♧ ما دا ظاطو الجنن عبد القادر£

على طاري الجنون و الجنون برضو فنون
▪ فمن هناك حيث حنتوب الجميلة تخرج أب عاج أخوي
يا دراج المحن.كان (طيش) حنتوب بكل جدارة ؛ و لكن
ياما دانت له أعناق (الأوائل) في زمانه بالبيعة و التأييد .

▪ و من طرايف عهد مايو ؛ قبال ما ننسى ، يكحى أن مظاهرةً طلابيةً
مرقت ضده ذات مرةٍ في الأبيض قايدا زول مسحلب يهتف بالأوطان:
"ادأبدن أبدن ما حا نتوب.. و لن يحكمنا طيش حنتوب" ؛ فقبض عليه
عناصر قوات مكافحة الشغب و جاؤوا به مكبشاً ليمثل أمام حضرة
الكوموندان، الذي ساله في محضر التحقيق ، قال: عارف عقوبتك تحت
المادة إما الإعدام شنقاً حتى الموت؛ او الإخفاء قسراً ما وراء شفق شمس
الأحمر؟! - يا سعادتك أصلي سويت شنو أنا؟! - شنو ، موش سبيتىقائدنا
المُلهم راس دولتنا أمير المؤمنين؟!! - و مين يا سعادتك قايدكم الملهم دا
و متين أنا جبت سبتو على لساني.- با زول بطل استهبال، مش مسكوك
تهتف ضد( طيش حنتوب؟!) ماك عارفو ؛ مين غيرو بس يعني يكون؟!
- كدي يا سعادتك قول لينا إنتا بي عضمت لسانك و حسب فهمك بس
مين يكون طيش حنتوب. الضابط لاوز لامن انتفض و قال لعناصرو:
"يا ناس هوي فكو الشيوعي العكليتة المعقفن دا هسة، ما يقوم
يجيب لينا كفوة يحشرونا زنزانة و يفكوه حُرَّاً طليقاً!!