# تسغط.. و بث#

▪ عمومن،تربت يداي و يسلم لي يراعك و بخدر ضراعك
صديقي الوريف يا مرهف الإحساس و صادق الوجدان الشفيف.
[} كتب لي حبببنا اامشاكس/عادل القاسم قال:" يا ابن البادية ود
اللصيل، قلنالگ بطريقتك دب يوم بتكتل ليك زول في السهلة.

[}قلنالو:" بل سوف أموت أنا المسافر عبر بوابات عشقنا التواق
لعذوبة البوح القراح .. كم ترهفون السمع لحرفي الفضفاض تحمله
طيات الغمام سحاباتٍ حماقى عصية الدمع .. إذ تأبى الهطول..

[} هون عليك يا أخي أيها القاسم العادل ..ما برحتْ فوهات جراح
أقلامنا تنضح مداداً سلسبيلاً .. كزَفَرات طواحين الأنين في الهواء مع
صرير السواقي النايحه عِزَّ الليل..حنين الدنيا ممزوج في بكاها.. زي
طيوراً في الفروع محتارة بتفتش جناها..و غدا يضيع دفتر العمر منا
كوريقة توتٍ يابسةٍسقطت ذات خريفٍ قحطٍ من حويصات طَيْرٍ خُضرٍ .

[} نظل نتوسم جواركم بغدٍ يطير بجناح حرفٍ
مدوزن كأنغام أرجوزةٍ طفوليةٍ، إذ ننشد هاتفين:
☆ بابا سافر مكة
~جايب لى حتة كعكة
~و الكعكة جوة صندوق
~و الصندوق عاوز مفتاح
~و المفتاح عند النجار
~والنجار عاوز فلوس
~و الفلوس عند السلطان
~و السلطان عاوز عروس
~و العروس عاوزه المنديل
~والمنديل عند الجهال
~والجهال عاوزه اللبن
~واللبن عند البقر
~والبقر عاوز حشيش
~والحشيش تحت الجبل
~والجبل عاوز مطر
~والمطر عند ربنا
~ربنا يا ربنا
~ ربنا يجيب المطر

♡ أخوي الصدوق صادق الوعد ،
~ و كتين نشيل هم الكلام.. ونرميهو
~ زى عضنن عديم اللحم لى عين الشمش
~ و تغني في جواكا بي صوت (حزنٍ قديم)
~ خوف الملام و تنادي للناس يا هوي يا بشر،
~ شليل وينو..شليل وين راح جيبوه من عتمة
~ ظلام .. تصبح حروفك زي طلاسم دايرا لا
▪بس تعويذة من خشم السكات بت المنى.