♧ ما دا ظاطو الجنن عبد القادر£

▪ يَحِلَّنَا الْحَلَّ بَلَّةَ π√
£ (دفع الله ود الأصيل)


[} أها ثانى يوم جاء عمنا أُمْحُمد أحمد و للشلاقة نزل يجبلغفي نفس ترعة بلة .
فإذا به يرفع راسو ليجد ذات نفس الخواجة منشحط من فوق ليه و بدأ بحقق معاه:
لماذا نزلت الترعة عمك قال ليه: رايح منى صحن طليس هنا و بدور أگوسو كان ألقاه
فقال له الخواجه يلا اغتس برضك طلعو لينا النشوف الليلة حكاية الصحانة الطالعة لبنا
في البخت دي كمان. أها عمنا أُمْحُمد أحمد و قد سٌقِطَ تماماً في كلتا يديه بقى فاتح
خشمو شبرين و مشتح عضيناتو متل صفق العُشَر. والخواجة طوالي عرفو مستنكح
ساي فقشطو كرباجبن عربون محبة و داير يكلبشو يسوقو معاه لقسم الأساس
(الظبطية) و هداك لا يوم الليله و باكر عمك يغتس و يقلِّع بدون فايدة و
يندب في حظو ؛ قائلاً: الليلة عاد يا تور عفينة الشين يا الشيخ عوض
هييي الجيد يحلنا الليلة عاد الحلا بلة من القيد و المذلة.

¶ أها و نحنا ظاطنا ما فاضل علا نردد معاهو نفس
المقولة في شكل كورال: يحلنا عاد الحل بلة من فتيل
المهانات و من عيشننا البقت ملطشة وصفوف مذلة!

* ود ا ل ح ي ش ا ن ا ل ت ل ا ت ة
ملدوغٌ من جُحرٍ مرتين.. ومؤذنٌ
محجورٌ منزلياً بجزيرة مالطة،؟،،