# تسغط.. و بث#

●》 المهم ظل السادة المغتربون بالسعودية و الخليج
في حالة ترقبٍ حذرٍ كالذي يسبق غضبة الهبباي . والليامات
ديك كل زول عامل فيها صخشيةً هامةً وعندو قريبو أو صاحبو
الروح بالروح في السفارة أو في القنصلية والتلفونات شغالة تطاقش
بي تحت تحت والواسطات مدورة كل زول مجهز ريالات. منهم
ظبط أموره فقضى( وطره ) و منهم من لا يزال ينتظر .

●》فجأة كدا أعلنو عن وصول اللجنة ااموغرة لقنصلية جدة
وقد هُرع إلها الجميع زرافاتٍ و وحدتنا ، رجالاً و نساءً و على كل
ضامرٍ كل فج عميق الأعمي جا شايل المكسر. يلا تعال شوف لبك
جنس مكابسة تدافعٍ ، قبقبة و كطيع زراير وهاك يا دا محلي و أنا
حاجزو بي طوبة و المكرفونات تلعبع و العجاجة رابطة في السما
ويا زول ما تدفرني بىاي بقع و لا بقبل عليك و الله بخرب ليك
وشك ؛ بعدينك علا يفرزونا باللباسات و لا بحمض ( DNA )
النووي. و تزاحمت الجموع كيوم الحشر بالمناكب و الأقدام
فلم يتركوا ثغرة لموطئ قدم حيث نُصِبت الحواجز و
وضعت اامتاريس انتظم الطابور من دغش.

• يا جماعة نظمو لينا الناس ديل بالطريقة
دي نحنا ما حا نقدر نشتغل (جدية ما عادية
ومعاها صرة لزوم المكنة وكدا 😂😂😂 ) .
• هاااا أنت اسمك منو ؟
• عشان نكسب الزمن يا جماعة جوازك ولازم يكون
ساري المفعول( لزوم الوهمة تنطلي) و ألف ريال ،
سرعة ياجماعة نحنا من الصباح ما أكلنا.
• هااااا سرعة يا جماعة البعدو.
●》 لمو ليك في المعطربين ( من عطرابة الشواء )
على رواية صاحبي ود التهامي) طقطقوهم ليك في فرد
ضحوية وأدوهم شهادات البحث الفي الصورة أدناه وكمان
اعتذرو للباقين إنو العقود إنتهت وفي واحدين رجعوا بخُفَي
حُنينٍ يدافعون الأخبثين حانفين وشوشم زعلانين ؛ دايرين
ينشقو.لكن كان جينا للحق كانوا هم الناجين الوحيدين.