♧ أريجا دُعاش و حِزمة نالْ£

لكم خالص رفاق القرطاس و القلم
فعبر أثر جغــرافيـــا ااترهوعبىدر اللا~مكان
و مرافئ الغربات البعيدة علي جناحـــات الوجع
والألم الدفين جلستُ القرفصاء أرقب حضورك
لتأتي لنقرأ سوياً واقع دواخلي المدلوقة هنا
مداداً سلسبيلاً. مدراراً لا أن يكون مجرد كما
قالها الفرعون وردي :::
لم يكن إلا لقاء وافترقنا
كالفراشات على نار الهوى
جئنا إليها واحترقنا
كان طيفاً وخيالاً و رؤى
ثم ودعنا الأماني وأفقنا
☆ فكلما افترقنا ينبجس فبنا خاطر أضغاث
أحلامنا بلقاءٍ مُتجددٍ غير مُرتبٍ، و اللقيا أجمل في
الحقيقة بلا ميعاد علي وعثاءالمسيرعلى سلكة وتر
الإحساس بأن لا وصول و يكمن نكون كمان دايماً
(فاطين سطر) عشان تتونس بي و أتونس بيك..
و (خالطين) أبعاد المنافي بقصة تفعيل
الماضي بلا رجوعلأوجاعنا المكتومة
ما بين الفشافيش تحت الضلوع.
▪ ﺟﻴﻨﺎ ﻧﺨﺖ ﺃﻳﺪﻳﻨﺎ ﺍﻟﺨﻀﺮﺍﺀ
ﻓﻮﻗﻚ ﻳﺎ ﺍﺭﺽ ﺍﻟﻄﻴﺒﻴﻦ
ﻳﺎ ﺑﻨﻮﺕ ﺍﻟﺤﻠﺔ ﺍﻟﻌﺎﻣﺮﺓ
ﺍﺑﺸﺮﻥ ﺑﻴﻨﺎ ﻋﺪﻳﻠﻪ ﻭﺯﻳﻦ
*******
ﺍﻓﺘﺤﻦ ﺍﻟﺒﻴﺒﺎﻥ ﻭﺍﻟﻄﺎﻗﺔ
ﻭﺍﻣﺴﺤﻦ ﺍﻟﺪﻣﻌﺔ ﺍﻟﺤﺮﺍﻗﺔ
ﻧﺤﻦ ﺍﻟﺒﻨﺤﻘﻖ ﺃﻣﺎﻧﻴﻨﺎ
ﻧﺰﺡ ﺍﻟﻮﺟﻊ ﺍﻟﻤﺘﺤﺪﻳﻨﺎ
ﻧﺸﻖ ﺍﻟﻮﺍﻃﺎ ﻧﺒﻞ ﺍﺷﻮﺍﻗﺎ
********
ﺍﻧﺘﻦ ﻧﻴﻞ ﺳﺎﻗﻴﺎﻫﻮ ﺍﻟﻐﻴﻤﺔ
ﻭﻋﺪﺍ ﺃﺻﺒﺢ ﻓﻴﻜﻦ ﺷﻴﻤﺔ
ﻭﻧﺤﻦ ﺍﻟﻨﻮﺭ ﺷﺎﻳﻼﻫﻮ ﻋﺰﻳﻤﺔ
ﺍﻟﻨﺎﺭ ﺑﺘﻤﻮﺕ ﻟﻮ ﻧﺤﻦ ﻧﺴﻴﻨﺎ
ﺍﻟﺨﻴﺮ ﺑﻴﻔﻮﺕ ﻟﻮ ﺍﺗﺮﺍﺧﻴﻨﺎ
ﻭﻧﺮﺟﻊ ﺗﺎﻧﻲ ﻧﺪﻭﺭ ﻓﻲ ﺍﻟﺪﺍﻳﺮﺓ
ﻋﺪﻳﻤﺔ ﺍﻟﻔﺎﻳﺪﺓ ﻋﻘﻴﻤﺔ أﻟﻴﻤﺔ
***********
ﺍﻟﻮاﻃﺔ ﻣﺸﺘﺎﻗﺔ ﻭﺑﺘﻨﺎﺩﻳﻨﺎ
ﺍﻟﺮﻋﺪﺓ ﺑﺮﻭﻗﺎ ﺑﺘﺸﻠﻊ ﻓﻴﻨﺎ
ﺍﻟﻤﻄﺮﺓ ﺑﺘﻐﺴﻞ ﺧﻮﻓﻨﺎ ﺍﻟﻔﻴﻨﺎ
ﺍﻟﺨﻮﻑ ﺑﻴﻀﻴﻊ ﻟﻮ ﻧﺤﻦ ﺑﺪﻳﻨﺎ
ﻳﺎ ﺑﻨﻮﺕ ﺍﻟﺤﻠﺔ ﺍﻟﻌﺎﻣﺮﺓ
ﺍﺑﺸﺮﻥ ﺑﻴﻨﺎ ﻋﺪﻳﻠة ﻭﺯﻳﻦ

/عماد الدين إبراهيم/