Quote:
حبيبنا ود الأصيل وحدك بشاطي النييييل صدقني خطك جميل كيفك ود الحيشان التلاتة عساك طيب تعرف لو لميتو انت و البطة عدولي الحوثي تبقو دراويش لاقو مداحين . ما عارف منو فيكم الدرويش و منو المداح لكن العبور بكون ميسر نعم هو ما عندو حاجة تزكر لكن الناس بتتماسك ههههه
|
∆ ها قد عدنا حبيبو خضر الطيب الغالي تمر السوق
الهم قسموه ما بحوق. و لكن وينكم انتو كمية مهولة
من« ناس معزتنا الما ىنريد غيرم رحلو خلونا يا حليلم»
والبورد بدونكم بات يشكو قلة فئرانه و بالجد جد ليكم
وحشة القبور.. وين بريمة ، النذير حجازي ، محمد أبو زيد
ود الحسين، باكر قدور ،أسامة أبارو، وين «الدبور و النحلة»
ثم أين عمر التاج، فتى الأدغال و اللي كان لبعض الناس هنا
« هن خلوه حبس الدار.. و هن شالوه لا بنشال ولا بحتار »
و أما بالنسبة لي فيا غايب عن عيني لكنك في قلبي«في
عز الليل..ساعة النسمة ترتاح علي هدب الدغش وتنوم
أنا مساهر ..هد الحيل غرامك واجترار الذكري
وطيفك في خيالي يحوم يا هاجر»
∆ هكذا حال النوارس مهما أحبت
رمال الشواطئ ما بتعرف يوم رحيلا.
و«لما ترجعو بالسامة وترجع ايامنا الجميلة
يا سنا الروح و يا مداما و يا عواطفنا النبيلة
تهدو ليلاتنا ابتساما من زمان بنقول حليلا»
∆ عمومن ∆
«غيبو وتعالو
تلقانا نحنا يانا نحنا
ما غيرتنا ظروف
ولا هزتنا محنة»