمرة والالتفات لتشكيل البناء القاعدي والاجتماعي للثورة في بعدها المطلبي والرؤيوي.
مسيرات للمطالبة بدمج القوات المسلحة وإعادة بناء وهيكلة القوات النظامية (تشكيل عمق ثوري ومجتمعي يعمل كمحرك فاعل في انجاز التغيير في هذا الملف وتحويله لواقع)
مسيرات للمطالبة بالإسراع في ملف العدالة ومحاكمة رموز النظام وقتلة الشهداء (تشكيل عمق ثوري ومجتمعي يعمل كمحرك فاعل في انجاز التغيير في هذا الملف وتحويله لواقع)
حراك سياسي واعلامي ومهني وتوعوي قوي لانتاج مفهوم سوداني للعدالة الانتقالية (تشكيل عمق ثوري وسياسي يعمل كمحرك فاعل في انجاز التغيير في هذا الملف وتحويله لواقع)
هذا هو شكل الحراك المطلوب .. وعلى ذلك قس .. عمليات اصلاح المنظومات العدلية, المطالبة بتفعيل الإجراءات الاقتصادية لتخفيف الضائقة الاقتصادية .. مخاطبة قضايا النازحين .. الخ الخ
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: عمار عبدالله عبدالرحمن)
|
الأخ العزيز عمار تحية طيبة ومشتاقين.
الانزلاق لحالة اللادولة لن يكون لسبب بسيط في اعتقادي ان لا مصلحة لاحد في ذلك بما في الكيزان والمكون العسكري وحركات النضال المسلح والأحزاب التي تسعي لاسقاط المسار السياسي الدستوري.
يجب التمييز الدقيق بين الرغبة في اسقاط مسار سياسي دستوري ووجود مصلحة في الانزلاق لحالة اللادولة. الكيزان على سبيل المثال وبصورة عقلانية يمثلوا الطبقة الأعلى في المجتمع صاحبة الامتيازات وذات المصالح الاقتصادية الأكبر, تجاوزوا الشرعية الثورية ولا يعقل ان يوقعوا انفسهم في فخ اللادولة لان خسائرهم مضاعفة.
كل ما يحدث الآن هو مرحلة عنق الزجاجة بتمظهر اقتصادي عنيف وأعتقد ان هناك استقرار نسبي قادم وبصورة مكانيكية سيتجه الجميع نحو شي من العقلانية (جدلية هيجل) ولعمليات اصلاح الخطأ على المستوى الدستوري والسياسي كما تفضلت ولكن بايقاع بطيء (ليس بطريقة تقديم الاستقالات في المجلس السيادي والحكومة)..
الحلول يا صاحبي وعلى شاكلة يجب تقديم الاستقالات هي حلول على الورق وتفتقر للمحركات التي تنقلها لارضية الواقع
مودتي وتقديري
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: علاء سيداحمد)
|
وعشان ما فى واحد يجى ناطى ويقول نبيل اديب ما كان فى لجنة صياغة الدستور هاكم الدليل :
Quote: قال محامون سودانيون إن الوثيقةَ الدستوريةُ التي تحكم الفترة الانتقالية، صاحب صياغتها أخطاءٌ مخلة، وشددوا على أنها مهدت الطريق للمؤسسة العسكرية للتمدد والسيطرة على مفاصل الحكم، في وقتٍ اتهموا اللجنة المعنية بصياغة الوثيقة والتي شكلتها قوى الحرية والتغيير إبان تولى المجلس العسكري مفاصل السلطة عقب سقوط ” نظام الإنقاذ” البائد، بتعمد اقصاء قانونين متخصصين في الدستور، ....... وشنوا هجوماً على عضوي لجنة صياغة الوثيقة نبيل اديب ،وساطع الحاج، وحملوهما ما أسموه بالخلل المعيب بالوثيقة ” .......، وأكد المتداخلون في ورشة ” العدالة الانتقالية والتأسيس الدستوري ” التي جاءت بتنظيم ورعاية من معهد السودان للديمقراطية بالتعاون مع “قروب” محامو دارفور بإعتباره صاحب المبادرة |
المطالبة بابعاد نبيل اديب رئيس التحقيق في فض اعتصام القيادة العامة من منصبه فوراً لانه انسان غير جدير بهذا المنصب .
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: محمد حيدر المشرف)
|
الاخ العزبز علاء تحية طيبة
Quote: لذلك لابد من ذهاب هذه الحكومة بشقيها العسكري والمدني وتشكيل حكومة مدنية قوية تعبر عن الثورة اولاً واخيراً وتشكيل المجلس التشريعي والمجلس السيادي مجلس تشريفي كما فى الوثيقة . |
تعرف يا صاحبي انا عندي مستويين من التفكير التفكير المحض والتفكير العملي
في مستوى التفكير المحض انا اتفق معك تماما .. ,ولكن التفكير من اجل تبني الرأى السياسي والحوامة بيهو في المجال العام ده عندو شروط امكان وتطبيق في المجال العام عشان ما نسوق الناس بالخلا بتاع التمنيات
ذهاب هذه الحكومة بشقيها العسكري والمدني عندو مستويان .. مستوى الذهاب بخلفية المسار السياسي والدستوري (ايا كان هذا الدستور كعب او كويس) ومستوى الذهاب مع ابقاء المسار السياسي والدستوري
الفرق بيناتهم كبير جدا ولكن الاتنين صعبات جدا ولا اعتقد انها المعركة التي سيكسبها المكون المدني الضعيف الانت اتكلمت عنو .. وحتما ليس بوسيلة الثورة السلمية لانو الثورة السلمية ما بتعمل كده .. ليس من طبيعتها انجاز تغيير تغير راديكالي .. انت محتاج لثورة اكثر عنفا بصورة مؤكده ولا اعتقد انك ستتخذ هذه الوسيلة ولكن القرار قرارك والرؤية رؤيتك وتنما احاكم رؤيتك وفقا لمقاييس القياس العقلي والمنطقي والمنطقي ايا كان هذا الراي
فهمتني يا صديقي ؟ يا نتكلم كلام ممكن التطبيق وعملي وايجابي .. يا نكون عادل امين
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: محمد حيدر المشرف)
|
Quote: فهمتني يا صديقي ؟ يا نتكلم كلام ممكن التطبيق وعملي وايجابي |
اكيد انا فاهمك يا دوك
وفعلاً من غير المنطق اسقاط حكومة بمظاهرة واحدة ولكن الذى اعلمه جيدا انّ المظاهرات سوف لن تقف ابداً وحتماً سيجد الثوار من يناصرهم من العسكر لان التظاهر دون سند عسكري لا ينجح فى اسقاط نظام .
| |
|
|
|
|
|
|
Re: ٣٠ يونيو ٢٠٢١ والدعوة لاسقاط المسار السيا (Re: محمد البشرى الخضر)
|
Quote: ٣/ لا يمتلك هذا الخطاب ادوات ووسائل انجاز المهمة الثورية طالما يتبنى آلية الثورة السلمية بقصورها الذاتي الحتمي والمتمثل ضرورة انحياز مكون عسكري لها .. من يريد أن يحاجج هذه الحتمية فلياحجج ولكن لا تستطيع الثورة السلمية ان تحسم اهدافها الا بانحياز مكون عسكري .. هذه هي طبيعتها .. ومن يريد أن يركع العسكر المأجور كما نشتهي لا يسير في الشوارع بالهتاف وإنما يتوجب عليه امتلاك اداة العنف المناسبة لتركيعهم. |
كلام واقعي ومحسوب ... لكنها فقاعه من باب العيار الليمايصبش يدوش ...
يعني هي حرب تخويف خير من يجيدها الكيزان والشيوعيون ...
لاحظ موضوع حميديتي متبني الضغط عليهو الحزب العجوز لو عملت ليهو رسم بياني بتلقاه طالع نازل ... مرهـ وطني ومره خاين ومره منقذ ومره مدمر ...
| |
|
|
|
|
|
|
|